Kum 30 kan lo chuangkai ve ta der mai a.Ka thiannu nen khan kan inrual a. Tichuan ka thiannu chu a nu leh pa chawmtu a ni chho ta zel a. Samsiam tur a hmuh loh changin Chhangkan te a zuar kual thin a. Thawhhreh leh zah nei hauh lovin a nun a hmang chho ve zel a.
Tun thlenga a maha mak ka tih ka hriatchhuah fo thin chu- Khati khawp a harsatna leh diriamna leh beidawnna chi hrang hrangin a tlakbuak chung pawh a ruihtheih thil- Sahdah, kuhva, Zu, a engamah a ti lo a a fihlim tlat mai kha a ni. Amah ka hriat chinah mipa a kawp ka hre hauhlo bawk tih hi kan sawi tel hram duh bawk a.
Kei chu pasal nei ka nih avangin kan pa hnathawhna khaw lamah kan pem leh daih a. Tunlai angin Phone a inbiak pawh zung zungna te awm ve hek lo, chanchin inhre miah lovin kum hnih teh meuh kan awm hnuah, Aizawlah kan rawn lut leh a. Ka thiannu chuan min rawn zawng chhuak vat a.
Bible leh tawngtai a thlahthlam ngai loh thu mi hrilh a. A ka ngei atanga chu thu ka hria chu-ka va lawm tak em.Mahse Biak In chu a la rap chuang lo a ni.
Pasal neilo a a awmreng ta mai chu ka ngaihtuah thin a, a future a thim riau a ka hriat avangin advise ka pe a,`Thiannu,i upa chho ve tawh viau mai a, i hun kal turah hian innghahna tur i nei miah lova. I nu leh pa boral hunah Nuta te bel ringawt chuan i tan hrehawm ni a thleng fo dawn a,lehkhabu ka pe ang che nga,i hunawl ah i zir ang a.
Kolkatta emaw Delhi velah eizawnna dap la a tha ang a.. Samsiamah hian i skill a tha si a`, tiin Simple Hindi leh English zirna bu phek 30 a chhah vel te hi ka pe a. A lo inzir mi riau mai lehnghal a. Tichuan reilo te ah Delhi kal tur thurualpui a hmu ta mai a. A kal tum thu chu mi rawn hrilh a,ka theihve tawk pawisa tlem leh thawmhnawte ka lo pe a. Rel ah pawh a tlawm berah Delhi pan chuan a liam ve ta a.
Kum a vei hman tawk tihah chuan a lo haw leh ta mai a. Min rawn tlawh leh vat a. Delhi a a zu awmdan te mi hrilh a. A kalpui thiante nen Flat an luah ve a. An flat luah neitu pa Vai Putar chuan Samsiamna dawr ah hna a hmuhsak a. Chu pa chu single a ni a, ka thiannu chu neih atan a duh a. Present eng engemaw, Gold te pawh a lo pe nasa viau a.
Mahse ka thiannu chuan,”Nei ta ila ka nuam dawn tih ka hria a, Ngun taka ka ngaihtuah hnu ah Pathian ka rawn a, Hindu nupui ni tur chuan keimaha Pathian thu nung hian a phal thei lo a. Ka lo haw leh tawp mai a ni”,tiin mi hrilh a. A huaisen thlak ka ti khawp mai a.” Reilote nawmna leh sual hlimpui” aia rinawm a zui a thlan Pathian chu ka thiannu thlahthlam lo turin ka ngen ve tawp mai a ni.
Tichuan a nundan pangngaiin kumhnih vel zet chu chhang te a zuar leh a. Pasal pangngai tak,amah aia upa hret a nei ve ta hlauh mai a. A pasal chuan a duhin a duat hle a. Nunphung pangngaia nung ve tawh tura ram rem a rap ve ta a hlimzia te tak kha aw.. an inneih atanga thlariat hnu velah nau a pai ve a. Naupai tih a inhre hlim kan in a alokal a mi rawn hrilhlai a hlim hmel te kha ka ngaihtuah hian ka va lainat ngai em. Naute chu Mipa 3.85kgs a rit a hring a, a lo pian chuan a thawchhuak thei lo a, Doctor leh Nurse ten Oxygen nen chhan tum a an beih ngial pawhin an chhansak zo ta ngang lo a.
