“……The Department of ICT (DICT) proposed to establish 136 Common Service Center (CSC) for delivery point between Government and Citizen. Department of IT, GoI had allocated Rs. 2.16 Crore for CSC implementation; Out of which Grant-in-Aid from DIT, GoI is Rs 1.08 Crore and ACA is Rs 1.08 Crore.
This project is to be implemented through State Designated Agency i.e. M/s Mizoram State e-Governance Society (MSeGS over a period of 4 years. The Planning Commission also released Rs. 27.00 lakhs under ACA for implementation of the project. The following are the current status of the CSC Project:
• M/s Zoom Developer, Noida has been selected as Service Center Agency (SCA) and tripartite agreement has been signed on 29.4.2009 between Government of Mizoram, Department of ICT, M/s MSeGS and M/s Zoom Developers, Noida.
• Setting up of CSC in Mizoram is in progress
A chunga mi khi http://dict.mizoram.gov.in/home/csc.html a tarlan anih dan a ni a, Nikum Dt.29.4.2009 daih tawh khan Mizoram Sorkar-a Department of ICT leh M/s MSeGS leh M/s Zoom Developers, Gurgaon. te chuan Mizoram-ah Common Service Centre din a, ti puitling turin Tripartite Agreement (Master Service Agreement) an lo ziak tawh a ni.
Amaherawh chu Mizoram-a Common Service Centre za sawmthum leh paruk (136) din tur leh chumi atana Service Center Agency (SCA) ni tura Master Service Agreement sign tu, Zoom Developers Pvt. Ltd. te hian Agreement-a an intiam angin hunbi tuk (Time frame) chhungin hmalakna an la nei tlem hle.
CSC-te hi National e-Governance Plan kenkawhna tur hmanraw pakhat a niin khua leh tui ten awlsam taka mahni kawtkai atanga Sorkar kan dawr theihna tur a ni a, Sorkar langtlang (Transparent Government) siam theihna tur hmanrua a ni bawk a ni. Heng CSC din tur leh kalpui tur hian Zoom Developers Pvt. Ltd., Gurgaon chuan Open Tender chhangin thlan an ni a, he scheme hi mimal Company leh Sorkar thawh hona, Public Private Partnership model (PPP) hmanga kalpui tur a ni.
He scheme hmang hian awlsam takin mahni kawtkai maiah ticket booking-te, bill hrang hrang tui bill te, electric bill te, phone bill te thleng a pek theihna tur a ruahmanna siam a niin Driving license te, Voter ID te leh Banking thlengin a la tih theih tura duan a ni.
Tun dinhmunah chuan Mizoram-a Common Service Centre khawi hmunah mah G2C (Government-to-Citizen) emaw B2C (Business-to-Customers) Services pekchhuah theih ala nilova, hei hi a chhan bera lang chu SCA, Zoom Developers, te hian Mizoram-a thawktu Mizoram mi leh sa an dah te hnenah a tul anga hma la tura thuneihna pe lova, an hmunpui phai lama atanga engkim an rawn tihkhawmuan (Delay) vang niin a lang.
Mizoram-a an Office han en pawh hian hnathawh tak tak tum niin an lang lova, State pakhat ve riang ruang e-Governance Project-a lungthu pawimawh tak CSC enkawl tur atan chuan rin tawk an har deuh. Thawktu (Mizo) an dah te pawh an buai tan hle bawk. Mizoram Sorkar atangin Financial Support (CSC te enkawl nan) pek tura tih an ni a, Fist installment cheng nuai engmaw zat pek an ni tawh nghe nghe; amaherawh chu heng Financial Support te hi Mizoram chhunga CSC-te develop nan hman anihloh avangin CSC-te function lo leh awmze neilovin reitak an awm phah ta a ni.
Mizoram-a Office an dah pawh hi tih changtluna, hnathawk thei tura han thuam tumna eih pawh an neiin a lang lova, thawktu ten an mamawh an thlen pawhin awmzia a nei miahlo bawk. Financial Support an hmuh te hi Mizorama thawktu ten a tul anga lo hman tangkai (Utilize) theihna an neihloh avangin kan ram atangin sum tam tak phailamah a luangral ringawt dawn niin a lang.
CSC enkawltu tur te hi VLE (Village Level Entrepreneur) tih an ni a, CSC neitu ni nghalin Service Centre Agency hnuaiah Franchise system anga kal pui tura tih a ni. Tunah hian Aizawl khawpui Area hrang hrang leh thingtlang hmun engemaw zat ah CSC din turin VLE engemawzat mahni sum sengin an in Register tawh a. Dawr te luahin mahni sum vekin Computers, Internet leh thil tul dangte an lakhawm a.
CSC atanga Revenue lut tur beiseina nen phur taka hma an lak laiin SCA atanga hna thawh tur leh sum thawhchhuahna tur engmah ruahman sak an la nihloh avangin harsatna an tawk tan mek a ni. Agreement signed anih atanga kum khat chuang a liam tawh hnuah pawh hetiang ala nih avang hian VLE-te an buaiin an hmakhua pawh sawithiam a har ta hle. Signboard tar leh, Monitoring Software hote Install bak chu Zoom Developers hian Mizoram-ah kutthlakna engmah an la neilo. VLE te’n sum hnar an neih theihna tur thil engemaw ber ruahhman sak an nih thuai loh chuan an tan he project hi hnuchhawn san mai loh chu tih tur dang awmin a langlo.
Heng zawng zawng thlir hian Mizoram-a CSC hlawhtling taka din a nih theihna tur leh HUN & SUM tamtak a luanral hma a, anih tur ang taka khua leh tui ten an chhawr tangkai theihna turin Sorkar hian hma la vat se tih hi a ni.
Zawhna awm te:
- Engati nge Zoom Developers Pvt. Ltd hnena sum (Financial Support) pek thin hi, Mizoram-a State Head an appoint kutah Direct-a hman theih tura hlan a nih mai loh? State Head hian Mizoram-a mamawhna apiangah a tul danin a hmang (utilize) thei mai lo’m ni?
- Zoom Developers Pvt. Ltd. te hian Master Service Agreement in a tarlan an zawm ngei ngei tur engemaw zat an zawm tawh lova, CSC peihfel hun tiam pawh thla engemawzat in an bawhpelh tawh a engatinge Sorkar hian a Terminate mai loh? Engati nge Sorkar hi a zawldawh tlat?
- CSC-te hi ICT Department-in a hmuhpui phak tur MSEGS (Mizoram State e-Governance Society) hian Direct-in a enkawl thei mai lo’m ni? Man Power an indaih lohna pawh heng sum luangral mai mai tur atang hian phuhru sela. CSC Project hi chak taka kalpui thuai anih theihna turin phai vai company hnena sum pe vak vak lo hian kawng dang a awm thei ang em?.
- Project / Vision tha tak, mahse enkawltu Agency fuhloh vanga RISK lo ni ta ah hian a tuar tur leh tuar mek tute chu harsa taka sum Invest-tu leh beiseina sang tak nena RISK latu, Village Level Entrepreneurs (VLE) te an nih avangin Zoom Developers Pvt. Ltd. hi BAN HLAWM TAWP chi a ni ang em?
