Kan ram a changkan sawt zia hi eng atangin nge kan teh thin le? Mihring awmzat a zira motor kan neih danah a mi? Hmanlai aia intha kan neih tam lamah zawk nge? Mithiam kan ngah vang em ni zawk? Nge kan mihring mihrinna hrim hrim Ni e,motor kan ngah ta khawp mai..amaherawhchu motor jam kan la buaipui a,parking fee chungchangah kan inhnial a,motor hunna tur kan neihloh vanga kan sawi kan sawi thil tam tak hi eng vangin nge kan changkannaah kan sawi ngawt ang.
Nih,in tha pui pui kan neih vangin kan changkang tawh kan ti a mi? Mangkhawng kan kam tam mai mai a..mangkhawngin min hual thup mai hi changkanna em ni ang? Mithiam kan tam vangin maw? Lehkhathiam hna hmulo pawl kan awm! Kan mihring mihrinna em ni? Ne,hmanlai ai chuan kan changkang tawh khawp mai..mahse,kan changkang mah mah a..midang kan ngaipawimawh lo tial tial inti ve tho in ka ring. Kan changkan dan hi eng tak chuan teh ang maw?
Kan nundan phung leh khawsak phung a san tawh zia kan sawi dawn chuan ramdang nen khaikhin fo a ngai thin. Kan nula tlangval hoin an entawn ber sap ho hi an changkang kan ti a,an nunphung pawh kan la nasa hle. Mahse,sap ho chhungril nundan hre tak tak si lovin a pawnlang chauh kan la in ka hria. An incheidan angin kan incheia,kan in ti nalh a,kan inla ve em em lehnghal..keini chuan neih bak bak in kan lei a,kan inchei a,kan la inla eng nge maw zawk a nia. Hnamdang ho chuan an neih milin an inchei thin tih kan hre duh si lo!
Kan motor neih te hi! Mi ramah chuan a dahna tur tha tawk an neih hnuah motor an lei chauh a..keini ramah chuan kawngpui kan kawta a awm chuan a dahna neiah kan inngaia a nei deuh chuan an lei mai thin a nih hi. Kan rama motor let eng nge maw zat hi mi ramah an nei a..keini ram ang em em in a jam ve ngai lo thung. Kan plan a in that hleih zawng a nih hi.
Kan rama in sak hi han en teh ang u..a chep in,a buai nuai a ni ber mai a nih hi mawle. Khampangah te in kan han vawm kai ringawt mai te hi zawng a huaisen thlak deuh a ni e. Inla changkang fu siah chuan mangkhawng in kam tamna ber ram kan ni awm e.
Mi ramah chuan an mithiamten mahni hna an thawka,sorkar hna an thawhloh vangin hna hmulo pawl an din ve mai mai ngai lo. Keini ramah chuan sorkar hna kan thawhloh chuan hna hmulo pawlah kan inziak lut mai thin a. Eng atan nge lehkha kan zir ni ang aw..?
Mizote hi mahni indah sang(in ti vai tingtang kan ti dawn mi?) kan tam ka ti thin. Hla pakhat rawn ar mit tet khuan pui ve vak vak a,lar ta ber a inngai kan va tam ta em? Helam chu sawi tam lovang mi pawi kan sawi tam mai mai…mahni hnam tawng pawh thiam mang si lova inla eng emaw hi a tihchi loh. Mahni mawng hlim kan ni mai mai.
Hawh u,mahni nihna angin lang ngam ila..hma kan sawn theihnan hnamdang nun a tha lai lachhawngin,kan hnam nunphung chhawm nung zelin RALTIANG I KAI VE ANG U.
Similar Posts:
- Ve Mai Mai
- Minung Thi (Living Death)
- Benga ka thilhriat- ka ngaihtuah zui..
- Ka pu,’officer ka ni i ti a maw?’
