Thahnemngaih lutuk vang ni maw, mahni infak nana ‘Mizo dik tak’ tih hi ngaihtuah thui lova thusawiah chuan ngaihtuah tithui pawltak a niin ka hria. Nute pawnfen vuan chunga ngamloh bauh tepawh a ang awm e. Thing hi abul lam aia aler lam abuk thin ang hian mahni tobul hrechiang lova aler lama thahnem lo ngaihvak hi mualphona mai mai ani.
Mi tamtak hian ram ka hmangaih kan ti ve a. Ram hmangaih thuhlaah ngat hi chuan Israel-ho tluka ram hmangaih tina an awm lovang;an Vairengte piah lamah chuan a zai pawh zuk zai thei hauh lova! Keini zawng, ka tawng tu huatthu ni lose, tuipuiral ah Kumpinu leh America ramah ngat pawh Mizo bai kan chawkphul buah buah thei tlat. Kan englai tak hi nge ram kan hmangaihna leh kan Mizo na laitak chu? Rampawnah, hnam hrang hrang zingah pawh, “Saw chu Mizo ani ngei mai” tiin chala chhinchhiahna awm ang ziazangin kan inhre nalh nalh thei a.
Chutih laiin, vawiina kan thalaite hi kan pipute khan han hmu se, Mizo hmuhin an hmu angem aw, titein ka ngaihtuah vel mai mai thin a. Chuvang tak chuan alawm ‘Mizo diktak’ tih hi ngaihtuah chian poh leh a chianloh riau thin ni.
Tunlai khawvel hmuntinah hian hnam inhlawmkhawm duhna alian deuh deuh a, inthendarhna a zual deuh deuh si. Kan inzawmkhawm loh vek chuan kan inthendarh tulh tulh dawn niin alang. Chuvangin mimal hamthatna tur a awm hnaivai vang maia inti ‘Mizo’ lovin, Mizo mai ang u. Kan zavaia kan mawina leh ropuina, hamthatna leh tlakbalna chu a huhova ‘Mizo’ kan nihna zeizia kan humhalh danah a innghat dawn ani. Hei hi thangtharten kan hmuhchian viau laiin kan hotute, kan politician te hian an hmu tha duhlo niin alang.
Inchimral te hi kan sawi fova, chimral awmdan kan hria em le? Australia ah te, America ah te a rama cheng hmasate chu chimral anni tawh an ti. An thimang tihna zawng anilo;hnam angin an ding tawhlo pawh ani chiahlo. Neitu nihna an chang pha talo ani zawk. An aia chak ten an bawhbet tlat emni? Thirpalin an hung hnan emni? Ni lo. An chawmhlawm ani zawk. An hnamzia an thlak thei lova, an kalpui zel thei bawk silo. Eizawnna an tlachham a;sorkar enkawl an ngai a, an tha alo zawi a.
Hnam changkang zawk awmdan chu thangthar lamin anlo zir bawk a. An hmingte an la a, an zir ang an zir a, an tawngin an tawng a, an hak ang an ha bawk a. Chhuanhnih chhuanthum a ral a, an hnam tawng thiam an tlem tial tial a, hriat hran theih lohvin mi hnamah anlo inphumbo ta. Mihring an ral lova, hnam hming a bo lova, ‘Nun’ erawh a bo. Chu chu ‘chimral’, ‘assimilation’ an tih chu ani. He hun hi Mizote pawh hian tunang renga kan kal chuan kan hlat tawhlo viauin alang.
Heti hian atlang kawm dawn teh ang. Mizo diktak chuan a ram leh hnam a hmangaih a, a hmangaih mai piah lamah a thatna turin theihtawpin a bei a. Inchimralna lakah a veng a, chung a tihna kawngah chuan ama nunna hial pawhin tuar dawn mahse pawi a tilo. Chuvang chuan lawm he thumawi tawpthang hi alo pianchhuah tak ni–
When you go home, tell them of us and say
For their tomorrow, we give our today!!
