Ka unaunu duh tak
A chang hi chuan hmeichhia a i lo piang hi vanduai i inti ve thin em? A bik takin Mizo hmeichhia a i lo piang hi? Mahse kan duhthlan theih a ni si lo, Pathian in min siam dan a ni a, lawm taka pawm mai tur kan ni si a.
Pi leh pu atangin hmeichhia hi min dah hniam tih chu kan hre theuh a. “Hmeichhia leh pal chhia chu thlak theih an ni”, “Hmeichhe finin tuikhur ral a kai lo” “Hmeichhe thu berna chhungkua zahawm tak an awm ngai lo” tih te hi kan chantawk a ni a. Pasal han nei ila kan pasal te kan tih lungawi loh chuan duh hun hunah min ma thei a, mahni a eizawnna neih loh pheih chuan khawvel hi ping tawp mai a ni.
Mipa ang lo takin kan hmingchhiat tawh chuan kumkhaw sawi a tling a, vanduai vang emaw chhan dang vang emaw pawhin pasal lo then ta i la “Nuthlawi” ti in min ko a, vantlang mipui in min hmu diklo nghal em em ringawt mai a, lepchiah taka khawsa a pawlawh taka nung turin min ngai nghal ringawt a. Pasal sun in han hmeithai ila kan inchhungkhur an hmu zahawm lo nghal vek a. Nu ber ka la awm a ni lawm ni? Pathianin a duhdan takin min siam a, a duhdan in kan chhungkaw chungah ro a rel a, theihtawp in chhungkaw tha leh zahawm nih kan tum a, chutihlaia mipui in a chhungkaw dang te aia zahawm lo bik tura min ngai hi chu rilru a va ti na thin em!
Mahse, i han ti teh ang. Hmanlai kan pi leh pu te hunlai, thing bul lung bul an biak lai, Kristianna in changkanna leh hmasawnna a rawn thlen hmaa an ngaihdan kha tunlai khawvel ah hian kan la chhawmnung reng dawn emni? Kan pi leh pute kha an lo fing tehmeuh mai, thil pawh an lo sawi dik thei em em, ka sawi tum tak chu hmeichhia te min ngaihdan chungchangah hian ania. An hunlai kha chuan an hmeichhiate fin pawhin tuikhur ral a kai lo pawh a lo ni mahna, duh hun hunah nupui te pawh an thlak pawh a lo ni mahna.
Mahse kum za aia tam Kristian kan ni tawh, kan khawvel pawh rin phak bakin a changkang tawh, information age ah kan awm a thil engkim awlsam taka hria in kan tangkangpui tawh. Hetih laia kan unaupa, bialpa, pasal, pa fel tak tak leh rintlak tak tak ten engamah hmaa min han hmu hniam nghal ringawt te, hmeichhe thusawi chu thutak a an ngaih loh nghal ringawt te ka hmuh hian a hrehawm ka ti ngawih ngawih thin.
Ni e, hmeichhia chu a chaklo zawk kan ni. Bible ah pawh hmeichhe lu chu mipa ani tiin a inziak. Kan pa te, unau te, pasal te tel lo chuan engmah kan ni lo. Mahse mipa pawh hi hmeichhe tel lo chuan a kim bik hauh lo mai. Pathianin mipa enkawl turin min siam a, duat tak leh tha taka enkawl pawh kan tihtur a ni. Amaherawhchu mipa te’n a min sawisel reng mai te, kan chhiatna lai an sawi tawp theih loh te, englai pawha hnam timualpho tu a min puh bik reng mai te hi tawrh hrehawm tak ani.
Kan fel lohna tam tak a awm, mawilo tak tak leh zahpuiawm tak tak te pawhin kan lo awm thin. Mahse tupawh hian chhiatna tam tak kan neih rual rualin thatna lai engemaw tal chu kan nei theuh. Mihring mizia a ni a chhe lam sawi nuam tih hi. Mizo te pawh kan bang chuang lo. Mi thil tih that infaksak ai chuan an chet chhiatna sawi te hi nuam kan tih zawng tak ania. Vairam leh hmun dangah te pawh Mizo hmeichhe awmtha duhlo te pawh kan lo awm thin, chutih rual rual in Mizo hmeichhia zirna ah leh hnathawhnaah te titha tak tak kan awm ve tho. Chanchinbu ah te, internet ah te hian kan Mizo hmeichhia te min fakna, min lawmpuina te hi hmu tam thei deuh ila chuan kan tan hian ti tha lehzual tura infuihna tha tak hi a ni dawn si a.
