Misual.com ka luh hian he’ngte hi ka rilru-ah a lo lang leh thîn a, inthlahrung deuh takin ka’n pau leh phawng ang e.
1. Mizo tawng: Hei hi kan ngai pawimawh lo mah mahin ka hria. Kan thuziakte hi a ziaktute’n kan submit hmain theih ang tâwkin edit thîn ila, chhiar a hahdam zâwk ngei ang. Thu inzawm leh zawm loh leh punctuation-a duhthu kan sàm lo a nih pawhin spelling tal hi chu uluk ila. Tûna ka hmuh dân chuan thuziak uluk loh avângin post chhiar hahthlâk tak tak a tam hlein ka hria. Theihtâwpa kan uluk khân admin-te tân pawh a hahdam phah dâwn bawk a ni.
2. Comment chungchâng: Comment hi post-tu tân a hlu hle. Chu vângin comment i uar ang u. Tin, misual thenkhat chu inhre tak tak, thian inkâwm ngeih tak tak kan ni. He’ngte avâng hian anmahni post-ah emaw, an comment-ah emaw mahni rilru dik tak sawi chhuah ngam zán loh te hi thil awm thei a ni a, a theih hrâm chuan mahni ngaihdân hi chu i auchhuahpui ngam teh ang u. Hei hian post-tu rilru tihnat tum kher a huam lo a nia. A pâwng a taka insawisèl a kâwk lo bawk. Tin, thian leh thian, misual.com-a ngaihdân inan loh avângin pâwn lamah intihthiam loh nan i hmang lo vang u.
3. News update: He lamah hian tan lâk a ngai, tûn hma kan tluk ta lo deuhvin ka hria. Hetiang chi post a awm chuan admin-te paw’n publish zung zung thei se. Entîr nan, hmânni lawkah facebook tâwp tih vêl chungchângah post pakhat a lût a, kha kha a luh rual khân publish nghâl ta sela chuan a hit ngawt ang. Khami tak kha a chhuak ta lo a ni àwm e. Tin, chhiartute paw’n kan awmna lamah chanchinthar deuh a awm chuan post vat zêl ila, mi dang la hre ve lo tân a bengvârthlâk em em a ni.
4. Thuziak chhuahchhàwn: Misual.com hian tlawh a hlawh a, chanchinbu lam paw’n source-ah an hmang fo. Chutih rualin misual.com-a post thenkhat hi, chanchinbu thenkhatte’n a ziaktu pawh dîl chuang lo, source pawh dah lèm lova chhuah an chîng riau mai a. Hei hi tha ka ti lo khawp mai. A theih chuan admin-te’n a ziaktu phalna lova chhuahchhàwn phal a nih loh thute târ se. Thuziak hi thil tih namai a ni lo va, hun a ngai a, rilru ngaihtuahna zawng zawng nena ziahte a nih avângin chanchinbu hmêlhriat lutuk loh-a an lo chhuah liam mai mai atan chuan a uiawm deuh. Indîl erawh chuan a uiawm hauh lo thung.
5. Post of the year: A theih hrâm chuan post of the year thlan ni se. Hei hian thuziakah hma min sàwntîr ka ring. Kum khat chhûng post zawng zawng zînga tha ber thlan chu a hautak ang tih ka hria; chhiartute’n thlatin post tha ber thlang thîn ila, chu’ng thlankhâwm zînga tha ber chu post of the year atan kan thlang leh mai dâwn a ni. Lâwmman dang a ngai lèm lo, hmingthat tluka lâwmman tha leh hlû a awm chuang lo.
He’ngte hi ka vei leh rawtna ka neih thenkhat a ni a, chhiartute leh admin-te’n tha in ti ang emaw.
January 15th, 2011 at 5:43 pm
I point 1, 2 leh 4 khi ka thlawp thlap.
January 15th, 2011 at 5:46 pm
Point No. 1, 2, 3 and 4 hi kan sawi fo tawhin ka hria. News update phei chu…tran lak a ngai nasa. Breaking News-a phone number pawh a biak tlang theih loh.
