Hnam tin hian kan thil neih inang vek chu ZU hi a ni awm e. Russia pa chuan vodka ngat le a ti a. Mexican chuan tequilla. Mizo pa chuan rakzu ngat lo chu a ti ve thin. Heng kan zu te hi kan hmandan a inang vek a, in atan vek kan ti thin. Zu chungchanga kan ngaihdan hi a danglam tlang hle a. Kan ramah phei chuan KHAP RUPNA DAN kan nei a nih hi.
Tun hnaiah khap duh leh duhlo pawl an awm a. Tv ah an in chapchar laite kan hmu hlawm awm e. A thenin khap an duh a, a thenin khap loh an duh thung. Enge kan ngaihdan ni ve le?
1. Khap ta ila…..
Zu hian mihring nun a tihbuai dan chu kan hre awm e. Mihring ngaihtuahna fim hmang thei lovin min siam a, kan duh ngailoh thil tam tak chu zu kan in avangin kan tih phah thin. Khawlai nun a tibuaia, nupa a pawt then a, pawisawiloin an tawrh nasat dan en hian khap chu a tha kan ti lo maw?
Mizote hi thiltih tawh lam chu arbawm chhe kang ang maia tihluai thin kan ni a. Zu kan inpawhin kan in nasaa, kan taksain a tuar phah thin. Khap lovin ualau takin zuar ila kan death rate hi a san viau a rinawm. Chuvangin mihring tana thil hlu tak nunna a pawimawh vang pawh hian khap a tha tiro u?
2. Khap lo ta ila
Tuna kan thil tawn mek, kan la tawn zel tur thihna chi khat chu zu chhe in avanga thi hi a ni awm e. Zu hi khap ta lo ila a zia mai ka ring thin. Zu kan khap a, kan dap a, kan man thin. Kan dap uluk poh leh zu chhia a tam ting a ni bawk si.
Kan khapa, kan do a, a rem chu sawiloh a tam telh telh a ang tlat mai. Kan raldo hneh miah loh tur do reng ai chuan zalen taka awmtir a, khuahkhirh tlat hi a fin thlak zawk ka ti. Khap lovin zuar ila, dan tha tak siam thung ila a hahdam thlak zawk ngei ang mawle.
Zu dawr te siam ta ila chhiah la teuh teuh thung ila sorkar tan pawh hian pawisa hmuhna tha tak a ni ngei ang. Kha pawisa kha a tha ka tihna ni lovin ramdanga kan thawnchhuah ai chuan mahni rama chhiah chawi kha chu kan hlawk zawk ngei ang.
Ka mi{sual} pui te enge inngaih ve dan le? Zu hi kan sêl ringawt hi tha inti em?
September 26th, 2010 at 10:58 pm
A that nge tha lo búk tawn ngai ang hi reng reng lak atang hi chuan inthiarfihlim hmak hi a tha mai ka ti. Theitui te hi in a that leh that loh inhnial angai loa,kan in mai. Zu khap leh khap loh, in leh in loh vel inhnial vak vak theih chi hi chu ngawi renga in loh kha a him ber mai
Report this comment
September 26th, 2010 at 11:09 pm
Zu hi maw #####thayboi thu khi a dik chiang kuang ka ti.
An zuar leh anih dawn chuan permit bik pe tawh lovin dealer/storkist awm tawp seng chu chuan a zuar duh hnenah sem tawp maise.
Helamah pawh tax an lak belh leh a lu hai man a sang deuh a ni ringawt.Kum hnih kal ta a palang khat 16 man kha 35 an ni viah tawh.Dawr tinah an zuar a ni deuh mai a induh chuan an in mai duhlo chuan an in chuanglo.Inkhawmna ah te pawh a awm reirui a duhin an in chu zawng chu ani e.
Khaini te pawh helamah hian nuho hian an hmuak deuh vek a vang khawp mai a hmuam duh ho chuan an nghei chuang lo.
Kei erawh chuan kum 1974 a ka vawikhat hmuam kha ka duh tawk hahaha.Zu erawh Mizoram an khap stick eltiang lai pohin ka kawl tho hetah pawh ka kawl ka in tlem zawk mah mah a tam em mai a in chakna a tlem mahse taksa tan a thatna avangin ka in leh zeuh thin.