Similar Posts:
- Mipa ve thung
- Mipa leh Hmeichhia-II
- Hmeichhe Pastor!!!
- Mipa ṭhenkhat han nêpzia hi!!!
- Rawl sawm tuk lam
(Y)
July 27th, 2010 at 7:07 pm
Badboy, nang pawh hi rin aiin fiam i dawl lo ru tlat ka ti…
Report this comment
July 27th, 2010 at 7:09 pm
badboy …i duh dan2 in awm rawh, duh leh sapa tal rawh…he he
Report this comment
July 27th, 2010 at 7:13 pm
#102@kawlhawk: engah nge hmeichhia ang mai2 a i rak i rak le, ngawila mi rawn fiam chhun zawm mai2 teh
Zualbonez: chaw pawh i ei hman dawn maw nile
Report this comment
July 27th, 2010 at 7:17 pm
‘Ninhleiin tawpeng anei’
Report this comment
July 27th, 2010 at 7:17 pm
#99 lalmisualpa, in nupuite chu lo duat hram hram rawh u. Min rawn pan vaih chuan ka buai dawn em mai! Pakhat pawh hi ka enkawl tha thiam mang lo a nih hi!!
Report this comment
July 27th, 2010 at 7:18 pm
Badboya’n a delete e! :lol:
Report this comment
July 27th, 2010 at 7:19 pm
Duh2 shoi tur, thu thra deuh te, thu ho deuh te.. Mi(sual).com ti nuam tu
ting ting ti ting.. Peace out!
Report this comment
July 27th, 2010 at 7:22 pm
#108: khi ka delete eee… in duh2 in sawi zawm ula sawi zawm loh ai in a dik tam zawk ang
ka thawhchhuah a tang a ka chan tawk ka hai lo 
Report this comment
July 27th, 2010 at 7:30 pm
kawlhawk, eng e maw zawh duh che ka nei, i remchan chuan tharac7@gmail ah
Report this comment
July 27th, 2010 at 7:36 pm
@mizonulapakhat. Mizo blogs hi ka en kual ve deuh renga, Mizo hmeichhia te in duai lo khawp mai,English phei chu ka beisei phak bak in in thiam. Tin, hmeichhe lu chu mipa ani tih hi mipa chu hmeichhe chunga leng hrim hrim tur ah dah suh, tu pawh in kan chung ah thu nei leh chhawng ka nei tih na mai ania. Mipa te pawh Krista ‘mo’ ve mai bawk kan ni.
Report this comment
July 27th, 2010 at 7:38 pm
Tuna kan awm dan hi kan inhmeh tawk tura Khuanu min pek ani,….. Hmeichhe ho pawh lo vui lo hram rawh u, Kan mawl tlang rih anih ber hi….hahahahhaha
Report this comment
July 27th, 2010 at 7:40 pm
Eng pawh nise, Hmeichhiate hian an nihna dik tak hriain, thiamna/finna leh remhriatnaah chuan mipate min lo khalh ta pawh nise, a hunah chuan min zah ngei2 tur a ni. Zir thiamnaah chuan kan tluk loh pawh anni tehmeuh mai, mahse, kan pian tirh atanga mihring kan nihphung rengah chak/chhel/hui zawk kan ni si a. Chutih rualin, hmeichhiate hmusit/rapbet erawh ka mi ngaihnep leh ten ber2 te an ni.
Report this comment
July 27th, 2010 at 7:44 pm
zanin chu thla a va han eng em ve leeeee… Benji awm ve sela ka ti mang e. Mahse kei chuan thla thlalak hi ka sim deuh tawh…
Hmuifangah badboy, mzvision, kawlhawk, etc etc leh leitlangpui misual ho nen a han . MI mai i lah… Zanin khua a thiang, thla a eng. Khawi khawi atangin nge in lo hmuh ve theih…?
Post schedule a awm tawh em le. Ka computer atanga ka misual theih loh avangin, thlalak fahrah te te ka neih ka submit thei lo. Chuvangin hemi post atang hian ka ron OT ta zuah zuah a ni e…
Report this comment
July 27th, 2010 at 7:56 pm
#111 ninja, eng lam biahthu nge ni ta? Tah hian, a rukin a sawi mai theih em le?
