Happy Teacher’s Day to Teachers
Sikul ka luhtirhin ka pawl min siamsak A, Ka hming an han lam chuan ‘Aw’ ka han ti a… tih ni ta in ka hria, Pawl 1 Physical Education Or Mizo- ah khan kan zir thin. Pu Seletthanga phuah, A AW B hla a ni. Zirtirtute hi khawvelah min hringtu kan Nu leh Pa te tihlohvah chuan an ropui berin ka ngai. Chuvang chuan naktuk September 5th, Teacher’s Day denchhen hian an pualin he thu hi ka han ziak ve a ni.
La reilo hle mahse, kan hunlai khan thingtlang lamah chuan Zirtirtute khan zah leh ngaih ropui an la hlawh a. Tunah pawh an la hlawh mek zel bawk. Chutiang bawkin khawpui zawk Aizawl lamahte pawh ngaih ropui leh ngaihsan an ni. Mahse, kan hnulam pangah hian, (han ti kher teh ang) Zirtirtute zahna hi a nep tawh hlein ka hmuin, ka hria. A chhan chu, keimah ngeiin ka tawn ve vang a ni.
Zirtirtute chu kan Nu leh Pa te tihlohvah chuan kan damchhunga nuamsa- a kan khawsak theihna tura thiamna leh finna min pe tute an ni. Kei chuan tunhma- a Primary School vela kan Zirtirtute thleng khan ka la ngaisang a, zah pawh ka la zah. Mahni infakthu ni lo se, khawlaiah pawh han inhmu ila, ka la ‘wish’ ve lauh lauh zel a ni. College lamah pawh, Guest Lecturere an ni emaw, Contract Lecturer an ni emaw, kan Zirtirtu- a an lo tan ve tawh avang khan ka zahna lantir nan ka ‘wish’ thin a ni. Min zirtir thei tura thiamna an neih kha ka la neipha ve miau lova! Ka neih phak hnuah pawh ka hmusit chuang lova, ka la zah zel chu a nih hi!
Tunlai Mizoram Zirtirtute hi an vanduai ka ti. A chhan chu, anmahni tana Rights awm ve si lovin, naupangte tan Educational Rights te kan la ti ta deuh deuh lehnghal! School naupangin an Zirtirtute zahna chang an hre tawh lova, an awm awmin an awm mawl tawp hlawm zawng a nih hi! Thuawihna an tlachham ta. Zirtirtu ‘Wish’ nachang pawh an hretawh lo! Mi hrang inenkawlna- ah hian Rights hran ve ve a awm tulin ka hria. Zirtirtute hamthatnan Mizoramah hian Teacher’s Rights awm ve rawh se.
Mihring chu kan damchhung hian inzir reng kan ni a. Kan tette atanga kan thihni thleng hian nitin thilthar kan zirbelh zel a ni. Chu kan thilzir thenkhatte chu keini aia a hmangchang hria leh thiamzawkten min tihpui a, min hrilh chuan midangte ang mai ni lovin, an aia sangah pawh kan va invawrh daih thei a ni. Chu chu a zirmeka Zirtirtu pawimawhna a ni.
Tunah hian Zirtirtu ni ve tho thahnem takin he thu hi inlo chhiar ka ring a. In theihna senga thahnem ngai taka inhrilh thin naupangten an hmuhsit viau che u emaw, inthu an awih lohva han hrem mai chakawm zek zek, mahse hrem takloh pawh innei ve fo thin ang tih ka ring. Khang avangte khan in hun hmante kha lo nawmloh phah lohse, hlimtakin lo hmang fo tawh zawk ang che u. Khatiang hun intawn ni khan khang naupangte khan an hmalam hun turah Meiling an chhem vam mai mai zawk si a!
Thahnem ngai taka zirtir a, hrawk thip themthum a au va, chau hnep khawpa nilenga hun hman chang ngahtak hi Mizoram Zirtirtute ang an awm ka hre lo.
