Ka Hmangaih,
A chhan leh vang lam zawng ka hre pha hauh lo. I tel lo hian zan khat rei em em hi lunglêng takin ka tuar ang tih tun kum sawm kal ta chhung khan ka lo hre ngai lo. Nun hi i tel lo hian a ngaihnawm thei ang a, i awm lohna khawvel hi a hlimawm thei ang tih ka rinhlelhna hian tun thla thum chhung chu min tinsan thei reng reng lo.
Hun rei tak ka lo ziah tawh loh ka diary kha min biak hmasak ber ni atang khan ka la ziak ta char char a, zanin hi a zan sawm li leh pahnihna a lo ni ta reng mai! I hming Dinmawii emaw ka tih tlatna chhan kha i rin ang khan engmah a awm lo, i mawi êm a, i nih duh hmelin ka hria a, Lalduhawmi i lo ni tih ka hriat erawh kha chuan ka hmêl ni lovin ka rilru a nui asin.
Ka tlin lohna leh ka fel lohna ang ang hian min pawm turin ka beisei lo che a, keimaha a tha ber awm zawng zawng hi i tan hlan mah ila i tan ka vul thei chuangin ka ring lo. Vawi tam tak ka lo tap ve tawh a, hmangaih(?) ka lo ni ve tawh a, hnawl leh hnar te pawh ka lo ni ve ta si a! Hun kal tawh hi ka lo vai liam tawh a, khawi lai kawng kawiah emaw chuan a tlan chak ber berah ka lo tang tawh si! Khang hun lai te khan i awm tih lo hre tawh ni ila vut aiah parthi ka awrh ve thei tur!
A tawp ber atan chuan rose hian hling a nei lo va, hling kungah rose a par thin zawk a ni tih ka hriat ve na mai lo phei hi chuan i tel lova nun hi min zuam tir ta lo. “Dy, If you could see my heart, it is bleeding now.”
If you love me as I love you
What pair so happy as we two?
I tan,
Dy.
Similar Posts:
- Ka D a…
- What is Love? What does it mean to me?
- Ka hmangaih che
- Min hmangaihtu vs Kan hmangaih
- Nang lo leng dang chhai ka zuam si lo.
September 14th, 2010 at 8:17 am
1ST VE KHAUH TENG.
Report this comment
September 14th, 2010 at 8:23 am
Tun hnai hian misual ah hmangaihna alar thar; lehkhathawn pawh kan chhiar ta malh malh hle mai; a lawm awm e C.Thuamluaia thukhawchang i rawn zep zeuh khian ka lung ati leng.
Report this comment
September 14th, 2010 at 8:23 am
@nauteii…nia first ve keuh rawh..
Report this comment
September 14th, 2010 at 8:24 am
Chhangchhepa nih hnu a hmangaih ber/love at first sight tawn tlat mai chu … buaithlak awm vei
Report this comment
September 14th, 2010 at 8:29 am
Hmangaihna ngawt lo chu tuma engmah bat loh tur! :wink:
Report this comment
September 14th, 2010 at 8:31 am
Jennifer Lo #4 A ngaihtua awm khawp mai i thu sawi hi, a dik nachin a tam bawk.
Report this comment
September 14th, 2010 at 8:45 am
Biangnovi leh ssignment dawn kawp reng rengin nizan hun ka hmang a, ka’n tho tlai ta lutuk a, in comment ka chhiar ve hman chiah alawm le! Hmangaihna kan tih hi a taka hlen hi tam tak hi chuan kan zuam chiahin ka hre thin lo! Tukchhuah nuam vek u..
Report this comment
September 14th, 2010 at 9:25 am
A tawp te khi chu Thuamluaia Sialton Official
Report this comment
September 14th, 2010 at 9:43 am
Lehkhathawn han dawn thin kha a nuam dang dai ve thin ngawt mai.Hostel-ah pawisa nei lo kan zik uan2 lai a bialnu te hnen a tang a lehkhathawn ,card-dawn han hlimawm theihzia kha!!mobile phone awm hnu hi chuan sms hi a ni ta ber hmel a,lehkhathawn dawn kha chu a romantic bik tlat.. :lol: :lol:
“Dy, If you could see my heart, it is bleeding now.”
Nalh hnap hnap khawp mai!
Report this comment
September 14th, 2010 at 9:46 am
@ 5: chawnghilh chu RV ah Buhfai Tingtang khat i la bat reng kha
Report this comment
September 14th, 2010 at 9:53 am
Potential soulmate te hi kan sacrifice a ngai fo reng don a ni, respectability kan ngai poimoh zok toh thrin…
Report this comment
September 14th, 2010 at 10:00 am
Plagiarism-ah chuan ngaih awih loh aw. Lehkhathawn tiha C.Thuamluaia hming han tihlan kher kha , a rem lo ve deuh a, in hriat tho hi. A tawp hla tlar hnih pawh hi, Rudyard Kipling-a hla ‘An old song’ a mi a ni e!
Report this comment
September 14th, 2010 at 12:35 pm
I ziak lungkuai khawp khi a. Hmangaihna tih vel hi chu ka lo zuan-ka-hlen ve tawh a,…. hmangaih neih hi thil nuam ve tak chu a lo ni. Min duh ve loh erawh hi chuan a buaithlak duh viau; Min hmangaih let ve lem loh lah hian ka duh tulh tulh zel leh-nghala….. Hmangaihber pawh hi a lo neih treuh thei dawn a lo nih hi a :lol: :lol: :lol:
Report this comment
September 14th, 2010 at 1:20 pm
Tlangval ho khan copy ula, in bialnu te han thawn chur chur mai teh u le.
Report this comment
September 14th, 2010 at 2:11 pm
kan biak zing/ngun te hi ngaih an awl phian a,hmangaihna tih velah hi chuan ka bo khawpzz mai
Report this comment
September 14th, 2010 at 3:23 pm
luangliam chiang bawk a ni ang e, vawi 3 ngawt kan chhiar chhuah chu a. (mahse ka la chiang chiah chuang lo nia…) :lol:
Report this comment