Fûr khawchhe hnuaiah Mizo film hautak leh senso tam ber tura ngaih ‘KHAWNGLUNG RUN’ film shooting chu zawhfel a ni ta.He Film-a senral zawng zawng hi a pawisa fai chuan cheng nuai 7 chuang tura ngaih a ni a, hei bakah hian mi thahnemngaite`n tha leh zung bakah hmanrua, lirthei leh thil tul dang tam tak an thawh bawk. Khawnglung khua atan hian In sawmthum vel sak chawp a ni a, heng Inte hi halral leh vek an ni. Tin, he film-ah hi-an mihring 300 atanga 400 vel lang tura ngaih a ni.
He Film shooting chhung hian buaina tam tak an tawk a, Tuilian, zum leh hriam kara shooting hi neih thin a nih avangin intihpalh avanga hliam tuar engemaw zat an awm a, he film-a changtute zinga mi, role pawimawh tak nei pakhat, shooting chhunzawm thei lo khawpa Damdawi Ina zai ngai a awm avangin hun eng-emaw chen shooting pawh a khaihlak phah nghe nghe a ni.
Shooting hi Motor leh khawl thil ri velin a tihbuai a rem loh mai bakah background-a a hunlai mil lo thil a lan a rem loh avangin Ramhnuai hla tak takah ke a hmanrua inthiar chawpin neih thin a ni. Lunglei khaw chhehvel bakah Thenzawlah te, Vanva lui, Mat lui leh Tlawng luiah te shooting neih a ni a, Lui tuilen lai a nih avangin fimkhur a ngai em em a, venhimna lam pawh uluk taka buatsaih a ni.
Read more @ http://vulmawi-daily.blogspot.com/
Similar Posts:
- ‘Khawnglung Rûn’ Fiamthu
- Khawnglung Run ti leak out tu chhui zel dawn
- “Khawnglung Run” film a leak
- Cabin film tlangzarh a ni
- A hunlai chuan….
(Y)
July 26th, 2010 at 8:22 am
Hmuhnawm hmel hle mai.
zualbonez,badboy,frost te hmang mai se, make up a ngai miah lovang, hmel zo tawk an duh anih chuan :lol:
Report this comment
July 26th, 2010 at 8:43 am
Mizorama hetiang lama thiamber Mapuia of Leitlang Picture kutchhuak hi a tha turah ngai phawt ang. En a chakawm hle mai. Ka lei ngei bawk ang.
Report this comment
July 26th, 2010 at 9:13 am
ka va en chak ve awww
Report this comment
July 26th, 2010 at 9:13 am
Mizo movie ngei chu
Report this comment
July 26th, 2010 at 11:48 am
A tha e.
Report this comment
July 26th, 2010 at 1:38 pm
A hmuhnawm ngawt ang, sawisel tur pawh a awm ang.. mahse, a hunlai ang thei ber turin an chang a, a hmun an uluk bawk a, pawisa tam tak sen a ni a, inhliam te leh buaina an tawh atang te khian tihtakzet in an chang tih a hriat a. Mizo film siam tawha hit ber ni turin duhsakna ka hlan e..
Report this comment
July 26th, 2010 at 3:19 pm
He film thawnthu zirtir chu EARLY TO BED EARLY TO RISE a ni daih a sin.
Report this comment
July 26th, 2010 at 5:50 pm
test
Report this comment
July 26th, 2010 at 5:52 pm
Hmuhnawm hmel hle mai.
Report this comment
July 26th, 2010 at 6:48 pm
An senso 7 lacs bawr velah hian a changtute hlawh a tel em le? An senso zat hi an hmu kir leh a ngem le?
Report this comment
July 26th, 2010 at 10:16 pm
Nia a chang tu te khiang ngzah nge an hlawh ve ang le
Report this comment
July 27th, 2010 at 10:36 am
En a chak awm tawh khawp mai.., mahse Kan ramah chuan a buaipuitute in sensona ngaihtuah loin kan lo copy ru leh vak palh ang tih ka hlau.., a original copy ngei lei theuh i tum ang u..
