Vei tak ka ni! A enkawlna lama mithiam ka ni lo a, tawnhriat lah ka nei hek lo. Mahse, ka vei tlut tlut bawk si; máwl taka ka âu mai loh chuan.
Zualko zawng zawng deuhthaw a– “Thih chhan : Cancer” han nih tàk zel mai chu(h)! Cancer vei mèk, vei tawh leh la vei tur(?), thihpui kan tam tawh zia ka en hian kei zawng, he ram/ Lalpa zawnchhuah ram (an tih)-ah hian ka thla a muang ta lo! Nang leh kei, in chhungkua leh kan chhungkua hi kan him lo teh a nia.
Heti éma Cancer-in min run nasa ta mai hi a rapthlak a, eng nge a chhan nia’ng le? “Zùk leh hmuam kan tih nasat vang” tih hi hman hman atanga vawiin thlenga kan mithiamte chhanna neihchhun ala nireng a, a dik ang! Mahse, chhan dang engemaw tak ala awm ngei tur a ni ❓
Mak ka tih chu : Khawvel ramzauah hian keini aia zùk leh hmuam ti nasa, hnammawl tawp tak tak za-tamtak an awm a, keini anga Cancer an vei chuah chuah thu leh an thihpui phuk phuk thu ka hre ngai lo. Tin, Zoram pawna chéng–Zofate zingah ngei pawh keini, a chhunga chengte ang éma Cancer thihpui hnem an awm ka hre lo.
Hei hi a chhan leh vang chiangkuang/ rintlak zawnchhuah tuma beih tak tak a hun tawh in ti ve em? Kan tui tlan, kan buhfai(vai buhfai) leh kan thlaihnah ei, DDT kah, etc… te hi zirchian a ni tawh em le.
“Ka nghakhlel Van hmun ropui…”
“Aw ral mai rawh, lei ninawm…”
ti a inlâk thlamuan ngawt chi ani lo, Cancer zet zawng hlauhawm deuh a nia! Rulngàn, HIV tihte lek lek ai paw’n…