Similar Posts:
- Mizo hnahthlak kan ni lo
- Engtin nge Mizo tawng hi kan humhalh ang?
- Mizo hmelma chu Mizo!
- ‘Bik’ kan ni em?
- Mizo Music
August 30th, 2010 at 11:04 am
Keini misual hote hian he ka thuziak hi nguntakin chhiar ila, hlawkpuinan hman tum hram hram teh ang u
Report this comment
August 30th, 2010 at 11:35 am
Post tupa chu thahnem a ngai hle mai a :lol: sikul banah ka chhiar ang.
Report this comment
August 30th, 2010 at 11:35 am
Hehe.. A MZP raih mai! CyberThug, MZP raih hi ka duhdan a nia..
Ka hlawkpui e. A tha khawp mai.
Report this comment
August 30th, 2010 at 11:37 am
Admin online khan min lo chhang sela.. Engatinge ka comment hi a edit theih loh bik? Khawngaihin min lo chhang teh u.
Report this comment
August 30th, 2010 at 11:43 am
Paws tha hle mai a….thahnem i ngaihna i fakawm e.
Zawm chi anih hi.
Report this comment
August 30th, 2010 at 11:54 am
@ Mr. TSA: Comment edit chu minute 5 chhunga i edit hman loh chuan a edit theih tawh lo. Hetia a nih na chu a rei tawh a lawm. Comment leh tawngkam in fimkhur deuh nan heti hian kan rawn ti e.
Report this comment
August 30th, 2010 at 11:54 am
@Mr TSA: I comment i EDIT thei lo bik a nih chuan nangma connection lam en teh khai! Keimahni lam atang chuan 5 Min edit option hi user zawng zawng tan hawn a ni e.
Report this comment
August 30th, 2010 at 11:55 am
@Mr. TSA, i bauh nasa thei lutuka an hlau che ni ngei ngei ang!
Report this comment
August 30th, 2010 at 11:56 am
He thu hi ngaihtuah thui chu a ngai khawp mai..Kei ka ngaih ve dan ah chuan a pawng apuia kan ram a lo lut te kan dan satliah rikngawt hian assimilation hi kan pumpelh dawn in ka hre lo…Chawmhlawm kan nih chhung chuan assimilation hi chu a hlauhawm reng dawn in ka hria..Chuvang chuan thangtharte tan kan lak a hun ta a ni e…
Report this comment
August 30th, 2010 at 11:57 am
@VaiVa @ Sandman: Ka lawm e. Nizan atangin a theih loh a ni e. Minute 5 chhung edit theih kha chu ka hmang tangkai ve lutuk!
Report abuse chiah a theih. :sad:
Report this comment
August 30th, 2010 at 11:59 am
Aw.. Nizan atang a theih loh. A hma zawng kha chuan a theih. Han tih leh chuan vak ngaihna ka hre der lo mai!
@^-||RaLtE||-^:
Report this comment
August 30th, 2010 at 12:01 pm
@Mr.TSA, ‘How to edit misual.com comments’ google mai ta che
Report this comment
August 30th, 2010 at 12:02 pm
Han sawibelh ve teh ang: Mizo ram a Gurkha ho hi,Kan pianhma kum tamtak kal taa awmte hian an Pathian,an chezia,an trawng,an incheina,etc..an thlak duh hauh lo nia.Ram leh hnam hmangaihnaah hian mahni hnam zia vawn tlat mai hi a va mawi dawn em..Thugte i post thra in i thu a pui ka ti hle mai.
Report this comment
August 30th, 2010 at 12:02 pm
Kei chu pathian zarah chimrala kan awm hi ka lo ring lo ve tawp mai.
Report this comment
August 30th, 2010 at 12:06 pm
VanlalTs..vawiin chu i va buai ve..
Report this comment
August 30th, 2010 at 12:08 pm
A van tha “THUG THUG” ve…:lol:
Report this comment
August 30th, 2010 at 12:09 pm
Keini thangtharte hian tihtak zetin hna i thawk ang u. Tamtak hi chu kan nu leh pa ten hna an thawk a, keinin internet kan lo surf kualvel mai mai niin ka hria.