Thiamna min pe a, tun dinhmun min thlentu, Pawl 1 atanga tun thlenga min zirtirtute- he ni hi hlim taka lo hmang a, in hun kaltawha hreawm tamtakte theihnghilh a, hmalam pan a, ke pen zel turin ka duhsakna ka hlan a che u. Min Zirtirtu ni ve kher lo Zirtirtu dangte pawh, he Ni pual hian, ‘Happy Teacher’s Day’…
Chutih rual chuan, Zirtirtu chatuan ram pan ta te, an nupui fanaute Lapan thlamuanin hualhim zel rawh se. Zirtirtu nuamsam lo te pawhin chaktharna leh hriselna thar lo nei ula, Zirtirtu pawimawhna hre phalo khawpa nunchau leh nun bawlhhlawh awm theih a ni, chung mi te chuan in nihna lo hrechhuak bawk tawh ang che u…
– Jonathan Lianhmingthanga Sailo,
Govt. Republic Higher Secondary School, Aizawl
Similar Posts:
- Zirtirtu hna hi mi rinawm te thawh chi a ni
- Central School, Champhai
- Zirtirtu Faktlak A Ni Em??
- MLA-in ama sumin Zirtirtu ruai
- Honour the Teachers – I (Teachers’ Day Pual)
September 5th, 2010 at 6:09 am
A dik khawp mai… Ni e, Chawimawiin awm teh u!
https://misual.life/2010/09/.....ai-mai-te/ hi hetah hian kan comment lawk..
Comment hmasak ber (first) hi a nuam ve mai mai.. :roll:
Report this comment
September 5th, 2010 at 6:35 am
Teachers day chu a lo thleng leh ta reng mai a mahse hei chawlhni a ni hlau mai tunkum chu!Teachers day a zirtirtu pawimawh zia leh hnam tan a hnathawktu ropui an nih zia in hrilh kual vak bak hi chu zirtirte te tan hian hamthatna dang vak hi a vang hle mai a!hamthatna duhawm deuh zawk pawh hi an phu in ka hria!Promotion chance an nei mang lo tluk a ni a,power(an school compound bak chu!) leh facility tih ang phei chu an nei lo a ni ber a,zirtirtu te tiphur tur leh hnazahawm zawk a siam tur chuan an mahni motivate zawng a thil kalpui a,hamthatna pek an phu!Pay chungchang ah pawh duhsak an phu bawk!zirtirtu zawmthaw leh displine nei lo lutuk hi chuan hrem erawh pumpelh lo se.Zirtirtu te hi an pawimawh a,an file-te hi naupang an nih miau avang in naupang tan a entawn tlak a an nun pawh pawimawh hle in ka hre bawk.
Zirtirtute chawimawiin awm rawh se
Report this comment
September 5th, 2010 at 7:18 am
ZIrtirtute thenkhat mahni nihna hre lo, mi dangte tana zahawm leh mawi a chet nachang hre lo hi tamtak an awm. Chung mite chuan inhmuhchhuah nan hmang se ka duh hle mai.
Report this comment
September 5th, 2010 at 7:26 am
Naupang hian zirtirtu ngainat zawng hi an nei duh khawp mai, kei pawn ka nei thin. Tunlai hian mimal a teacher te present pek school thenkhat chuan an khap a ni awm e!!!!
Report this comment
September 5th, 2010 at 7:45 am
Tha khawp mai.Teachers’ right khi a awm a tul khawp mai.Discipline kengkawh tur chuan(a bikin kan ram angah) thil tak a ni.
Report this comment
September 5th, 2010 at 8:02 am
zirtirtu zawng zawng hian vawin hi inhlanthar nan hmang vek se, zirtirna kawnga taima,rinawm,ngilnei leh zaidamte hi naupangte hian an zah reng thin.
Report this comment
September 5th, 2010 at 8:12 am
@6, Tunlaiah chuan mak deuh a nia… Naupang thenkhatte hian Manner (nundan mawi) an hre tawh thlawt lo asin…
Report this comment
September 5th, 2010 at 8:17 am
https://hmingteasailo.blogspot......awh-u.html
Report this comment
September 5th, 2010 at 8:38 am
Zirtirtu satliah mai ka ni a. Teacher’s Day hman hi a tulna pakhat te mah ka hre lo. Hei hi ka ngaihdan diktak a ni e.
