mi(sual).com

‘Duhthusam ah sam luat a awm lo,’ tih changchawiin khawnge kan misual.com changtlun zel nana ka duhthusam ka’n rawn thlasik mau puah pui ve phawng phawng teh ang. Thil tih theihloh te pawh ka rawn sam tel nuaih maithei a nia. A duh in lo sam belh ula, a duh in lo hnial ula, a pawi reng reng lo. Engkim a leng vek turah ngai ang.

Duhthusam no. 1
5 stars rated: Post hi ‘rate’ theih a siam ni thei se. Post hlui han keu let chang pawh a chhiar manhla tur chi, vote hmu sang ho kha han zawn hmuh zung zung theih nan.

Duh leh post of the week te unofficial in kan thlang thei dawn tihna a nia. A hlimawm ve mai mai awm reuh, te ka tia. Tin, post rated sang deuh te chu home page hnuailamah kil khatah hian a list awm se, va chhiar zung zung theih nan a shortcut atan.

Duhthusam no. 2
Like and dislike: Chutiang zelin comment ah pawh, ‘like’ leh ‘dislike’ button dah ni se. Nge, Like button chauh emaw pawh. Hun awlah hman changin kan han lut ve a. Post chhiar zawhah comment bengvarthlak tak tak chhiar tumin kan han scroll thla a. OT na comment zawng zawng nen chhiar thlak vek a ngai thin a.

Like button awm ni se zawng midangin comment tha/bengvarthlak an tih tlan a kha kan hmu zung zung mai dawn a, te ka tia. Aryan a comment te hi han like (dislike) sak pawp pawp mai i la.
OT hi a nuam si a, mi zawng zawng hian OT chang kan nei deuh vek mai a. Kei ngat phei hi chu a hrat ber pawl pawh ka ni hial ta ve ang.

Duhthusam no. 3
Post tupa thuziah dangte: Post tu mi pakhatin post a ziah tawh zawng zawng hriatsak theih dan hi awm se.
entirnan- Kawlhawk hian rawn post ta se. A hming hi han click zeuh i la, emaw, ‘other posts by the same author’ tih emaw in awm se. Han click i la, a post ziah tawh ho kha rawn lang tuar mai se. Awlsam takin kan chhiarsak thei mai dawn a, zawnbuai vak vak ngai lovin.

Post ka chhiar hian a that viau chuan kha thu rawn post-tupa thuziah dangte kha ka chhiar chak viau thin a. In ni ve emaw…

Duhthusam no. 4
Gothic Theme: Dark background chungchang hi lahratla leh midangten kan sawi ri zauh zauh ta fo mai. Hei hi a harsat lutuk loh chuan admin te hian thenkhat kan lungawi nan tal 48 hours vel min trial sak thei ula kan va’n ti em!. Kei tak phei hi chuan tuna kan hman lai hi ka sawisel lem lo

Duhthusam no. 5
100 comments: id nei ten comment uar sauh sauh teh ang u. Sawi tur kan hriatloh pawhin ‘Sawi tur ka va hre lo ve’ tih chauh te emaw, :mrgreen: tal hian comment sak thin i la. Comment a tih tam hrim hrim khan Post pe tute a ti phur ve em em thei a nia. (Comments tam ber Record dinglai chelhtu kha ‘Ho huang’ by Mr. TSA post a ni.) Sawisel duh pawn sawisel bawng bawng mai tur. Mahse constructive (siam ţha) zawngin ni thei hram se.

Duhthusam no. 6
Punctuality: Post chhuah hun hian hunbi thlap thlap nei thei se. entirnan darkar 3 danah chiah chiah emaw, post a tam deuh tum chuan darkar 1:30 danah chiah chiah ni thei ta se, a uniform awm reuh.

Misual.com tlawh duh pawhin post thar chhuah hun kha kan hre ker mai dawn a. D_auachwgthu te ho nen ‘Zephenath’ nih kan han inchuh nak nak te hi nuam ve deuh a nia.

(Hun bi nei deuh roh lek lek chuan a chhuak a, mahse duhthu ala sam zan lo. ‘A chiah chiah’ in a tih theih ka ring tlat.)

Duhthusam no. 7
5 minutes: Comment edit theih hun chhung minute 5 hi chu ka duhthusam a ni. In ti tha ka ti lutuk. Tu fa ngaihtuah chhuah nge mawni. Hei hi chu gothica te ho in rawn sawi chhunzawm rawh se.

Ka lawm reuh lutuk e.

Similar Posts:

• Mi(5ual) Plugins a Duhthu ka sam na!!
• Rawtna – II (comment chungchang tho)
• Misual.com a thil mak ka tih chu
• Engnge ka POST ve ang…!
• Misual.com kaihhnawih ka vei leh rawtna

Recent Posts:

• Phaia chhungte dinhmun hre turin chah
• Health minister bàn turin CM ngen
• Daihnai lui-II
• Kan va tam em!
• 2011 a PUNE a mizo nula boral chungchang hrechiang lehzual duh tan

This entry was posted on Thursday, September 9th, 2010 at 6:00 am and is filed under Ask | Help | Suggest. You can follow any responses to this entry through the RSS 2.0 feed. You can leave a response, or trackback from your own site.