Ka Fapa,
Kha…, I tleirawl chhuah hlima ka sawi thin fó kha– Rím leh hah taka hna thawk a, bianga thlantui luanga ei zawng tur kan ni. Chu chu Pathian ànchhia a ni miau a, hna kan thawk ngei ngei tur a ni. Nang pawh, hna thawk thei i nih hun chuan ka chawm reng tawp lo ang che. I thawh loh chuan i nghei ang…
Hna reng reng, eng hna pawh a zahawm a, miin ék paih hlawh atanga chhungkua/ nupui fanaute puar khawp ei tur leh mamawh a hlùi thei a nih chuan, chù hna leh a thawktu chu hmuhsit zía a ni lo e.” ka tih thin kha.
Khawvel hi!
Hmanah chuan tharum ngah leh michakte dinchanna khawvel a ni ngei a; tunah erawh thluak chak leh mithiam, inzir peihte tá a ni ta! An duh danin khawvel an khalh a, a chhunga chéngte pawh min chawk-let-kual vel a ni ta ber a! Chutiang teh hrep khawvela chéng kan nih tàk siah chuan Finna/ Thiamna/ Hriatna sáng zawk bei turin, neihthinglung khawng tak meuh meuhin i inkhawh thla ve ta kha a ni a.
Ni e, khuanu zarah Kut/ Ke kim, Hriatna leh Hmuhna fiah tha, Chhia leh Tha thliar thiam tura thluak fím neiin i piang a, i tum chuan hlawhtling ngei tura ngaih i ni. Nupui fanau/ Nu&Pa chawm zo ngei tura rin i ni bawk! Ti chuan, zirna sàng chu belin thiam deuh deuh tura zirtir i ni ta a, thiam belh zel duha inzir i ngai ta! Beiseina sàng taka chhungte thlir mèk i ni a, kan beiseina aia sánga hlawhtlin thei i ni.
Hlawhtlinna i rawn pùak chhuah tur thlira ring fàn ka ni a, i rahchhuah tur mitthla-a hlim kan ni. Hmalam hun éng i neih nana inséng ka ni a, i tumna sàng tak avanga inhùam kan ni. I tum chu ruh sauh sauh rawh se.
Ka Fapa,
Kei zawng, ka hun a liam ruai ruai e! Mi Pa-te angin Ro/ Thilhlu rochun tlak ka nei lo, Tángka lah ka nei hek lo. ‘Thu’ bàk hnutchhiah tur che ka nei dawn hauh lo. I tan ka theih tawkah erawh tawlh ka tum lo! Tun hun, i tana ka lo phét ve chhet chhet theih hun tawite hi– hun hlù a nih hre reng la; rual èlin bei fàn fàn ang che.
Miropui leh Milian fate mah– Pate neih chèn mai mai lo leh an ro/sum neiha innghat thlamaung vel mai mai loa thiamna sáng úm-a an phè suau suau anih chuan, nang chu i vir vat vat tur a ni. Hriatna tam zawk nei tura an kherh a nih chuan, nang chua’n a buanin i búan mai tur a ni. Finna sàng zawk nei tura an bei a nih chuan, a suala sual chhuah i tum tur a ni!
Ka thu hnuhnung a tan– “Beiseina-in ka thlir che a; Suangtuahna-in ka hmuak che a; Hmangaihna-in ka vil che a; Tawngtaina-in ka ùmzui thin che” tih tè mai hi. Pathian hmingin Mal ka Sawm a che!
Similar Posts:
- Emotional Intelligence i nei sang em?
- Nangmah nge Keimah
- Nang leh Kei
- Ka Zirtirtu
- Siamtu i fak ang u
August 12th, 2010 at 2:20 am
wow Pu Kawlhawk, ava nalh in ava hlawkpuiawm ve.
Para 1- Thawk lo chuan ei pawh ei suh se.
Para2- Mahni thil neih leh Mahni phaktawka lungawi zirna.
Para 3- Pen is mighter than sword
Para 4- Thlen chin atanga hmalam pan zel.
Para 5- ka tum nge ruh saruh.
Para 6- A hunlaia tha thlah lova beih fan fan
Para 7- Competitive. Mi te aia thlen san duhna rilru put.
Para 8- Pathian hrereng chunga engkim tih.
Min fuih tha hle mai.
Report this comment
August 12th, 2010 at 2:22 am
Pu Kawl … atha khawp mai~!
