Sikul ka kai tir mai a la ni a, ka puin thu tam tak min hrilhte chu a chang chuan man thiam har ka ti fo thrin. Tlai khat phei chu kan khum mawngah hian Israel fate’n Pathian thu an awih loh avanga thlalera an vahvaihna kawng hi a lo tar vang mai a, chu chu kan pahnih chuan zan tam tak chhung chu kan thil zir a ni, awlsam tea an tum ram thleng mai tur kawng an han bo nasat zia mai khah… khalaia kha ka pu chuan a tuipui ber niin tunhnu hian ka hre thrin.
Tu hmuh hmasak ber mipa lo ni bawk nen, ka pu nen hian a kipa kawiin kan inzui a, Chaltlangah kan pahnihin kan awm dun reng a, sikul kai tirh lai a ni nghe nghe. Heng hmun atranga khawchhak Triu lui hnaih tak tak thlenga ram hnuaia riaka hun kan hman kha a tam hle, ani chu ‘ramhnuai mi’ a ni a, naupang te si kha luipui kamah khan riak dunin a duh duh hunah ramngaw karah min kalsan fo a, thin phu a lian ve fo. Khang hunte ka thlirkir ka thlirkir tawh mai dawn nite hian ka hre thrin.
Col. Vanthanga hi hnam movement kal nat lai hre phakte leh Laldenga dodalna chungchang lo tuipuite mi tlemte chauhin an hre tawhin ka ring. Kum 1920 khan Biate-ah a lo piang a, unau pariat niin hmeichhia pakhat an nei, an hunga buh an thar hnema chhungkaw ziding leh hausa an tling ve thrin an ti. Kum 1943 khan kum 23 mi niin Assam Regiment-ah a trang a, Havilder a ni hman a, 2nd Batallion Shillong-a an hel truma ata ei duh loh avanga India sipai atranga ban zingah khan a tel a ni.
Khatia sipai zinga ban a nih hnu kum 1966 khan ram a buai chho ta mai si a, rilru lo hel sa bawk nen MNF movement chu zawm nghalin Eastern Command-ah Asst Commander nihnate a chelh chho a, Champhai runte kha Eastern Command chuan hlawhtling takin an kalpui a ni.
Ram a buai zel a, Bangladesh lama hnam sipai an tlakthlak khan Colonel nihna an pe a, rinawm tana ram leh hnam tana beiin UT Command-ah Commander-in dah a ni a, Chief of Army Staff dinhmunte pawh a chelh hman nghe nghe.
Kum 1970s khan Pu Laldenga leh India an inbiak chhoh lai khan Col. Vanthanga hi UT Commander in a awm a, hnam sipaite tawrh laia president ber khawsak dan chu duh lovin hnam sipai senior officer kokhawmin Laldenga rin lohna lam thu an titlu ta a, kum 1978 khan Laldenga chuan Col Vanthanga chu a rawn tawng tak avangin ani pawhin Open Letter sei tak thawnin MNF president bera chu UT Commander leh hnam sipai senior officer chuan mipui hriatah a bei ta a ni.
Hemi hnu hian Col Vanthanga chu hnam tana thrahnem ngai taka beitu midangte ang thovin Laldenga chuan a ‘ban’ ta a ni. A vanglai hun zawng zawng hnam tana a lo inhmanral hnuin ka pu nen chuan he khawvelah hian kan intawng ta a, a titi tui ber pakhat chu ‘an rammut lai leh a tupa’ tiin an sawi thrin a.
Khatia MNF president berin a mi leh sate tawrhna hre lova nuamsa taka India thlazar hnuaia a awm reng avang khan ka pu chuan Laldenga kha a dem a, hnam sipai thite leh nunna chante thisen chu atan chuan thinrimna a tling reng a, Laldenga’n inbiakna a kalpuiaa inkahhai a nih chhung hian ka pu chuan hnam sipai 11 lai India sipai lakah an thi tih a tarlang a, 300 chuangin hliam an tuar tihte a lo ziaklang a ni.
