Kum 1994 Jan. Ni 11 khan Zoram pumah Chanchin Tha thlen kum 100 na (1894-1994) lawmin ruai nen ropui takin kan bei mup mup mai a nih kha..Kha kha kha tih hun lai a SEC (Synod Executive Committee) pawm dan a ni a. Presbyterian Kohhran mai ni lovin Zoram Kohhran thenkhatte pawhin kan pawm tlang thei niin alang.
Amaherawhchu, sawi dan dang alo piang chhuak leh a, chu chu SEC pawhin ngaihvenin sub-Comt. hial dinin thil awmdan zirchianna a nei leh a, chuta an thil hmuh chhuah chu, Zosap-te khan Ni 15.Mar.1891 ah ‘Kutbul chhuah’ (Kawnpui leh Mualvum kai) an lo lut a ni tih hi a ni a, chu chu SEC pawhin Zosapten Zoram leilung an rawn rah Ni atan apawm ta a ni.
Amaherawhchu, Zosapte khan Kutbul chhuah hi an rawn rap mai ni lovin he hmunah hian Chanchin Tha anpuang ngei a ni tih hrechiang an lo awm leh ta zel a, hetih lai hian Kutbul-ah hian Kudam a awm a, a bul velah mihring an khawsa a, tin, a chhak lawk Mualvum khua-ah lut chho zelin Chanchin Tha chu an puang ta zel a, tichuan Mualvum atangin Aizawl an pan ta niin an sawi.
Zosap ten Tlawng lui zawha Aizawl an thlen lohna chhan chu tuna Buichali Lei bullawkah hian Suar a awm a, Lawng akal tlang thei mai lova, chu Suar chu 1892 khan Bomb darh a ni awm e. He thu hi hetih laia Kudama inhlawhfa thinte hnen atang hriat a ni.
Hengte avang hian tunah hian Kawnpui Pastor Bial KTP chuan Kutbul kai-ah hian tun thla Ni 6 ah hian Pathian hnenah lawmthu sawia Tawngtaina hmanga hun hman an tum mek a ni. Hetia Zosapten Kutbul kai hi rap mai ni lova Chanchin Tha an hrilna hmun hmasa a nih avang hian Zosapten Zoram leilung an rawn rahna hmasa ber ni mai lova ‘Chanchin Tha thlen Ni‘ atana hman hi a remin a dik zawk lawm ni? tiin ka rawn Post ve a ni. Mi(sual) fel tak tak-te hriat atan.
Similar Posts:
- Mizoram History a inthlak mai thei!
- ‘Kawnkhawpui” leh a chhehvel chhinchhiahtlakte
- Rev. William Williams leh Mizoram a a sulhnu hmasa
- Kawnpuiah accident tam/Damdawi In thuam changtlung mamawh
- CCPUR ah Kawnpui khua Veng fai ber
August 4th, 2010 at 6:22 am
An rawn puanna a rei tawh bawk a ni, Mizo ho pawn chanchintha pawh kan nei tawh lo :lol:
Report this comment
August 4th, 2010 at 7:13 am
A va buaithlak teh nuaih ve le. Mahse Zoram Xtian te’n 1894 kan lo hmang laklawh bawk si. Academic records lamah te thlak ta sela documentary evidence a awm ngei ang em le? 1891 hian tute nge lokal reng reng le Synod office lam thuchhuah te lo ngaichang ve phot mai ila. History lam hi zawng hetiang ang kum bi inkalh hi a tam duh reng ania kan Bible ah pawh hian a awm nual mai
Report this comment
August 4th, 2010 at 7:23 am
Kan (Mizo) history hi a la rei lo teh reng nen hian a dik mawh phian lehnghal a. Sawidan a tam, sawitu an tam, pawmdan a hrang nuaih zel mai.
Jan 11 khi chu kan lo lawm thin ngei mai a..chumi hnua SEC in a dikzawk ni-a a pawmte chuan Kohhran-a mumalin hriattir sela, March 15 hi hman zawk tur a ni mai dawn lawm ni?
An zirchhiar hnu-a an final tawh chuan chu chu mipui pawhin pawm mai ila..(a diklona kan hria a nih loh chuan), a fel duak a ni mai.
Report this comment
August 4th, 2010 at 7:38 am
1890-ah khan (ka chiang lo 91 pawh ni mahna) Rev. William Williams te an rawn kal a. Anni rawn kal kha chu Missionary tirhna tur atana rawn enthla/enfiah hmasa ang kha an ni. Khasi ram atanga rawn chho an nih nghe nghe kha..