Vai umchhuah vek ringawt hian Mizo hnam hi assimilation ah kan fihlim dawnlo. Pawisa chawitir lam pawh anilo. Mahni intodelh hi kan himna kawng pawimawh ber niin ka hria
#Ka post chhuak ka lo hriatloh tep chule.
Report this comment
August 30th, 2010 at 12:11 pm
From Wiki
Mizoten a assimilation kan hman dan hi a fuh chiah lo niin a lang a. Chimralna ah kan ngaita vek ni mai in a lang. Heimi chungchang ah hi chuan Sandman-a ngaihdan ka tawm ve khanglang a
Rawn sawi zau deuh teh se!
Report this comment
August 30th, 2010 at 12:12 pm
@Vanlalnaute: I post kha khami aia comment that vak dan ka hre tawh lo! ‘A tha’ ka tih tawh hi chu tha ka ti hle tihna a ni!
Nia, ka eng emaw buai a nih hi, a mak angreng khawp mai. Comment edit theih ka hmanna tlangpui chu spelling mistakes correct nan a ni.
“…hnaivai vang maia inti ‘Mizo’ lovin, Mizo mai ang u..” A pawimawh ka ti khawp mai.
Report this comment
August 30th, 2010 at 12:17 pm
Tuna kan Mizo zia en chuan 30% vel assimilation hi kan ni tawh hial lo maw.Hawihhawmna te kan va tla chham tak em.
Eg: Nimin chu ka garage hma tak ah bike an lo park a, eng tin tin emaw ka hawng thei hrama, motor chu ka hruk fai laiin a neitu tlangval a lo kal a. ‘E, Ka bike in a lo dal che em?’ atih tal ka lo beisei teh lul nen, thinrim zawk ni awm takin, ka garage kawng khar a tlawh sawk sawka, a bike a tinung a chak tawk in a tlan daih. Ngawih reng chu a har, mahse tum lo deuh sawi palh a hlauhawm bawk si a, ka ngawi ta mai mai.
Report this comment
August 30th, 2010 at 12:18 pm
Chimral/Assimilation tih vel te hi chu MZP ho au hla vel mai² ah ka ngai e. Kei pawh chimral hi chu ka hlau love khawp mai. Frost ka thlawp e.
Awm mai² lo ila, mahni intodelh ila tuman min rawn luhchhuah emaw min rawn chawmhlawm teuh lo ang.
MZP office ah te thru kawisawi ta mai² lo hian, zirlai an nih angin an zirlai te theih tawpin zir ta tak² zawk se. National/International level a institute thra ah te zirna sang zawk zawm turin in kap chhuak ta chur² zawk se. Keini aia thiam zawk ram/state te hnen tanga thiamna chaw lutin Mizo te educate ta zawk se, awmhmun ah/eng function emaw hman nikhua a chimral chungchang au pui vak² ai chuan a thrat zawk kala ring cheu.
**Mi rama awma hlim taka BAI chawh phul bulh² hian kan ram hmangaih loh/ ngaihloh a entir pawhin ka hrelo e a.
** Enge MIZO-na chu???
** Tapchhak theory leh midang pawm harsa tihna kan neih chhung chuan Chimral hi chu hlauhawm awm reng pawh alo ni.
Ka lawm e.
Report this comment
August 30th, 2010 at 12:22 pm
@21, MZP lam anih loh khi. Vawiin chu ka MZP na ka dahtha a, ram hmangaih ringawt lo hian ramtan i thawk ang u tihna zawk ani e
Report this comment
August 30th, 2010 at 12:23 pm
Ka rilru ngaituahna chhungril ka puanchhuah thiamloh i rawn post e,a tha lutuk chimralna lak a kan him theihnan taima a hreh hauhlo a eng hna pawh thawk turin lehkhathiam pawh thiamlo pawh ni se i thawk suau suau ang u ti in ka sawm a che u
Report this comment
August 30th, 2010 at 12:26 pm
@Uaizzz: Tunhma atanga Mizo zirlai mai ni lova Mizo hnamte tana MZP lo tangkai zia hi han chhut teh. An history te.. An history chu post-tuin a hriat zawk chu ka ring. Mizo zirlaite tan ngat phei chuan an hlu asin. Chu chu Mizorama lehkha zir hovin an hria ang.