Report this comment
August 12th, 2010 at 2:25 am
Kan OT hmasaber lawks! France in an football coach a thlak thar a, an coach thar in player hlui a ban vek a,player thar vek a la.Tunah hian Oslo-ah Norway nen an in khel mek! 2-1 in Norway in hma a hruai ve khanglang
An naupang hlawm khawp, mahse an thiam, a khelh hrim hrimah chuan an khel tha zawk, mahse an vanduai rih deuh ni in a lang.
Report this comment
August 12th, 2010 at 2:39 am
Thiamna hia a leia lei a ngai ta deuh a nih hi mawle.
Report this comment
August 12th, 2010 at 2:50 am
va post tha lehpek ve!pu kawlhawk nge nge..
Report this comment
August 12th, 2010 at 2:56 am
Broiler chezia atanga a zirchhuah ngawt chu a ni hauh lovang le.
NOI
Report this comment
August 12th, 2010 at 3:14 am
kawlhawk: I fapa hi he thu chiah hi I thawn tak tak anih chuan khawvela lehkhathawn ropui ber ber te aiin a hniamna ka hre chuanglove..
mahse hetiang hi nu leh pa tam tak hian fate hrilh nachang an hrelo thin ani..
Nehru-an a Fanu Indira kum 14 aniha a lehkhathawn te, Abraham Lincoln an a Fapa Headmaster hnena a lehkhathawn tekha kala hrereng thin.. chu mai pawh nilovin kala by heart chhuak deuh thaw..
Mahse typical mizo ho hian tun thleng hian hetiang lam, fate rilru puitling nei tura zirtir ( an lehkhathawn ina a message ken tel zawk a hi) hi anla ti vaklo thin niin ka hria hetiang kum zat angah hian..
Gandhian Phylosophy tehi han ngaisang thin mahila, Gandhi -a meuh pawh hian a fate hi hetianga zirtir nachang hi alo hrelo ania (chuvang pawh chu ani ang Gandhi a fate leh thlah ho hi India ram politics ah advantage nei em em mah nise, an ropuilo tlat.. Gandhi khan a fate aiin India ram a ngai pawimawh zawk pawh ani mahna, A fate pawhin zirna tha an hmulo reng bawka…)
Fa enkawl chungchangah chuan Gandhi aiin I ropui lo ni rengin…
Report this comment
August 12th, 2010 at 3:45 am
awi kawlhawk a tha ka ti
Report this comment
August 12th, 2010 at 5:02 am
Tunlai a email an in thawn laia lehkha lo in thawn te chu
Report this comment
August 12th, 2010 at 5:37 am
He post zet chu tha leh pek khawp mai. Vawn reng tlak anih hi.
Report this comment
August 12th, 2010 at 5:50 am
“Letter to Indira” ai pawhin a tha zawk daih!
Zirlai ka nih laiin ka nu leh pate hi lehkha ka thawn uar khawp. Kan relation a tha thin bawk a. Ka lehkhathawn bul lam (ziak tan dan hi chu Theological tak) a ni ziah thin.
A tawp lamah erawh hi chuan ka retheihzia leh sum ka tlakchham rawn hnawh khat tur hian nu leh pa hne nasa tak ka ni thin thung. Thu tha tak tak hi nu leh pa atangin ka dawng chamchi fo, sawtpui loh thu tha hi a van luang ral hnem thin tak!
Pathian anchhia-ah hian malsawmna a rawn inchhawpchhuak dawn chauh hi a lo ni! A hrethiam leh thahnemngai apiang an nihlawh mai zawng a nih hi! :lol:
Report this comment
August 12th, 2010 at 7:11 am
Tha pap pap hle mai,fapa nei chuan hetiang hian zirtir theuh a tul a ni
Report this comment
August 12th, 2010 at 7:27 am
Pathian hian kan zikchhuahna atranga kan zir tur hi tamtak a chhawp chhuak. kawlhawka fapa pawh hi pa kaihhruaina avanga tumruh tak a lehkha zirna tur tuaka inhlawh trang trang, a computer thiamna te pawh hun khawhralna ho mai maia hmang lo, a zir zelna tura sum tuak nana hmang tumruh deuh ani tih ka tawng, ka hmu, ka hria.
