Via Vanglaini.org (Monday, 27 September 2010)
Mizoram sorkar chuan, academic session 2009-2010 khan The Mizoram Overseas Scholarship Rules, 2009-in a phal angin, India ram páwna lehkha zir mi 20 hnenah overseas scholarship Rs. 77,46,568 a sem. Hetih lai hian, Mizoram sorkar chuan, India ram páwna zir turin zirlai sponsor a la nei lo tih a tarlang. Overseas Scholarship kalphung leh kum 2009-2010 chhunga pek dante Vanglaini chuan RTI Act hmangin a dil chhuak a, RTI Act hmanga zawhna chhannaa a lan danin, 2009-2010 atana overseas scholarship dawngtu Mizo zirlaite hi UK-a zirlai 10, Australia-a zirlai pathum, Ukraine-a zir pathum, USA-a zir pahnih leh Singapore-a zirlai pahnihte an ni.
Scholarship hi a dawng tam berin Rs. 7,47,150 a dawng a, a dawng tlem berin Rs. 1,69,280 an dawng thung. Mizoram Scholarship Board chuan, oversea scholarship atan hian kum 2009-2010 khan budget-ah token provision chauh dah a ni a, kum 2010-2011 ah hi chuan sum tam zawk an neih theih an beisei thu a tarlang.
India ram páwna Mizo zirlaite scholarship pekna tur dan, Mizoram Overseas Scholarship Rules, 2009-ah hian sorkar chuan kumin February 17 khan Mizoram Gazette-ah a chhuah a; He scholarship hmu theite chu – Mizorama cheng, India sorkarin a pawm university leh college-a zirte an ni a, distance education (correspondence) erawh a huam lo. He scholarship hnuaiah hian under graduate/diploma zirlaite an zirna senso zawng zawng atanga 40% leh post graduate/professional course zirlaite an senso zawng zawng 50% Mizoram sorkarin a tumsak thei.
Zirlai thahnem takin dil mah se, mi 20 (fresh) chiah pek tura ruahman a ni a (2009-2010-ah diltu 24 an awm a, 20 pek an ni), 10% chu hmeichhiate tan hauh bik a ni. Scholarship pek tawh zirlai chu a zirnaah a pass zel chuan, a zir zawh thleng pek tura tih a ni bawk.
Hetih lai hian, sorkar thuchhuah chuan, Mizoram sorkarin ram danga lehkha zir tura Mizo thalaite thawn turin policy a la siam lo a, zirlai tumah a la sponsor lo tih a tarlang a; Mizorama foreign institution counsellor-te leh agent-te lakah fimkhur turin zirlaite an ngen a, hre chiang lo chuan ring mai lo turin a chah a ni. Zirlaite fimkhur tura a ngen rual hian Higher & Technical Education department chuan, Singapore bika Tourism & Hospitality Management zir turin mi thahnemngaite’n Mizo zirlai kal duhte buaipuiin, admission an tihsak tih an tarlang a; chu’ng zirlaite chuan educational loan an hmuh mai loh avangin H&TE Minister hoin Mizorama bank manager-te ko khawmin, nasa taka hma an lâk thu leh, sorkar sponsor-a kal erawh an nih loh thu an tarlang bawk.
Scholarship Board chuan, kum 2009-2010 khan post matric scholarship atan sorkar laipuia Ministry of Tribal Affairs atangin Rs. 15,77,06,000 an hmu a, heta tang hian Rs. 15,67,28,000 hmangin, Rs. 10,78,000 an hmang bâng tih a tarlang a; an hman bânte hi sorkarah revalidation dil mek a nih thu a tarlang bawk a ni.