Report this comment
September 5th, 2010 at 9:04 am
#hmingte naupang thenkhat awmdanmawi hrelo chu an tam ngei ang,zirtirtu nih inhrechiang tak tak te hi chu an zahawm reng thin tutan mai pawh hian,iblog ah kalo lengfo thin alawm.
Report this comment
September 5th, 2010 at 9:13 am
#9, kan inang chiah
Report this comment
September 5th, 2010 at 9:20 am
Zirtirtu theuh theuh an in anglo thei khawp mai..thenkhat chuan hna ropuitak thawk anga in ngaiin zirlaite puitlin theihna atana mawhphurtu liantak anni tih inhria in hna anthawk thin a.thenkhat chuan sum/hlawh ngawr ngawr thlakhlelh vang choh ten..zirtirtu hna hi Kristiante tan phei chuan rawngbawlna pawimawh tak ani..
Teachers Day hian naupang ten an zirtirtu te tan present an hlan sap sap thin a,naupang chhungkaw khawsak harsa takte tan chuan a buaithlak ve thin ngawtin a rinawm.
Report this comment
September 5th, 2010 at 11:23 am
Duhsak zawng an ti lang lutuk. Nursery atanga Class X thlen hian zirtirtu te duhsakna ka tawng lo. College chin chung lam phaiah zir, vai ho chuan min duhsak zawk hle thin. Chuvangin school ka luh ve lai in thiam in ang rau rau ah zirtirtu te duhsak ka hlawh ngai lo kum khua.
Teachers Day ah hian Car flag leh Token Flag an ti a, an zuar thin a. Naupang te reuh te te an zawrh tir thin a, heng te chu zirtirtu ten in sem se, zawrh hah ngai lo in, tlem tlema in sem zawh mi awm ka ti…
Fakna tam tak an awm ang..mahse fak lohna lam kan sawi hmasa teh ang.Zirtirtute leh Doctor ho hi Jan-Dec chhunga subject in ang pata/hna in ang pat thawk an ni kum khua a, chuvangin an outlook a zau mawh hle in ka hria. In zir hriam hi an tih mak mawh a ni. A tlangpuiin zirtirtute hi an kawm ka ti a…Teachers Day a lo thleng a, sawrkarin hmanna tur Sub Division leh Block Level ah a pe si lo..BDO leh SDO
in a zawng a za in expenditure a tum a thei bik si lo, Zirtirtu ho in hman ropui an duh bawk si, sum thawh an hreh thei bawk si hian rilru a ti hah thin.zirtirtu pakatin cheng 50-100 theuh thawh ta se chuan nuam tak leh an beisei angin a hman theih reng si a.
Thingtlanga zirtirtu ngat hi chu an chhaw chhawih mai a ni.Ka hmuhsit vang ni lo in, thil an la serious lo re re. Electoral Roll chungchangah te, Census chungchangah te hian an hnu hi za a za deuh thaw a chhui zui a ngai…
nakinah an fakna lam ka rawn sawi ve thung ang.
Report this comment
September 5th, 2010 at 11:31 am
@ Comments ka lo chhiar a. A lawmawm hle mai. School zawng zawngah hian Zirtirtuten thilpek an phut kher lo. Tin, ka thawhna School ah chuan Higher lamin he mi ni hi kan hmang hran dawn lova, mahse High School lam chuan an hmang ang.
Zirtirtu fel lo leh tha lo kan hre teuh ang, kei pawhin ka hre teuh mai. Mahni hna ngaipawimawh lo, sum leh pai ngaihsak zawk pawh ka hre teuh, mahse ka ziak lang lo a ni mai. Naupangin Zirtirtu fel leh tha, Zaidam leh nunnem chu an hre lutuk, ngainat pawh an hlawh thin reng a ni. Mahse, mihring ve tho hi zawng thin-ur chang hi a awm lo thei lo fo!
Discipline kengkawh thalo School- ah chuan zalen nuam ti zawk Zirlai chuan nuam a ti hiai hiai ngawt ang!
Zirtirtute Ni ah hian a sawimawi tlak Zirtirtute hi i sawimawi ngam i la, hauh leh zilh tlakte chu zilh a, hauh mai tur!
Pu TSa Style deuhvin ‘ka lawm em em e’.