Ka ngaihtuah let leh a, khatia a vanglai hunte a hman zawha kan intawn hnu khan Israel fate zinkawng kha a tuipui em em a, Apokrifa te kan chhiar nasa thei hle. Hnam movement kalpui dan kha Laldenga khan a tawp lamah khan a kalpui dik ta lo a ti ni hian ka hre thrin a, chuvang chuan Zo hnam zalenna kawng chu thui tak a lo ni ta niin ka pu khan a suangtuah thrin nite hian ka ngai a ni.
Ka naupan tet lai atrangin ka pu nen hian kan inkawm nasa em em a, ram palailengah pawh zan tam kan riak dun thrin a, thang kan kam a, thawnthu min hrilh a, kein hmun hla tak takahte kan zin dun thrin. A titi tam takah hnam movement an kalpui lai min hrilh thrin a, mahse ka hrethiam pha hlawl lo tih hi ka pha lo, chutiang thawnthu mak tak tak chu a ke bulah chuan ka inchawm seilenna a ni. Mahse kum a upa ve zel a, ka man ve tial tial a, ka man tak tak hnuin ani chu thisen sang avangin a trawng a fiah thei ta lo a, engmah kan inzawt chhuak ta lo thung, mahse sulhnu a lo nei nual maia zawnkhawm chu ka tih tur a ni ta hmel.
Similar Posts:
- MNF-in India a dona chhan, CM-in a sawifiah
- Laldenga Vrs A.Z.Phizo
- Taliban zingah ‘ Israel hnam bo’ an awm em ni?
- Mizoram eleksawn 2013 preview ~ Part I
- Sipai lehkhathawn
September 17th, 2010 at 9:03 pm
chi loh ve pic chu ka hlau deuh
Report this comment
September 17th, 2010 at 9:18 pm
Den ve
Report this comment
September 17th, 2010 at 9:21 pm
Pic hi thuhruk deuh theih loh mi a, a page hmsa ber lo deuhah hian a dah theih em, admin te u, khawngaihin
Report this comment
September 17th, 2010 at 9:27 pm
Rambuai lai a kan pi leh pu te tawrhna hreawm zia te, nu nau tam tak thlabarin an awm te,tam tak pawngsuala an awm te ka dawn kir chang hian vai ka huat hi a reh theilo.Chu tih lai a engmah hrelo awm zia zang a pasal a lo nei ho thleng hian ka haw ngawih ngawih hlawm tak zet a vai leh vai pasala nei tawh phawt chu vuak hrep ka duh thin
Report this comment
September 17th, 2010 at 9:29 pm
Mi thiam leh ril tak taka ka ngaih, Mizo tawng humhalh kawnga thahnem ngai tak tak ni anga lang mi(sual).com a thu post thintu leh comment thintu enge maw zatin Mizo tawng ziah dan kalhmang tih danglam tum ni awm taka “thrin, trang, trawng etc…” ti a thu in ziak fo mai hi engti dan nge ni ta ngai le ?
Ram pawnah kan lo awm rei ve ta a, Mizo tawng ziah dan kalhmang ka manlo ta lutuk zawk em ni ? Kei chu Punctuation diklo aiin chhiar hrehawm ka ti zawk daih. He post tha tak ziaktupa hi ka rin a sual em aw ! Kan Journalist-te zinga thawh hlawk thin (thrin ?)tak kha niin ka hria a.
Ka vei deuh a ni.
Report this comment
September 17th, 2010 at 9:38 pm
SeynMizo, vei duh vak lo mai rawh
Bible ah pawh, ” rem channa lei zel rawh u” a tih kha.
Mizo tawnga (Tri) install te2 a, a shorhcut key nena hmeh ziah ngailo khan anti(kanti) ta mai anih hmel. NOI
littlerascal chuan a hlau awm triah triah hle mai!
A seh thei pawh ni tawh lo, mi mu mai mai lolzzz
Report this comment
September 17th, 2010 at 9:42 pm
A liam ta. . .