Report this comment
July 27th, 2010 at 8:07 pm
E! Pu Shai, kan dam anga, badboy, hv, khamrang, mz, chawnghilh, funny, zualbonez, ninja, lunglei misual ho leh midangte nen kan la hmuifang mawlh ang chu tiraw. :beiseina:
Report this comment
July 27th, 2010 at 8:13 pm
He post hi a tha khawp mai. I sawihrulah hian tlem ka lo comment ve lawk teh ang..(Pi leh pu atangin hmeichhia hi min dah hniam tih chu kan hre theuh a)
Helai point hi ka pawm chiah lo. Kawng tamtakah chhutin hmanlai Mizo hmeichhia kha tunlai hmeichhia ten an pha lo hial zawkin ka hria. Entirnan, politic leh literature or religion ah pawh an sang zawk daih mai. Theory leh practical inkar kha uluk deuha chik a trul khawp mai. Thu hmang chuan hmeichhia image an contruct nasa lawm, customary law pawhin rights a pe tam lo hle. Mahse, a tak ramah chuan, Mizo dan pawnah Mizo hmeichhiaten tel lohna a awm meuh lo…
Tunlai hmeichhia hi Kohhranah pawn dinhmun ala chau viau rih a ni. Helai te hi ka lo sawi a ni.
I sawi ang hian Mizo hmeichhia hian fak an phu a nih chuan fak mawlh mawlh hi a tha ka ti khawp mai. Amaherawhchu, women’s right tih lam hi chu, ram leh hnam pum huapa “mawhphurna” tak tak an lak ngam hma chuan sawi mawi chi niin ka hre lo.
Report this comment
July 27th, 2010 at 8:27 pm
Epis chu va comment huai ve…tu emaw in a maar mai tur che ania…lolzzzz
Report this comment
July 27th, 2010 at 8:50 pm
Zualbonez: hehehhe…mar love a..hmeichhe lampang buaipui tamber te chu hmeichhe dinhmun siamthat hi an “tum ber” a ni hlei nem..”sumdawnna” mai mai alawm…:)
Report this comment
July 27th, 2010 at 8:57 pm
Mizote hi hmeichhia te duat thiam lo ber leh hmeichhia te mamawh nasa ber hnam kan ni hial in ka ring.Hmanlai leh tunlai pawh hian.Nu ber chawm chhungkua hi an tam hle in ka hria.
Hmeichhiate duat lam ah tan kan lak a ngaiin an right te pawh pek belh hi kan tih tur niin ka hria.
Chutih rual chuan Hmeichhia over pasalte hnuaichhiah tak tak pawh in tam mai.
Report this comment
July 27th, 2010 at 9:07 pm
Hmanlai nena khaikhin fo hi a dik lo va.. Sap kan tih ho western ho pawh hi Mizo pipute ang chiah chiah history nei vek an ni. Keini aia hnam upa zawk an nih avang chauha an tun dinhmun hi hma thei chauh kan ni. An history inchhiar chuan hmeichhia chu fa hring tur leh inchhung khur bak thawk lo tura ngaih vek an ni. USA ngeiah pawh 1953 velah chauh hmeichhiaten vote an thlak thei. Keini hnam ve erawh chuan kum 100 liam ta khan lehkha zir nachang kan hre ve chauh a ni lawm ni? chuvangin kal chak lutuk hi tluk palh chuan a na duh hle. fimkhur a tha e.
Tin, kan Mizo hmanlai pipu nunah khan hmeichhiate an dah hniam lohzia pakhat lal an thih khan an pasalten an ai an awh thei mai thin.. hmeichhe lal tam tak sawi tur an awm. Pawihbawiha nu, Kairuma nu.. Lalmanga nu etc.. Tunlai hian pasalte aiawh thei tur khawpa Kohhran upa ni thei kan awm em? pasalte aiawh thei tur minister kan awm em? fashion leh lengkhawmna vela nalh tak taka inchei bak lo deuh hi kan nu ho pawh hian er ve deuh thei se..