Report this comment
September 5th, 2010 at 11:37 am
Token Flag man hi engatan nge???
Report this comment
September 5th, 2010 at 11:42 am
@sisen, Token Flag man te, Car Flag man te hi Zirtirtu harsa zual, nuamsam lo, inenkawl ngaite leh chhungkaw harsa zual te tanpuina atan a an hman thin a ni. Nakum lam ah chuan an tihzel tawh hmel lohvin ka hria, tun hi chu an la kaltlang pui rih a nih hi.
Token Flag lei ve tawh ngat ka ni a, a thanat thlak vakin ka hre lo ve.
Report this comment
September 5th, 2010 at 11:48 am
zirtirtu thenkhat hi chu discilpline kengkoh tih vang hian talhfiak leh a zahthlak zawnga inhrem hi telh hram an tum thina,zirtirtu aikal la,zirtirtu contract thoh ve phet tum etc te hian zirtirtu tha tak2 hmai a ti bal thin ot ltk loh lemloh nan Happy teacher’s day
Report this comment
September 5th, 2010 at 11:50 am
Thla khat hlawh tam tak nei, damloh nikhua-a damdawi in-a awm a ngaih pawha bill leh thei te tana thingtlang nu leh pa harsa ve tak tak ten pawisa an thawh fo hi tul ka ti lo.
Chhungkaw harsa (Zirtirtu ni lo) leh zirlai, sul leh paia harsa te puih nana hman anih erawh chuan tha ka em em thung
Ka OT em le???
Report this comment
September 5th, 2010 at 11:51 am
Hey, buddy burgerstud, nursery-cl.x thleng rawka zirtirtu duhsakna i dawnglo chu, a pawi ka ti in ka tuarpui khawp mai che.Hei hian i nunah thil thlir dan, thui takin a nghawng ka ring. Mahse maw, tuna i dinhmun luahtir theiu che bulthut chu, nursery-cl.x a in zirtitute kha an ni ang.
Report this comment
September 5th, 2010 at 12:00 pm
Tuna kan Indian edu system hi chu British ho in kum 200 daih kalta a India colony a clerical staff (an admin ah khan officer chin chu Sap vek anni)an mamawh chawm thei tura an duan chhuah kal zel, siam that, belh, etc etc.ani. 3 Idiots film en chian ka sawi tum in man vek ang. Chu system hnuai ah chuan kan zirchhuak a, chuta zirchhuak te chuan chutiang chu kan zirtir chhawng zel a,Chatur-a ang leh Virus-a ang kan tam ta lutuk ani, Rancho-a ang kha kan mamawh belh lutuk. He film la en lo chuan en ngei ngei teh u.
Report this comment
September 5th, 2010 at 1:16 pm
Zirtirtuah hian kum 2 dawn ka lo tang ve tawh a,naupang zirtir hi nuam ka ti khawp mai,mahse tunah chuan line dang ka zawh a tul ta sia,zirtirtu ka nih lai kha tun thleng hian ka la ngai reng thin.Tun hnu thleng a ka naupang vengva zual ten min la wish te hian ka lawm em em thin.
Zitirtute niah hian zirtirtu zwng zawng duhsakna ka hlan vek a che u.In hna zahawmtak kha thahnemngai takin chhunzawm zela,ram leh hnam ro zirlai tamtak chherchhuak turin tan han la leh sauh sauh ang che u.Zirtirtu zawng zawng dam reng rawh u.
Report this comment
September 5th, 2010 at 1:26 pm
He ni ropui takah kan thianpa @Ku Muanga pa, Pu R.Rozika pawhin National Award a dawng a. Misual ho hriat atan ka han tarlang a ni. @Ku Muanga pawh a pa tawiawmin Delhi-ah a cham mek a ni.
Report this comment
September 5th, 2010 at 1:39 pm
Naupangte hi kan future an ni, zirtirtu tha chuan a hre reng tur ani. Ram dik taka hruaitu ni turin a zirtir tur ani. Chutiang bawkin zirlai chuan a zirlai tha taka a zir khan a nu leh pa te chauh ni lo, zirtirtu te leh ram a chawimawi ani.
