Hmanlai kha chuan ralti reng rengin kan pi leh pute khan an nun an hmanga, ram lamah nise râl an hlau a, in lamah lah nise thiang leh thianglo a inpawlh nuk mai bawk si. An nun kha a hahthlak satliah mai ni lovin a chep ti ila kan sawisual tam lo mai thei a ni.
Ni e,hmanlai kha chuan râl nena intawnfuh palh kha chuan tihngaihna a awm lo em em a, a thih loh chuan ka thih a ngai dawn tih kha zawlnei sawikher ngai lovin a chiang em em a ni. Rallu hawn thei nih kha thil ropui tak a ni bawk si! In lamah nise,puithuna atthlak tak tak a tam em em a, enge maw tidawn se a thiang em, thiang lo em tih a ni vek mai a ni. Khatiang hunah kha chuan mihring tan beiseina a awm tlem em em si a, dinchhuah a har thin.
Hun a lo kal zel a, Kristianna a lo lut a,ral leh puithuna atthlak tak tak a lo bo tan ta. Mipuiin khaw eng an lo hmu tana, an nun a lo awlsam chho hret hret zel a, nunin boruak tha a rawn hip tan a, mi zalen an lo ni chho ta. Ral leh ramhuai hlaua khawsa thin kha hmanlai ang mai a ni tawh, Kristian an ni miau hek le!
Kristianna chu a rawn nung chho zel a, Mizoram chu zaa za Kristian ram kan inti ta hial reng a ni. Mahse, chung Kristiante chuan an hmaah lungngaihna chirhdup an dai anga, manganna thlipui a tleh dawn tih an hre lo. A hnuah chuan tun thlenga mipuiin rapthlak kan la tih, rual u zawkte rilru la tina ngawih ngawihtu, an han ngaituah deuha an la chek tlak tlak na tur khawpa rapthlak rambuai a rawn ni ta tlat mai le.
Ram a rawn buaia, mipui nunau hlauin an tap a..patling an lungngai a, khawchhung chu indona field a ni a, ram lam kal chu thihna ruam zawh ang a ni. Ni e, damin an haw leh angem? A kal hlanin a nupui fanau/chhungkhat laina engtin nge an lo awm ang, nge an khua chu meivap a lo ni tawh zawk ang? Chu hunah chuan engmah a chiang lo tih chu a chiang ber a ni. Kha rambuai kha chu a rapthlak em em a, mipui thinlungah khua a var thei mawlh lo!
Hun a lo kal zel a, rambuai a rawn reh ta. Mipui tan chhemdam thli a lo thaw a, engthawl takin boruak an hip ve thei ta a. Khiang hnah a rawn chawrno a,vanlaizawla di chhaia leng muvanlai a rawn kaw-kaw-dak leh ta, hliam a dam ta e. Chu rambuaiin a rahhrual hnu rawn chawrno leh chuan mipuite thinlung pawh duhamna nen a rawn chawrno pui tlat mai le! A hmaa rim taka thawk a eitur hmu thin khathawk lova hmuh theihna a nih dawn chuan pawi a awm tawh lo. An hlawkna tur a nih dawn chuan thil pawi awmchhun chu dawihzepna chauh a ni tawh mai. Sualna lah a tam tawh bawk si.
A ni thei lo, Zoramah hian eirukna leh suahsualna a lo pung ta maw? Zoram hmanah pawh hliamna tak i tuara, i tuarchhuah kha. Tuna i hliam pawh hi i hneh thei a sin! Aw, Zoram tho rawh le, i hliam a dam theih nan..Khawnge, Zoram siamtha tur hian i tang tlang ang u..kan hliam a dam tawh e. THO LA DING TA CHE.
Similar Posts:
- Ka pu eiruk ching bang rawh se
- Zoram tho la ding ta che
- ZORAM TANG FAN FAN
- Mizoram bus accident
- Tho la, ding ta che
July 30th, 2010 at 12:00 am
Keimah Thingtlangpa chu post tha hle mai..chanchinbu lamah te pawh tarlan a chakawm zel anih hi..
Report this comment
July 30th, 2010 at 12:01 am
thingtlangpa rawn contri zel teh i ngaihdan hi ka trawmpui viau xel mai
Report this comment
July 30th, 2010 at 12:12 am
Thingtlangpa, kan pi leh pu te kha an ralti vaklo, tunlai ang thoin an fimkhur ve a ni mai lo maw?
“Mizoram chu zaa za Kristian ram kan inti ta hial reng a ni.” hmingtea te leh taia-pa te ho vangin 100 a 100 kan ti thei tawh lo
“Hun a lo kal zel a, rambuai a rawn reh ta
…” alangin rambuai a reh, eiru tu an hming ka sawi ngam te pawh an changtlung zel.