He post hi admin te tana post ni awm tak a nia.
January 15th, 2011 at 5:54 pm
post release thuai hi chu admin te hi an online reng si lo a, a har deuh thin ang.. 1 leh 4 hi sawi ho ani fo tawh.
January 15th, 2011 at 5:59 pm
Tha khawp mai…….
January 15th, 2011 at 6:01 pm
5 na khi an tih tak thutin ka rilru kan lo sawrbing nghal tan teh ang..
January 15th, 2011 at 6:10 pm
A va han tha tak em. Nakin deuh lawkah, mitfiah in kan chhiar ang a, ka rawn komen ve dawn nia. 😛
January 15th, 2011 at 6:20 pm
Tha khop mai………..kan belh ve, misual anthology ang reng deuh siam teh ang u, bu khat chhah tha tak a daih toh mai thei a ni…….. Article , essay type nilo chi dah bawk ila. A that dan a zirin H/S zirlai a tan poh tlak maithei a sin……..lolzzzzzzzka beisei sang/hniam lutuk em aw???????
January 15th, 2011 at 6:46 pm
Sawisel nghal ang —
He’ngte hi ka vei leh rawtna ka neih thenkhat a ni a, chhiartute leh admin-te’n tha in ti ang emaw. Ka sawisel duh ber chu : A tlar tawp ber — “…admin-te’n tha in ti ang emaw.” tih lai tak khi-
“…admin-te’n tha in ti ang nge maw…?” or,
“…admin-te’n tha in ti emaw chu…?”
han ti ta la, a va fuh lehzual dawn em!
He paws hi a pumpuhlum-in ka sapawt e (Y)
January 15th, 2011 at 6:51 pm
I rawtna (sugestion) chu ka pawm zawng tak a ni.
He’ng te hi ka’n belh ve mai mai ang e, kan ti tak tak dawn nge dawnlo tih lam chu thuhran nise ;
1). Interesting person of the year .
2). Best performance.
Ka rilru ah a awm ve reng thina ka han tarlang mai a ni e…misual.com thang lian zel rawh se… (H)
January 15th, 2011 at 6:56 pm
Hehe. K’u Kawlpui, ‘ang nge maw’ tih chu a dik lo hulhual. ‘Emaw chu..’ tih erawh chu a lehpekah ni tawh mai rawh se!
January 15th, 2011 at 6:59 pm
kawlhawk sawi hi tlem ka lo belh teh ang. Keipawh hian ka tisual nasa ve thova. Mahse, a dikhlel lai hi han inhrilh liam liam ila, inzirna’n a tangkai reng a nia. Khai aw..
1) Kawlhawk sawi khi ka support phawt a.
2) “Thu inzawm leh zawm loh leh punctuation-a duhthu kan sàm lo a nih pawhin spelling tal hi chu uluk ila” tih hi a fuh zat lovin ka hria. Heti hian ti ta zawk la – “Thu inzawm leh zawm lo leh punctuation-ah….” a dik zaih zawk lo maw?
January 15th, 2011 at 7:10 pm
“Thu inzawm leh zawm loh leh punctuation-a duhthu kan sàm lo” tih leh “Thu inzawm leh zawm lo leh punctuation-ah….” tih chi a dik ve ve in ka hria.
ka sawi ve duh chu headline leh article in mil lo fe fe a tam viau.
January 15th, 2011 at 7:10 pm
A point zong2 khi ka support e 🙂
January 15th, 2011 at 7:17 pm
Point no 3 khi a thra riauin ka hria. Hmanni chu kan u pakhat hian Mizo website ah hian chanchinthar vel han en nan hian eng website hi nge rintlak ang a tia,a sawi dan dan a, Misual.com hi thra ber ang ka lo tih hnap kha. A thrat bakah a diklo deuh a lo awm emaw ni chuan comments lamah te kan siam thra leh mai thin a, a thra riau in ka hria. Kudos Misual.com
January 15th, 2011 at 7:19 pm
“Chu vângin comment i uar ang u.”