He lei a a hlimna chu a naute thlanah phum telin a awm leh ta si. A hlim hmel a bo a. A cher telh telh bawk a. Keini khawdangah kan pa promotion vangin kan pem leh a.A naute thih atanga kum pawh a vei hmain mamawh lei a a bazaar kal chu mi dawr ah a tlu tawp a. Ka pawn chhawn lovin a lei taksa chu vaivut a let turin a dai ta riai riai a.
A boral dan kan hria chu a tan Pathian hnenah lawmthu ka sawi a,”Fahrahte, retheite LAL, Pa leh Pathian, ka thiannu hi nang chuan i hmangaih tih ka hria a,a khualzin kawng a zawhna a hun khirh leh harsa a paltlang zozaite kha i hmuhsak vek a,a hun tawpah hrehawm a tuar i phal lo hi ka lawm ani.
Mi te angin natna hrehawm leh khirh tak, buaipui hrep ngai a a awm i phal lo va, minute khat pawh he taksa natna rapthlak tak tuar lova Lungphu chawl a i kal tir avangin lawmthu ka sawi a ni” tiin, he lei a ka hmuh leh ngai tawh loh tur ka thiannu thlan chu ka zu tlawh a. Mangtha hnuhnung ka sawi a ngai ta mai chu a nun pumpui hriatpuitu awmchhun ka nih avangin ka thinlung chu lainatna in a khat a.Mittui luang chungin a thlan chu ka kalsan ta a.
Similar Posts:
- “FEL” bik ni a inhriate nek bo ka thiannu kha.
- Nupui/pasal virgin in i nei dawn em?
- Hremhmun atanga lehkhathawn:
- Tlan paha tawngtai
- Pathian Remruat (I duhzawng vana an tih angin leia mi’n ti rawh se- Mt 6:10)
(Y)
September 8th, 2010 at 3:11 am
Comment hma-in chhiar phawt chi a nih hi…
Ngaihnawm leh dap2 hle mai… (a tak tak maw kha!)
Report this comment
September 8th, 2010 at 3:23 am
A nih hi… A lo khawngaihthlak a nih hi.. I ziak thiam hrim hrim bawka min vel thei mai dawn alawm mawle.
I ngilneihna avangin Pathian in malsawm che rawh se. Nangmah avang liau liau a nunthar nei a ni si a.
Report this comment
September 8th, 2010 at 3:29 am
A ngaihnawm ka ti.
Hnam dang chungchangah khian ka ngaihdan chu thawh ila chu hnialtu in tam leh dawn si a, hei aia kan changkang deuh hun leh loh theih loh a lo thlen hunah ka la ziak ve ang. Tunah rih chuan MZP..(text missing)
Report this comment
September 8th, 2010 at 3:49 am
Ngaihnawm khawp mai
Report this comment
September 8th, 2010 at 4:28 am
First em aw….. :lol: :lol: :lol:
A khaih a :lol:
Vai a nei duh lo khi chu ka lawm,…. :mrgreen:
Kei a lo ngaihvedanah chuan Hringlang tlang a pan dan erawh khi chu a khawngaihthlak lu deuh anih khi mawle.
Report this comment
September 8th, 2010 at 5:53 am
Mi awmloh lai hian ka’n nui tleptuar teh ang.. :lol: :lol: :lol: :lol: :lol: :lol: :lol:
Report this comment
September 8th, 2010 at 5:56 am
Va ngainawm ve aw, a khawngaihthlak bawk.
Report this comment
September 8th, 2010 at 6:22 am
A post tu in a ziak thiam bawk a, a ngaihnawm leh pek hle mai! @ D_auachwgthu chu tlai fahranah hian, ‘first em aw’ i ti leh khauh thin a, i tlai theih theih nen!
Report this comment
September 8th, 2010 at 6:40 am
A ngaihnawm leh pek khawp mai. Sermon ropui tak a ni.
A tawp dan pawh Part-I aiin a tha e :lol:
Report this comment
September 8th, 2010 at 6:51 am
Ka ngaisang lutuk he hmeichhia hi,a ziaktu pawh hi ka ngaisang mi dang tan a malsawmna i ni hi ropui ka ti Lalpan malasawm ngei ang che,huaisen taka hnam dang an hnawl ngam hi kan hmeichhiate tan a va entawn tlak tehlul em
Report this comment
September 8th, 2010 at 7:01 am
Ti te reuh hian a lawm, thil ziak thiam chuan an suangtuahna te hi a tak ang chiahin an lantir thin ni. A Artistic Value hi va sang be le. Darmani te pawh min ti hrechhuak uai uai mai a.