Report this comment
September 17th, 2010 at 9:44 pm
hnam movement sawi hi chuan Ram buai lai kan hre ve chiangkuang pha chiah lo na in thuziak chi hrang hrang ka chhiar a trang in Laldenga kha ka haw thar leh thin.
Report this comment
September 17th, 2010 at 9:45 pm
Chhiar ava nuam tehchiam lo ve..sipel diklo pawh nilo,ri awmze neilo,tel awmtaka kan hriat chu..Nia i pu chu zawt tawhlo mai rawh..{kehsuk}
Report this comment
September 17th, 2010 at 9:45 pm
va bervar thlakin va ngaihnawm ve thhianpa zoa nge nge. Thlalaka lo langpa pawh hi sawi tur a nei nual lo maw le, ka ti deuh.
Report this comment
September 17th, 2010 at 9:52 pm
@Lily_parmawia : Ka vei thau..thau.. !
Kum tam tak he TR tello hian Mizo tawng hi ziah alo ni tawh thin (thin hi ‘thin- sa thin angin kan ngai chuanglo) a. A tel lova thuziak chhiar theih loh emaw hriatthiam loh emaw kan la neih ka hre ngailo.
Nge Saphovin, ‘Triangle, Trinity,Trio..etc.)an tih kan thik zawk ? Thenkhatah kan duh FIR viau laia a thena huang kan zauh leh vak mai chuan Zotawng ti ‘dazat’ tu mai kan ni ang tih a hlauhawm ka ti. TLAT
Report this comment
September 17th, 2010 at 10:19 pm
LILY….Nuam miah lo zan menrei deuh a misual phei chuan, hmuh loh ka duh zawk, mitthi kan neihna a la reilo bawk sia, hmuh loh hi ka duh zawk, admin te u ka lawm e
Report this comment
September 17th, 2010 at 10:42 pm
Thianpa zoa chu i pu boral thu pawh min lo hrilh ve miah lo ni maw
a post tupa thianpa zoa hian hmanhmawh tak leh rilru khawhar laia a type anih vangin a ngaihtuahna fim a hmang hman lo a ni ngei ang. Chuti nilo se chuan mizo tawng dik taka ziak duh mi chu a ni ngei mai. A chul mam hman tawh lo a nih ka ring nghet tlat
Report this comment
September 17th, 2010 at 10:57 pm
@13…2nd para.. nih duhhmel leh si vê..
Report this comment
September 17th, 2010 at 11:44 pm
Pu Malsawma Colney chu ka va hmu tar ve a!
Zoa, Zova tiin ka ko dawn che a nia.
“2nd Batallion Shillong-a an hel truma ata ei duh loh avanga India sipai atranga ban zingah khan a tel a ni.”
Hei hi ka vawikhat hriatna a ni ve tlat! Madras a an disband kha chu ka hria a!
Report this comment
September 17th, 2010 at 11:53 pm
Khuavang kal lai…
Report this comment
September 18th, 2010 at 1:05 am
Lung ava leng ve le. Rual u ten mual min liam san zel chu a ni tak si a. RIP.
* Zotawng chungchangah chuan seynmizo comment ho khi ka thlawp khawp mai. Tri tulna ka hre lo.
Report this comment
September 18th, 2010 at 2:08 am
A sei deuh a, a personal deuh a, a tlai ta deuh bawk si a, ka chhiar chhuak hrih lo mai.Enge a sulhnu chu ni ta? Lehkhabu te a ziak em ni? Ziak se a tha tur. A hlu khawp ang. Kan hranghlui ten ziak a thu hnutchhiah an uar tawk lo hi ka lo ui thin khawp mai. 1974 a MNF underground Ministry inthlakburh nachhan te kha a hre ril awm hle si a…
Ziak zawm leh thlukna ah hian ka chakvak biklo a, a theih ang ang ah chuan ka in edit ve malh malh ania.Duhdan leh ngaihdan nei khawp pawn ka thiam tawklo.
Report this comment