via B. Beikhokhei Fans
Mizoram leh East Bengal FC player Beikhokhei Beingaichho, College Veng, Saiha tlangval hi Pathian khawngaihna zarah news ah a hming a lang ve zeuh zeuh tawh a, mahse a hming diklo leh awmze neilo Beikhokhai tih in a lang reng thin avangin a dik zawk kan hman tlan theihna turin he post hmang hian kan rawn hrilhfiahin a dik zawk hmang zel tawh turin kan in hriatirin kan in ngen bawk a ni.
Tun atang chuan a dik zawk hi media ten min lo hmansak zel tawh turin a fans ten kan ngen tak meuh a ni. A hming hi Beikhokhei a ni a; Mara hming a nia, Mizo tawng kan hman ber Lusei/Duhlian tawng chuan Lalduhsaka tihna a ni a; Beikhokhai tih erawh hi chu a awmzia pahnih a neih thei a, pakhat chu ‘Lalduhveka’ a ni thei a, a pakhat leh chu ‘Lalliamvektawha” ani thei bawk. Hetiang hming hi a awm thei tho nain Mizoramah hian kan la inphuah zen zen lo a ang ber.
A hnam hming hi Beingaichho a ni. Mizo hnam (clan) dangte Varte (eg. Mami Varte), Zawngte/Jongte (eg. Thanga Jonte), anga a tawpa -te (suffix) a awm ang deuh tho hian, Beingaichho, Khaimeichho (eg. K. Riachho, IAS), Aubiechho (eg. Pu AB Roma, politician) etc te hi -chho (suffix) awm te a ni ve a, a awm ve teuh a; Beingaichho hi clan hming pakhat ve mai a ni bawk. Central India a newspaper tam takin a hming hi a changin an tih dik a, a changin an tih dik thin lo bawk a, a dik tak hi hmang thin thei se a duhawm hle.
Chutiang bawkin, Mizoramah newspaper chhiarhlawh berte – Vanglaini, The Zozam Times, etc te leh websites, blogs, etc te pawh hian kan ti diklo fo mai a, a awmzia hriate tan chuan a hming hmuh hian chhiar a nuam duh lo khawp mai. Vaiho mahin an tih dik tawh lova, Mizote leh zel inah kan tih diklo leh zel hi inhrilhfiahna leh a diklo tih rawn sawifiahtu an awmloh vang ni berin kan hria a, chuvang chuan keini B. Beikhokhei fans te chuan a dik zawk hi hmang thei zel tawh ila tih kan duhna kan rawn tarlang a ni e.
Tun atang chuan a dik zawk hi media ten min lo hmansak zel tawh turin a fans ten kan ngen nawn leh a ni.
Kan lawm e,
In rintlak,
B. Beikhokhei Fans-te.
Similar Posts:
- WordPress thar ber ah kan upgrade ta!
- Tlawmngai nge Tlawmla?
- Mizo hming ziak dan hi!
- KTP conference laia sex hmang lo turin ngen
- Mizo tawng vs English
July 29th, 2010 at 10:45 pm
50#jvc; naktuk tlai lamah kala hrilh ang che
Report this comment
July 30th, 2010 at 10:58 am
Lalduhveka tih hian tu emawni min ti hre chhuak a,ka nuih a za deuh tlats
Report this comment
July 30th, 2010 at 10:59 am
Kan ramchhung chanchinbu te chuan lo ziak dik tawh mawlh teh se… Chutih rualin MIZORAM in semifinal an kai ngei theihna tur in Duhsakna sang ber ka hlan nghal bawk e…..
Report this comment