Mizo Kristian kohhran hote zinga HIV/AIDS leh he natna hrik pai te kan thinhrik (stigmatized) dan em em hi inhmeh ka ti tlat lo. Mizoram, zaa za Kristian inti ramah hian he natna hrik paite tana ‘anonymous’-a pawl din leh inhmukhawm a ngai hi a mak khawp mai. Hetiang dinhmuna an awmna chhan chu Mizo Kristian ‘tha’ te hian an tan boruak zalen kan siam hrih tlat lo alawm.
Mi tam tak chuan HIV positive te hi inpuang se kan ti a, inpuang se kan tih nachhan hi ‘chutichuan support leh care kan pe thei ang a’ tih aiin ‘anmahni kan avoid thei ang a’ tih rilru put vang a ni fo. Anmahni thinhrikna hi ziaawm tal sela, tun aia tam hi rawn penchhuak kan nei ngei ang. Hetiang zel anih chuan HIV hrik hi a ‘underground’ zual zel ang a, a darh chak zel bawk ang. Inpuang zar tura duh chu a tha ngei a, chumi atana boruak tha, thinhrikna awmlo boruak kan siam erawh kan mawhphurhna a ni.
Pathianin min hmangaih dan a inchen vek si a, engatinge maw mihring hi kan inthliar a, kan judgemental lutuk thin le aw!? Khawvelah hian mi ropui tam tak an awm a, thil tha ti tura penchhuak ngamte hi HIV positive an ni emaw, negative an ni emaw, khawvel miten kan ngaihsan leh chhuanvawr an ni reng dawn a ni.
Similar Posts:
- HIV Positive te hi…
- Mit Hrik leh Hrik Dangte
- Thinlung hmangaihna mamawh!
- World AIDS Day pual
- Mipa Serh
August 15th, 2010 at 12:37 pm
a tha tho mai
Report this comment
August 15th, 2010 at 12:47 pm
para 2 na khi a dik khawp in ka ring. Kan ‘avoid’ duhna zawk rilru niin ka hria…
Report this comment
August 15th, 2010 at 12:47 pm
A hmasa in, i post tha ka ti. Hetiang post tawite hi chhiar a nuam. Pehhel miah lovin i sawi tum tak chauh i sawi a, chhiartute pawhin kan hrethiam vek tho.
Thenkhat chuan HIV+ te hi kan tawngpawng hlauh a, a thinhrik ang zawngte a kan awm duh mai hi adiklo nasa ani. Hei hi chu a hlau tawk leka HIV/Aids kan hriat vang a ni in ka hria.
(little knowledge is a dangerous thing.)
Report this comment
August 15th, 2010 at 1:49 pm
A tha e.
Report this comment
August 15th, 2010 at 2:02 pm
ka han panga a nge…
Report this comment
August 15th, 2010 at 2:05 pm
Hei vang hian alom mi tam tak chuan mi hmuhsit hlauh vangin an tuar tlawk tlawk ni…
Report this comment
August 15th, 2010 at 2:30 pm
Ka rilru nat ve na deuh chu, Hman deuh khan India ram hmar lam a khawpui pakhatah chuan Mizo tlangval HIV pai chu inchhawng atangin a tla a, a mizo thiante a kal pui te’n chu bawihsawm ngam miah lo a maw le! Bleeding vangin a thi an ti.
Thian chhan thih ngam kan awm ta lo maw ? Sa leh mi lakah huaisen “Thingserh sat” ngam kan va mamawh ve Mizote hian.
Report this comment
August 15th, 2010 at 2:33 pm
Hydeout Charisma Night zan a tlangval pakhat thu rawn sawi kha a tha ka ti khawp mai, a huaisen thlak bawk!
Report this comment
August 15th, 2010 at 2:33 pm
Thil tha tak, hriat reng tlak a ni e.
The other side atangin ka han sawi ve thung teh ang. A thui lutuk loh nan a point in aw.
1. AIDS hlauhawm zia hre vek kan ni.
2. Drugs tihching leh sex hmang tladah takte zingah a hluar ber avangin an dai per a ni mai. An phu reng e heng ho hian.
3. Natna tihbaiawm takte chu kan thinhrikin kan avoid hram hram tur a ni.
4. Blood leh body fluid atanga kai theih anih avangin, chu chu kan thin hrik anga, kan inveng tur a ni.
5. A tam zawk hian an daiper anih avangin kan duat ler ler hian midang la kai lote (high risk group) kan thlamuan mai mai a ni.