Chanchinbu leh media reng rengah ram leh hnam hnuk khawih chin thuziak reng reng te hi hmeichhe ziak a awm em? kei chuan chhiar tur ka hmu ngai lo. Lekhabu tha kumtin 20 kan thlang chhuak, hmeichhe kuthnu hmuh tur a awm ngai lo te hi a mak ngawt mai.. Lalsangzuali ten mual an liam a, a aiawh thei pawh kan nei ta lo em ni? hetihrual hian lehkhathiam thei leh mark hmu sang thei zawk erawh hmeichhia an ni lawi si. an thiamna hian ram leh hnam a ngaihtuahtir pha ve lo em ni zawk.. tih te pawh hi ngaihtuahnah chuan a lo lut lo thei si lo..
Report this comment
July 27th, 2010 at 9:18 pm
#116 kawlhawk, eng lo a nia, ka thianpa phone Nokia E…ah hian microsoft word ang deuh te, microsoft excel ang deuh te ka hmu a. Engemaw atan pawh a hmang ngeiin ka hria!
ka phone N73ah hian quickword, quicksheet etc a awm ve a, mahse a tih ve theih loh nge software install tur a awm zawk? Ka thiam ve hauh lo mai. Funny te hoin min :mrgreen: vak ka hlauh vangin ka rawn sawi hreh deuh maw le :smile: nang emaw Pu shai-a emaw chuan in hre ngei ang.
Report this comment
July 27th, 2010 at 9:22 pm
Ropuiliani pawh…! Tunlaimi hian intluk loooon..!
ngawi mai mai teh u… Tuman an rapbet hran pawn ka hrelo a che u…. Meitei ho khu a nia nuthlawi chan chu chau a ni. Nangmahni leh nangmahni hi in inrapbet vel mai mai nite pawn ka hrin ni.
Report this comment
July 27th, 2010 at 9:29 pm
Hman deuh khan hmeichhe pastor chungchang kha sawi thawm a awm a, mahse kalna apianga hmeichhe pastor duh lo ho kha nuho deuh vek ni hlawm a..
Mo chungchangah ni se, mahni emaw fanu te emaw chunga thleng se an duh miah loh tur khawpin an monute an chhawrin an tirethei a.. pa ber ni lovin nu ber vang a ni zel. Chuvangin kan hmeichhiate zawk hi an in enfiah that deuh chu a tul ka ti. Heti khawpa ziak leh chhiar thiam tamtak, inelna hrang hrangah ni se, Mipa aia sang zawk zel ni chung si hian, ram tana penhmawr hmang duh der lo emaw hman tum der lo hmeichhe lehkhathiam neih teuh hian awmzia a nei tam lo a ni.
Kan ram sawrkar inrelbawlah te hian inrawlh ve se, ram leh hnam tan rawn pen chhuak ve se, mipa aia an nepna tur leh that lohna tur a awm lo va, an thiamna leh finna pawh a hnam zawng pawhin hma kan sawnpui hle tur. Zirsang leh hawizau avanga hnam dang tawna khiang awih leh ringawt chauh hi chuan min thlen san pui dawn lo em asin..
Report this comment
July 27th, 2010 at 9:30 pm
#122
Zorunpuia, mark 100 ah mark 100 i hmu
Report this comment
July 27th, 2010 at 9:30 pm
ninja, ka hre ve lo tlat. Kawlhawk emaw taikhery emaw in an hria ang
Report this comment
July 27th, 2010 at 9:45 pm
Ninja, ka hre hauh lo mai a… Sorry! E72 ka hman laiin ka tum uaih2 tawh. Mahse, sing2+ ni ve si kha a sound a che rapthlak ltk a, kar khat ka hmanga ka ti ral leh ta daih a… Cell care a ka thianpa ka lo zawt anga, remchangah ka rawn hrilh dawn che nia.