Jan 11,1894 hi chu FW Savidge (Sap Upa) leh JH Lorrain (Pu Buanga) te Arthington Mission tirh-a an rawn thlenna Ni ti-a pawm leh sawi thin a ni. Hei hi Mizo Historian leh Kohhran Hruaitute pawmdan a niang chu.. Chanchintha thlenna Ni-ah hman a nihna chhan pawh hei hi a ni. Abik taka Missionary hming pu-a an rawn tirh, rawn thleng hmasa ber te an nih vang zawk a ni lo maw? hehehe
(Sap Upa leh Pu Buanga te rawn kal hma hian Rev Williams te an rawn kal hmasa tih hriat tur) (High school-a kan zir dan/hriat dan kan sawi a ni e.. )
Mzvision sawi ang khian 1891 ah hian tu Missionary nge lo kal reng reng le? Missionary an nih loh erawh chuan Sap vakvai te pawh chu an ni mahna…. Pathian thu tlem an lo sawi ve te pawh chu a ni thei tho a.. khatih hun lai khan chhuanlam siamin British ram awp tihzaunan (divide & rule policy) an rawn kal mai mai te pawh a ni thei tho a.. ehhehhee
Chutiang anih loh te chuan Mizo te nen khan eng thu sawiin nge an inbiak reng reng ang aw…ka ti mai mai !
Report this comment
August 4th, 2010 at 8:02 am
Sap Missionary ho diary/journal han en mai tur a awm lo vem ni? Synod lam thuneitu te’n UK lamah zuk zawh tur an hre mai lo maw? Helaia rinthu lo sawi vak vak ai chuan kawngro a su zawk ang. Tin, missionary ho rawn tirtu kohhran khan record felfai tak an nei lo vem ni?
Report this comment
August 4th, 2010 at 8:22 am
mak tak ani
Report this comment
August 4th, 2010 at 8:28 am
Va buaithlak ve 1894 tih hi zoram khawvel hriat dan a niin,he thil (15th mar,1891 ) hi a hretu awm si ngatinge an puan zar loh a hun laiin ngatinge an zep tlat le aw. Kum 103-na ah confi deuhin kum 100-na kan lawm mup2 si a.
Report this comment
August 4th, 2010 at 8:31 am
Mizo history hi chhut chian leh, a theih ang ang a zir chian hi a ngai reng a ni.
Mizoram Chanchin Tha thlenni, hetia sub committee hial din thar a lo tul takna chhan, hemi thu rawn pu lut tu hi, tunah khan phone in ka be zawk a. Misualah chiangkuang deuh zawk a rawn sawifiah a tum e.
Report this comment
August 4th, 2010 at 8:33 am
A hun leh ni hre ve lo mah ila, Chanchin Tha ka tan Damna Chanchin Tha kan tan Lawmna.
Report this comment
August 4th, 2010 at 8:35 am
@shai: a post tu pa i tihna maw? (son of God)??
Report this comment
August 4th, 2010 at 8:43 am
# Mizo History ziak awm te hi atam zawk, (ka ti ngam) ka pu an rawn hnu a an ziah anih ka ring. Sailo ringawt an ziak an rawn hnuah pawh, pawisa ringawt an ngaihtuah. Reng lal te kha Manipur emaw Tripura lal emaw angin an sawi daih, an phakar, an in dawr reng si a. I gotta proof
Report this comment
August 4th, 2010 at 8:51 am
Zeph, ni lo e. Amah in pawi ati lo anga, sawi ta mai ila Lalhruaitluanga Ralte, Synod Press Manager. Hemi thu lo chhuahna, a lehkhabu ziak ‘Zoram Vartian’ tihah hian, mizo history in thlak dawrh theihna, thil tam tak a awm. Research leh references nei vek a ziak a ni…
Report this comment
August 4th, 2010 at 8:57 am
@Shai: OK..ty.. a that dawn chu..va ngahhlelhawm ve.
Report this comment
August 4th, 2010 at 9:38 am
Kutbul kai ah hnuhma an nei hmasa a, an lo chho zel a Lawng in, chuan Buichali kai bul a suar awm ah chuan an kal theih loh avangin an let leh tihna a ni awm a??? Thenkhat sawi dan in, saw mi changsil kai ah riak in, ke in Sairang an lut a, Sairang ah pawh an riak ni awm tak ani,Lung te hial an phun abawk sia..Sairang atanga Aizawl lut ni awm ten an sawi.Hriat chian avan chak awm ve le he thu hi??
Report this comment
August 4th, 2010 at 10:14 am
Mary Winchester khan Isua chanchin hi a mantu ten an kawl lai khan a sawi thin an ti. Hei zawk hi a hmasa zawk anga. :lol:
Report this comment
August 4th, 2010 at 10:25 am
Zawh belhna:
1. 1891 March Ni 15 velah Kutbul chhuah leh Mualvum vela chanchin tha an hril hre chiangtu tun thlenga dam an la awm reng em? Engtin chiah nge an hriat chian dan chu?