Similar Posts:
- Overseas Scholarship House-ah sawifiah
- Whistle Blower Part-18 (Scholarship chungchang)
- Pune Mizo zirlai jail atangin an chhuak ta
- Zirlaite Ni
- Hmeichhia-te tan Municipal Council
September 28th, 2010 at 12:26 am
Ze-phanat(tri)h #42 hi ka thlawp phian mai. A hmute thik van ni lo in! NOI
Report this comment
September 28th, 2010 at 12:28 am
Kan thiante fate pawh an tel ve! Mahse, Singapore lam a mi khan an lo bum deuh emaw ni? Loan interest nen rulh a lo ngai tawh si a, an buai ru khawp a sin!
Report this comment
September 28th, 2010 at 12:40 am
Eng course nge an zir le aw. An pawl ah han thiam fal deuh bik se. Kan ram tan an thiamna leh finna te han hmang teh se, kan sorkar in an zirna senso a tum bawk a..
Report this comment
September 28th, 2010 at 12:44 am
Lawm te kan lawmpui a a tha e!!! A pawng a pui chuan ka bengngawng nuih ngawt thei lo. All india level exam through in MHRD hnuaiah scholarship ka hmu a chu pawh lakh per year tling tha mang lo a nia. USA, Australia ah chuan enge an zuk zir a, eng base in nge sholarship an dawn tih chu ka hre ve chak khawp mai kei pawh. Nge advertisement an siam a merit base in student foreign-ah an tir zawk. Student exchange programme anga kal ni se state sawrkar pek a ngai bawk silo. Thingtlang mimawl ka bo.
Report this comment
September 28th, 2010 at 12:47 am
He thil hi a serious deuh ni a ka hriat na chu, Hetiang scholarship la lo pawha foreign a zir thei khawpa sum nei sa anni tlangpuiin ka deuha a dawng ho hi… Heng ho ai hian mi thiam zirna tur neilo an awm treuh ka ring…
Vanglaini hian a dawng ho hming leh an course zir te an zirna institution ho te hi an chhuah ngamlo pawh ani maitheia, ka thiante RTI hmanga lo investigate turin ka han beisei deuha, Vanglaini in chhuah lo mahse investigate tura hun awl an nei anih a min rawn hrilh anih chuan kala rawn chhuah tho ang…
Phaia lehkha zir ho ah hian academic course mumal pawh zirlo tamtak an awm… chhungte sum neih vanga khawilai zirna eng eng emaw a in admit ve mai mai… heng ho ka ngaih hniamna nilovin, hetiang ang vel hi foreign a zir ho ah pawh an tam maithei… hengho aia scholarship dawn phu hi an tam maithei,,, A dawng tute leh an course zir… hriat phawt loh chuan appreciate tak tak har kan ti anih pawhin tumah ka dem lo…
Report this comment
September 28th, 2010 at 1:11 am
@funny: Nang mi fel leh thlir zau/hre zau-ah lo hrechiang thei la, rawn post la… hriat ve mai2 pawh a chakawm a lawm le.. Knowledge zau nan
(sap rama lehkhazir hriat zau-nan)
Report this comment
September 28th, 2010 at 2:04 am
Zephenath: deuh kher che chuan, a va sarcastic deuh ve… ka chhiar zau in ka hre zau lova, he thil hi chu a serious deuh hlek chuan ka hria… Thiam avanga foreign a kal sawi tur pawh an awm mangloh laia (chutiang an awm pawhin mizoram atanga scholarship an mamawh ka ringlo bawk…) nuai 77 chuang teh meuh sen ral na khawp zirlai techu eng ang zirlai nge an nih??? tih tepawh hriat a chakawm ve alawm le… Kan doctor zirlai ho tepawh hian an phu zawk lo maw… anni hi class 10 leh 12 atanga thiam ina an in chuh ani deuh a, heng zirlai ah hian lehkhathiam leh scholarship phu an tam ber chuan ka ring (thiamna zawnga kan teh chuan)… Research ti tawh ho hi scholarship pek ngai an awm vak bawksilo (Thiam avanga schlarship dawng an nih loh pawhin Rajiv Gandhi Fellowship an dawng tho)
I’m not entitled to name them… thik emaw te minlo ti vel anga a ka comment tir ah pawh ka appreciate em khi. misual tlawh thin pawh an awm nual maithei ania…
Student loan chungchang hi hmanni khan Kapil Sibal khan a sawia, student loan hi a pung tlemte (4% vel) lekin central sawrkar in tih a tuma, anlo zir chhuak lehlo a student ten an rul theilo anih pawhin sawrkar-in a rulh sak naturin central sawrkar-in bank ho a guarantee dawn nitur ani. an implement hunah chuan a tih chi viau ang a tlangpuiin lower middle class vel tan phei chuan. tuna scholarship ang hi chu lower middle class tan chuan beisei chi vak niin ka hrelo…
Report this comment
September 28th, 2010 at 2:06 am
Open letter to Edu. Minister thawn chi a ni. Kan education department tawp ziate, mipui an zah loh zia te a hriat theih e. Wild wild east ani ber e, law and order kan kenkawh chhiat zia hi.
