Hmanni chu ka thianpa nen kan naupan lai sawiin kan titi mai mai a,Aizawl a piang leh seilian theuh theuh si kan naupan lai hun hman dan a in ang lo hle tih kan naupan lai nun kan han sawi chuan min hriat chhuah tir ani.
Aizawl Dinthar veng mi ka ni a, zep loh ah chuan kum 15 liamta kha chuan min vengmawng, zu zuar veng an tih thin kha kan ni. Tun dinhmun han en hi chuan kan mawng ngai in la mawng reng mah ila, veng dang te lakah hian kawng hrang hrang infiamna, faina, Zirna, entertainment etc tah te hian kan duai bik lo tih chu kan hre theuh awm e.
Kan ram zim te, a chhunga cheng te pawh tlem tak si ah hian nunzia khi a lo va in ang lo in mi hausa leh rethei te kan lo va inthliar em. Kan naupan lai chuan tlai thim ah te kan pawnto a, hmanlai naupang te pawnto hla thiam loh mang pawh ka nei lo. “Pang aw inzial inzial” atanga tan in “Tin dial e tin dial e” tiin kan in thlah thin a nih kha.Buk te kan sa a, lo te kan nei thin a,dawr te te kan siam thin a nih kha.
Tlema kan in lak sap deuh chang in “lawn dawn britis faw ling daun fawling daun….. mai fer leidiil”… kan han ti a, nuam kha kan ti ve em em zel. Kan pawnto hla te kan sak a, kan infiam thin dan te kan sawi chuan ka thian pa chuan a hriat ve ngai loh thu leh an tih ve ngai loh thu min hrilh a.Thim thet thet a thian te nen an in kawmkhawm ve deuh chang a, an nu leh pa ten, veng chang kang lo …. (sa huan awmna) veng naupang ang mai tia an hauh thin thu a sawi chu mak ka ti ang reng hle. Tlema kan han beng chhen deuh chang te hian — veng naupang ang in awm suh u tiin hauh nan tak mi veng hming an lam thin tih thu a sawi chuan ka ngaihtuah na a ti thui hle mai.
Tlem in kan ti ti chu kan han kal thui deuh a, khawhar in i kal in i riak ve tawh em tia kan zawh chuan, kum 18 lek ka nih in phai ah lehkha ka zir a ka in hmang hman lo tiin min chhang a. Keipawh kum 18 ka nih in phaiah hnathawk turin ka chhuk a, mahse khawhar in ka riak in mitthi lumen ka tlaivar thin a, khawhar in a leng in, thlan pawh ka lai thin tih chu ka sawi hman tep a, ka ngawi leh ta zawk a. Kan veng ah ro ro chuan khawhar in riak tlai pawl ka la ni zawk nghe nghe. Mi in veng tlafual leh mawng an tih a awm hlawkna ka tel a nih hi ka ti rilru deuh a.
Kan naupan lai ka chhut let hian kan hun hman kha a nuam a, hmanlai Mizo naupang nun kha kan vengah kha chuan kan tem pha ve deuh in ka hria. Vannei ka in ti a, keini aia changkang, thing leh changkang lo min ti tu te kha Aizawl veng ah tho khan an lo awm ang tih kha kan dawn pha lo mai ni lo in, lo hre tehreng pawh ni i la kan pawisak (won’t give a damn) vak ka ring lo. A chhan chu kan nun kha nuam kan tiin kan hlim a ni. Zanah kan han inbihruk siak a, buk kan han in run saka, lui ah te sangha man turin kan kal thin.
Eng ang pawn mi ten thing min lo tiin changkanglo min ti mahse, ka ngaihtuah let hian Dinthar veng a ka lo seilian kha ka lawm ngawih ngawih ani. Mi changkang leh veng changkang te tawn ve phak lo kan mizo napang nun kha a vaiin tawng (experience) lo mah ila, tlem tal, ka fate leh ka tu te hnena kan naupan lai chuan ti a Mizo Pawnto hla te kan sak thin thu hrilh ve tur ka neih phah a, vannei ka inti tak zet zet a ni.
September 14th, 2010 at 11:57 pm
Zu hi sawi sawi tawh teh suh u.Zu sawi mawi pawh phal loh ani lom ni MLTP hnuai a leng te tan.Kan kawmthlang ah hian mini supermarket a awm tah chuan an zuar.
