–Mickey Hlondo
Ka thianpa Buangpuia chanchin sawi dâwn apiang hian “Black is Beauty” tih te, “Ka hang naa ka nalh a nia” tih te, “Napolean-a pawh palian tak a ni lo” tih te sawi tel a ngai tel ve ziah thin a. A hawiher han en reng reng hian mi ril tak zawng a ni lo, eng hna pawh dil se hawiherah a tla hrim hrim! hmel en mai aia mi ho a ni. A hoh em avang hian Hobby sawi tur pawh a nei lo, eng thil mah thiam tak tak a nei lo a, thiam loh tak tak lah a nei hek lo! Nun hlimna zawng hranpa loin a hlim mai zel thei thung.
Khawilo han vah chhuah a, khua an dur thut maite hian kan va buai thin tak em, kan thian dun khan aw! inhloh kan hlau si, ring takin thimtham karah, “Buangpui, then rawh, i bo dâwn,” kan tih chuan thuawih takin an then vâr sar mai a, chu veleh ha var awmna lam chu ka pan mai zel a, tihsual a awm thei lo.Amah hi amah a ni ve tawp mai, tuma tihdân copy a tum lem lo a, khuanu siam dân ang hian rinawm takin a nung ve tawp mai a ni. Thinrim a inhmeh ve lo a, tum a zei lo, he dam chhung reiloteah hian mi chuan hringnun mawi an hnutchhiah a, a ni ve zawngin hringnun nawi a hnutchhiah thung a ni.
Hmeichhe laka a nghal zia leh a tlâk nat zia mawlh mai hi a ni a ropuina chu. Amah ang em em a nula rilru tina hnem hi ka la hre ngai lo. Nulate a han induh tir te te a, chu veleh, ‘tawngtai a ngai, ka be hman vak lo che a,” an tih phei hi chuan an atchilh telh telh tawh mai a ni.
Keini ang tlangvâl luck lo lutuk ta chuan nula rim tur khân a hnung ka zui ve rawih thin a. Tumkhat kan nula rimnaah thianpa Buangpuia kutzungpui chu thingpuino bengah chuan a tang ta tlat mai a, reife kan buaipui hnu chuan, têl kan han chulh a, a kut chu kan la chhuak thei hram a! buaithlak ve tak chu a ni! Inlak HERO kan tum luata kan chet ZERO vek chang lah a tam mai.
A ngaihzawng te kha duh tak tak pawh kha nei ngai mangin ka hre ta lo. Aizawl veng tlaklamah kan han lengdun a, thil lei tur chhuanlamin CHANCE ka han pe ve a, rei tak ka thang hnu chuan ka let leh a, a lo chetha hle ang chu tih nak alaiin Kan haw kawnga ka han zawh chuan, “A hmelchhe em mai” zuk ti tlat pek a, mi danglam tak zawng a va ni em! Mahni chhas -te hmelchhia han tih tlat mai chu!
N.C.C.-a kan tan laia Mizoram aiawha shooting competition-a Patiala-a kan han kal ve te kha Shooting lamah nilovin Cultural Show-ah ‘Mizoram tan’ tih kha a han sa a, keiin phur fahranin tingtang bah deuh nuaiin ka han perh ve tleng tleng a, pakhatna a han ni ve mai te kha thil mak a ni lo! ka thianpa Buangpuia kha a ni tlat alawm mawle. A zai zawh chuan State dang atanga rawn kal ve hnam dangte chuan Autograph te an rawn dil vel a. Ka thianpa zarah khan ka hawi ‘champ’ ve em em a.
Ka thianpa hi chuan a hmaa tihtur awm hi a huphurh ve ngai lo. Miin titheia an ngaia an ruatna hmunah chuan amah lam a in en ve ngai lo. ‘Just do it’ tih hi thupuiah a nei ve reuh emaw ni. A tul hunah chuan ball boot nen field-ah a tlân ve lâwp lâwp a, sah sawk sawk a ngaih paw’n a sat leh sawk sawk mai, tumah tih lâwm a tum lo a, a dera that vel te hi a veikhawr tlat bawk.
Computer-te hi an khawih ve a, a khawih chingpen vek zel, a duh duh file a lo sawn kual vel thul, khawl thluak nei a ni tih hi a hrelo te pawh a ni ve mahna! Sakhaw dang hriatdân dik lo hian thih chilh bomb a tipuak tam tih hi a pawm em avangin an haw ve em em phawt a! Chhurbura te, Supandi-a te ho tluk vel tho hian a fing ve reuh a.
Sawi loh ang hlirin a khawsa a, thil han sawi ila, sawi lai chuan hrethiam ni awm tak hian an bu ve nghat nghat a, a zâwm chuang hlei lo a. Mak ve tak mai chu a duh a sawi ngai lo a, a mamawh a sawi ngai hek lo! A thut hmain a mawng a bengfai a, a thawh hnuah a thutna a bengfai thung. Thil tihkhawm nikuaa thil tibo pawlah a tang thei deuh ziah bawk!
Ka thianpa chanchin phek ropuiah hian chhuan tûr tam a awm lo a, hun leh ni te lo herin engtik niah emaw chuan he khawvel hmaah hian hnehna hlado a la chham ve ngei ang. Tunah chuan khawilam ah nge riahrun a rem tak pawh hi ka hre zui ta lo e a. Ani kha zawng khawiah pawh awmse a tlatlum zel tho ang chu. Ahnung ka zui zo lo lutuk kha chu tun thleng pawh hian ka la inthiam thei lo a ni.