Hei aia in uar leh chuan kutzungtang na in va tam awm ve mawle..lewlll… :-[
January 15th, 2011 at 7:25 pm
Point no-5 khi ka (Y)
January 15th, 2011 at 7:31 pm
Post rapthlak tak a va ni em :-S
January 15th, 2011 at 7:31 pm
Ka thlawp full thak e (N)
January 15th, 2011 at 7:32 pm
A thuk in a va ril tak em (H)
January 15th, 2011 at 7:37 pm
A post tu thinlung hian comment turin min ngen in ka hria… 😀 Tha ka ti hle mai… Keipawh hman lo chung chung hian comment ka tum hram hram thin..Comment tur chuan chhiar chuah te ngai ve a a namai lo…
Lo misual thar te han tih tlang nel thiam te pawh hi tha lawm le…. 🙂
January 15th, 2011 at 7:47 pm
Comment tur hi ka hre ve vak lo, mahse ka regular khawp mai. Kei pawn ka (Y) e.
January 15th, 2011 at 7:47 pm
Ziak tha khawp ami..TuaiSialA..good!
January 15th, 2011 at 8:19 pm
A va rapthlak em! Spelling, inzawm leh zawm lo ilo vel hi a va pawimawh tak em! Admins lam pawh hian siam that ngai hi chu inthlahrung lo mai se.
Rawt belhna:
1. Nick hi i thlak zut lo teh ang u
2. Tawngkam mawi lo hmang lem lova inhnial zeuh zeuh i ching teh ang u
January 15th, 2011 at 8:26 pm
Full Support (Y)
Ziah zawm tur leh tur lovah hian ka buai thei rem rem khawp mai.
January 15th, 2011 at 8:30 pm
Comment i ngaipawimawh bawka, ka comment e. 😆
January 15th, 2011 at 8:39 pm
#23 khi ka sapawt e 😉
January 15th, 2011 at 8:41 pm
Engkimah hma isawn zel ang u.
January 15th, 2011 at 8:44 pm
ni e ThaiBoy ang hian 🙂
January 15th, 2011 at 8:52 pm
Rawtna tha (C) tak ani (&) tih kan (L) comment ve (F) lawk ange! (C) Ts, i (D) ngaihtuahna i (B) seng thin (P) hi chu a (^) lawmawm ve (G) ngawt mai! (Y) (T)
January 15th, 2011 at 9:01 pm
Maisek chu va par nasa chiai2 ve ooo…lol (OT lox :P)
January 15th, 2011 at 9:10 pm
TS, Ka tanna khi dik i ti emaw, ti lo emaw dik ka ti thau thau :p
I rawtna hi admin sandman-a’n “ka lo ti ang…” a ti a, a lo ti ang nge maw? 😀
He post hi admin post niawma mawi a ni. Ka (Y)
January 15th, 2011 at 9:22 pm
comminity web-ah hi chuan trawng a uluk theih loh… thlukna i dah den dente khi i peih ka ti… duh fir deuh chuan mahni post emaw mahni blog velah hmang i la, a nih lem loh chuan zirtirna pangngaiah ka ngai… thang khiu
January 15th, 2011 at 9:43 pm
post tha tak a nih hi mawle, keipaw’n ka thlawp e….
January 15th, 2011 at 9:45 pm
All is well
January 15th, 2011 at 9:47 pm
point zawng zawng khi ka (Y) . A bikin Mizo Tawng uluk khi a pawimawh hle mai. Tunlai chhan-ah kan intihchangkan luat a leiah kan thuziak ah te, SMS ah leh a dang dangah Mizo Tawng chhumbung hman kan ching hle a, pawisa ren vangte pawh a ni mahna. SMS hi chu ka ngaimawh lo, amaherawhchu, hetiang Misual.com te ang, mi tam takin an chhiar, lar em em-ah hi chuan uluk a tul ka ti takzet. (ka rawn ti ve luam a, tu pawi mah ka sawi lovang chu maw? Kei hi mithar ka nih bakah thu ziah thiam lo, inzir mek ka nia, post pawh ka la rawn nei ve ngam rih lova, engtikah emaw chuan ka la rawn post ve ngei ang. Tunah rih chuan comment lamah ka la ram tang rih a. Mizo tawng tih hmasawn na kawngah he site hian nasa takin hma a la thei a nia, member post thin zawng zawngte in ngaihsan awm, in ril, han tang zel teh u. In rin aia nasa in he misual.com hi a larin miin an ngaihven teh mai a nia. Thangtharte kan tawng diktak zirtirtu ni zel teh u.)