2. 1891 ah Mualvum atangin Aizawl lamah an kal ta zel ni se, Aizawlah chuan 1891-ah an lo lut tihna a ni em? Kohhran History leh kan Zosapte kuthnu en chuan Jan 11, 1894 hi Aizawl an lo luh ni leh, Sairang lam atanga lo lut an nih thu hi a chiang viau si a.
3. Heng Missionary te hi Sap Upa leh Pu Buanga em ni?
4. He thu hi thil ni tak tak a nih chuan engatinge 1994 kuma Gospel Centenary kan lawm hut hut lai te khan an sawi chhuah tawh loh? Tun hnua mahni khua leh veng dah pawimawh duh avanga thu belhchian dawl lo engemaw vawrh darh tumna a ni thei em?
5. Synod hoin Sub-committee meuh an ruat a nih chuan an ‘Proof’-na chu document fel tak hmuh tur a awm reng em?
Tunah rih chuan: Awih har ka la ti deuh!
Report this comment
August 4th, 2010 at 2:01 pm
Kum 1891 march 15 a kutbul kai a missionary leh Jan 11 1894 missionary te hi, mi sawi dan in a hrang an ti. Rawn sawi fiah tu awm se aw…
Report this comment
August 4th, 2010 at 2:12 pm
Kutbul kai a lo lut hi William Williams a ni a, a rual hian khasi pa pawh a tel awm e. Reivaklo mizorama an vahkual hnu in an kir leh a, chutah Pu Buanga te thiandun kha an rawn chhuak a, anni chu an cheng rei ta niin sawi a ni. Hemi thu hi sapram lama library documents hlui vel atanga haichhuah a ni.
Report this comment
August 4th, 2010 at 11:28 pm
Ku-Shai, Pu Hruaia hi a lawm miril, thil chhinchhiah mi, mi taima tak a niin ka hria.
Khamliana, Lungleng Lal kha ziak leh chhiar thiam hmasa ber a kan lo ngaihte kha Pu Buanga Log Book atang khan a rawn proof wrong ta sia….
OT dalah a kum lamah a lo dik chiah lo anih pawhin men tih zauh atha em aw? Krismas ni pawh kan hmang dik chiah chuang loh hi maw le!
Report this comment
August 5th, 2010 at 8:31 am
Tlem kan sawi ve ang e. research ka tih ve tawh a ni bawk a.
Missionary-ten Mizoram leilung an rahna hmasa ber leh Chanchintha thlen ni
Welsh Presbyterian missionary Rev. William Williams-a kha Mizorama missionary lo lut hmasa ber a ni a. March ni 2, 1891 Thawhtanni hian Silchar atangin Mizoram luh tumin an chhuak a. Tlawng luiah lawnga lo chhovin March ni 11-ah Tut lui chhuah an thleng a, helai hmun hi Vaiho chuan Guturmukh an ti. Hetah hian English mi, thirhrui sap an kawm a. Coffee ser chanve leh chhangthawp tlawn khat an pe a, Police pawh an awm(Kristian Tlangau. April, 1953, p.69). Hei hi Missionary-in Mizoram leilung an rahna hmasa ber chu a ni. Chanchintha hril tura chuangkai erawh an ni lo, thirhrui sap ina lenglut an ni.
March ni 15, Pathianni chhunah Kutbul kai an thleng a, an lawng atangin vaukamah kaiin chu laia Mizo lo awm, Mualvum naupangte leh putar pakhat hnenah Isua chanchin an sawi a, Bible milemte pein hlate an saksak a, ang phiauin an ngaihthla (Kristian Tlangau. March 1953 , p.69 leh April, p.74) Hei hi Mizorama Chanchintha thlen tan ni tak chu a ni. Chanchintha hril tura Mizoram leilung an rahna hmasa ber a ni bawk.
Hemi hnuah hian Aizawlah an lut a, Dokhama khuate (tuna Khatla piah Bungkawn CID complex-ah, a hnuah Maubawk lal a ni zui) hnenah Pathian thu a hril leh a(Vânchhûnga, Lusei leh a vêla hnam dangte Chanchin, p.322). Aizawla thla khat dawn lai an cham chhungin Aizawl khawpui leh kawngte siama, tihluihnaa khaw tin atanga Mizo kuli lo kalte hnenah thu an sawi leh a. Pathianniah Khasi leh Manipuri-ho hnenah pawh a thiante nen Pathian thu an sawi thin(Kristian Tlangau. April 1953, p.78).
Report this comment
August 8th, 2010 at 10:55 pm
Kawnpui Bial KTP te hian Kutbul luiah hian hriatrengna tur chi engemaw tak siam se avan tha dawn ve, Eng hunah nge chanchintha a lo thlen khawi hmunah nge tute nge Missionary sapte tihah buai buai lo hian, I tun hunah khan Chanchintha a lo thleng em? Nge la thleng lo zawk? tih ngaihtuah zawk ila ka ti pa mai
Report this comment
November 18th, 2010 at 9:42 pm
NO COMMENT
Report this comment