Dear Papa,
Khawvel hi a lova makin a lova nunrawng ngai em em ve le! Ka chhuan em em ka pa,anihna takah chuan thi ve thei turah che pawh ka lo ngai ngailo che a,hmana thihna chungchang min hrilh thin pawh khan mi chan turah ka lo ruat thin a. Ka piin i ruang a rawn hmuha “Bawiha, i pa hi”a tih pawh khan ka rilruin ‘ka pa athi theilo’ ka ti a, mahse i ruang meuh ka hmuh takah kha chuan hai rual a ni ta lo. Ka rilruna beidawng lutuk khan engmah ka hre mumallo.
Ka biangah mittui luang tur awmlo mahse ka thinlung a ruma,ka rilruin ka tap zawih zawih zawk anih kha.Kha hun thim tak kha engtin nge ka paltlang tih hi vawinni thleng hian keiman leh keimah ka in zawt nawn fo thin a sin.
Ka pa, i tello chuan khawvel hi nuam ka van ti lo em! i hmangaih thinte leh i lainate zingah ka zawng che a,mahse i awm si lo;hmuh phakloh kawlvalenchhamah i awm anih zawk ka ring a,i lo haw leh maite hi ka beisei reng thin che sin. Tlaikhaw thim dawnah hian ka nu leh unaute hrilh ngam si lovin kan kawngkharah ka dak reng thin a,khua a thima chaw ei hun thleng pawhin ilo haw chuang si lo, zanah mut alo huna khumlaizawlah nangmah ngaihtuah reng chungin ka mu meng reng a, thlahrang i sawi thin kha ka hre chuak a.
I thla tal hmuh beiseiin ka lo nghak reng thin che a, mahse bei ti dawng zualtu mai alo ni leh si.Khawvar dawnah beiseina zawng zawng a beidawn tawh hnuin harsa fein darkarhnih vel ka mu hil ve a,zing ka thanharh ve leh ka rilruah i awm le nghal thin.Kan inchhak step tak ngail pawh kha chawllo chuan ka kal chhuak zo tawhlo,hringtu te an boral meuh chuan tha a zawh ngaih mai a nia an tih hi a dik anih ka ring ta e.
Kapa,thil reng reng chu a dam zawnga lak tur i tih kha changchawiin ‘hnah hlui chu hnah tharin athlak tur alawm’ tiin ka rilru ka ti paukhauh a, mahse rei a daihlo. ka thinlaiah i hlui thei mawlh si lo.Matric ka fail a min fuhna tawngkamte kha ka van hre nawn leh chak tak em, Matric ka pass ve a i lawm zia leh keimaha beiseina i neih lenzia i hmela lang chuakte kha hmuh leh theih ni se la aw! Vawikhat chauh tal i tanga bei leh theih ni se lak van ti tak em, naupangte kan nih laia ka u nen i malchunga min thut tir a thawnthu min hrilh thin te kha, ka la theihnghilh bik miahlo a sin.
Ka zirna avangin i ngaih em em i seilenna Shillong khawpui chu loh theihlohin ka paltlanga, kan luh tan tirh atangin, ami deh dan adang zar mai,ka mittui ka sum zo nganglo a ni,ka pa, min hrethiam ang che o,mittui a ni lo, lungngaihnatui thinlung beidawng tawp atanga lo chuak a ni zawk e, ka mitthlaah i cham reng a,ka hmuh mai che rinnain min rawn tuam nawn leh bawk a, Shillong khawpui chu zah em em chungin ngawi rengin mittui nen ka thlir liam ta,ka rilrua thil awm leh anat dan tur chu i hre thiam mai ang ti raw!
A tawp ber atan chuan heti hian ka thlahliam ang che..
“Daddy welcome me and hold me tight,
When the time comes for me to response my heavenly call
But for the time being I should say so long Dad
I’ll Wait patiently till I cross the River Jordan”
I Hmangaih em em
I Fapa
July 22nd, 2010 at 7:14 pm
va thra ve hei chu
Report this comment
July 22nd, 2010 at 7:14 pm
ka lehkhathawn hmasa ber ka hre tawh lo. ka haw nghal
Report this comment
July 22nd, 2010 at 8:01 pm
huxley@ Pa i nei tawh lo maw? Ka va lainat tak che em!! Nu chu i la nei ang chu maw, nute hi an hlu a nia. Kei chu pa ka la neia; nu ka nei tawhlo thung. I pa chuan van atangin i lehkhathawn hi a lo hre ve ngei in ka ring. Kei pawh ka nu ka thawna; ka mumangah a hmuh thu min hrilh a sin.
An hnen kal ve thei turin kan in buatsaih dawn nia.
Report this comment
July 22nd, 2010 at 8:07 pm
I thil ziah hi i edit uluk lo deuh anih hmel. Siamthat ngai a awm nual mai.
A thu erawh a tha e.
Report this comment
July 22nd, 2010 at 8:08 pm
I ziak lungkuai thiam kher mai, Suangtuahna khawvelah min lentir delh delh thei a lawm maw le.
Report this comment
July 22nd, 2010 at 8:20 pm
Ngaihnawm phian a, i thiam vang nge ni anga i luanliam em vang tih te ka ngaihtuah
Report this comment
July 22nd, 2010 at 9:03 pm
chhungte thi hi awih tak tak (or hriaatthiam tak tak) a har ve khawpin ka hria, la hmu leh dawn tlata inhriatna tehi a awm thin..
Report this comment
July 22nd, 2010 at 9:46 pm
Nia!
Report this comment
July 22nd, 2010 at 10:15 pm
ngaihtuah pawh ka ngaihtuah duh lo…. Ka phal lo.
Mahse, chhiar a nuam si.