Report this comment
July 27th, 2010 at 9:55 pm
hmeichhia te hi lo la dam ve rih zel teh se…zindabad hmeichhe ho
Report this comment
July 27th, 2010 at 10:00 pm
A tha hle mai..keimah ang lo takin kan chhiar chhuah ve chu,hmeichhia te dinhmun that leh zual nan court marriage hi chin a tha ka ti..nupa an han inthen palh a hmeichhia zok in harsa lutuk in fate en enkawl hi hmuh a hreawm….mipa te lah thawveng lutuk in tlangval lenna an leng leh thin te hi ka vei..mipa an nihna, an mawhphurhna hi an hre lo reng reng tam tak hi chuan,tin chutiang bawkin sawn chungchang ah pawh college an kal thleng tal te emaw in chawm tawm thin se eng law emaw tak hi chu a awm a ngai a ni. :-))
Report this comment
July 27th, 2010 at 10:18 pm
Zanin Thla eng Hmeichia zawng zawng leh misual zawng zawng tan. https://img811.imageshack.us/im.....23copy.jpg
https://a.imageshack.us/img8/8812/img0118copy.jpg
Report this comment
July 27th, 2010 at 10:23 pm
kawlhawk/ThaiBoy, FB mail
Report this comment
July 27th, 2010 at 11:19 pm
Han comment ve treuh chu ka duh viau a, a remlo.
Kan nupui tur ten, ‘hepa hi hmeichhia a dahhniam lutuk, beidawn tawp ah lo chuan ka nei don lo re re’ antih vaih zawngin bam dawn emai :lol:
Hmechhe thuziak hi a hmeichhia riau thin
Report this comment
July 28th, 2010 at 12:31 am
Tunlai hian National Papers-ah ‘Honour killing’ chanchin kan hmu chamchi mai. Abikin, north india velah hian, an fanute’n an aia chi/hnam (caste) hnuaihnung pasala an neih vangin, an nutate leh anmahni hringtu pate ngeiin an that hmiah hmiah mai. An fapate’n an aia caste hnuaihnung nupuia an neihin engmah a thleng lo. An fanute’n an aia caste hnuaihnung pasala an neih vaih chuan rapthlak taka sawisak hlum chiah an hmabak. A sawisa hlumtute lah an pianpui unaute leh anmahni hringtu pa te an la ni zui. Ni tin deuh thaw hetiang ‘honour killing’ hi Delhi leh a chhehvelah a thleng reng emaw tih tur a ni. Mizo hmeichhiate vanneihzia ka ngaihtuah chhuah phah fo mai.
Tin, Muslim hmeichhiate dinhmun ka ngaihtuah hian Mizo hmeichhiate hi an vannei ka ti bawk. An hmai tuamna ‘burqa’ ka hmuh hian ka thaw a ipik thin. Hman deuhah Super Model Waridiri chanchin atangin Muslim hmeichhiate dinhmun rapthlakzia kan hria, an serh an hlehsak thin a, sexual pleasure nei thei lo mai pawh ni lovin, zun pawh zung tha hlei thei lovin an serh an thrui pin sak a nih kha. Tin, Muslim ramah chuan hmeichhe uire chu lungin an la deng hlum thin tih chanchinbuah kan hmu chamchi bawk.
Mizo hmeichhiate hian chhut chiang chiah se, khawvel hnam hrang hrangah hian, an hmeichhepuite dinhmun, han awh ngawih ngawih tur an hre chiah em? Hmanlai Mizo hmeichhiate kha, hrehawm taka awm angin kan sawi fo thin. Pitar kum 80 chunglam kawm tur i hriat chuan, an nulat lai chanchin han zawt teh. Tunlai nula ai hian an nulat lai chu nuam zawk fe-in an sawi deuh vek ang. Hmanlai mizo hmeichhiate kha, dinhmun chau leh chhe ngawih ngawih anga kan ralkhat sawi vak hi a dik hlel deuh.
Hnam dang neih chungchangah pawh hian, Mizo hmeichhiate tluka zalen hi an awm ang em aw ka ti. Engemaw changin keini Mizo mipate hian kan thikthu han tichhe ve deuh thin mah ila, vai a ni emaw, sap a ni emaw, black pawh ni se, hmangaih taka an neih duh tlat chuan, harsatna kan siam miah lo chu a nih hi. Anmahni hmangaihtu tak tak an ni lo palh ang tih kan hlauhpui avang hian, kan thikthu kan tichhe mai chauh niin ka hre thin.
Mipa tam tak kan nep takzia chu sawi ta rih lo ila. Zin veivah chungchangah ringawt pawh hian, kan hmeichhiate hi an zalen thlawtin ka hria. Kathmandu, Bangkok, Kolkata, Delhi, etc. tiin sumdawnna bungrua la-in an zin lawng lawng mai a, an pasalte pawh hian an thlah zalen thawkhat a ni. Kan vai unaute hi chuan, sumdawnna thil pawh ni se, hetiang tak hian an hmeichhiate hi an thlah zalen phal lo hrim hrim. An tih peih loh ti tur pawh ni se, an phal chuang lo.