Nu leh pa zirtirna hi chu fate hlawhtlinna ah hian 50% chu ani chiang mawle. kawlhawka hi a palian a ban-tha na na chu a hmang rim khawp ang nikhata ar 100 chuang thranghkat lian dawn lo puaha lo sat tawh ani. A ban-tha leh thluak fima a sum hailuh ngei maia mahni in leh lo din ve ngat ani. Kan tunlai pavalai/la-nu-val parents paid a inchhek-arbawm hi an va tam em :!:
Heti chunga a fapa lehkhathawn hi zirtlak ani. mi(sual) zingah hian miropui ziak chhiar chu kan tam ang hetiang anga thu ropui zir tlak thawn hi kan awm ka ring lo. Fapa 4 leh fanu 1 kan enkawl te hi inren tur te, taima tur te, rinawm turte huaisen turte leh Pathian trih turte in kan chah kur ve thrin. Thu pangngai deuh hlir hi ka hrilh ve thrin.Tlar li-nga bak ziak tur ka hre ngai lo. kawlhawk i thu ziak thiam dan leh ngaihtuahna fim hi chu ka va awt tak che em :otbontoptop:
Pian leh murna in a zir chuan, thlahtute atranga chhawm ni bawk thuthiam riau hi an lo piang chhuak ngei ngei. Kapa hian ka lehkha zir chhungin lehkha min thawn tlar li vel bak a sawi ngai lo. Kan vengah a thu thiam loh zia a larpui. Ka chhun aniang ka thiam lo hle.
mi(sual) ah pawh hian kan pian leh murna zia awm chu kan comment atrang hian a rintheih khoops.
@elcee i va’n vang em em ve le, i thu leh hla kan lo ngai thrin asin FB lamah tal contact che ka va duh ve le
Report this comment
August 12th, 2010 at 7:41 am
A tha khawp mai tih nge A thra khawp mai…?
Last para ah ‘tih te mai’ an ti leh zauh a lawm le…A thra khawp mai..
Report this comment
August 12th, 2010 at 8:01 am
Pu kawlhawk chu a nagisanawm khawp mai. Fanau enkawl har zia hi ka hrechiang ve thawkhatin ka hria. Pu MZ-a pawh hi a fate a enkawl puitling khawp mai an ti… Heng mi hi chu anmahni hna pawh an thawk tha ngei ngei, mi zawmthaw tak an awm ka hre vak lo.
Pathianin rohlu tak min pek kan fanaute tha taka kan enkawl hi a pawimawh khawp mai. Mahni fate thlahthlam thak khawpa hnadang ngaihpawimawh hi kan sim a hun ta khawp mai.
Report this comment
August 12th, 2010 at 10:17 am
fapa 3 ka nei a, an chhiar tur in kan ‘print out’ teh ang…
Report this comment
August 12th, 2010 at 10:47 am
Rilru a va hneh raih2 ve…..ka chhiar zawh hian ka chhungten neih baka min zirtir ka rilru ah a lo lang a ka chhungte chungah ka lawmna a zual…….
Thiamna hi a a leia lei chu angai ve ngei lawm..thil tha hi a thlawn a neih ngawt thei a ni thin lo reng a ni…
Report this comment
August 12th, 2010 at 11:45 am
Kawlhawk thu i thiam si, Hmel ah lah Lianchi a ang vuk in i keu bawk si, kan nu i lo ngaizawng ang tih ka va han hlau tak em…
Report this comment
August 12th, 2010 at 1:34 pm
A va han thra leh ta piap piap ve le…Sir kawlhawk….. Mi pakhat chu i ni chiang alawm nang hi chu.
Report this comment
August 12th, 2010 at 2:30 pm
He is my Hero
Report this comment
August 12th, 2010 at 3:19 pm
A ngaihnawm in, chhiar a manhla hle mai! Pu Kawlhawk nge nge, ngalfim in dam rawh!
Report this comment
August 12th, 2010 at 3:41 pm
Pu Kawlhawk, ka ngaisang che!
mzvision@13 pawh ka ngaisang!fanau enkawlah tluk loh rim in nam e.
Report this comment
August 12th, 2010 at 7:15 pm
Post of the month ah ka puang e. Hetiang post, zirtir nei tha hi, mipuitling chin chuan tha an ti.
Report this comment
August 12th, 2010 at 7:32 pm
Pu Kawlhawk, i fapa ni ila, khiti ang thu thra tak tak ka dawng reng àwm si a, tuna ka dinhmun let thawkah ka inhlangkai ang.
Threnkhat chuan an fate an fuih a, threnkhat erawh chuan an pate an zilh thung a nih hi.
Report this comment
August 12th, 2010 at 7:34 pm
#24 Mr. TSA, kawlhawk a fapa tur chuan i chal hriau hriau ee. NOI :lol:
Tak2 a, ngaihnawm ka ti dawn nge thu awmze nei thui tak a ni chiang alawm.
Report this comment
August 12th, 2010 at 7:53 pm
Khai a, hei chu rilru a va hneh ve, Shillong kan awm ve lai chhungte’n a hun a pawisa min lo thawn lo ka’n thinrim lai te min ti hre chhuak…
Report this comment