Mera boot mera muza
Zan dar 12 a pel tawh, ka mut a chhuak thei thlawt lo ka tho leh tawp. Ka pasal chu tih harh ka hlauh em avangin a dim thei ang berin ka tho them them a. Thawmneilo thei ang berin thingpui ka insiam a, TV ka on a, mahse ka ti ring ngam silo a ka off leh nghal a. Mapuia room chu a la eng phat mai. Lehkha a zir anih dawn ngei hi, ka ti a, thingpui hi chu englai pawha a duh ve thin avangin ka va siamsak ve a, a room ah chuan ka va pe a.
Lehkha a zir emaw ka tih chu a lo online veng veng mai mai a, enge a tih ka zawh chuan “Ka misual” a ti mai a.
“I misual a?”
“Aw”
“Thil sual i ti maw?”
“Catch lo ve sia!! misual.com ah thil ka chhiar mawle!”
“Khawimaw ka lo en ve chhin,” ka tia, thutna tur mai a awm loh avangin choka ami stool la turin ka tir a.
A kal hlan chuan a thil chhiar lai chu ka lo en a, mi pakhatin Aizawl atanga Gauhati an zin kawnga an bus chuanna chanchin vel a ziah hi a lo ni a. Thil ka hre chhuak uai uai a, ka nuih te a za a, Mapuia stool la rawn let chuan mak min ti lutuk.
“Enge i nuih vak vak?”
“Ka thil chhiar hi mawle.”
“Ka chhiar vek tawh a, a nuihzatthlak pawh ka ti lo,” a ti chuar chuar a.
“I u Marina nena kan inhmuh hmasak ber hun ka hrechhuak a, ka nuih a za mawle.”
“E in intawn dan hi ka la hre ve miahlo, tuman min hrilh tha ve duh lo a, min lo hrilh ve teh,” a ti ta sek sek a.
Tuma bula sawi lo turin ka intiam tir te te a, thisen chuan hming kan ziak lo deuh, ka hrilh ta a.
Ka cousin Zampuii, sumdawng hlawhtling hleitheilo hi Gauhati ah ka zui a. Krismas a ni tep tawh a, a vawt vur mai. Bungraw la tura zin pawh kan ni lo, engemaw tihtur ka nei, lo kal ve rawh tiin min sawm a, kei lah Gauhati la hmu ngailo khan remchang ah la in ka lo zui ve hmak a. Sikul kan chawl tawh a, tihtur em em ka nei lo a, ka phur kher mai. Gauhati ah pawh chuan engmah pawh kan ti lo, a mi hmuh duh te kha an lo zinbo daih a, halpuah zawrh tur te kan lei ta vel mai mai a.
Bus in kan haw a,ka rui deuh reuh a, ka ning rapthlak. Chuta karah Sonapur an ti emawni,lei min ngun deuhna lai ah khan kan ding reng leh zui a. Thosi a tam kher mai. Kei lah thosi seh haw ber mai ka lo ni a, ka ke leh ban velah chuan min seh ta sup sup mai a, ka inbeng char char a. Kawrlum ka bag a mi chu ka phawrh a, ka ha a. Mahse ka ke lamah an insawn thla a, tihngaihna vak ka hre si lo kha ka ke ka per vak vak ringawt a.
Marina chu kan bus ah chuan a chuang ve a, chutia ka per ta vak vak chu mak a ti aniang chu, a chhan min rawn zawt ta tawp mai a.
“Thosi hi lawm, ka ke ah min seh nasa lutuk.”
“A va zialo ve aw!!”
“Nia nang chu i vannei alawm, pheikhawk pum i bun a, an seh ve miahlo ang che,” ka ti a
“Muza bun tur i neilo emi?” a ti a.
“Nei lo, shawl chu ka nei a mahse ke han tuam vel kha a remlo em a.”
Thil ka ngaihtuah chhuak thut.
“I muza ka lo bun, i phal em?” tiin Marina chu ka zawt ta phawng a. Mak chu a tih deuh ka ring, mahse mak ti awm pawn a awm lo, nula in nitin a muza bun an dil thin ni awm tak hian awlsam tein a remti a. Kawngsirah chuan kan thu te te a, a pheikhawk chu a phelh a, a muza chu ka bunsak ta a, thosi pawhin min seh ta lo. Min chhanchhuak chiang kher mai.