Mipui aiawh ten mipui ai an awh zawh loh zia te hi.
Hetiang mai mai a an kalpui ngam hi a tenawm em em in kahria.
MZP leh MSU lam te in awm em?
Hetiang thil serious lutuk ngaizam thei student union kan nei anih ngat chuan …
Funny..lo ngaihven nasa deuh teh. Ka ngaihtuah nasa, ka thin a rim deuh tlat mai.
Report this comment
September 28th, 2010 at 2:11 am
A dawng te hi vannei tiin lawmpui zawk teh u, heng hung mai
Dawng tlaka an hriat ten an dawng a ni mai alawm hairehai
Report this comment
September 28th, 2010 at 2:12 am
he he. Pu HV, ram kal siam kan sial tha ang chu..a theory in..he
Report this comment
September 28th, 2010 at 2:18 am
Policy awmlo leh Sponsor awmlo chu eng dan hmang chiahin nge (criteria hmangin nge) Scholarship he ti zat zat lo pek ???? tih hi mi tam ber zawhna a ni awm e.
Report this comment
September 28th, 2010 at 2:22 am
Pu HV: lawmpui leh lawmpui loh lam anilo…
Thiam tak tak, harsa taka neih thinglung khawnga zir an awm laia, thiam vang pawh ni lemlo a Foreign a awm thei khawpa sum nei sa ( I thianpa(or U te) fa te ang deuh
) a awm mai mai in an lo dawng anih chuan a tha nat thlak alawm, thahnem ngai tute tan chuan… Mizoram ah hian lehkhazir peih ve tak zirna tha a zir thei silo hi ka mit ngeiin ka hmuh bakah keimah pawhin ka experience tawh.
Mi rethei leh hausa lam pawh anilo, foreign a zir man a to tih kan hre vek, a phu chu pe rawhse, mahse an pek tehian an phu chiah em??? tih hi hriat a chakawm kan ti anih chu… Mahni aia rethei, Phu ngawih ngawih an awm anih pheichuan ram hmangaih inti chungin engin nge an dawn theih zawk ang…?? chutiang an awm anih chuan Ram hmangaihtu der ah an la rawn chhuak maithei zawk asin
Report this comment
September 28th, 2010 at 2:27 am
Funny: thumps up!
A dik chiah.
Report this comment
September 28th, 2010 at 2:30 am
Central ah hian Tribal affairs hnuaiah aboard scholarship a awm, tribal ho bik tan, a pdf link https://tribal.nic.in/writeread.....le1213.pdf
Thiante ka rawn thin dil turin, mahse a specialized deuh a an field. engte hi kan MZP te, kan MSU te hian general deuh a siam turin nawr se ka lo tirilru thin a.
Ruahmanna fel hi kan tlachham a ni ber e.