Report this comment
September 5th, 2010 at 1:45 pm
First para khi hetiang zawk hi a ni e
“Sikul ka luh tirhin mikhual ang ka ni a,
Ka pawl min siamsakin ka hming an han ziak a;
Mak ti awm fahranin ‘A’ ka han ti phawt a,
Lungleng awm tak maiin ‘AW’ ka han ti a.”
A, AW, B Hla hi Pu Pasena Chongthu phuah a ni.
Report this comment
September 5th, 2010 at 2:32 pm
Happy Teachers’ Day to all my beloved mentors. Without you i would’ve been nothing more than just flesh and bone. But you’ve cultivated the potentials in me; You’ve nurtured the bests in me with your undying Love, Faith and Hope. Take a look at me now- I’m one among your masterpieces. And i’m proud to be it.
Oh! How can i ever repay you!
There is nothing i wouldn’t do if there ever exist a chance to repay you. On this fateful day, i wish you teachers, a long life that you truly deserved, let the cosmic conspires and blessed you in all your ways of life.
These words they come from the core of my heart.
Happy Teachers’ Day.
Report this comment
September 5th, 2010 at 3:12 pm
Jonathan Lianhmingthanga Sailo, nangpawh happy teachers day. Zirtirtu ilo ni reng mai! I student ten i class nuam an tih thin viau ka ring.
Report this comment
September 5th, 2010 at 4:03 pm
misual.com member zirtirtu zawng² chibai ka buk e! Gob bless you all!
Report this comment
September 5th, 2010 at 4:31 pm
@26, Sir David L. Ralte, nangpawh Happy Teachers’ Day… I mi ho thin lai kha a ngaihawm ta hle mai…
Report this comment
September 5th, 2010 at 4:41 pm
Zirtirtu thrate chibai ule
Ka naupanlai hian lehkha thiamlo ve tak ka ni thrin,MAHSE middle a kan Maths teacher putar kha…a period hi kan nghakhlel tawp a,subj dang a thiamlo tak pawh kha maths chu kan thiam hlawm khawp mai,HW tih theihnghilh palh chang a kan zah thrinzia kha,min hremnalo…a subj ah hian 70% chunglam ka hmu deuh ziah subj dang pheichu ka thiam hleilaw… tun thleng hian calculation,mental thleng hian thildang ka thiamloh ngaihtuahin ka ti thei khawp. calculator hman hi trul kati ngailo…KHATIANG ZIRTIRTU THRA khan subj zz minlo zirtirse kan pui awm hlawm riap2 kati..
Report this comment
September 5th, 2010 at 5:06 pm
Vawiin hi zirtirtute ni a ni. School ah chauh lo pawh infiamna, khawtlang nun, etc-a hmalam pan tur leh thiamna nasa zawk kan neih theihna tura min zirtirtu zawng2 te chungah lawmthu i sawi theuh ang u.
Khawvelah hian eng maha lungawi lo, mahni chauh indah pawimawh, midang hlutna reng2 hre lote pawh an awm thei awm e. Chutiang mi ni lo turin i fimkhur theuh ang u.
Report this comment
September 5th, 2010 at 5:41 pm
Siamthatna/ tihdikna: A AW B hla khi Pasena Chawngthu
phuah a ni zawk e.
Report this comment
September 5th, 2010 at 5:48 pm
Token Flag hi enge a tulna?
Zirlai ten an zirtirtu te in enkawlna tur SUM an tum sak anga maw? Sorkar ah hamthatna annei a ni lawm ni? An dam loh pawha in enkawlna tur sorkar ah nei reng chunga pawisa khawn hi a zialo deuh.
An eiruk sak ngei bawkin ka ring :evil:
Report this comment
September 5th, 2010 at 6:33 pm
@32, an tumsak ka tihna a ni lemlo. Tanpuina a ni e. Pawisa an khawn kher lova. Khang Flag te kha an zawrhtir a, aman kha an thehlut thin zawk a ni.
Report this comment
September 5th, 2010 at 7:00 pm
Zirtirtute hi mi pawimawh an ni.
Isua Krista pawh zirtirtu a ni.
Zirtir lohvin tumah zirtirtu a ni thei lo.