6. Anmahni enkawlna hmun hi awm mai se, midang zawng chuan kai hlauvin hnaih ta lo mai ila.
7. Drugs ti ngai lo, sex lama fimkhur tak, vanduai vang liau liauva kaite chauh hian duat leh hmangaih an phu
(Disclaimer: The other side atanga thil ni thei awm ka thlir chhinna mai a ni e, tu huat thu leh rilru nat nana ziak a ni lo)
Report this comment
August 15th, 2010 at 2:50 pm
Lushai, comment # 7 a i sawi khi ka hria. keipawh ka khawngaih lutuk. A ngaihawm roh khawp mai. A thiante ho chu an van nep bawk ve mawle…mahse a tlak na kha chhang 3-na a nia, survive chu a har hrim² hmel. A nun kha a hahthlak lutuk a, a tan chuan hahchawlhna ah ka ngai mai.
Report this comment
August 15th, 2010 at 3:04 pm
natna hrim hrim hi chu kan hlau vek mai a…
AIDS pawh kai kan hlau tho a…
Report this comment
August 15th, 2010 at 3:14 pm
HIV + hi ka hmu ve nual tawh a, ka tilang chuang ngailo na in ka endan hi chu a dang deuh emawni chu aw ka ti…vawi khat emergency in nu pakhat hian nau a rawn vei a, a nei nghal mai si a, a hnuah HIV + a ni tih kan hre leh sia,a lo in sawi duhlo kha a lo nia, a lawmawm duh vaklo nia.
Report this comment
August 15th, 2010 at 3:18 pm
A hrik kai ve hi a hlauhawm bawk ani.
Report this comment
August 15th, 2010 at 3:26 pm
Aids hi chu hlauh tur. In hrilh hriat zel hi a tha in ka hria. HIV POSITIVE te pawh, miin min hrelo emaw tih lai hian mi hian sawi sep2 hi a awm leh tho duh lutuk. Chuvangin in zep lo law2 ngam sela te ka tia. Mahse mahni chunga thleng ve thei vek ania, mahni chungah thleng ta chiah se chuan a dan a dang viau ngei ang le.
Report this comment
August 15th, 2010 at 3:29 pm
Tum khat chu Zema-daiah accident a thleng a, Seling lam atanga haw kha a thleng hmasa ah kan tang a. “Mizo tlangval in awm nange? min pui ru!” an tih tawh kha chuan HIV ka vei angem, vei lo angem a sawi theih loh, kawng thlangah kan lut thla rawk rawk mai ani. Pathian zarah hliam tuar kan buaipui avangin HIV chu ka vei lo hlauh!
#10, bmw: Vairengte daia misualin Sumo 2/3 an lo ti ding a, an lo suam a,mizo tlangval (Sipai) pahnih huaisen deuhte khan an han sual let lai khan “Khang Sumo driver-te khan enge an lo tih……………ka ngaihtuah chhuah apiang hian ka thin a la rim. An mahni ka hmuh hunah pawnfen ka present hrim hrim ang. Chutiangin In chhawng 3na atanga tla pawh ni se, an han ‘arte thih’ tir ringawt kha rilru a na. Dawm hlumtute tal nei ve se…….
Report this comment
August 15th, 2010 at 4:21 pm
lushai_er #15 2nd para: Ka tawmpui che. driver lo pawh passenger mipa dang an awm a ni lawm ni?
Report this comment
August 15th, 2010 at 5:40 pm
ka tluk lo hlawm teh che u e!!! drug abuser duat thin, beidawng tawh ka nia… a nawl puia han hmangaih chiam leh thil danglam deuh tawng an awm auh chang a sawi vul vak hi chu ka la thei lo ani. ka lainat khawp mai…
hiv aids sawi takah chuan msacs ho hi an pu thar nen an thawk tha deuh tawh ang chu maw.
Report this comment
August 15th, 2010 at 8:16 pm
Nia..!
Report this comment