Report this comment
August 30th, 2010 at 12:29 pm
lolzzzz VaiVa #18. Nia hmanah “Mizo te leh assimilation” tih post ka ziak tawh a, mahse tun thleng hian draft ah ka la dah a, admin dangte pawn min zawt zing tawh khawp mai, engtikah nge ka publish dawn
No offense pu cyberthug, mahse assimilation leh “chimral” chu a in ang lo hret lo maw?
Tlem chuan ka rawn OT deuh maitheia, mahse “Assimilation” awmzia tak chu minority (immigrant ethnic group) in majority (residing + dominant ethnic group) awm dan an copy tihna a ni e. An eating habits, an cultural festival, an tawng etc an va zir ve a, that becomes a part of them. By “them” I am talking about the minority, not the majority.
Entirnan, Mizo te hi Vai ram ah kan khawsa a, an thil ei te kan ei ve a, puja leh holi te kan lawm pui a, an tih tih kan ti ve. Hei hi kan va assimilate tih na a ni e. Chutiang bawk chuan Vai ho Mizoram ah rawn kal se, kan ei ei te pawh ei ve se, kan tawng te thiam se, kan thil tih dan hlir rawn ti ve se, hei hi an rawn assimilate tih na a ni bawk.
Minority in Majority awm dan an copy tihna a ni ber e. Majority a affect lo. In the case of Mizoram, dominant culture chu keini Mizo kan nia, ethnic immigrant chu hnam dang ho an ni tlats. “Chimral” chu thudang lo ni se, mahse minority hian majority an rawn assimilate kan tih chuan, kan thil tih an rawn zir/copy tihna a ni zawk e. An thil tih kan copy tihna a nilo. America leh Australia a lo awm te ho an chimral i rawn ziah khi a dik reng a, mahse kha kha chu assimilation a ni miah lo.
In the veryyyyyy long run, heng minority ho an rawn assimilate hian majority culture chuan hemi minority te culture hi tlem a la ve a, this is a completely natural sociological phenomenon. Khawiah pawh intercultural metamorphism chu a awm vek. Mahse heihi khami ram a khang original culture (Mizo) kha a bo tihna a ni chuang lo. Chuvang chuan, “chimral” tih tawngkam hi chu a na mah mah in ka hria “assimilation” nen a dah kawp a tan chuan.
i ideology ka rawn hnial nilovin, “assimilation” awmzia leh kan hmangna context ka rawn sawi zawk a ni e.
Report this comment
August 30th, 2010 at 12:33 pm
@Pu Sandman: “… “assimilation” awmzia leh kan hmangna…
‘Kan hmanna‘ tih zawk tur a ni se.
Report this comment
August 30th, 2010 at 12:34 pm
Sorry, ‘Kan hmanna‘ tih zawk tur a ni e’ tih zawk tur a ni e.
Report this comment
August 30th, 2010 at 12:35 pm
@Mr.TSA, ‘tih zawk tur a ni se.’ nilo in, ‘tih zawk tur ani e’. tih zawk tur ani e
Report this comment
August 30th, 2010 at 12:36 pm
@Frost: #27.
Report this comment
August 30th, 2010 at 12:37 pm
Mr TS : Tun hma lam kha chu kei pawhin an thra ka ti bonnn..
Mahse, tunhnai(kum 10 vel chhung)hi chu!!!!!!!
A pawl anga ding ta na chuan engemaw thra te chu an thawk ve bawk ang chu.
Hmanah (kum sawm chuang a liam tawh mai thei)Vanapa Hall-ah eng function emaw ni ah ka kalin (school naupang ka nih laiin), microphone ah khan pakhat kha a rawn au a,
“I uanaunu-in salwar a hak chuan VAW RAWH”,
“I bialnu-in salwar a hak chuan BAN RAWH”, tih vel te kha ania. Ka ngaihtuah let hian ka nuih a za lek² thin.