Tuikual ,Dinthar tih bawr vel ah pawh khan zu ral zu ngat mai kha ka lo dawn ve kuah kuah fo tawh thin paikar ratein hahaha Lung in ti leng e mawi sawi fo tawh suh u Sunday tlai ah hi chuan kan kawithla dem dem zel khanglai kha chuan ZRM 11 hmang ngat zel in kan kal thin hawn lam ah chho nen ruih bawk nen hahthlak duh zek zel.
Report this comment
September 15th, 2010 at 2:21 am
in vengah khan kan tleirawl tan tirh ve lai khan kan rawn in ve fo asin, bat theihna te pawh kan nei ve nual hman asin le! I topic ah zu a ri nang in i thil sawi tum hi a tha khawp mai, aizawl khua ah ngei pawh hian veng-to-veng bengin han hawi kual ila, kan in ang lo alawm, sawi tur pawh a tam khawp, mahse sawi vek sen ani kher lo. Kei pawh aizawl veng tawp lam a cheng a seilian ka ni ve a, tunlaiin veng thenkhat ah thlan laih, in riak tur an inhmuh tawh loh mek laiin kan veng erawh hi chu chhiat ni bikah ti teh ang, a thlamuan thlak asin, aizawl a cheng theuh theuh, mizo tlawmngaihna tak2 kha kan la chawi nung reng a, kan thangthar (ti ve khang lang ila) te pawh hian in riak, thlan laih te hi thlaphanna pakhat mah kan la nei lo. Kei ngei pawh thlan laih hi ka theih phawt chuan thulh ka la tum lo reng2, thlan laih te hi a nuam ka la ti reng, mahni tawk ah buai na leh hman loh sawi tur chu a tam. In lak changkan san chi ah ka la ngai lo ani tawp mai.
Report this comment
September 15th, 2010 at 2:35 am
I thil ziah hi ka rilru a ka lo vei ve thin em em han tih vak ngaihna ka hriat lem loh thil tak a ni.
Tunlai naupang ho chuan pawnto hi enge pawh m
Report this comment
September 15th, 2010 at 2:42 am
I thil ziah hi ka rilru a ka lo vei ve thin em em han tih vak ngaihna ka hriat lem loh thil tak a ni.
Tunlai naupang ho chuan pawnto hi enge a nih pawh an hre tawh lo.
Hmanlai thawthu kan neih ho te hi fa ka neih ve hunah chuan ka hrilh nasa thei ngawt ang.
Cinderella,Thumbelina tih vel ai chuan.
Report this comment
September 15th, 2010 at 2:49 am
@Tualvungi : Cinderella,Thumbelina tih vel ai chuan Tualvungi leh Zâwlpala thawnthu chu i hrilh tam zawk ngei ka lo ring ngawt a.. :lol:
Report this comment
September 15th, 2010 at 2:56 am
@ Kawnga : Raldawna leh Tumchhingi pawh rawn ti tel law law la.
Report this comment
September 15th, 2010 at 10:00 am
“Tin dial ah..Tin dial ah..naktukah khua var sela, inkawm leh dial dial ang u. Mahni inlam hawi theuh ah”..phir..lol..gosh! I love those days
Report this comment
November 1st, 2010 at 2:50 pm
Ha hai, va lunglen thlak reuh ve, tleirawl lai kha chuan rial no khat in (Glass) Dinthar vawi 2 a up down thei (kan veng atangin????)
Excise an lo kal hlau si la chhuak ve Helmet thum a in tih te kha kan infiamna ni thin.
E, pakhat leh, Zu zuar veng a zan leng haw,haw pah a pawn lama mi in(House) kawngkakalh te pawh min ti hrechhuak leh chuai chuai mai
Post lunglenthlak tak a ni e, post tu pa zam miah suh, keipawh thingtlang a seilian mai bakah tunah pawh veng tlabirh ah ka awm a nia, ka second tlat che e :
Report this comment
January 7th, 2011 at 6:06 pm
Kennedy te chhungkua pawh hi prohibition laia zu an zawrh atanga inti lian …heh
Report this comment