- Krismas Thuchah
August 13th, 2010 at 8:29 pm
A tha dap dap khawp mai..La chhiarchhuah tur a nih hi
Report this comment
August 13th, 2010 at 8:32 pm
i kai mawlh teh ang u, awmna ngaia awm reng zawng khua a har thuah THUM em mai….!!!!!
Report this comment
August 13th, 2010 at 8:42 pm
I kal nghal ang u le….
Report this comment
August 13th, 2010 at 8:50 pm
A tha dap dap hle mai.
Report this comment
August 13th, 2010 at 8:52 pm
Raltiang kai tur hian short cut a awm si lo a le. Kan hnam hi a la naupang em mai a, changkang tawhte rilru puthmang ang input tir tum hi a harsa a nih hi. A tahtawl te te zelin, hmanhmawh lovin maw le!
Report this comment
August 13th, 2010 at 9:10 pm
A tha viau zel e.a Thupui i dah danglam thiam e..hmanni lawk te,hman tawh ah te,hman deuh ah te,nimin lawk ah te i rilru ang pumi ten an post fo tawh a..in tum,in duhthusam a in anga..i thairang dan a inanglo deuh e tih thu choh ani..
Ram leh Hnam dinchhuahna bulpuiber chu “krista chanchintha hril hi ani”
Report this comment
August 13th, 2010 at 9:10 pm
Hmm..tha dap dap khawp mai. A chhiar a nuam e.
Report this comment
August 13th, 2010 at 9:15 pm
va tha tehreng em oooo, thingtlangpa nge nge, i ti thra thrin e, lo ti zel teh
Report this comment
August 13th, 2010 at 9:21 pm
Post duh thawh tak ani ti tawi mai te’ng
Report this comment
August 13th, 2010 at 10:14 pm
Kai ve tawh chiah ila.. :lol:
Report this comment
August 13th, 2010 at 11:16 pm
tha lutuk
Report this comment
August 13th, 2010 at 11:20 pm
Changkanna hi kan teh dan a zir a niang chu, kan ram sum lak luh mimal chawhrual te, revenue a tha em? engte nge kan ramin a thawhchhuah tih te, ngaihtuah chuan a tha lem lo va ni. Oil te lo la chhuak ve tawh ila, state share eng zat nge? ete etc, kan ngaihtuahawm khawp mai, Sap flim kan en a, an mizia tak emaw kan ti, an hnathawh nasat zia kan hre lem em le? sawi tur a tam. sawrkar hnatawk ah kan in nghat thup mai zawng a nih hi!~!!!
Report this comment
August 14th, 2010 at 12:10 am
Changkang kan intehna ber hi chu thawmhnaw to leh nalh inbelah te, in leh lo neih thatah te a la ni tlangpui. Raltiang kai ve tur chuan kan politician eithladuakho hian rilru zahawm pu se, i kai ve ang ti4 tih ngai lovin kan zuankhum xak mai ang.
Report this comment
August 14th, 2010 at 12:23 am
Tunlai thalaite zingah chuan Sap hla hriat tam te. Media in a ken tel avanga chhuakthar apiang, heng-
Tawngkam, incheina, musics, sports velah te west ho tih dan tunlai ber2 te hriat tam leh an ctih ang tih ve phet zel hi changkanaah kan ngai deuh a ang ka ti thin.
:ngaihtuahzuiatan:
Report this comment
August 14th, 2010 at 10:47 am
keini ang ke khi, vawih uih, khowledge aia ka reh zau,rilru aia pumpui chak,bekang,nghapih & dangpuithu duh tan pawh KAI ve chu a hun ta tak alawm le.
Changkanna thu ah chuan mau ban,mau chhuat(dap),mau bang(Dap tah),mau In chung(mau hnah),mau hnang hmanga sak IN chhunga mautheia mautuai vaipadena, mau thing tuah thin hnam kha RCC building ah te kan cheng ve ta a,chu chu khawvel teh dan chuan CHANGKANG a ni lo thei lo alawm.
Report this comment