India chuan Zalenna a sual a, Zalenna a sual chhuak a, British awp behhna hnuai atanga a chhuahna champha chu kumtin August ni 15 hian a lawm ziah a ni. Mizoram hian Zalenna a sual ve a, sualchhuak lovin State-ah kan kai thei hram a, a lawm awm tho e. Kha Zalenna kan tih kha tuna kan awmdan hi a ni reng em tih chu ngun taka ngaihtuah niin ka hria. Tunah khatih hunlaia Mizo sipaite thitate ka demna ni hauh lovin martarte kan ti a, dik chu a dik na meuh mai.
Anni chuan Zalenna chu an sual ngei a, mahse an hmuta lo a ni. Kan ti hluhlang lutuk emawni chu aw ka ti thin. Tuna la damte pawh hian kha Zalenna an sual kha an la hmu ta chuanglo ni hian ka hre tlat. Tuna kan Zalenna leh Kumpinu awpna hnuaia atanga Indiain Zalenna kan hmuh nen hi chuan dang tak a ni. Zalenna ka tih hi a in ang ta lo emmaw ni chu aw ka ti rilru thin. Nge tunah a him chin atanga ka thlir avangin ak hre thiam ta lo zawk tih hi ka chhut fo thin a ni.
Naga ho chuan kum engemaw kalta atang khan Zalenna an suala tun thlengin an la hmulo a, an la tawp san ta heklo. An duhthusam ang an hnam hamthatna an la hmulo a chuvang chuan an la tawpsan lo ni hian ka hre thin. Naga hamthatna tur an duhthusam an la hmuhloh vang pawh a ni mai thei a ni.
Ka hmuh dan chuan, Ram hmu kherlo pawh khan tuna State dinhmun kan neih hi chun kan hmu tho awm mange aw ka ti thin. Teirei kan peihlo vang a ni thei an gem? A nihleh tuna kan dinhmun hi kanduh tawk ta ni le. Kan lo sual ve kha Zalenna diktak a ni lo mai thei em?
Similar Posts:
- Thiandun Titi
- Hnathawh hi
- Laldenga Vrs A.Z.Phizo
- Taliban zingah ‘ Israel hnam bo’ an awm em ni?
- Zohnahthlakte ka hmuh ve dan – By Rev. Dr. Ral Buai, Yangon.
(Y)
August 18th, 2010 at 8:32 am
Happy Independence Day
(buai lai laia post a lo chhuah le..) nakinah ka rawn comment ang 
Kan independent lo kha Pathian remruat a ni mahna!
India rama kan bet hi kan vanneihzia ka la sawi ang!
Report this comment
August 18th, 2010 at 8:39 am
Mizo pawhin a sual.
Report this comment
August 18th, 2010 at 8:42 am
Setana sual bawih atang hian tal chhuak ila, ram dang te tana entawn tlak ni turin i par vul teh ang u.
Report this comment
August 18th, 2010 at 8:50 am
Mi{5ual} paw’n a sual – thalaite zalen nan’ ka pa fapain a ti!
Report this comment
August 18th, 2010 at 9:14 am
Naga ho pawh khian sual zel mahse an hmuh ka ring miahlo, kan fing hma zawk ani mai lo maw.
Report this comment
August 18th, 2010 at 9:42 am
Kan Mizoram politician-te intlansiakna hi/kha, REMNA leh MUANNA, India Dan huangchhungah a ni miau mai a. INTIPENDEN chu hmuh chi ziazang a ni lo. Sipai thi tate kha chu MARTAR an ni chiang. June 30, 1986 hnu lama MNF-te hi chu an dan a dang tawh, Zo-ro-thanga pawhin, “Independence an sual loh thu,” a sawi vel mai mai tawh hi!
State 23-na kan ni ta a. 1966-1986 inkar chhunga silai hmet per lo khan STATE hi chu a hmuh theih chiang bang!
Report this comment
August 18th, 2010 at 10:14 am
Ti hian ngaihtuah mai mai ila:
India-in zalenna a sual hun lai kha khawthlang lamin ram an awpte an kiansan hun lai (de-colonization) hun a ni a. Kha ngaihdan kha khawvel ram hrang hranga awpbeh ramten de-colonization spirit lian tak an neih lai a ni.
Lushai hills leh zohnathlak chenna rama mithiam hmasate pawhin he spirit hi an nei ve niin a lang.