Report this comment
September 26th, 2010 at 11:19 pm
mifa te pawh in an khap loh chuh khap kher a tul bik a maw ni aw….a in dan leh ruih dan ah in khuahkhirh na yha deuh awm zok se…he lam ah total prohibition awm ve lo mahse kan in tam chuang lo ..a tawk chauh in in dan kan thiam zawk mizoram ka awm lai a i in..makve deuh a ni..
Report this comment
September 26th, 2010 at 11:35 pm
ZU hi a problem ber a ni lo in ka hria. A bul pui ber chu, rilru lam zawk a ni. Zu hi khawih miah lo chuan engmah a ni lem lo. Lung tum ang vel a ni. Thil ve mai a ni. Mihring erawh chu thil ve mai kha a ni lo a, ngaituahna nei, duhdan nei, danglam thei, thil siam thei kha a ni. A mah hi zu tel lo pawhin, sual thei hrim hrem, insum theihna nei duh lo thei kha a la ni reng si a, zu awm lo pawh siam zel thei tu kha a ni tlat bawk si… a result tha leh tha lo pawh buk thiam ve thawkhat tho si mahse DUH TLAT tu khaw a ni reng dawn. Chuvangin KHAP dawn chuan mihring a ti mihringtu kha KHAP tel a ngai..To deny the your intincts is to deny what you are… chu erawh a thei si lo.
Report this comment
September 27th, 2010 at 4:40 am
Zu vanga buai HNAM kan ni hrim hrim hi a va han zahthlak tak em!!! Aizawl a ka awm lai khan “a sen chi” hi kan ngaisang a,a to si a,pawisa kan khawl a,kan in thin! Tunah phai-ah lehkha zir in ka awm a, aizawl a rs.500 a kan lei thin kha hetah Rs.90 man a ni. kawng dung ah a tlep tuar a….ngaiteh,in en ah kan en loooooo!!!! kan in ngai lo helai hmun ah hian….!!!! Thil vang leh tlem hi a ni kan ngaihsan ni….zu hi thlah zalen ila,tuge ngaisang a,in reng duh ang le….??? mahni chhiatna khawpa in duh mihring chu dam tlak a ni lo!!!
Report this comment
September 27th, 2010 at 4:45 am
Zalen tira, a in tu te lam khuahkhirh dan tha tak leh strict em em tak mai neih a fuh daih zawk ang.
Report this comment
September 27th, 2010 at 12:10 pm
Khap chung pawha in thei kawrh kawrh chu KEINI tho hi! Insual buai nan erawh kan hamng lo. Politician a in mite hian an in lo chuang lo, an ruih lungpuam laiin mipui bum dan tur an suangtuah thin, han ti mai ilah, a inhmeh lo chuang lo!
Report this comment
September 27th, 2010 at 1:09 pm
a rukah tih tat2 hi nuam ve mai22 lawm le… nghei chuang lem hlei lo ila ni mai… :lol:
Report this comment
September 27th, 2010 at 2:16 pm
Heti hian aw…
1)Zu avanga kan chhungte buaithinna ka ngaihtuah hian zu hi kan ram hmelma a ni.Hei hi chu sawi zui vak a ngailo keimah pawh hian ka tawng ve tawh.
2)Zu avanga revenue hi ka hrethiam chiahlo. Ramdang atanga lakluh nan Mizoram atangin pawisa kan thawn chhuak ang a. Chung pawisa te chu Mizoramah lengvak zawk tase kan chhawr zawk lovang maw? Sipai te hi kan ram revenue thatak an ni. State dang atangin sum an rawn hawn a, zirlai te hian mizoram sum tamtak state dangah kan pe lut ani. Chutiang deuh chuan ramdanga sum kan thawnchhuah hnua kan hralhna percent tlem azawng sorkara thehluh kha revenue kan tih hi a dik reng em? A ngaihna hria chuan minlo hrilhfiah teh u.
3)Engatinge ram changkang tawhsa ho nena kan inkhaikhin fo chu ka ti deuh. Anni chuan duhleh khaplo sela, mahse keini chu khelmual grass phah pawh la neilo hnam kan nih hi. Kan mizia hian a phak chiah ang maw ? This topic is exclusively for Mizoram
Va thui ve…ka lawm e
Report this comment