Tun hnaiah Mizoram Health Care Scheme sawrkar in a kalpui leh dawn thu media hrang hrangah kan hmu a. Sawrkarin uar takin veng tinah tlangau hmang zetin a inziak lut duh tan inziah luh theih a ni tiin an puang reng bawk a.
Chhungkaw tam tak pawn beiseina sang tak nen an inziah luh sup sup hnuah sawrkar lamin, “APL family tan chuan Critical Illness 17 chauh a huam” an rawn ti leh si. Chhungkaw tam tak in an inziah luh laiin hetiang terms and conditions hi a awm tih an hre lova, a hma a kalpui dang ang khan an kalpui mai turah an ngaih vanga inziak lut an ni hlawm a.
Hetianga natna serious zual chauh a huam hi an thawhpui insurance company terms and conditions anih hmel a. Chhungkua an inziah luh laia sawi si lo, an inziah luh fel hnu vekah hetiang an ti leh mai hi mipui zah lohna a ni mai lo maw? Kei chuan inbumna chi khatah ka ngai tlat a ni!
