Mizo te pawh hian pa (mushroom) hi kan ei ve nasa hle mai. Pa pal, pa sawntlung, pa uithin etc te hi sa tlukin a ei theih a nih hi maw. Mi tam tak te kan pa ei turah kan fimkhur tawk lo fo, nunna chan te pawh an awm ta nawk mai. Pa ei chungchanga kan lo fimkhur theihnan thiam ang tawkin ka rawn ziak teh ang :
@ Pa hi fungi a ni a, an zavai hian ei chi a ni lo. Pa zingah chuan Amanita phalloides leh Amanita muscaria variety te hi an hlauhawm hle. Mizo te hian an hming kan nei lo nge, ka lo hre lo zawk le aw..; engpawhnise, an pianphung ka rawn sawi tho dawn e.
@ Tur nei chi pa te hi dan naranin han ei/liah hian a kha deuh a, a alin a thur deuh thin. Han zai phela han nghah deuh vang vang hnu hian an rawng a inthlak danglam a, a buang, rawng hring emaw a rawn pawl ta thin a ni.
@ Amanita muscaria te hi vut hmun/ tiauvutah a malin an to thin a, an lian hle bawk. A kung/kuang (stalk) te hi a chhungah a kawrawng a, a bulbal erawh a bawk lian hle thung. Boruak a hip luhna gills( a parh hnuailam) te hi a var bawk. A parh (pileus) te hi chi thenkhatah chuan a eng a, a thenah serthlum rawng a nih laiin thenkhatah chuan a sen ve thung thin. A parh te hi phuhlipin a tuam bawk. Amanita muscaria te hian alkaloid muscaria an pai a, parasympathetic post-ganglionic nerve hnathawh an tiphur thin a ni.
@ Amanita phalloides te erawh chu an var pap mai a,an rimchhiain an upat poh leh an rimchhe tulh tulh mai a ni. Thing mawih tamna hmunah an to thin a, cm 15 – 20 a sang an ni tlangpui thin. An kuang hi a kawrawng ve bawk. A parh hi dan naranin a eng lam a nih loh pawhin a eng-hring deuh a ni. A gills hi thil mum var in a tuam bawk. He pa hian tur chak tak, phalloidin, phallon, B amanatin te a pai a. Heng tur te hi chhum pawhin an chhe thei lova, tuiah pawh an zawp ral thei lo bawk. Post-ganglionic cholinergic fibre hnathawh an tiphur thin.
@ SYMPTOMS : Tur nei pa te hi miin a ei chuan tur hnathawh hi a lang chhuak nghal mai ngai lova, ei atanga darkar 6-12 hnulamah a lang chauh thin. Thawkna dawt, hrawkhrawl a lo sawng te a, pumpui a sa hut hut a, luak a chhuakin an luak bawk thin. Kawthalo a lo awm hnuah taksa a lo duk vek a,pulse a hniam a, thawk a sak a, kaih a lo awm a, a tawpah thihna a lo thleng thin. Neurotic symptom awm thin te chu- lu a haiin a na em em a, mitnaute a lo zim a, ban leh kut a lo tawm a,chilthli a tla duah duah a, lungphu a muang a, nikhaw hrelovin an awm ta thin a ni.
@ FATAL DOSE : Tur nei pa 2/3 lek ei pawh hian thihna a thlen thei.
@ FATAL PERIOD : Ei atanga darkar 24 chhung hi nunna derthawn lai ber a ni.
@ ENKAWLNA : A ranglama damdawiin pan vat tur. Heng hmang hian an enkawl thin -
(a) Pumpui chu potassium permanganate hmangin an thuah thin.
Atropine sulphate
Anti-phalloidian serum
Haemodialysis. Thisen kha khawl hmangin taksa pawnah an thlifim a, chumi hnuah taksa ah an thun leh thin a ni.
NOTE: Aw le, thiam lo tak chungin ka rawn tarlang a, chhiar har deuh a lo awm pawhin mi lo hrethiam teh u. Tin, he thu hi thingtlang unau te tana ka ziah deuh a ni a, ka mi (sual) pui zawng zawng te, an hnena a zau thei ang bera lo hrilh chhawng turin ka ngen che u a ni e.
Similar Posts:
- Rul chuk chungchang (Medical Science atangin)
- Santen chi hnih
- Hnathawh hi hriselna a ni
- He Rul hi a hlauhawm em?