January 15th, 2011 at 9:53 pm
News item ang chi ho hi chu admins te hian ngaipawimawh se, article an type post hnung ah pawh awm se, publish hmasa ila. New item post, publish lam pending vanga tlaikhawhnu a lo chhuak hi chuan news a nihna a ti bo vek..hit lo tlat.
January 15th, 2011 at 10:10 pm
Post thenkhata mai aia mei tihte paih aia peih tih angreng hmanching ho hian sim thei hram se ka ti khawp mai. Rawtna ho hi ka thlawp ve e.
January 15th, 2011 at 10:18 pm
chuan……
Smileys hi a awm tawk hman zir theuh rawh u, a pawngpaw dah teuh hian a hnawk
TuaisialA chu admin campaign ang trep 😉
Comment postuper tan hlu i ti sia, ka lo commenttuper e
January 15th, 2011 at 10:21 pm
A postupa post ang khian lo ni hram rawhse. (Y) (Y) (Y) (Y) (Y) (Y) (Y) (Y) (F) (W)
January 15th, 2011 at 10:22 pm
Keipawn le.. 😆
January 15th, 2011 at 10:30 pm
Hehe. A lawmawm thin e.
@Fugitive: Lo post mawlh rawh khai. Thar leh thar lo lamah engmah misual.com-ah hian tehna leh thliarna a awm lo a nia.
Mizo tawng uluk tak tak leh thahnemngai tak tak kan awm zel a, a lawmawm khawp mai. Hma kan sawn ngei ang. Admin an reh ang reng khawp mai.
January 15th, 2011 at 10:36 pm
Ka opera atanga ka nuihtir ve dan kha inlo ti danglam vei a. Dik raw pip :-[ 😛 (N) (Y)
January 15th, 2011 at 11:03 pm
Thuziak hi mi nazawng tana tih mai theih a ni lova, hunawl neih tam a ngai a, hun thawl tha tak, tuma chim buai miah lohva duhtawka concentrate a ngai a. Thudik behchhan nei ziak dawn phei chuan uluk lehzual a ngai a. Harsa tak chunga thuziak te hi inzahsak a tha khawp mai. A ziaktu phalna la hmasa lo chuan chhuahchhawn mai mai hi phal loh bur tur a ni.
January 15th, 2011 at 11:13 pm
TuaiSialA sawi leh rawtna khi 101% in ka thlawp e (Y)
January 15th, 2011 at 11:26 pm
ka chhiar peih lo…ka omment ve hram 2 NOI
January 16th, 2011 at 12:28 am
nia..
January 16th, 2011 at 12:30 am
Kei hi thuziak leh news paper clipping tih hrat deuh mai ka ni a! Tin, ka thu rawn contribute te hi a ziaktute an thi tawh tlangpui hlawm a! An phalna han lak dawn chuan rawn kir leh hi a huphurh awm duh mai thei 😉
Ziaktu tam zawk(RIP) hian an hming kan tarlan chuan an rilru/ngaihdan zau zawk a kan tlang zarh hi an duhdan a nih ka ring tlat! Ti-ti khawchang a kan thu hriat phei chu a sawitu source a awm tha thei lo! Ka HDD pahnih a lo crash lehnghal a…. A chhung a ka Pu articles, hlawhfa ruai a ka chhut tir zawng zawng kha a uihawm hle mai!
A bikin hmanlai Mizo chanchin phei chu in hnialna tur leh ngaihdan inang lo atam duh avangin source hi thailan hram2 nise a duhawm ngawt mai!