Tluang takin Aizawl kan thleng a, Bawngkawn ah kan chhuk a. Marina chu ka phone no leh kan in awmna lai te ka hrilh a, “I muza lam turin i lo kal dawn nia” ka ti a, kan inmangtha ta a.
A tuk zanah chuan a thianpa nen an lo leng a. A muza pawh chu ka lo su fai diam tawh a, ka pe a. A thianpa boot bun khan ka nuih a tiza ta tlat mai anih chu, beatles shoe an ti emi kha, a chhip zum deuh vah kha.
Zampuii ka hrilh a, a hmu ve chak leh ta tlat mai a. “Marina chu phone la, lo leng leh turin sawm rawh” a ti a. Ka zak ve deuh a, mahse Zampuii hi chu a tih tawh chu ti tut tut chi a ni a, Marina chu ka va phone ta a.
An rawn leng leh ta a, a thianpa pawh chuan a boot chu a rawn bun leh ta a, Zampuii pawh chumi zan chuan kan inah a rawn chho a. A nuih a za lutuk kha bedroomah a lut daih a, SMS thing deuh deuh hi min rawn thawn a. Ka nuihza insum hmel kha ka hmuhnawm ngawt ta ve ang.
Ka sawi zo chu Mapuia chuan ngaihnawm a ti kher mai.
“I u Marina’n kha muza kha a la dahtha reng a sin,” ka ti a. A en chak ta tlat mai. En man cheng sawm ka dil a, min pe a. Marina muza la tur chuan kan roomah chuan dimte in ka va lut leh a, light ka on ngam si lo a, torchlight ka hmu si lo, ka phone eng ring chuan muza chu ka zawng ta a, ka rin aiin ka thawm a lo ring aniang Marina chu a lo harh a.
“Enge i tih? Lo mu rawh”
Ka mu daih.
Zan dar 12 a pel tawh, ka mut a chhuak thei thlawt lo ka tho leh tawp. Ka pasal chu tih harh ka hlauh em avangin a dim thei ang berin ka tho them them a. Thawmneilo thei ang berin thingpui ka insiam a, TV ka on a, mahse ka ti ring ngam silo a ka off leh nghal a. Mapuia room chu a la eng phat mai. Lehkha a zir anih dawn ngei hi, ka ti a, thingpui hi chu englai pawha a duh ve thin avangin ka va siamsak ve a, a room ah chuan ka va pe a.
Lehkha a zir emaw ka tih chu a lo online veng veng mai mai a, enge a tih ka zawh chuan “Ka misual” a ti mai a.
“I misual a?”
“Aw”
“Thil sual i ti maw?”
“Catch lo ve sia!! misual.com ah thil ka chhiar mawle!”
“Khawimaw ka lo en ve chhin,” ka tia, thutna tur mai a awm loh avangin choka ami stool la turin ka tir a.
A kal hlan chuan a thil chhiar lai chu ka lo en a, mi pakhatin Aizawl atanga Gauhati an zin kawnga an bus chuanna chanchin vel a ziah hi a lo ni a. Thil ka hre chhuak uai uai a, ka nuih te a za a, Mapuia stool la rawn let chuan mak min ti lutuk.
“Enge i nuih vak vak?”
“Ka thil chhiar hi mawle.”
“Ka chhiar vek tawh a, a nuihzatthlak pawh ka ti lo,” a ti chuar chuar a.
“I u Marina nena kan inhmuh hmasak ber hun ka hrechhuak a, ka nuih a za mawle.”
“E in intawn dan hi ka la hre ve miahlo, tuman min hrilh tha ve duh lo a, min lo hrilh ve teh,” a ti ta sek sek a.
Tuma bula sawi lo turin ka intiam tir te te a, thisen chuan hming kan ziak lo deuh, ka hrilh ta a.