India rama beh leh beh loh pawh kan mi hmasaten an khel nasa a, India lama behzui mai kha an remti a, mahse thu delkilh an nei thung.
Kan mi hmasate khan kum 10 hnuah Mizote chu duhthlang(mahnia inrelbawl) leh thei turin India sawrkar laipuiah khan lehkha an pe nghe nghe. Mahse kum 10 chuang a liam hnuah chu lehkha chu an bawhzuia sawrkar laipui lamah pawh thu an thlen a, a sawt ta si lo. Mautam tram a rawn thleng a, khatih hunlaia kan behna Assam sawrkar chu Lushai hills ngaihthahah puh a ni chho nen zalenna an sual ta kha a ni a. State kha kan mi hmasate sualchhuah tum niin a lang lo.
India sawrkar chuan Mizoram-in zalenna sual chu jet fighter hialin a bei ta a, khatih laia rammute belh ber East Pakistan(Bangladesh) lah India-in a hneh tak bawk si avangin, kan pasalthrate rammu chuan harsatna an tawk chho zel a, a tawpa tawpah chuan barhluih inremna ziah a lo ngai ta a, consolation prize atan state min pe ta chauh a ni ber e.
Zalenna sual nachang hria, nationalism lo chawisang thei an awm kha, nawrhna nasa mahse, a ropui hlein kei chuan ka hre ve tlat. Mahni dikna chanvo hriaa beitute khan an beihate an hneh lo a, tun dinhmunah chuan kan tlawm ta rih. Mahse kan zalenna kan neih hun chu a la awm mahna…
India hian min awpzui zel a, awpna zia lantirna chu kan khawpui laili bera Assam Rifles inbunte pawh hi a ni mahna.
India mithiamte khan British an beihna ber kha zalenna pe tura hmalak a nih lai khan India ram chhunga zalenna neih tuma beite zale erawh a phal lo thung.
Report this comment
August 18th, 2010 at 10:26 am
Va post tlai ve
Report this comment
August 18th, 2010 at 10:43 am
Independence/zalenna hi kan ti teivet a, kan tan thil tha ber a ni kher angem?
Ram dang, entirnan Israel, nen te kan lo in tehkhin palh ange. Anni nen chuan kan dinhmun chu danglam tak a ni: US leh ram dang thenkhatin kum tin dollar maktaduai tam takin an puih mai bakah thiamthil (technology) lamah an pui reng a. Mizoram khan US anga ualaua tanpuitu a nei tam lo hle. East Pakistan atang khan engzat nge tanpuina an dawn? Silai/ralthuam tlem azawng leh sum tam tham vak lo chiah a nih kha. Pu Laldenga te’n independence an puan kha ram engzatin nge recognise? Kha daih kha asin.
A hrim hrimin a tir atang khan thil kha a kal sual a. Aizawl an la lo khan engkim deuhthaw a ti sukuk vek a tih theih ang chu. Aizawl atanga an tlanchhiat hnu atang kha chuan Sipai ho hmunpui lak let leh kha a ngaihna a awm tawk lo tluk a ni. Ralthuamah kan tluk lo, ration (ei leh in) lamah MNF ho kha an pachhe bawk si, khatih hun laia kan economy kha a tha bawk si lo, ‘total war’ bei turin kan tlin lo a ni.
Ka ngaihtuah mai mai thin a, MNF volunteer ho zawng zawng kha engzat chiah nge an nih ang le? Silai pangai tak nei pha chin ho kha regiment khat pawh an tling angemaw…
Independence kha/hi Mizoram ‘national interest’ atan thil tha ber a ni kher lovang. “Ram hran, mahni rorelna hnuaia awm” nih chu duhthusam a ni. Mahse hei hi ‘idealism’ atanga ngaihtuahna lo chhuak a ni. Duhthusam angin thil a kal vek thei lo. ‘Realist’ nih a ngai a, chutah tak chuan a thaber kan nei thei lo anih chuan a thaber dawttu kha pawm thiam a ngai a ni.
Report this comment
August 18th, 2010 at 12:27 pm
Ka hriatsual loh chuan Naga ho khian Independence kha an sual chhuak. Mahatma Gandhi khan indanna tur thu a tiam hmana, mahse a boral zui ta si. Jawaharlal Nehru a rawn PM khan Nagaland indan thu chu a rawn hrelo der ta hmak anih kha.