Hmeichhiaah piang dawn ta ila, duhthlan theih a nih phawt chuan, Mizo hmeichhiaa pian hi ka thlang hrim hrim.
Report this comment
July 28th, 2010 at 12:46 am
aputea: keini aia diklo lehzual te atanga kan in justify hi chuan hmasawn a har ania… :lol:
Report this comment
July 28th, 2010 at 1:17 am
Comment a ngaihnawm hlawm khawp mai, in ti lawmawm e.
Hmeichhe dinhmun hniamzia (hniam kan lo inti pawh a ni ang e) hi ka sawi tum ber a ni lo. Ka sawi tum ber chu kan chhiatna lai leh mualphona lai te hi sawilang reng bik lo hian thatna tlem te kan neih ve chhun te hi min hmuhsak ve ula, Mizo hmeichhia chu an lerh an inchei uluk lo an kawlhrawng tih ringawt lo deuh te hi sawi ve ila ka tihna a nia. Mahni chanchin tha lam ngaihthlak chu tupawhin nuam kan tih zawng a ni si a.
Report this comment
July 28th, 2010 at 1:18 am
Khawlum laia chhiarah chuan a sei em mai, nakinah ka chhiar ang. Mizo te tan a thatur nih chuan ka tlawp vek, athalo tur anih chuan Bengali vawih ai pawn ka ngaisang lo.
Report this comment
July 28th, 2010 at 1:42 am
# 130…Amen haih Amen
Report this comment
July 28th, 2010 at 2:04 am
HV chu leh. Keini ruahsur kan ning em em kan damlo chum chum a.
Report this comment
July 28th, 2010 at 6:44 am
Hmeichhia hi “Ka unaunu duh tak” tia address ai chuan “Ka FARNU duh tak te u,” han ti ta ila, a inhmeh hret zawk ang em maw chu le?
Report this comment
July 28th, 2010 at 8:10 am
Tunge hmeichhia rapbet thin a, an bawhbet thin emaw ka lo ti a :lol:
Report this comment
July 28th, 2010 at 10:22 am
# 134 na khi a thra thlawttttt….mizonulapakhati pawh hian a chhiar ve ngei ang chu maw….hehe
Report this comment
July 28th, 2010 at 10:31 am
(Pi leh pu atangin hmeichhia hi min dah hniam tih chu kan hre theuh a)
he thu hi ka pawm dan a lo ni thin a, amaherawh chu, kei ai a hre ril leh thu leh hla lam a kan pa ti a kan hriat te kan kawm kual leh a… Mizo society ah hian hmeichhia te kan hmuh dan hi a hniam lutuk bik lo tih mai te hi tun a tan chuan tawk teh se. pangngai deuh in rawn post ka tum ta zawk a ni e. Kawmen a tlak duah chuan a thui dawn e mai…
Report this comment
July 28th, 2010 at 6:12 pm
He thu ziaktu chu kum-30 hnuai lam chu a ni tawh hauh lo ang le, a khawvel tlir dan a puitling tlat.
Hmanlai ngaihtuah chuan hmeichhia kan en dan chu a zia viau tawh e, khaw maw lai laiah emaw chuan an pirpak mah mah em aw tih tur khawpin hmeichhe tran khat chu thuneihna an chang.
Mizote’n Hmeichhe kan en dante hi hreawm leh tha lo in tih tak tak chuan tun ang hian hmeichhe ho hian nasa takin lehkha te ziak thin ula, in ngaihdan te pawh tlang takin sawi ve bawrh bawrh thin ula, social forum tam zawk hi en u la, hmeichhe thu ziak hmuh tur a tam vak lova, ngaidan sawi honah pawh mipa an tam ber thin a. Heng te pawh hi nangmahni leh nangmahni in indahhniamna ang a ni.
Report this comment
July 29th, 2010 at 10:39 am
Hmeichhe nih thluka nuam a awm hlei nem. Thu ve si, chhungkaw mawhphurhna kan kuta awm tak tak lo a, enjoy pha tawk vel chauh. Tin, one week in a month a, pasalte’n lohtheihlohin min duat a ngai bawk.
Report this comment