Report this comment
September 28th, 2010 at 2:36 am
An tisual a, Ka thianpa hian PUC a luh laiin Merit scho leh tribal scho a la kawp zan tawh. Tam ve reuh khawpz
र14000/- lai mawle..Report this comment
September 28th, 2010 at 2:39 am
A diktak chuan tuna heng scholarship hmu tute hi, sum nei ve deuh, heng scholarship pawh hi hmulo pawhnise buai eihlo tur annih a rinawm. Scholarship lak avanga foreign a awm thei nilovin, foreign a awm avanga scholarship la thei… an nih a rinawm mah zawk, Hetiang hi lower middle class leh middle class a mi tamtakin an afford lo… heng ho ai hian thiam pawh nise…
Heng ho aia scholarship mamawh hi an tamin ka ring, Kan Pu Hawla khan, “Mi rethei te kan VIP” a ti emni khah… mi retheite a ngaihtuah tak tak em aw… NLUP chungchang thlengin chhui tur neuh neuh tur chu a awm ang. lolzzz
Report this comment
September 28th, 2010 at 2:50 am
Thenkhat chu sap rama kan awm (bik em em)-na a rei tawh deuh a niang…kan thu lak dan a mawl sawt riau mai a! Thil dang danga inti Mizo fu si, (mahni chhungte an tel ve chuan?) Mizoram tana thil tha lo pawh ngaimawh leh phal mang si lo te kan awm ta mai emaw ni le?!
Foreign-a zirna tur scholarship hi Mizoram sorkarin a advertise ka la hre ngai reng reng lo a, mipui hriata an thlan tak thawm pawh ka hre na hek lo. Chuti chunga heti zatin a nuai tel teh meuh an lo hui nghek nghek si hi thil dik lo leh fel lo ril tak a awm chu a ni phawt ang tih ka ring tlat.
Report this comment
September 28th, 2010 at 2:54 am
Funny, a dik chiah. ka rinthu chuan pawisa siam nan a hmang pawh an awm ka ring.
Sapramah hian zirtur a tam khawp mai, amission fee pawh tlemte te an ni. Zir zawh hnuah pawh engual han nih phah chuanna tur ni lem lo an ni hlawm.
University tha pangngai a graduate titur admission atan chuan singnga to singriat pound/euro/dollar tal a ngaih ka ring. ei leh in, accomodation lo ngai bawk.Mizoram a a hausa fal deuh tak tak tan lo chuan pawngpaw zuam mai chi a ni lo.
Tun a kan sawi lai pawh hi big officer thenkhat fate tan bik a siam a ang a, a lan mawi loh lutuk hlauhna avangin tlem a zawng mithenkhat hnenah pek ve chauh niawm in a lang.
Kan rin aiin a tenawm thuk ka ring.
Report this comment
September 28th, 2010 at 6:08 am
Chuan anih leh CM hlui Zoramthanga fapa London a lehkha zir kha heng scholarship dawng hi ami? CM hlawh atanga chhut in School/University fee hi an pe zo miah si lova? Chuan Sawrkar hanthawk director fa te ho UK/US leh Canada a zir te, hi engtin nge an fee an afford theih? An Chhungte sawrkar hnathawk hlawh hi a bei tham ve sia (an eiru anih loh chuan)?
Misual user thenkhat kutzungchala kawh tur ka hre nghal ha ha
Report this comment
September 28th, 2010 at 6:29 am
Funny sawi hi ka agree hle mai. Aryan, Zoramthanga fapa chauh ni lo minister fa te pawh foreign a lehkha zir an awm a ni lawm ni?..
Report this comment
September 28th, 2010 at 8:10 am
Aryan, min zawt anih chuan ka hre lo. zoramthangan fapa a neih pawh ka hre lo. officer lian deuh tak fate lakh 20 pekte an awm tih chu ka hrethawi. Heng hi chu tun a abroad scho. hma hi a ni.