July 30th, 2010 at 1:24 pm
Ka chhiar hmasa ber emaw ni ka ti. Keipawh thianpa Buangpuia chiah lo deuh ka nei ve.
July 30th, 2010 at 1:25 pm
Chheiraw, ngaihnawm dawn raps…!
July 30th, 2010 at 1:26 pm
Heti khawpa inzui nasa leh thiantha si a chinchang i hre zui lo hi i tisual first a nih chu, i tih hmasak tur chu i thianpa hi zawngchhuak vat rawh.
July 30th, 2010 at 1:30 pm
#1&2 te hian chhiar lovin an comment a ni chiang mai :lol:
July 30th, 2010 at 1:32 pm
lalpeace, ka chhiar chiang ltks aww.. khati khan in tih awih loh…
July 30th, 2010 at 1:36 pm
Comment loh aiah lalpetera
July 30th, 2010 at 1:41 pm
Mock-heroic deuh deuh character hi khawvelin ngaihnawm a tih a ni, sum siam nan, comics vel atan a that phian dawn hi! SAKAWLH atan an thlang duh hial lo’ng maw?
A ngaihnawmin, thu chheh chhoh pawh Mickey Hlondo chu i hnehsawh khawp mai! Saron veng tlangval leh tho em ni dawn chu le! NOI
July 30th, 2010 at 1:43 pm
A tha e..kan arpa chan lai nite,chawnbanah vuana kan nuih lai nite,dawm hman lovin an liam zel si..
July 30th, 2010 at 1:49 pm
ka thianpa buangpuia hi eng magazine-ah emaw chuan editor a ni ngei a, a hming pangngai tarlan chuan a aia rapthlakin min rawn ziak ve ang tih ka hlau deuh:) Saron Veng mi tho a ni e…
July 30th, 2010 at 2:01 pm
mickey hlondo hi saron vengah awm an la phal sak che maw? in veng chu an fel hmel alawm le
July 30th, 2010 at 2:12 pm
A ngaihnawm hle mai a. Nakinah ka chhiar nawn leh ang.
July 30th, 2010 at 2:24 pm
ngaihnawm reuh hle mai
July 30th, 2010 at 2:54 pm
A ngaihnawm hle mai a. A dang pawh rawn post leh rawh. Ka lo chhiar zel ang e.
July 30th, 2010 at 3:08 pm
Eng tin emaw tak a tawp dawn emaw ka tia, ani leh si lova, sawi tur a vang khawp mai. Ngaihnawm ti phawt mai ang.
July 30th, 2010 at 3:08 pm
@Mickey Hlondo thu i thiam khawp mai a. Tin, i tum ah i ziak lut tha bawk si a flow pawh tawlh panal ang mai a ni e, marh zuih, duah dik hlarh in i chhuah thei a.
July 30th, 2010 at 3:30 pm
1. 1st para khi = zualbonez.
2. 2nd Para khi = badboy.
3. 5th para khi = Frost.
4. 9th para khi = littlerascal :lol:
July 30th, 2010 at 3:31 pm
Mickey chu trawngkam i thiam kher mai. Nangmah ang a mi kah thiam thian hi ka nei ang tih ka hlau!! lol Buangpuia ka star!
July 30th, 2010 at 3:31 pm
hehee..nuijattlak ve!! :lol:
July 30th, 2010 at 3:36 pm
8th para = khamrang
July 30th, 2010 at 3:40 pm
Kei chu he thu ziak hi ka chhiar ve dawn apiangin computer-in i bialnu hming sawi phawt rawh a ti zel nia.
July 30th, 2010 at 3:44 pm
saala…khamrang a chu ka hming a naranin lo lam leh ta
July 30th, 2010 at 4:11 pm
Buangpuia chu Lalbuanga an tih hi em ni?
July 30th, 2010 at 4:28 pm
Buangpuia…, a hming pawh hi a uipa hming ruih mai. :lol: . A post tupa hi a thianpa hian kid atan a hruai thin anih hmel a, buangpuia hian a thianpa chanchin hi han post ve se chhiar a chakawm khawp ang.
July 30th, 2010 at 4:58 pm
Darrokima ve
July 30th, 2010 at 5:50 pm
ngaihnawm phian mai. chhunzawmna awm se o.
July 30th, 2010 at 7:55 pm
KA thriANPA MIcky a article Afaka chanchin a ziahna hi ka lo comment ve e. A thra khop mai… A dang poh ron post leh zel teh khai…
July 30th, 2010 at 10:53 pm
Het…. Nangma chanchin vek nih khi, phakar lutuk…I chanchin hi ka thai lang ve palh a nge aw…
July 31st, 2010 at 11:50 am
Mahni tuina ni bawk a, kan post zel ang chu… In comment hi ka hlawkpui thin e… Post leh turah pawh in lo comment zel dawn nia… In comment-na te hi ka la chhuak a, ka chhiar ka chhiar a, inzir, insiamthat ka ngaihna laite ka thlir nawn thin, Misual-hote ka hmalam panna zel turah in mi fuihna ka lo beisei reng e…
July 31st, 2010 at 11:56 am
helai te hi hriat thiam a har riau kati ve mai mai
“a dera that vel te hi a veikhawr tlat bawk.”
July 31st, 2010 at 12:05 pm
August 2nd, 2010 at 2:14 pm
a ngaihnawm khawp mai, Afaka_saron hian lar a chak deuh nge ni ooo… hetia a rawn vau ngot nachhan che hi hriat a chakom hle mai