Report this comment
July 27th, 2010 at 12:37 pm
Khawnglung Indona hi Sailo leh Sailo lalte inbeihna rapthlak ber a ni a, a chhan pawh hnam dang an rawih avangin an thi nasa hle a ni. Khawnglung khua hi chhim lama awm, Sailo lal Thuama khua a ni a, a kiang lawk Khuanghlumah Fanai lal Khawtindala a awm bawk a, Hmarlam Sailo lal Vuta’n Fanai ho chu a tlawn a, a tan kawppui thei ta deuh mai a. Tichuan Khawnglung run turin Chhak(Tiau Ral) Pawih ho leh Fanai ho a ruai ta a.Vuta fate Lalnguauva leh Lalvunga an tel bawk a, an kal dawnin Vuta chuan a fate hnenah, “ral that lo chuan lo haw hlek suh ang che u, Pawi chhe hote, an tukkhum lamah tawh chuan kap thuai thuai mai ang che u” tiin a chah nghe nghe.
Khawnglung khaw zawlbuk tlangvalho muthilh lai takin an va thrawng thut a, Khawnglung tlangvalten thawh in hai e, tiin thingnawiin an deng tho va, tumah chhuak thei lovin an dang char a, an kap hlum ta vek a, mithi ruang hi a inkawkalh phung hlawm e, an ti thin. A rapthlak viau a ni awm e.
Tichuan, mi tam tak salah an man a, an lalnu Thuama nupui leh a fapa Lalhleia an man tel bawk a. Tichuan, Vuta fapa Lalnguauva te unau chuan Sailo meuh Pawi chhia-ina an man chu an lainat leh ta si a, ” Sailo meuhvin Lentlang kan liam ngai lo ve, an ni chu kan khaw lamah kan hruai ang e” an ti a. Mahse Pawi ho chuan an phal lo va, “Mahni hma zawn zawna mi neihah, tiin mahni tan kan bei a ni a, a tha kan hmuh a, in phal leh si loh, in thu thu, an ti a, an kal tau dawn ta mai a. Lalnguauva te chuan an tuar ngam leh ta lo va, Thuama fapa Lalhleia chauh an hawn a, a chu Pawi an hawntir ta a. Lalhleia nu leh midang tam tak chu Pawiin an hruai ta a, tap zawih zawih chungin Lengtlang an liam ta a..
Heng te hi detail vak lo deuh, kaih tawi deuh taka ziah puat a ni a. Pastor Liangkhaia ziak leh B.Lalthangliana te ziak ka chhiar atanga lakchhawn a ni ber awm e.. tihsual a awm palh chuan ngaihdam. Tawngkam pawh an mahni dah ang angin ka dah hrih phawt..
Indo rapthlaka an sawi leh pakhat chu “Thlawnrawn Rawt” thu kha a ni a.. Thla 3 vel chu kawnglaia thisen luang rimchhia kha a reh thei lo ve, an ti thin..
Report this comment
July 27th, 2010 at 1:00 pm
Khawnglung hmunah sawn zan 4/5 vel chu ka riak ve tawh a, Forest lam pawhin an enkawl tha viau chuan ka hria. A lunglenthlak khawp mai. Ramsa chhiar tura riak lut kha kan ni a, a chuan hnuai lamah chuan Zawng pawh a tam khawp mai. Thawnthua an sawi thin hi a lo dik takzet a, kal khan hi pakhat bak a awm miah lo! A piah deuhah kan va phei chuan a lo bung vut mai a, a hnuaiah eng lui emawni a lo awm a, a ral lehlam ah chuan khaw pakhat a lo lang tuarh mai a, chu chu Rambuai hun laia Sialsir Parliament an tih khua kha niin an sawi nghe nghe, a lunglenthlak duh khawp.
Khawnglung khuaah hian mi an cheng rei khawp mai a; an soi danin 1980’s chho velah pawh khan an la awm nghe nghe a ni awm e. Tuikhur tha tak te pawh an siam a, chumi chhak chiahah chuan riahbuk pawh kan sual nghe nghe. He Film an siam dawn tan tirh lai khan a Khawnglung hmunah ngei sawn siam ve ka lo duh khawp mai a, a hmuhnawm lehzual tur a nia. Chalthanga’n Thanghniangi a ‘englo’ na lai vel pawh tha takin an la humhalh thlap a sin hehe.