Zirtirtu ni lo tumah kan awm hek lo.
Tu tan nge zirtirtu ka nih ve le?
Tuin nge zirtirtu atan min pawm ve le?
Kan zirtirtute pawh zirlai tho an ni.
Zirlaite pawh zirtirtu tho.
Khawvelah hian zirtirtu bakah hna zai leh pawimawh, huam zau a awm dawn em ni?
Naktuka Zirtirtute ni hmang turten hlim takin hmang ang che u.
Ka lawm em em e.
Report this comment
September 5th, 2010 at 7:19 pm
@13, burgerstud, zirlai kum 10 chuang nih chhunga duhsakna dawn miah loh chu hrehawm ngei ang. chik duh la chuan lawmna pakhat tal chu awm lawng maw?
Kei chuan vawiin a kan nih ang min nih tir theitu te hi zirtirtute an ni ka ti lo thei lo, mawl se, mawl lo se, an zavaiin a game a khel ve a, contribution an nei. class 7 thleng lunglei mizo school a kal ve mai ka ni a,kan zirtirtute kha ka ngaisang lo thei lo.
Eng profession ah pawh in enfiah leh insiamthatna tur ka nei vek… Ram a changkan poh leh zirtirtu (a bikin elementary education) an ngaipawimawh zual thin, a mihring pawh an thlang uluk. Keini ram ah chuan a dang deuh hlek in ti ve lo maw? Hna zahawm kan tih hi engtin nge kan teh, keini mizoram ve te ah hian?
Report this comment
September 5th, 2010 at 7:21 pm
@13, burgerstud, zirlai kum 10 chuang nih chhunga duhsakna dawn miah loh chu hrehawm ngei ang. chik duh la chuan lawmna pakhat tal chu awm lawng maw?
Kei chuan vawiin a kan nih ang min nih tir theitu te hi zirtirtute an ni ka ti lo thei lo, mawl se, mawl lo se, an zavaiin a game a khel ve a, contribution an nei. class 7 thleng lunglei mizo school a kal ve mai ka ni a,kan zirtirtute kha ka ngaisang lo thei lo.
Eng profession ah pawh in enfiah leh insiamthatna tur ka nei vek… Ram a changkan poh leh zirtirtu (a bikin elementary education) an ngaipawimawh zual thin, a mihring pawh an thlang uluk. Keini ram ah chuan a dang deuh hlek in ti ve lo maw? Hna zahawm kan tih hi engtin nge kan teh, keini mizoram ve te ah hian?
Zirtirtu zawng zawngte ka zahna chibai ka buk a che u.
Report this comment
September 5th, 2010 at 7:26 pm
Teacher’s Day thil ka buaipui atalangin misual.com pawh kan theihnghilh hial chu le…
Report this comment
September 5th, 2010 at 7:31 pm
Hlawh tam pawh in phu, office thenkhat a staff thenkhat te pawh thutna dup a nilenga an thut theih laia, kum 20 chuang zirtir hna thawk tawh te pawh thing thuthleng charah in la thu tih pawh kan mitin a hmu.
In pekna tak tak nena thawk thin zirtirtu te u, fak in hlawh loh pawhin zirtirtu hna ngaisangtu kan tam tih hre reng ula, in lawmman chu in zirtir hlui ten hlawhtlinna an chan thin hi ani e.
Report this comment
September 5th, 2010 at 7:36 pm
Zirtirtu leh zirtu inkungkaihna hi damchhung daih a ni ka ti tlat. Chu chu haider emaw, pawtchat lui chu mi fing lo tak a ni. Zirtirtu sual eng ang pawh ni se a lak atang sual loh dan tal kan zir thei a ni!
Misual zinga zirtirtu zawng zawng te HAPPY TEACHER’S DAY U LE.
…khrum
Report this comment
September 6th, 2010 at 6:24 pm
Benny & Rinfela: A dikna tam tak a awm ngei ang..in sawi khi..mahse min duhsak loh avanga rilru natna tam tak ka lo tawn te hi hei..ka theihnghilh thei miah lo a sin.Khang hunlai khan min duhsakin, min motivate se chuan..ka dinhmun hi khiiitahhh a ni hial ang.:)
Report this comment