Tun thleng hian Naga ho chuan 14th Aug hian an a tak ram chang zo ta lo ‘Independence’ an la lawm ve thin.
Report this comment
August 18th, 2010 at 1:20 pm
A thupui hi present tense a ang!
ni ta se a dangdai awm reuh. NOI
Report this comment
August 18th, 2010 at 1:43 pm
Ghandhi a te kha an va han ngaih san awm tak em.Mahse a lung ngaih thlak loh ZORO pawn UNO kaltlangin an la sual ve reng a lawm. Mipuite hian hnam riru dik kan put tlat reng hi a tul ber a ni e. Arm struggle hi chu kan peih tawh a rinawm loh. Naga ho pawh an en tawn tlak rual rualin, Curfew ringawt pawh a ninawm leh dawn em ai.Lungrual tak hian awm reng ila.Engtik ah emaw chuan chan tha kan la chang ve mawi ang. Remna kan neih hi chawr tawng kai ila,hmasawn chungin i in todelh ve phawt ang u.
Report this comment
August 18th, 2010 at 1:44 pm
Ghandhi a te kha an va han ngaih san awm tak em.Mahse a lung ngaih thlak loh ZORO pawn UNO kaltlangin an la sual ve reng a lawm. Mipuite hian hnam riru dik kan put tlat reng hi a tul ber a ni e. Arm struggle hi chu kan peih tawh a rinawm loh. Naga ho pawh an en tawn tlak rual rualin, Curfew ringawt pawh a ninawm leh dawn em ai.Lungrual tak hian awm reng ila.Engtik ah emaw chuan chan tha kan la chang ve mai ang. Remna kan neih hi chawr tawng kai ila,hmasawn chungin i in todelh ve phawt ang u.
Report this comment
August 18th, 2010 at 2:38 pm
Ka ngaihtuah leh ka lo hmuh ve mai mai dan chuan, Mizoram hian zalenna kan sual chhuak lo pawh kha a pawi rih loh na lai a awm,kha tih hun lai khan kan la hnu fual lutuk.
Tun ah India ram thla zarna hnuai a kan awm lai hian, hun hi hmang tangkai I la, Kawng, Hydel Project, Zirna In leh Infrastructure project tha leh tam thei ang ber siam a hun.
Nakin hun lo in her zel kan ram awm dan tur tu mah in kan hre lo. India ram History en in, tun hma in Tamil nadu atanga Kashmir, Gujarat atanga Manipur eng Lal mah in an awp bet ngai lo, British in Tun ah India kan hriat ang hi, Mahatma Gandhi te Zelenna sual chuah avangin a nih ang ang in an kalsan vang a ram khat kan ni ber. India ram hi Sumdawn la lam ah te hma a sawn zel a, mirethei leh harsa te nundan a chawikang chhung chuan ram Khat a nih theih ka ring a, ka beisei.
Mahse Tun ang dinhmun ah hi chuan India ram a hausa te (Billionaire khawvel a hausa ber te), an hausak viau lai in, India ram a mi Maktaduai tam zawk hi rethei leh rapbet in an awm a, Naxal an tih te ang te hi, Sumdawng mi lian in an ram ah lei verh khawl hmang in an ram an pawngsual a, mi lekha thiam lo an nih na lai ah, Sorkar hna thawk leh an Politician Madhu Koda, tih te ang reng in Crore tam tak an ei ru a, Hetiang hausa leh reithei inkar a zauh lutuk a, riltam an awm lai a, hausa tan taw an awm bawk si chuan, Sorkar hi a la buai ang a, USSR keh darh ang khan, India ram pawh hi a keh darh ve lo ang tih a sawi theih loh.
Report this comment
August 18th, 2010 at 4:45 pm
Gandhi kha engvanga kahhlum nge anih inhria em?
Report this comment
August 18th, 2010 at 5:33 pm
Sakhaw inpumkhatna a tlangaupui a nih kha.. A bikin Hindu leh Muslim :?:
Report this comment
August 20th, 2010 at 3:49 pm
Got from a friend she received through SMS:
Britishars hab dastroied avar kantary phar handred aand phipti eyears. Lat us dastroi deir languwage phar evar. Pleash pharward dhis to ebhary India. Jai Hind.
Report this comment