Report this comment
September 8th, 2010 at 7:11 am
part I-a ka comment ang khan, a bu chu siam thuai thuai teh
Report this comment
September 8th, 2010 at 7:33 am
I Mizotawng hi a atluangtlam tha; thu i thiam a,hun kar hla tak mai ami pawh i funkim thiam hle mai.
Report this comment
September 8th, 2010 at 8:10 am
Part I zawk nena chhiar phei chuan a ngaihnawm lehzual khawp mai. Chhiar a nuam bawk.
Report this comment
September 8th, 2010 at 8:13 am
Mifel rethei ve tak tak te hian harsatna hi kan tawk mawlh mawlh emaw tih mai tur anih chang hi atam duh khawp tak a sin. Nanglah chu kamdingnu niin idam sen lawl bawk si a leh. :lol:
Report this comment
September 8th, 2010 at 8:24 am
@ 15 Pca…Lo dam sen vei lel reuh e..nang pawh lo dam zel phawt mai teh.
Report this comment
September 8th, 2010 at 8:28 am
a ngaihnawm e,an flat luahna neitupa hi ngatinge aneihloh le kati,heti zawng hian ka ngaihtuahna akal daih mai, neita se kristian ah siam ta se, missionary ropui tak ani mai tur tiin,amah pathian tih tak ani bawk si.huuhu daih mai a le.
Report this comment
September 8th, 2010 at 9:08 am
Part 1 ah khan a boral thu la’n sawilo nita la a ngaihnawm zual sawt angem aw,ka ti ve mai mai…
Report this comment
September 8th, 2010 at 9:28 am
Amen…
Report this comment
September 8th, 2010 at 9:33 am
Fel nia inhriatna hian mi kan lo hnar hnem thin awm mange…
Report this comment
September 8th, 2010 at 9:43 am
Part 11 tih tumna ka nei pha lo a,ka vawikhat post na a nih avang khan mitmei ven ana riau a,mahse ka rin phak loh responses a lo awm takah chuan kan ti leh mai a ni Vanlalvetehmial @ 18…
Report this comment
September 8th, 2010 at 11:10 am
Ngaihnawm tak a ni.. hnuk a ulh teuh mai a lawm..!!!
Kan veng pawhin Gospel camping kan nei mek a, a lut lo tam takin, ‘An ti hma lutuk a ni, Christmas hmain an da leh ang a, Christmas dawnah tih awm a lawm le..’ an ti sup sup mai..!!! Camping a awm chuan ‘Dak’ hun a lang tlat a nih awm ber hi maw…!!
Report this comment
September 8th, 2010 at 11:18 am
A ngaihnawmin lung a ti chhe thei a lawm! Literature scale nei sang ber pawl a ni. Insit suh, kal zel ta che.
Report this comment
September 8th, 2010 at 12:22 pm
ngaihnawm e
Report this comment
September 8th, 2010 at 12:40 pm
Ka chhiar chhuak, part 1 ka lo chhiar lova, ka chhiar tha leh. A ngaihnawm thlawt.
Report this comment
September 8th, 2010 at 2:20 pm
Pakhatah chuan I ziak thiam hrim hrim bawk a, a chanchin lungchhiatthlak tak hian min vel alawm mawle.
A hun hnuhnung tal chu i bulah han hmang thei sela tha tur. A ngai ve em em tak si che a le…
Nangmah ngeiin han dawm hlum thei la aw!!. Ama tan khan a thlamuanthlak duh awm siai siai e..
Mahse, natna engmah tuar lova a kal ta pawh hi a lawmpuiawm tho ve. A tuar hnem tawh lulai em mai i thiannu khawngaihthlak khan. Hmuhsitna, endawngna, retheihna, tuithlarna, hnuaichhiahna, sunna… A thil tawrh te hi mihring pakhat tawrh atan chuan a rapthlak lulai hlawm e… Pa in chawl hahdam turin a angchhungah a hruai ta si.
Report this comment
September 8th, 2010 at 3:37 pm
ngaihnawm leh hle mai.
…khrum
Report this comment
September 8th, 2010 at 5:09 pm
A inkhawm hman ta miah lo ani maw….!!!!
Report this comment
September 9th, 2010 at 12:37 pm
A ni chu hlim takin a tlantu hnenah lei hringnun ngailo rengin a leng dawn si a, a pasal a mah hmangaih em em tuin a hmangaihi a chan chu ava lainat awm em :sad: :cry:
Report this comment