Kan ram hmangih dan leh ka Nationalist kan intih dan hi a mak ka ti deuh mai² thin. a intai te zawnga kal hi kei chu ka mimal duhdan hi ani chiah lo a.
Hmangaihna-ah hian thil tih a tel loh chuan awmzia a neilo.
Mimal huatna lampang ka nei hauh lo. Inhnial ka peih lo bawk.
Report this comment
August 30th, 2010 at 12:44 pm
@Uaiizzz: I thu rawn tarlan hi Mizo tan chuan a mawi em asin!
Nia, heti lam chu duhtawk ang.
‘Assimilation’ awmzia chu a enga pawh chu ni se, kan hnam leh ram hmangaih danah hian kan inenlet ve deuh a ngai niin a lang. Hmangaihna hi eng thilah pawh, mipa leh hmeichhe inkarah emaw, pa leh fa, ram leh hnamah pawh ni se, a lanchhuahna tak chu thiltihah a ni. Chu vangin, ram kan hmangaihna hi a tak takin lanchhuahtir ang u.
Report this comment
August 30th, 2010 at 1:12 pm
Kan sawi thraih lawk che u.
Mizoram ST census 2001
All Schedule Tribes – 839310 (population)
Any Mizo (Lushai) Tribes – 646117 (population)
Chakma – 71283 (population)
Pawi – 42230 (population)
Lakher – 36018 (population)
Any Kuki Tribes – 21040 (population)
Hmar – 18155 (population)
Khasi – 1514
En teh u Chakma ho tam zia khi, Mizorama mi 10 a 1 zel hi Chakma an ni tihna zuk nia. Bangladesh ah te, Arunachal ah te maktaduai telin an awm bawk.
Report this comment
August 30th, 2010 at 1:15 pm
“Mi tamtak hian ram ka hmangaih kan ti ve a. Ram hmangaih thuhlaah ngat hi chuan Israel-ho tluka ram hmangaih tina an awm lovang;an Vairengte piah lamah chuan a zai pawh zuk zai thei hauh lova! Keini zawng, ka tawng tu huatthu ni lose, tuipuiral ah Kumpinu leh America ramah ngat pawh Mizo bai kan chawkphul buah buah thei tlat. Kan englai tak hi nge ram kan hmangaihna leh kan Mizo na laitak chu? Rampawnah, hnam hrang hrang zingah pawh, “Saw chu Mizo ani ngei mai” tiin chala chhinchhiahna awm ang ziazangin kan inhre nalh nalh thei a.”
Kumpinu leh America ram a Mizo bai chawkphul buah buah thei te’n Mizoram an hmangaih chuan ka hul hle mai.
Report this comment
August 30th, 2010 at 1:23 pm
Assimilation: ‘Chimral’ emaw ‘mi tihdan lak avanga mahni kalphung bosal’ pawh chu lo ni se, a pawng a pui chuan hlauhawm ah ka ngailo. Sakhua-naah phei chuan kan pipute khan an lo tifuh khawp hi maw le.
Culture leh Tradition chungchang thuah chuan thangthar te’n tanlak kan ngai, MZP leh YMA ang te a hmalakna awm thin mah se, thalaite hian mahniah intodelh tumna kan neih loh chuan kan hmabak chu a ko khawp ang le.
Entirnan: MZU a Zirtirtu lak chungchang ah te khan, ri ret ret chu awm bawk mah se, hnam dang ringrawlhna lenglo lek in mithiam mizote zingah lo awm se chuan kha ai chuan kan tang huai zawk ngei ang. NIT, Medical college te pawh alo la awm leh pawh a niang, Zofate zingah manpower lama kan intodelh loh chuan hnamdang bawk anlo lut leh dawn.
