Hnam ka vei phawt!
Ka hma-a Nula Pathumte chu kal pelh mai ka’n tum zet a, mahse, an tìtì chuan ka beng a verh tlat pek a…
Nula- 1 : “…a fel tops! Hna dang pawh thawk loin KTP leh YMA-ah a inhmang pumhlum thak… Hmeltha bawk si…”
Nula- 2 : “va ngaihsanawm em em ve a! Ruihhlo laka fihlim lehnghal maw…?”
Nula- 3 : “Nupui tur a và n lo teh ang chu aw! ZU a in leh inloh chu ka hre lo, a nà m ve zeuh thin an ti. Mahse, ka ngaisang tops! Pi&Pu atanga hausa Chhungkua, a pa nise sorkar mipawimawh niphák, ruihhlo laka fihlima Kohhran leh Khawtlanga a inhmang hrim hrim hi…”
He Tlangval, Nulate sawi mèk hi kan Veng Tlangval– “Lalfakhlawha” a ni a, ka mi hriatchian a ni.
Aw…! He tia’ng khawp hian èm ni tlangval fel leh tha tia kan sawi, nulate ngaihsan nibawk hi an lo nèp ták le! Fel leh Tha kan tehna tehkhawng hi a lo va hniam ta em! He tlangval Fakhlawha, Nulate ngaihsan leh Khawtlang fak hlawh, makpa atana ìt rawn nibawk hi– tunna a nun dan leh a hun hman ang chiah hian Japan ramah te khian han khawsa ta ang sela, Japanese ho chuan ‘Nèp’ an va ti dawn chiang em! Japan tlangval lakah chuan fak a va hlawh dawn lo rua e. An nuihsawh duh hiai ta ve ang.
Mahse, He ramah chuan…
Engkim thankin tawh si a hna thawh tum reng reng lo te; Nu&Pate neih ringa thu hmul dùr satlih ve mai mai te; “Puitling ka ni ve ta! Khawnge…” tih a hnèk a, “Nu&Pate’n an thawh theih tèk tèk chhung chu, à m takin à wl zel nà ‘nge…” ti duh tawk lek khawpa rilru pachhia te; Thatchhe zawrkawi ve tak tak te pawh– ruihhlo ti lo leh Kohhran leh Khawtlanga a hminga inhmang èk èk an nih tawh chuan ‘Mifel/ Ngaihsanawm’ tiin kan fak chiam zel tawh mai si a! A nihna takah chuan, mi tu pawh ruihhlo laka fihlim a, chhungte ti buai lo leh nu&pate ti mualpho lo-a a nun hian ‘Mifel’ ti a fak chiam tur ni loin, mihring pangai nunin a nung ve a ni lek si a.
Mi ram leh hnamte chuan, Thalai kut/ke kim nei si hnathawh tum reng reng lo, Chhungkaw tana feh chu sawi loh mahni inhà i-kuak pawh tum eìh lo, Nu&Pate thawhchhuah ringa pum ti pûar, dul ti fà n, vun ti mà r/mam satlih, an neih ro/thil-a thla lo ti muang ve em em ringawt, an neih sum hmanga thuam changkang leh a behbawm inbèl, hawi-pir thawveng ve mai mai te hmusit a, an nuihsawh duh hial tawh laiin…
He ramah zawng a khawnawtin ‘Fel’ kan ti a, ha-hipin kan fak chiam a. Chu tah, Fanu hralh rual neite’n makpa atan anlo intlawnsiak vei bawk nen. Huihaaa! He hnam hian engemaw ‘Thelh’ zawng a nei chiang ngei e!
Thawnthu intanna chu!
Ka suangtuahnaah ka chéng tui bawk a niang, ka hmaa kal Nula Pathumte pawhin min lo pen san daih tawh chu lo niin. Ti chuan, ka kal tumna lam Step chu panin, muangchangin ka chho ta a. Ka thil ngaihtuah ngai bawk chu ka ngaihtuah chhunzawm ta zel a. Chu tah, thui pawh ka la chho hman lo, Hmeichhe nà tuar tre thrat thawm chuan min ti harh zawk a.
Ka hawi chhó a, Step-a rawn chhuk ningei tur, Hmeichhe tleirawl, School Uniform ha, lo tlu-sawp niai hi ka han hmu a. Lang lo tur zawng zawng pawh lang vek khawpa lo tlu ta chu– a nà thawkhat a nih tih ringin, hmanhmawh takin ka pen chho hlawk hlawk a.
‘E khai! I chà wnte chu ral atang ngawt aichuan a va nó nalh ve le! I malte hlei hlei kha aw… a va mum nalh tehlul em! I hmel lah a tha phian reuh a, i duhawm takmeuh a ni…’ ka’n ti rilru hman pek a! (hahthlak thin… mi nà tawrh lai lai a. Huisss!!). A mitah mittui a lo tling piau a, a chà wn dinglam chu a dawm tlat bawk a. A nà thawkhat tih ka hrethiam nghal, chawn tha chat a ni ngei ang. Amah chu ka’n en leh vawng vawng a, ka thinlungah khawngaihna leh hmangaihna… Ooh! Ni lo, hmangaihna ni lo, lainatna chhùm a rawn zing chiai chiai ni ber hian ka hria! A…, ka sawi thiam lo.
Mi chi-hnih inkuah chu!
Kawngpuiah khuan Taxi la la, haw ta mai che, i kal thei ang em?
(a lu a thing hnà hnà a)
Ka kai ang che chù?
(a ngawi reng a)
Ka pawm thla mai dawn che em ni? Nge, ka paw mai dawn che?
(zak deuh siin a kun ngaà a)
Tawkfangah–
“Hmmm! Ka kuah zawk mai ang che”
(zawi sà pin a rawn ti a. I hi le! Fuh dawn e! Ka’n ti leh hman pek a!)
Ti chuan, kan chhuk ta chhet chhet a. A ni’n hreawm leh nâ a tawrh laiin nuam ka ti ru phian a; Zahthlak a tih viau laiin ka hlim vèng vèng thung. A thiante emaw, chhungte emaw lo kal se a tih em em laiin an rawn kal ang tih mawlh ka hlau a; Min nêk lutuk a hlauh laiin min nèk lo ang tih mawlh ka hlau thung. A ni’n min khuah that ngam loh laiin ka kuah nghet sauh sauh thung a; Kawngpui zuk pawh hlan a nghahhleh viau laiin, khawvela Step thui ber nise ka ti hlauh thung!
Chhunzawm tur…
