Kan ram hi a zim hlein, mi cheng pawh kan la thahnem lo hle a. Kan hnam a la naupangin kan ram lah kan la intodelh lohzia chu kei aiin in hre vek ngei ang. Heti chung hian party a tamin kan ruihchilh nasat zia chu kei vote la thlak pha lo ai hian vawi tam tak vote thlak tawh chuan in hre vek awm e. Hetiang khawpa party ruihchilh hnam, ‘kan party candidate chu vawkpui pawh nise ka vote ang’ ti kan tam avang hian kan ram erawhin hma a sawn theihlohdan chu a lang mek zel a nih hi.
Kan rama party hrang hrangte hi han thlir kual ila. Policy tha tak tak neiin, inthlan dawnah hnathawh tur tha tak takin an sawiin, manifesto pawh kan Bible zah dawna chhah an siamin ram leh hnam tana tha tur thil tam tak an thailanga, an sawiin hmun tinah an party tlinloh hlauin an kal kualin ‘ROTHANGPUIA’ te nen kan tang tlang thin a nih hi.
Inthlan kan zo fel a, mipuiin beisei nei takin kan thlang tlinga, ram siamtha turin hma kan hruaitira. Chu kan thlan tlin party chuan ram inrelbawlna an kutah a awm tih hriain ram tan thahnem ngai takin an thiamna leh theihna chu hlan turin thuneihna kan pe a ni.
I han ngaihtuah chiang teh ang u. Mipuiin ram hmangaihtu, ram siamthatu an nih beiseiin kan thlang tlinga, thuneihna kan hlan thin. Chu kan thil hlan pawimawh tak mai, midang aiia hriak kan thih mawmna chu hmang dikin kan hre thin em? Pute u, zahmawh an sawi ngai love!
Mi aia tha tura kan ngaih vanga kan thlan tlinte chuan ram enkawl hna chu an thawk tehmeuh mai. Mahse, an theihna zawng zawngin ram an hmangaihin kan hria em? An hnuaia department tam taka mithiam tak tak awmte chu thawk turin an ti a. Thawh chu an thawka, mahse an thawhzat aia tam lak an chin thin chu hre mah se hma an la lova, mipuiin kan tuar ta thin a ni. Ramin hma a sawn anga, kan ram a lo intodelh ve anga, kan ram a intodelh chuan keini pawn kan khawsak a lo sam phah ang chu tia kan ngaihtuahna chu mahni khawsak awlsamnan min hmansak a, ram intodelhna tur chu thlam a changtlun theihnan min hmansak a nih tak hi. Rilru a na duh khawp mai.
Ka ram neih chhun, khawvelah he ram ang hi a awm lo tia ka lo hmangaih ve em em ram chu an ei da zo a, chhawrpial run chu lungngaihna chhirhdupah an siam ta a nih hi. An party manifesto leh an au hla chu khawih danglam hleka inthlan leh hun atana hman turin an party robawmah an khung ta thin a. Enge inziak pawh hre lovin tlachawpin hna an thawk a ang ka ti thin. Vawksa hmeh tuma riltama lo awm mipuite chu maian min hmeh tir ta thin a nih hi. Engvangnge ni ta ang le?
Kei ka policy ve tur chu nuaikhat hmanga eizawnna tan tum mipuite chu mahni thawhchhuah nuaikhat sorkara chhunglut thei tur khawpa taima turin ka fuih anga. Thlai thar hralhna zawngte chu thlai thar lei tuten an rawn zawn zawk theihnan an thiltihah thahnem ngai turin ka ti anga. Electric enga nun ringawt tumtute chu hun thim pawh lo thleng mah se mahni inrintawkna nei thei tur khawpa finna zir turin ka chah ngei ang. Switzerland of the east a chen tumte chu switzerland a miten che chennan an it theih tur khawpa ram hmangaih turin theihtawpin ka hrilh ang.
Chutianga kan policy kan au chhuahpui hnua min thlang tling a nih chuan ka hna chu ka thawk ngei anga. Ka sorkarna hnuaia hnathawk babu ten ka hna thawhna tur pawisa an eiru emaw an hna an thawh thatloh emaw chuan hnathawk thaa, eiru lo tur ka zawng ang!
Similar Posts:
- Tu in nge kan ram chhanchhuak ang?
- Hei le inthlanpui chu
- Vote thlak chungchang
- Vote thlak lo ta ila
- Vote thlak loh hi
Lairil a fan ngawih ngawih e. Ni e...
Mite...
September 23rd, 2010 at 10:28 am
hehe
Report this comment
September 23rd, 2010 at 10:28 am
Nia, first lo ila ka inti!
Report this comment
September 23rd, 2010 at 10:31 am
I naupanna tumahin ngainep suh se.
Tha hle mai.
Report this comment
September 23rd, 2010 at 10:35 am
vote ka neih na rei toh khups…voikhat poh ka la vote ve lo
Thlan tur ka hre hlol lo ani ber
Report this comment
September 23rd, 2010 at 10:38 am
Nang nge nge tha thei pap pap khawp mai.