‘Thhirchhe zawng’ tih kan sawi a rilruah vai hmel alo lang nghal ang hian ‘mithiam/hotu’ tih kan sawi a vai/hnam dang hmel alo lan hun te a thleng a nih ngat chuan kan fanu te, kan farnu te first choice tur chu ngaihtuah ve teh, “brahmins ngat” tihte hi an la chapo pui ang. chung hunah chuan Assimilation, chutah chimral chu hlauhawm khawp ang le.
Report this comment
August 30th, 2010 at 1:23 pm
Chakma ho chu kan re thei an ti an ti a, An tam dan enkhian an pung chak hle a ni tihna ani a, hnathawk hman lekloin an inthlahpung nih hmel viau mai. retheih loh ngaihna awmlo a nih khi.
Report this comment
August 30th, 2010 at 1:35 pm
Han kawmen zel teh. Misual ramvei tak2 ho khan.
@11
Mizoram ST census 2001
All Schedule Tribes – 839310
(population)
Any Mizo (Lushai) Tribes –
646117 (population)
Chakma – 71283 (population)
Pawi – 42230 (population)
Lakher – 36018 (population)
Any Kuki Tribes – 21040
(population)
Hmar – 18155 (population)
Khasi – 1514
Eheu… Ava rapthlak veleh aw. Heti hian Uaiizzz te lai lai chuan chimral hlauh nachang anla hrelo chu ani sia leh
Report this comment
August 30th, 2010 at 1:49 pm
Tun ang zel a kan kal chuan chimral chu hlauhawm tehreng mai…amaherawh chu bul kan la tan tha thei a ni tih hi hriat a tha..
Chimral hlau chuan tu leh fate,u leh naute hna thawk a taimak kan inzirtir a ngai a ni mai….
Chakma ho chu an va tam tak2 ve male…..
Report this comment
August 30th, 2010 at 2:04 pm
Chimral hlauhawm e. Ka vei zawk chu corruption in kan culture a eichhiat dan en hian kan hnam a dign rei lovang.
Report this comment
August 30th, 2010 at 3:30 pm
Mizo hla ngaihthlak duh lohna ngawt te pawh hian thil thui tak sawi niin ka hre thin. Ka benga a ri ka hriat apiang a kalo tim chawih2 thinna pakhat chu, Mizo leh Mizo kan inbia a, English kan zep zauh zauh thin te emaw, English a kan inbe thin kher hi a ni. Keizawng, ka digest thei hlawl lo a ni e, min hrethiam teh u. Mizo tawnga thumal kan neilo te a nih pawn siam chhuah tum zawk ila. Tin, thil hming kan sawi a nih a Mizo tawnga a hming kan la nei hrihlo a nih erawh chuan thuhran te pawh nise! Chuti lova, Mizo leh Mizo inbiak naa Vaingalsin ang mai a English thumal han zeh pawrh vel hi a UIH ka ti. In ngaihsan English ho hian, an titi na karah Mizo tawng an zep put ang(daih mai a) :evil:
Chimral hlau taka kan thalai te kan nun bakah unau hmelhai hi sim ila, eirukna/hlemhletna hi sawi mai lovin, hnam hmelma ah i chantir ngam teh ang u. Eiru inti champion te hi Mizo min dah hniam tu mi tenawm, setana thuihhruai diktak, tawng angel mai mai an nih hi, tul chuan an chungah engpawh thlen tir ngam tur, Mizo hmusit tu an nih hi. :evil:
Report this comment
August 30th, 2010 at 5:51 pm
Chimral nilo tur chuan Hnam Bo zia hi kan paih a ngai. Anih loh chuan Zo-Inpui kaltlang hian keini Zo-fate hi integrate ila, kan hlauhawm tham deuh ang. ‘Chuan kan Hnam Bo zia hi kan paih hret hret bawk ang. Kohran leh khawtlang mipui kan tanrual phawt chuan Israel ngaisangtu hnam kan ni vek an entawn tlak na lai hi entawn ang u
Report this comment
August 30th, 2010 at 6:34 pm
@ 32 Aryan: Tun post a i comment hi ka va ngaisang ve aww…I sawi turah i chiang.”LOOK BEFORE YOU LEAP”. hi a pawimawh a nia.Chu chu i rawn rap dik tawp bawk.
