Kum 1982 PC Sorkar lai khan Zemabawk High School thlang mualah sawn In hmun engemaw zat theh a ni a. Amaherawhchu, enkawl zui an nih hlawmloh avangin Zemabawk nuhoten Leipui atante an nei thin a. Kum 20 liam hnuah pawh neitu hriat an nih siloh avangin a duh duh in In an sa a; an luah nghal zel bawk a. Chumi avang chuan Risk Mual an tih phah nghe nghe a, hetianga In sa hi chhungkaw 80 chuangzet an ni.
Kum 2004 khan helai hmunah hian kan chhung hnaivai takte pawhin Assam Type In an sa ve tawp mai a.(Lo enkawl thintute hnen atanga an lei ani) Tawngkamin V/C te pawh an rawn a, tu In hmun mah a nih an hriat loh thu leh enkawltu awm lova kum tam tak a awm thu an hrilh a.Thlamuang tak a kum 4 vel lai an in an luah hnu chuan Revenue Department atangin lehkha an hmu ta a. An In sakna hmun chu Pu H.T.Sangliana IPS (Rtd) House Pass a nih avanga chhuak tura an warning-na a ni.
Kan chhungte chuan 1982 a House Pass a nih chuan House Pass reng reng kum hnih chhung chauh a nun thu leh Pass-na thi tawh anih avanga Pu HT Sangliana hian thuneihna a neih loh thu in an lo chhang a. Reiloteah Revenue Dept. chuan HT Sangliana chuan LSC a lo neih reng thu sawiin hnawhchhuahna order an pe zui leh a.
“Pu HT Sangliana hian LSC hi Terms & Conditions No.1 leh 2 kalha a neih, kum 20 ral hnu pawh a kutthlakna engmah neilo a nih avangin Terms & Condition No.8-na in a sawi angin a Pass hi cancel tur ni-ah kan ngai” tiin an han tang ve ngial a. Revenue lam chuan “Thu tlinglo” tiin an tanna an pheh sak a.
Kan chhungte hi an dik ka ti bik hauhlo, Pu HT Sangliana pawh hi a dik bik chuang em ? Kum 20 chuangzet liam tawha a inhmun pass kutthlak miahloh hi a nung reng thei a ngem ? Revenue Dept. hian an dan neihte hi an practice tha tawklo a ni thei em ?
Ka Mi(Sual) thian, thluak hmang nasa tak tak te u, enge in ngaihdan ni ve le ? Kan chhungte hi thingtlang atanga lo pem, mi rethei chhungkua nilo ta se hetiang em em hi an chungah a thleng a ngem ?
(Admin Note: Hemi article chungchanga a ziaktu SeynMizo contact duh chuan admin hnenah http://www.misual.com/contact-form/ hmang hian email in rawn thawn dawn nia)