Report this comment
July 22nd, 2010 at 10:32 pm
Kum 2001 a ka pa min boralsan ta kha min ti hre thar leh, ka mumangah ka lo hmu leh nawlh thin. Pa te thi sun nasa ve pawl tak chu ka nih ka ring, mahse ka ti lang thiam ve lo a
Report this comment
July 22nd, 2010 at 11:13 pm
Dawm changin, suihlung kan phang
Zuapa tello a runhmun lawi chu
Hrilh kan hai i hraileng zawngte
kan au che tah lai kan bang thei lo
min dawn lovem ni, fam min chan san.
https://www.youtube.com/watch?v=Be7IkfFThpk
Report this comment
July 22nd, 2010 at 11:24 pm
Chhiar nuamin ava hrehawm si ve.
Report this comment
July 22nd, 2010 at 11:47 pm
Pa fa inzawmna/ hi a then chu a nghet vaklo a ang, a nghet deuh te thu chham hi a mawi thin khawp mai..
Report this comment
July 23rd, 2010 at 12:01 am
Komment ava tlem eeee. Ka’n OT leh lawk. Ka lung a leng
Report this comment
July 23rd, 2010 at 12:03 am
Ka PA hlutzia hi a damlai khan ka lo hrechianglo a, a thih hnu hian ka chiang tulh tulh a, a kum tel in ka chiang chho zel dawn niin ka hria.
Nu leh Pa la nei te u, Nu leh Pa in la neih avang hian nitin lawmthu Pathian hnen ah sawi thin rawh u in hman chuan.
Nu leh Pa te hi an nihna aiin an lo ropui asin
Report this comment
July 23rd, 2010 at 12:32 am
Khai aw!hetiang lam chhiar hi a nawm dan a nuam lo!Pa ka la nei a,kanu,ka dam chhung a ka theihnghilh ngai loh tur a thih dawn hnaih, a khum bul a lungngai vawrtawp a ka awm lai te kan ngaihtuah chhuak a!a vui zan a ruah an sur phei kha chu ka mu miah lo kha a niah!zan dar 1 vel ah kan in ngaihtuah vang2 a,silpoulin a kanu an phumna thlan ka zuk khuh nghe2 a nih kha!Hmangaih te an phumna a nih hi chuan thlanmual te hi hlauh na chang reng2 a lo hriat loh theih a,thlarau te hi(kanu thlarau) hmuh theih se ka hmu chak ngawih2 zawk a ni!mahse khawvel hi zawng hetiang reng2 hian kan hmang ang a,kan la boral ve dawn hi a lo nia!Ka khawhar zual chang a piang in kanu thlan hi ka la tlawh thin,khawvel thil a mithiam/lehkha thiam ni lo mahse,a theihna zawng2 ka(n) tan a hmang ral raih tu ka nu hi ka va ngai zual thin em!Vanram te hi a awm tak2 ngai a nih chuan kanu kal na tur a ni ngei ang! a thih dawn thleng a phunnawi miah lo a Isua faktu leh a nun in Isua chawimawitu kha a nia!Khawvel hi a fair lo tih chang ka va ngah em!!
Report this comment
July 23rd, 2010 at 1:16 am
He post hi a rawn chhuah tirh khan ka chhiara, first para bak ka chhiar peihlo. hehehe
Report this comment
July 23rd, 2010 at 10:16 am
A tha hle mai. Mittui a tihnam e! Hringtu Pa te meuh han chan chuan mihring hi kan bul riauin a hriat a sin! Tar chak lo te pawh nise in chhung an lo uap lum ve tek tek te hi an hlu teh a nia! Nu leh pate hi an dam lai ngei hian kan tawngka leh chetzia pawhin i chawimawi fo ang u.
Report this comment
July 23rd, 2010 at 5:46 pm
rilru sawi ve vak a va chakawm ve awwww….ka pa in 2001 a min boral san hma kha chuan ka hlim thin ttun ah chuan ka din hmun a dang ta daih mai le…..ka la hriat reng chu ka pa in kan in a engkim hi i ta vek tur a tih thin lai kha.. tun ah chuan chan tur i nei ve lo tih chiah hi ka chan tawk a ni tawh….. a thihni khan min rawn hrilh hma in ka hre lawk leh nghal… a tuar tu tan chuan sawi thiam a har tuar ve lo tan hriat thiam a har a nih hi
Report this comment
July 23rd, 2010 at 9:06 pm
Naupang pawisawilo ang maiin i tahhla uluk lo mah la, a tak zia leh a mawina chuan fiah takin hnuk a kuai.
Report this comment
July 23rd, 2010 at 9:24 pm
Nia anihna takah chuan a cheibawlna vel ka ti hmanlo a, ka duh angin ka edit thei hek lo.. he thu tawite ziak tur hian ka mittui ka seng hnem em a,ka duh angin ka ziak chhuak thei ta lo a ni… mahse tlin hram ka duh si a,a hnua kan edit leh dawn ngial pawhin ka thei ta lo a ni…
Report this comment
July 23rd, 2010 at 11:49 pm
A thu a mawi top.
Report this comment
July 26th, 2010 at 5:46 pm
@funny chhiar leh ziah ve ngaih hun i la nei ve mai ang
Report this comment
July 26th, 2010 at 5:52 pm
keichu ka chhiar chhuak vek nia aw..
Report this comment
September 9th, 2010 at 9:54 am
[…] Letter to Daddy (Pa hnena Lehkhathawn ama hnen thleng ngailo tur … […]
Report this comment
September 9th, 2010 at 12:52 pm
[…] Letter to Daddy (Pa hnena Lehkhathawn ama hnen thleng ngailo tur … […]
Report this comment
September 11th, 2010 at 1:47 am
[…] Letter to Daddy (Pa hnena Lehkhathawn ama hnen thleng ngailo tur … […]
Report this comment