mi(sual).com

Hmanni chu kan khaw bulah PHE dept. lam motor a accident a. Tlangval leh pa tlawmngai thei thei,a hnukchhuak tur a kal tur tih YMA Information mike atangin an rawn puang a. Keipawh ka sikul bang engmah in ei puar hman loin ka tlan liam ve nghal a. Amaherawhchu rin aiin hnuhchhuah a har ta phian mai a. Mipa 50 bawr velin hahthikula kan beih hnu in zan dar 10 velah kan hnukchhuak thei ta hram a. Hemi zan hian zozial leh kuhva hring a hlu vet vet hle mai. Kei lah chuan engmah pai na chang pawh ka lo hre lo. Mi ta dil reng rengin hun ka hmang a.

Thiante lah chuan an neilo chung chung phal takin min la pe zui. Kei a lah chu tamchhawlin in ka thleng zui. Hemi zan atang hian ‘MIZO TLAWMNGAIHNA’ dik tak chu ka hmu chiang hle.kan mizo tlawmngaihna diktak vawngnung turin tan ila theuh ang u..

Vawiin chu “in nu hi a nu lamah Vanapa thlah ani a. Hei Aizawla Vanapa thlah te kan in zawng khawm meka” tiin inleng kan neih nawlh chu le :!: Vanapa hi pasaltha ani a zaidam hle tih bak hi ka hre thui lo hle. Internet velah te kan dap chawp nghala, ka hmuh chhun chu ka han bel kai nghala.

Pasaltha Vanapa Tawngkam

Mizo Pasaltha hmingthang Vanapa hi Mizoten kan chhuangin kan ngaisang em em a. A huaisenna leh tlawmngaihna piahlamah hian khawvel miropui dangte ang bawkin a ni pawh hian tawngkam ropui tak tak a chher chhuakin a lo tawngchhuak tawh thin a. Chung a tawngkam thenkhatte chu i han thlir ho teh ang u. Hmanlai chuan in do reng reng thin an ni a, rawlralin an che bawk thin a. Feh kal tla fal deuh chu hmeichhia pawh nise an thah loh vek pawhin sal atan an man thin a.

Thlawhhma hla ber neitu tan chuan a ralmuang lo va, chu bakah buh seng hunin a kawng a thui bika, hei ringawt pawh hi khaw lian deuhah chuan huphurhawm tham a tling a ni. Chutiang bawkin vengtawp bera in chu zanah a ral muang lo em em a, Sapui (Sakei etc) a hlauhawm a. Tin engtik lai pawhin ral lo kal thut sela insaseng ve hman lova tawng hmasa ber tur an ni a, a ral muang duh lo khawp ang, tunlai ang hian electric te an lo nei ve si lo.

(more…)