Report this comment
August 30th, 2010 at 6:35 pm
“Tunge control?” tih hi kawng engkimah apawimawh. “Mizote kan nih” chhung chuan chimralin kan awm lo tihna a ni. Mizoram hi mizo hlang awmna rama siam tum hi chu “Sin” a ni. Fin, fel, taimak, inhmangaihtawn,leh Pathian trihna tak tak kan mamawhin ka hria.
Report this comment
August 30th, 2010 at 8:58 pm
#39
H.Vangchhia Says:
August 30th, 2010 at 3:30 pm
Mizo hla ngaihthlak duh lohna ngawt te pawh hian thil thui tak sawi niin ka hre thin. Ka benga a ri ka hriat apiang a kalo tim chawih2 thinna pakhat chu, Mizo leh Mizo kan inbia a, English kan zep zauh zauh thin te emaw, English a kan inbe thin kher hi a ni. Keizawng, ka digest thei hlawl lo a ni e, min hrethiam teh u.
English chu nang pawhin i zep a lom khi .i digest theihloh na khi a english .
Report this comment
August 30th, 2010 at 9:01 pm
Pu adama thlah vek kan nih hi ,mizo mizo tilo ang u ,khawvel mihring hi hnam khat vek kaan ni .ahahahahahaahahahahaaa
Report this comment
August 30th, 2010 at 9:15 pm
Aryan #32, Mizoram census ah Mizo, Pawi, Lakher, Hmar tiin an ziak hrang maw? An ziak hrang a nih chuan cencus buaipui tu te ka dem hle ang. :evil: ka haw hluah hluah tak2, intih hranna lam kawk thei ang chi sawi/ziak/ngaihtuah reng reng ho hi.
I ziak chinah khi chuan Chakma leh Khasi bak chu Mizo vek kan ni tlat. Sawi fo tawh angin, Mizo tih chu Mara (Lakher), Lusei, Hmar, Paite, Ralte, Lai (Pawi)Thado etc te khaikhawm tu mai a ni. Zohnahthlak thlangtla hmasa te kha Kuki tih an nia, a hnu leh a mi te hi New Kuki tih kan ni vel mai mai e, Bengali ho min deu sawhna tawngkam an la ti ta deuh deuh.
Report this comment
August 30th, 2010 at 9:35 pm
Assimilation hi Mizoram Politics tawngkam vela kan hman dan tlanglawnah hi chuan inchimralna angin kan hmang tlat tak asin mawle. Kan hman danah hi chuan “colonize” tlukpui angin kan hmang deuh niin ka hria. Colonization hian politics chauh ni lovin culture leh population leh economy pawh a huap vek thei. Ka hriatsual tak leh min correct mai teh u’n.
Report this comment
August 30th, 2010 at 10:29 pm
Mizo hluah hluah ringawt mai ang u, Mizo hnam bik hi tumah kan awm chuang lo, kan hnam khaikhawm tu hming ani mai, keichu Mizo ka ni tawp kan hnam tawng pawh ka thiam chuang lo, Mizo tawng ka thiam a ka duh tawk.
Assimilation/assimilate tih vel hi hre ve lo pu JF a chuan a hnuai a mi ang hian a hrilhfiah
assimilate (asimileit), v.t. and v.i. inang or inzula siam, khaikhin, thlai leh hnim ilovina
leilung hanna an ei hi, chu mi tehkhin chuan, mahni tana thil fawm lut or hip ‘an
asimilate’ an ti thin, hriatna leh thiamna fawm lut, thil zir thiam, mahni chhawrbawk
atana la lut. assimilation, n.
Report this comment
August 31st, 2010 at 1:05 am
He post chu… Assimilation chungchang te inlo redefine leh vel animaw…
Thil kan redefine anih pawh hian tlema adequate deuh hlek tehian redefine thin ila chu ka ti ve mai mai kei mimawl hian…
Report this comment