Damdawi tangkai zia chu kan hre theuh ang a. Damdawi ngeihzawng tak mai han ei fuh hi chu a lawmawm duh ngawt mai nia. Mahse damdawi te hi a nihna ang thlapa hman loh emaw, damdawi dang nena mahni duhthua lo pawngpaw ei ve ngawt hi a hlauhawm a, vanduai chuan zeng, thluak buai, piansualna leh thihna hial a thlen thei a ni. Aw le, kan lo fimkhur zawk theih nan tlem a zawng ka rawn tarlang phawt a, kan hlut dan a zirin part- II pawh ka la rawn post ang.
1) AMOXYCILLIN + CLAVULANIC ACID : Clavulanic acid hian amoxycillin te hi beta lactamase producing bacteria ten an tihchhiat tur lakah a veng ve tlat mai a. Amoxycillin hnathawh a tihchak phah thin a ni. Eikawp a pawi lo mai ni lovin,a tha zawk.
2) ASPIRIN + HEPARIN: Aspirin hian platelet aggregation leh thrombus formation awm tur hi a dang tlat thin a. Heparin pawh hi anticoagulant a lo ni bawk si a. Chuvang chuan heng damdawi 2 te hi eikawp chuan hliam atanga thisen chhuak tawp hlei thei lo an siam ta thin a ni. Eikawp hauh loh tur a ni.
3) METRONIDAZOLE + ALCOHOL : Metronidazole hian alcohol intolerant a thlen thei. Chumi awmzia chu, miin he damdawi hi a ei chuan, zu no tlemte a in pawhin a rui hma/ chhe em em mai dawn a ni.
4) OCP + RIFAMPICIN : Rifampicin hi microsomal enzyme inducer a ni a. Chuvang chuan a ma metabolism leh oral contraceptive pill(OCP) metabolism kha a tichak/tirang em em mai a, OCP hian a thawhna hmun tur taka a thawh hmain a chakna a lo zo hman ta thin a ni. Eikawp loh tur a ni.
5) ANTACID + SUCRALFATE : Sucralfate hi ulcer damdawi niin, isonic aluminium salt of sulphated sucrose a ni a. pH 4 aia hniamah a polymerise thin a, ulgel ang deuh hian hnang fan thliai hian a awm a, ulcer ah a zuk bet ta thin a ni. Chu chuan acid, pepsin leh mit tui(bile) te ulcer nena direct taka an indai tur kha a lo veng thin a ni.
Antacid pawh hi ulcer damdawi ve tho a ni a. Pumpui acidity hi a neutralize ve thung a. Tichuan pH hi 4 aiin a lo sang ta a. pH 4 aia a lo san hian sucralfate kha a polymerise thei lo ve leh ta thung si a, sucralfate hnathawh chu a lo chak loh phah veleh thung thin a ni. Ulcer damdawi ve ve ni mahse an hnathawh dan a inang lo tlat mai a, an inti chak lo tawn tlat thin a; chuvang chuan a mala ei mai hi a finthlak zawk a ni.
Aw le, tun atan chuan duhtawk phawt mai teh ang. Medical science hi mizo tawnga han dah vak hi a har deuh a,mi lo hrethiam mai dawn nia.
Similar Posts:
- Peptic Ulcer
- Singsihlìp damdawi
- Pi leh pute damdawi hman ṭhin, US lamah an hmang!
- Damdawi ruih
- Damdawi hmangchang!
August 26th, 2010 at 9:39 am
A va han bengvar thlak em. kan save hmak teh ang.
August 26th, 2010 at 12:55 pm
@Makpa zangkang : I ti lawmawm hle mai,
#5 khi kaw ruah lai kher a ei chi a ni em? Pumpui lawng damdawi ho hian kaw ruah lai hi an hauh deuh bik tlat hlawm in ka hria.
August 26th, 2010 at 2:54 pm
K zawhna min chhanglo pu mpzk,digene leh ulgel lampang hi pumpui chakna ani mi???chw ei khama ei tur ge k hre duh alwwwmmmm,nang pu daaktorah mn lo silh ve la…
August 26th, 2010 at 2:57 pm
METRONIDAZOLE hi i rawn sawi lang a, kan tlangval ho hian nula ho an beer inpuiah an pawlh leh duh mai ang e aw hairehai :lol: NOI (fiamthu thutak deuh bawk)
August 26th, 2010 at 3:10 pm
@46, pumpui chakna damdawi ni lovin ulcer damdawi a ni e. Chaw ei hmain lo ei/in thin rawh.
@47, Ni e, ka’n ngaihtuah hian part II pawh hi ziah leh loh a thain ka hria.
August 26th, 2010 at 4:45 pm
48,makpazk, rawn ziak leh rawh..mahse, a chhiartute pawhin engemaw hriatthiamloh kan neih bak chu chumi atan chuan enge ka ei ang tia inrawn chu ti lo ila a tha ang ka ring.
August 26th, 2010 at 9:08 pm
Ulcer damdawi bikah Proton pump inhibitors ho hi pantoprazole, omeprazole etc hi chawei hmaa darkar chanve or darkar 1 vela ei tur. H2 blockers ho Ranitidine etc, heng zinetac kan tih te hi chawin damdawi absorption atih buailoh avangin chawei khamah a ei theih. Tin, maintainance dose phei chu zan mutdawna ei tur ani. Antacids ho ah heng digene, ulgel wateva… hi pumpui ulcer tamzawkah hian awmzia a awm thova, mahse acidity hi pumpui ulcer tamzawkah hian a sanglo. Duodenal ulcer anih erawh chuan acidity a sang a, a counter nan antacids hi a pawimawh em em a, ei ngei ngei a ngai ka ti ve tlats thung.
August 27th, 2010 at 9:00 am
Pu makpa englo kang,thinlian leh mitliam lampang hi rawn ziak teh…mipuite hian kn hrethiam lo tlatin k hria…
August 27th, 2010 at 1:33 pm
Makpa hmanrawkâng, a lawmawm lutuk. Ka copy nghal a nia. A chhunzawmna a rawn chhuah vat ka beisei.
August 27th, 2010 at 1:55 pm
A post tupa nick name hi Makpa zangkang ni lovin _CFL_ tia thlak a ni tawh e.