Kum 100 mi, Gynecologist a hna pangai la thawk thei in hre ngai em? Augusta khua, Georgia state, USA a doctor pakhat, Dr. Walter Watson chuan a hna pangai la chelhin, nitin damlo pahnih khat chu ala hmu reng a ni. An khaw University Hospital ah chuan mahin motor la inkhalhin, chairman hna ala chelh nghe nghe a ni.
A thawhpui te a ngainat em avang leh a hna a a inpek zawh em avang chuan mi te chuan an ngaina em em tih reporter tlawhtu te chuan an sawi. Chung ai mah chuan, a damlo enkawl tawh te chuan an ngaina ni mai lovin a hmangaihin an hmangaih tih an sawi bawk. A nupui a neih dawn hian a nupui hual hnenah chuan a hmangaihna pathumna a chan phak dawn chauh avangin in ngaihtuah chiang hmasa turin a hrilh hmasa nghe nghe a ni. A hmangaih pakhatna a a sawi chu Pathian, a dawtah a enkawl damlo te, a pathumna chu a nupui a ni tiin an sawi.
Dr.Watson hian nau a chhar hmasak ber chu kum 1944 khan a ni a, kum 1999 khan nau chhar leh an nu te enkawl (obstetrics) chu a lo chawlhsan tawh a ni. A nau chhar tawh te leh alo enkawl thin te hian, “Watson Babies” tih an inphuah a, an ngaisang em em mai. A ni Dr. Watson chu chanchinbu miten an zawhna chhangin, nau 15,000 atanga 18,000 vel a chhar tawh thu a sawi a, chumi awmzia chu an awmna khua Augusta a mihring awm zawng zawng 10% vel a ni an ti.
Augusta a chhungkaw thenkhat chuan Dr.Watson nau chhar thlah chhawng thum te an awm tawh a ni. Dr.Watson hi chanchinbu mi ten an zawhna chhangin, damlo thar pawh a la en peih reng thu a sawi. 😀
NB: “Watson Babies” inti te hi kum 15 atangin kum 66 mi te an ni hlawm.
http://www.cbsnews.com/video/watch/?id=6693568n
Source: http://www.cbsnews.com/stories/2010/07/19/assignment_america/main6693242.shtml