- Rawng Eng (Yellow)
August 29th, 2010 at 3:02 am
Mihring ei chi tawh phawt, ka ei ve tawh chin-ah pawh PA hi chu ka ngaina over fum fe e
Report this comment
August 29th, 2010 at 5:07 am
sisen #19, Pasialek, paarsi tih te hi i lo hre ve tawh ngai em?
Kei chu ka la hre ngai miah lo a nia aw..lol
Report this comment
August 29th, 2010 at 7:24 am
“Han zai phela han nghah deuh vang vang hnu hian an rawng a inthlak danglam a..” Hei chu pa ei chi thenkhatah pawh a ni tho lo maw! Mau pa te pawh hi dah rei chuan a duk ve zel alawm???
Report this comment
August 29th, 2010 at 9:16 am
Pa hi a tui a, mahse a na zawng hi chuan ka eitha duh vak lo.
Report this comment
August 29th, 2010 at 9:37 am
Kan Balhla kung tawiha to pa var ka ei dawn mek a, a pawi thei ang em le? A rim chu a thiang viau a, a var sar bawk. Rawng a inthlak lo bawk. Ei hnu darkar 6 velah ni lovin ei hmain ka hre duh a, Post-tupa hian min han hrilh thei se ka va ti e :?:
Report this comment
August 29th, 2010 at 9:52 am
A bengvar thlak thin e..pa eisual th te tan chuan chhiar ngei2 chi, local newspaper-ah te hetiang chi hi rn chhuah thei ula lawmawm ngawt ang.
Report this comment
August 29th, 2010 at 9:55 am
Bengvarthlak hle mai..
Report this comment
August 29th, 2010 at 10:11 am
@keimah #55, kei chu ni ila, ka ei rih lo ang. Pa hi tihsual a awl luttuk. A then hi chu ‘halucination’ lama a kal laiin, a then hi chu ‘poison’ chak luttuk anni thei. Tunhmaa an tih dan, an sawi ka hriat ve mai mai chu, ar emaw, ran emaw an eitir hmasa phawt thin, an tiin ka hria…
Report this comment
August 29th, 2010 at 10:44 am
Nia, Pa eisual hi a hlauhawm khawp mai. An Pa ei tur kha an hre chiang si lova. Nu pakhat pawn a fapa (ui loh deuh ber a niang) chu, “Kawnga nang ei hmasa phawt teh…,” a ti e an tia lawm..fimkhur tluk a awm lo rengs..
Report this comment
August 29th, 2010 at 12:30 pm
A bengvarthlak pek e. Pâ hi tui ka ti khawp mai a, a tûr nei chi hi a tûr a na khawp asin….an sawi dan chuan. Changel pa hi tui ka ti deuh ber. _CFL_ A lawmawm tak meuh e.
Report this comment
August 29th, 2010 at 12:31 pm
Kei chu magic Mushroom in a zan khua a party hi nuam ka ti, usualy it work 6hrs, just did it in bali, amazing….Mizo te poh hian kan pa (mushroom) atang hian siam ila, Drugs edict poh kan tlem sawt ang…. Legal in some country like Amsterdam and most asian country..
Report this comment
August 29th, 2010 at 3:45 pm
Ka ei sual tawh
KTP in Chanmari Br. kan tlawh dawn avangin chaw ka ei hma a, pa ka hmeh a, a tui hle. Inkhawm kan tran a, Secretary ka nih vangin Br.Report pe tur ka ni a, ka luak a chhuak ta riau mai a, report pe tura min koh hma minute 5 vel lekah Asst.Secy. hnenah ka hlan a, ka tlan chhuak, ka va inbun nghek, hospital ah min phur phei… ka chau chhe der. Kha ta trang kha chuan pa ei hi ka tri deuh tawh tui viau mah se.
Report this comment
August 29th, 2010 at 4:28 pm
Hei pawh hi save leh hmak te’ng. Tunlai chu hriat ti zau, beng ti var thei tak2 pos a awm thei riau, misual nih a nuam thin e. Han thawh mawlh2 zel teh u khai, misual mithiam leh hrezau ho khan. Keia post ve ho ai ngawt chuan ka duh zawk fe mai.
Report this comment
August 29th, 2010 at 4:58 pm
#58 Pu shai, ar ka han pe hmasa ang e! A ei a, a thih loh chuan a thaah ngaiin ei tawh mai ang!! A tui hmel sia.. :chil put:
Report this comment
August 30th, 2010 at 12:26 am
Pa, ramhnuai ami ngat phei hi chu a va han tui teh reng. A hming erawh ka hre ve hlawm lemlo. A tui tih erawh ka hre ve viau.
Report this comment