Report this comment
July 27th, 2010 at 1:13 pm
Mizo History ziaktuten an tihsual em em chu Pawi leh Mizo indo angin an ziak thin a. Chutiang zelin Paite leh Mizo etc.. hei hi a pawi em em a.. Lusei leh Pawi indo te, Paite leh Lusei indo ang te pawhin ziak se a dik thlap ang. Mizo leh Paite emaw Mizo leh Pawi emaw kan indotir thin avangin kan buai phah nasa hle a. Hei hian thangtharte thinlungah chi a tuh tlat lehnghal a.. a pawi em em a ni.
Mizo ah chuan Lusei, Pawi, Paite, Hmar etc.. kan nih vek avangin kan history ziaktute hian ziak tha leh thei se ka ti vawng vawng thin. Mizo anga lungrual taka ke pen a har phah thin a, a pawi em em a ni.
Report this comment
July 27th, 2010 at 1:23 pm
@Zorunpuia i sawi dik khawp mai, hei vang hian alawm kan unau ten kei chu MIZO ka nilo Paite/Hmar/Lai/Pawi…etc ka ni an tih zel ni, MIZO ka ni kan tih hian Paite/Hmar/Lai/Pawi ka nilo tih a kawk tlat.
Report this comment
July 27th, 2010 at 2:46 pm
#63 zorunpuia. I sawi tawi kim thiam khawp mai. He story ending hi sawi dan a inang lo khawp mai. Ziaktu hrang hrang ziak dan pawh a inang lo. A then chuan Tiau lui an kan lai khan Thanghniangi kha tui lianin a la a, a tlahlum niin an sawi a, a thenin tui lianin a vawrh chhuak leh angin an sawi bawk a. Ziaka chhinchhiah chiah hi a awm tawh thin loh avangin engpawhnise, a ending laiah hi chuan a thi emaw a dam emaw pawi a sawi tam lovah ka ngai.
Mizo tih tawngkam hi engtiang taka upa nge a nih ang? Hetih hun lai hian Mizo tih tawngkam hi an lo hmang ve reng tawh angem? An hmang lo a nih chuan zurunpuia sawi hi ka tawmpui khawp mai.
Report this comment
July 27th, 2010 at 8:16 pm
Kan history ziaktute hi lo tho leh se an thil ziak in pawi tamtak a tawh avang hian hrehawm an ti viau in ka ring thrin. ziaka dah belhchian dawl lo leh han analyse a thil nithei miah lo te hi a tam reng ani. Heng dilute a tihfiah hi thrathar ten kan Ko-a kan put trang trang a ngai fo mai anih hi
Report this comment
January 17th, 2011 at 8:15 pm
an release tawh em?
Report this comment
January 17th, 2011 at 8:19 pm
dik taka Pawi ral hlau renga an siam loh chuan ka en paih thak lo
Report this comment
January 17th, 2011 at 8:20 pm
#70
Report this comment
January 17th, 2011 at 8:24 pm
@ 71
Report this comment
January 17th, 2011 at 8:26 pm
pawi zawng in maw heti lai ah pawh…engkim hi hnam zawnga in lak vek le, hmelthat leh that loh ah pawh hnam zawng in
Report this comment
January 17th, 2011 at 8:27 pm
Pic a silai keng ho khi Pawi anga chang anni mai lo maw…an sam hma lamah an bawk tlat….a dang ho zawng khi Lusei bawih …
Report this comment
January 17th, 2011 at 8:28 pm
Report this comment
January 17th, 2011 at 8:30 pm
@ 73 fonz…Mizo history book an correct hunah tra la la la he film pawh hi distored mizo history book atanga script tho anih ka ring
Report this comment
January 17th, 2011 at 8:30 pm
historical aspect in a nia ka en chak..pawi e pawi lo e tih zawng in ka sawi lo…period film hi hmuhnawm ka tia…
Report this comment
January 17th, 2011 at 8:32 pm
pawi chu lushei chuan an hlau thin a..chu chu historical facts ani mahse hnam zawng hlir hian ti nge thil in lak aw…hmanlai in lushei in pawi an ngam lo tih tuman an doubt lo ang
Report this comment
January 17th, 2011 at 8:48 pm
fonz…mizo historian mizo history book ziak/distort ho kha i hrilh dawn ania…..he he tak2ah i la vung lutuk…fiamthu vek anih hi
Report this comment
January 24th, 2011 at 3:12 pm
ka en chak tawh kher mai a:
http://1.bp.blogspot.com/_cUdO.....nulate.JPG
Report this comment