Keipawh hi ram hruaitu ni ve ngat ila chu miten khirh an tihtur chi ka ni a tuna kan hnathawhna ah pawh khirh chu min ti khawp mai mahse eiruk lampang a lang lo a,dik leh tha takin hna kan thawk tlang mai a ni 
Report this comment
September 23rd, 2010 at 11:08 am
Party 2 chiah hi awm ila. Central leh Tualchhung. Chu chu a tha mai. VC inthlanah pawh ka mi duh zawng ka vote mai a, Assembly Electionah pawh ka vote awmna bial a in candidate ding, tha ber tur a ka ngaih ka vote mai. Vawkpui leh lungte ka la vote ve ngai lo… :lol:
Report this comment
September 23rd, 2010 at 11:12 am
Manipur-a awm Naga thian ka neia, he article ziaktu ngaihdan ang lo tak mai hian ngaihdan a neia ‘My people dont know how to play politics, they vote only for the person not the party’ ti tlat maia. Kan han inhnial leh bap bap thina mahse tlawm duh lo ve ve chuan, ‘a state a zirin politics a inang lo aniang e’ ka tih sak ta a. Ka ngaihtuahna ti thui ber tu chu kan politician te hian ram enkawl aiin mahni in hai vura, Power neih reng hi an lo rilruk ber a ni tih hi a confirm ta berin ka hre ta a. Party khat rau rau ah pawh ‘dik’ tum deuh chu thawhpui dangte lakah leh pu te lakah harsatna an tawk tam bik an ti, tih ka hre ve neuh neuh foa. Opposition party MLA tan phei chuan harsatna a tam zual viau ang.
‘Vai ngal sin’ ho phei chuan Politics khelh hlawk zia an hria a, a chhungkua kua in an in barh lut a. Mahse ramdangah hi chuan a common vak lo anih hmel. George Bush te pafa, Clinton te nu pa, Kennedy te hi an ni maia ka ngaihtuah chhuah vat theih. An hauhsak phah thur thur sawi a hnekin an tar thla rawk rawk zel mai bawk si. central politics bal, tenawm lutuk, tunlai CWG tawng lar takin ‘filthy’ lutuk mai hi Mizoram atangin pet chhuak ang u.
Vote mal te te tla khawm hi a pawimawh asin..@Gangstagal hehe Chhe rau rau zingah pawh zia deuh hlek chu an awm ka ring.
Report this comment
September 23rd, 2010 at 11:24 am
Congress Party nih chuan Pu Hawla, MNF nih chuan Pu Zorama, MPC Pu Thena, ZNP Pu Duhawma.. Heng hruaitu te hi awm lo se an party theuh eng tak ang maw. In chirhtheh tih reng te hi a ninawm zozai khawp mai…engmah chungchuanna nei bik uk si loa lo inchirh theh ve vak vak ringawt mai haha
Zoram hruaitu te zingah CM hlui pakhat bak chu Zoram mipui tam zawk ten lungrual taka ‘tha’ an tih hi a awm loh hmel, a bikin ‘neutral voters’ te zingah. Survey kan lo neih tawh atanga ka hriat mai mai ania hehe Hotupa hian ‘change’ hi han siam khu chum chum mai tawh se..ka in ti thei ang chu awww state dangte lakah.
Report this comment
September 23rd, 2010 at 11:29 am
Ka policy:
1. Offcier corrupt na taka hrem.
2. Sorkar hnathawk tam lutuk tih tlem duai
3. Sorkar hnathawk hlawh leh chhuti tam lutuk tih
tlem duai.
4. Thingtlang mite tana thawh that.
5. Aizawlah chauh hausakna thlentir loh.
Report this comment
September 23rd, 2010 at 11:29 am
@Chhinkhuala a poimoh viau chuan ka om na atrang hian min ron pick up vang2 se la.. vote duh cuan…min thlah leh bok se… Poi chuang miah lo ang..
Report this comment
September 23rd, 2010 at 11:39 am
@Gangstagal. Khai khai khai..a rawn pick up tu che party kha i vote leh si anga tha dawn a mi oo? hehe
Report this comment
September 23rd, 2010 at 11:40 am
& Vote thlak tawh hnu hi chuan min hmu thei lo duh tawh khawp bawk asin haha
Report this comment
September 23rd, 2010 at 11:51 am
Khai khai love…keimah ka invote hmeks mai ang ale ale
Tak2 chuan thlan tur hi ka hre thlots lo ani ber vang poh ni lo in omna hmun in a xir loh vanga la vote miah lo ni e…
Report this comment
September 23rd, 2010 at 11:59 am
Gangstagal in vote hmeks = vote thi hmeks lol
Anih tak chu aw. I awmna hmunin lo zir tawh rawh se..dam dam.
Report this comment
September 23rd, 2010 at 7:09 pm
Khoi bial ah nge i din dawn? Aizawl West-2 a nih vaih chuan Kei tiam in midang 30(sawmthum) vel bawr chuan an vote hrim hrim ang che. Chuan chung 30 te chuan an thrian 2 threuh lo convince ta ang sela mi 90 ni nghal, mi sawmruk convince a kan hmin te khan mi 2 threuh tal han convince leh ta sela mi 210 kan ni nghal.. He ti ang hruaitu hi kan mamawh toh lutuk.
Report this comment
September 23rd, 2010 at 9:03 pm
Politics lampang chu ka selo ve khops mai
Report this comment
September 23rd, 2010 at 9:03 pm
Report this comment