Report this comment
July 30th, 2010 at 12:18 am
rawn ziak tha hle mai..ni e, zoram hi ala tho in ala dingthei alawm,hawh u, tran la thar leh ang u hmiang…
Report this comment
July 30th, 2010 at 12:46 am
Typing mistake..para 3 na..hmanlai ang mai a ni tawh lo,kristian anni miau hek le! tihtur a nia. In mi ngaihdamna ka dil e.
Report this comment
July 30th, 2010 at 12:58 am
Thu tha tak2 sawi a, ziak kur ngei nguai thin ho zawng zawngte hian hlemhletna leh thil diklo reng2 kan ban phak maia a awm pawh a kan hnawl ngam tak2 hunah chuan kan Zoram hian rahbi thar a kai ngei ang..tunah chuan sual kan la haw tak tak lo, mi kan dem a, an diklo kan tih kan tih thinte pawh hi an nih ang nihve theihna hun leh hmun remchang kan hmuh a hamthatna kan hmuhna tur anih dawn phawt chuan kan ti ve leh tho mai thin zawng anih hi!! Unaute u, han inbih chiang chhin teh u..in lo nive tho lo maw?? I hna dil, contract dil etc. ah khan i hmelhriat hnai leh chhungkhat hnai deuh, thil ti thei tur deuh nia i hriat lakah chuan fair vaklo pawhin beisei i nei sang leh fu si lo’ng maw?? Kan sawi ang hian i awm ngam tak2 ang u mawle..tichuan kan ram hi a tho anga, a ding ang..
Report this comment
July 30th, 2010 at 1:47 am
Sawi ngawt a hmasawn theih han ni ngai sela zofa ten hma kan sawn nasat tur zia hi chu aw!!A rinawm lo a piang hian thil sawi tlawr hi an thiam emaw tih mai tur a ni leh nghal(A bik in politics ah!)Tun a kan dinhmun hi chu a nih ang tak (ka hmuh ve dan) chuan-Zoram hi na tak in a damlo a,a enkawltu tur mizo te hian dim miah lo in tur(poison)nen kan hrai reng bawk a,eng ti kawng zawng a ding chhuak mai zia zang kan ni hrih lo!beiseina awm chhun chu MAHNA tih te mai hi ni in ka hre thin!
Report this comment
July 30th, 2010 at 1:52 am
HV ram a ralmuang tawh bawk a khawinge ei ru ngheng teh ang tih hi an thupui ani mai lo maw Kristian ram 100 a za te hian.
Pathian ai in ramhnuaimi kha an lo hlau zawk a lo nih dawn kha kan Kr unaute ho hian.
Report this comment
July 30th, 2010 at 1:55 am
@maysky.. A dik khawp mai..kan zoram hi a buaithlak a ni. Thil tha kan neih theihlohna chhan pawh hmingthat kan duh vang ni berin ka hria. Entirnan: Brig. T Sailo khan electric a ngai pawimawh em em a..a dawt chiaha rawn CM khan ‘pu Thenan tui ka khuap li liau a ti’ a rawn ti mai a(he thu hi mi sawi ka hriat a nia dik tak maw?) a chhunzawm lova,kan buaiphah ta vak a nih hi..hmingthatna lam ngaituahtu aia ram hmangaihtu tak tak tur kan mamawh ka ti khawp mai.
Report this comment
July 30th, 2010 at 2:37 am
:lol:
Report this comment
July 30th, 2010 at 4:25 am
Sap Missionary ai khan Vai Missionary lo lut ni zawk ta se enge kan an ang le… (ngaihtuah zui atan)
Report this comment
July 30th, 2010 at 5:16 am
Ka ngaihtuah zui mek.
Report this comment
July 30th, 2010 at 9:09 am
V. Thangzama te pawh min hriatchhuahtir rum rum e. Tho la ding ta che, phuah hun lai kha a rei tawh a. Vawi tam ka sa chhuak zing. Kan sawtpui chuan loh hla tha hi a va tam tawh awm!
Zoram siamtha tur hi chuan Chunglam Lalpa kan mamawh ber. Lalpan a veng lo chu a ni hran lo, kan ngampa lulam deuh chu a ni ta ber e.
Report this comment
July 30th, 2010 at 10:11 am
A va han ngaihnawm tak m. toi si fel fai si. thu tha bok sh.hetiang hi a manhla ka ti ber :
Report this comment
July 30th, 2010 at 10:32 am
Namgnah Thingtlangpa, i huat thu lovah, thu tlem ka han zawt let ang che.
