He ka thu rawn sawitur hi ngaihdan a phir thei khawpin ka ring. Ni e,ka thianpa nen chauh pawhin kan ngaihdan a in ang lo nghal ringawt a. Kan inhnial nghal ringawt a ni. Ka incheidan hi eng ni lo mahila kan sawi ve reng reng teh ang.
Hmanzan World Cup khel en turin Brazil leh Ivory Coast inkhel en turin an ram mipui chu an phusa mur mur anga..thenkhat chuan ar pawh an kang ve ngei ang. Keini Mizote pawh Drogba leh Ronaldo te inkhel en turin kan inpuahchah a..kan tan a inang lo nuk lehnghal ang! Khatih hun lai thing leh raw innawh lai vel khan thil lei tura kan chhuak chu..ngaiteh! kan hmaa kal hmeichhia leh black (African) India ram club pakhata khel ve chu kan hnaih telh telh a..chu hmeichhia chuan lusei tawng dik takin ka thianpa chu a rawn bia a, kan enchiang a Mizo chu a ni ngei mai. Mahse, a incheina erawh a taksa a lang tam ngei mai!
Ka thianpa bulah chuan a bula kal black pa te inah inkhel a en dawn a. Black pa chuan, “Lamna hmuna kal tur i ang e mai, inthlak leh rawh a ti a” a ti a. A rawn hawpui leh a nih chu!
Ka ngaituaha, ka zak a, kha hmeichhia kha mak ka ti bawk. Khatianga hnamdang bula a inchei kha hnam min zahna a nei thlawt lovin ka hria. Ka mi(sual) pui ho hi enge inngaih ve dan? Kan hnam kan mualpho phahin kan hria em mi pakhat vang lek hian…engtin nge kan tih reh theih ang?