Misual.com hi sumdawnnan tuma’n kan hmang lo awm e, a siamchhuaktu leh Admin ho phei hi chuan he site maintain nan donation vawikhat mah an la khawn lo! Wiki lam chuan an khawn reng a nih hi.
Tin, he site hlut zawng hi kan internet(users) hour engzat nge a luan liam ang aw!!!!! a hlawkna hi tel turin tan la ve se???
January 16th, 2011 at 12:54 am
Point 1-na khi a ṭha khawp mai. Mahse a thlukna ziah hi a harsa duh ka ti, mi dang dang hian thluk inang rengah hian thlukna chi hrang hrang hi an (in) hmanga. Standard hi awm se chuan a ṭha ngawt ang. Hemi chungchangah hian ngaihdan hrang hrang nei kan tam viau a rinawm[chu mi thlukna chu chumi-ah tih vel].
January 15th, 2011 at 8:18 pm
Mizo tawng hi har tak a ni, inzawm a dah tur leh dah loh tur hi ka thlar thiamlo khups mai. Hmasawn erawh ka tum ve fan.
January 15th, 2011 at 9:00 pm
comment hi post tu tan a hlu
January 16th, 2011 at 2:32 am
January 16th, 2011 at 3:49 am
https://www.youtube.com/watch?v=cM8B4tQXeoo
January 16th, 2011 at 4:47 am
@lushai_er: A dik chiah. Misual-a i rawn ziah chu midang ziah a nih chuan a ziaktu i telh zel a, khatiang kha chu la dam pawh ni se an lawm zawk ka ring.
Misual.com-a kan thuziak fahrah tè tè, mi’n chanchinbu-a an lo chhuahchhawn leh han hmuh hian thin chu a rim miah lo va, rilru-ah kan lawm veng veng zawk a. Mahse, source emaw, ziaktu hming an dah-lan loh khan a thanatthlak deuh thin a ni. A thente phei chu ka thiante leh hmelhriatte tho an ni a, mawihawiha indilte pawh khan thuziak hlutna a tipung ve a. Kan thuziakte mi’n sumdawnna hmanruaa an lo hman theihte chuan a tha lutuk alawm.
@Masseu: Nia, a dik chiah a ni. Kan thuziakmi larte hi mahnia ngaihdan nei thrah, mahni pawm dan leh tha tih dan ang anga kal mai te an ni a, inzir nana hmangte kan buai thin. Kan buai a nih chuan loh theih loh ang chî-ah lo chuan dah kher pawh a ngai chuang lo va. Tawng muang chî kan nih avangin thlûkna kan ngah em em a, dahsèn pawh a ni lo. A theih chin chinah erawh ka pawm dan angin ka dah thin.
January 16th, 2011 at 7:50 am
A pumpui hian ka
e
January 16th, 2011 at 9:32 am
A va tha em. Muang marh a ka chhiar ve hman hma in phek thar in lo kai chu le…
January 16th, 2011 at 5:23 pm
Oost tupa hian comment lam uar a duh bawka hei ka han comment e. Post tha leh tangkai tak a ni.
Point 1 hi a tha khawp mai, mizo tawng hi a har a, ziah dik pawh a har khawp mai, kan mithiam te pawhin ziah zawm tur leh tur loh an sawi pawh a inang vek thei lo. Ama’rawhchu a tlangpui thu chuan Misual post ho hi chu chhiar hrehawm lutuk chu a awm lem lovin ka hria (admin ten an edit tawh pawh a ni maithei) Comment-tu lam erawh hi chuan kan uluk deuh thin chu a ngai deuh niin a lang, thian te sms thawn emaw inti hi kan awm leh zauh thin.
No 5, post of the year hi chu thlan a hautak fu maithei, tih theih chuan thu ziak thiam deuh tan chuan a hlu khawp ang, kei ni ang duang tan chuan a awm leh awm loh kha thu hmun reng
July 31st, 2011 at 2:33 am
He post chuan ka lung a va tileng em!
July 31st, 2011 at 3:52 am
‘Damdawiin ek paih’ tih leh ‘Damdawi in ek paih’ tih hi a inang lo mai mai khawp mai……fiamthu.