Ka cousin Zampuii, sumdawng hlawhtling hleitheilo hi Gauhati ah ka zui a. Krismas a ni tep tawh a, a vawt vur mai. Bungraw la tura zin pawh kan ni lo, engemaw tihtur ka nei, lo kal ve rawh tiin min sawm a, kei lah Gauhati la hmu ngailo khan remchang ah la in ka lo zui ve hmak a. Sikul kan chawl tawh a, tihtur em em ka nei lo a, ka phur kher mai. Gauhati ah pawh chuan engmah pawh kan ti lo, a mi hmuh duh te kha an lo zinbo daih a, halpuah zawrh tur te kan lei ta vel mai mai a.
Bus in kan haw a,ka rui deuh reuh a, ka ning rapthlak. Chuta karah Sonapur an ti emawni,lei min ngun deuhna lai ah khan kan ding reng leh zui a. Thosi a tam kher mai. Kei lah thosi seh haw ber mai ka lo ni a, ka ke leh ban velah chuan min seh ta sup sup mai a, ka inbeng char char a. Kawrlum ka bag a mi chu ka phawrh a, ka ha a. Mahse ka ke lamah an insawn thla a, tihngaihna vak ka hre si lo kha ka ke ka per vak vak ringawt a.
Marina chu kan bus ah chuan a chuang ve a, chutia ka per ta vak vak chu mak a ti aniang chu, a chhan min rawn zawt ta tawp mai a.
“Thosi hi lawm, ka ke ah min seh nasa lutuk.”
“A va zialo ve aw!!”
“Nia nang chu i vannei alawm, pheikhawk pum i bun a, an seh ve miahlo ang che,” ka ti a
“Muza bun tur i neilo emi?” a ti a.
“Nei lo, shawl chu ka nei a mahse ke han tuam vel kha a remlo em a.”
Thil ka ngaihtuah chhuak thut.
“I muza ka lo bun, i phal em?” tiin Marina chu ka zawt ta phawng a. Mak chu a tih deuh ka ring, mahse mak ti awm pawn a awm lo, nula in nitin a muza bun an dil thin ni awm tak hian awlsam tein a remti a. Kawngsirah chuan kan thu te te a, a pheikhawk chu a phelh a, a muza chu ka bunsak ta a, thosi pawhin min seh ta lo. Min chhanchhuak chiang kher mai.
Tluang takin Aizawl kan thleng a, Bawngkawn ah kan chhuk a. Marina chu ka phone no leh kan in awmna lai te ka hrilh a, “I muza lam turin i lo kal dawn nia” ka ti a, kan inmangtha ta a.
A tuk zanah chuan a thianpa nen an lo leng a. A muza pawh chu ka lo su fai diam tawh a, ka pe a. A thianpa boot bun khan ka nuih a tiza ta tlat mai anih chu, beatles shoe an ti emi kha, a chhip zum deuh vah kha.
Zampuii ka hrilh a, a hmu ve chak leh ta tlat mai a. “Marina chu phone la, lo leng leh turin sawm rawh” a ti a. Ka zak ve deuh a, mahse Zampuii hi chu a tih tawh chu ti tut tut chi a ni a, Marina chu ka va phone ta a.
An rawn leng leh ta a, a thianpa pawh chuan a boot chu a rawn bun leh ta a, Zampuii pawh chumi zan chuan kan inah a rawn chho a. A nuih a za lutuk kha bedroomah a lut daih a, SMS thing deuh deuh hi min rawn thawn a. Ka nuihza insum hmel kha ka hmuhnawm ngawt ta ve ang.
Ka sawi zo chu Mapuia chuan ngaihnawm a ti kher mai.
“I u Marina’n kha muza kha a la dahtha reng a sin,” ka ti a. A en chak ta tlat mai. En man cheng sawm ka dil a, min pe a. Marina muza la tur chuan kan roomah chuan dimte in ka va lut leh a, light ka on ngam si lo a, torchlight ka hmu si lo, ka phone eng ring chuan muza chu ka zawng ta a, ka rin aiin ka thawm a lo ring aniang Marina chu a lo harh a.
“Enge i tih? Lo mu rawh”
Ka mu daih.
This entry was posted
on Wednesday, August 11th, 2010 at 5:29 pm and is filed under Fiction.
Both comments and pings are currently closed.