2. Engvangin nge thingtlang lama cheng ho hian Aizawl pa chauh in bial (constituency) aiawh turin in thlan chhuah thin? In khuaw mi eng tikah nge MLE atan in tlhan ang?
2. Aizawl tan deuh chauhva Mizoram state sum an hmang ral thin hi in lungawi zan em?
3. Zirtirtu sorkar leh deficit school a thawk tur Aizawl atangin an rawn kal peih lova, an aiawh an rawn tir a, heng ho hi engtia rei nge in tolerate dawn?
4. Aizawl atanga politicna leh officer senior lo zinte hi eng vangin in lo tlawn rawn siak?
4. VANGLAINI a H.Lalramchuailova (Champhai) article ziak “Aizawl ah chauh hman rih ni se, an ti leh ta” (https://vanglaini.org/index.php.....Itemid=414 ) i lo chhoar em? A sawi hi i amen zawng ani em?
Report this comment
July 30th, 2010 at 11:02 am
@sony zawhna chhan chakawm tak tak min zawh avangin ka lawm e. Ka thiam ang tawkin,ka rilru dik takin kan chhang ang che..mi rilru a tina em lovang chu maw?
1. Ni e,hei hi a dik khawp mai. Kan bialchhung mi leh sa an tlingthei miah lo hi ngaituah a tithui khawp mai. Mahse,ti teh ang. Headquater lam atangin candidate tur an siam a..khawpui mi hlir an thlang a. Thingtlang khaw lamah lah..kan party candidate chu vawkpui pawh nise vote tur ti khawpa lo ruh an ni hlawm si a..
2. He zawhna hi a tha khawp mai. Tizawng hian sawi daih teh ang..ui 2 nei ila,1 zawk chawm char char ila,1 zawk chu a ve chauh angin chawm ila..an inkar boruak a tha lo thuai ang. Hetianga an hman reng chuan french revolution ang pawh a hlauhawm mai ang ka ti.
3. Ni e,hei hi keini than mawh bawk dik tak a ni. Hemi kawngah hi chuan vc te an dawih ka ti tlat thin. Kan khaw tan thahnem an ngai nih chuan vc te hian sawi thin se a tha tur a nia..
4. Hei hi chu a tlawn tawk lekin kan la pachhia a tin ni. Chubakah thluak kan hmang thiam lo tlang bawk em a..
Ka rilru dik takin ka chhang a ni e.
Report this comment
July 30th, 2010 at 11:25 am
I ti lawmawm. Rural Development, Agriculture Development hminga central sorkar pawisa vaibelchhe sang tam tak Aizawla hausa tawh sa bawkin am pumbilh thin hi a Kristian veng veng ni a hre riau niawm tak ani. Thenzawl lunglei road
Report this comment
July 30th, 2010 at 11:42 am
@Keimah Thingtlangpa, Pu Thena Electric chungchang chu Misual.com ah hian an rawn ziah tawh kha. A pawng a taka chhunzawm lo ngawt pawh an nih hmel loh kha maw le.
Power chungchang hi khawi sawrkar pawn an ngaipawimawha, mahse, an duh ang eraw anla puntlin theilo hlawm ni maiin ka hria.
Report this comment
July 30th, 2010 at 11:50 am
@pc-a chu thu chu ka la chhiar miah lo mai. Mahse,kan ti teh ang. ‘mizoram hruaitute sulhnu’tih pu Thena chanchin keneth chawngliana ziahah khan kan central minister 1 in lungphum an phum nia a thusawi kha i chhiar tawh em aw..khatah kha chuan mizoram tan a inhuam thui viau kha mawle. Mahse,pc party ka tan vang erawh a ni lo..hehe
Report this comment
July 30th, 2010 at 4:04 pm
A ni ngawt mai. Kan Mizoram hi a dinchhuah chu angai a ni. Mikhual mit a en chuan kan ram zia hi boral tur zia a ni, mahse hei hi a mi cheng a te hian kan hmu thiam lo deuh tlat thin. Changkang viau angte hian kan in hmu thei tlat mai. A mak ve mai mai.
Aizawl ka awmlai in vawi khat chu kan CM hlui interview kha TV ah an ti chhuak a, a insawithiamna te khan mipui lawm a hlawh viau, mak ka ti khawp mai! TV ka off lo chauh kha aniah! Thudik, rinawmna, ram hmangaihna thinlung a rilru ah a awm loh zia kha a chiang em em mahse an lawm viau tho.
Kan ram hruaitu te hi mitha pangngai an ni mai, kei leh nang ang mai an ni. Kan ram hruai a, tung ding tur chuan mi bik kan mamawh in ka hria.
Report this comment
September 2nd, 2010 at 4:04 am
Awle. Ka lawm e.
Report this comment