Hemi thu ah hi chuan politiciante aimahin officer lian ho thenkhatte an in rawlh ang. Kan minister fate hi hetiang tanpuina dawng pha tur a zir tha peih pawh an awm ka ring chiah lo e a..hehe. NOI
Report this comment
September 28th, 2010 at 8:15 am
He Scholarship dawngtute hming leh an zir course-a chu hriat a chakawm ve mai mai anih ber hi a..
Report this comment
September 28th, 2010 at 8:23 am
Mizoram Home Department-in Scheduled Tribe Certificate a pek chhuahah hian PURPOSE an ziak tel lo va. Chumi ziak tel tur chuan a hna thawkte an luhlul viau mai a.
Mumbai-a kan nauin hun tepter takah Scheduled Tribe Certificate a rawn mamawh thu a rawn sawi a, Home lama mite dawr an har hle. PURPOSE ziak lo chuan admission a tih theih der si loh!
He lamah hian Home Department pawhin an Certificate-a PURPOSE ziak tel thin tawh se, mi dang tana harsatna siamtu nih ai chuan SOLVE-saktu ni thei se, Mizo sorkar hna thawkte capacity hi a la hniam lutuk deuh, mi fate an STRICT nasa ropui si!
Hei hi, thil thleng dik tak, a hranpaa POST ngai hial khawpa thawnthu tharlam (ngaihnawm vak lo) kan tawn a ni e.
Report this comment
September 28th, 2010 at 8:24 am
Nia, mahse kei chu an pek dan leh dun ka hre chak zawk mah mah! mihring tak a in tih mualpho ai chuan a sytem chingfel se ka ti ngawt mai.
Zirlai tam tak, zir ve ringawt, kal zel ngaihna hre lo ve tak tak, an nu leh pa te pawn han tih vak ngaihna hre chuang lo te tan a hetiang a awm tur hi a lawmawm khawp ang. Zir chhan an nei ang a, opportunity tha an nei ve thei dawn a ni.
Report this comment
September 28th, 2010 at 9:27 am
In chip inchip a, inchip nawi zo vek…. Tumah ka lawmpui leh lo. :lol:
Report this comment
September 28th, 2010 at 11:15 am
Mizo student te ho chuan Overseas-ah chuan enge an van zir a? UK, Canada, Australia tih vela lehkha zira kal te a harsa lo, Mizote tan hian a hautak em avanga kallo kan tam zawk, keipawh student loan emaw Sho’ emaw hmu ve ilang chuan Overseas-ah ka kal daih tawh ang! Hetiang Scho apply theih awm si eng nga ti nge news-ah te an chhuah loh (Nge ka lo hmu lo zawk)? Ka va thik ve hlawm ve….. Engtia apply tur nge? Engtikah nge apply tur? Hriatzau ava chakawm ve…
Report this comment
September 28th, 2010 at 11:40 am
Hetianga an ti thei anih ro ro chuan tha deuh tura ka rin chu, phaia BA/MA/BSc/MSc tihvel zir tur tan hian competitive exam siam sela, admission tih hma ni ngei sela, chung a ti tha ho chuan phai lam zirna leh exposer tha zawk ah zirna tur an hmuh chuan scholarship apply thei sela, an zuk lut lehlo anih chuan apply theilo bawk sela.
Hetiang zawng a nih chuan lower class family tepawh an thiam chuan phai lama zirna tha zawk a an kal theihna kawng a hawng zawk ang. Hetiang anih loh chuan lower class tan chuan phai lama zir hi chu beisei phak chi pawh anilo. 1 lakh per year a tawk lutuk. Hetiang anih chuan 77 lakh chuan naupang 77 a chawm thei dawn tihna ania.
Tuna an pawisa hmanna tibuai lovin, hetiang ang scheme tal hi sawrkar hian siam sela chuan Central lam pawhin pawisa an ui ka ring chiahlo, Tribal Village ah sum harsatna avanga zirna tha pursue theilo an tam em em laia… tam tak tan chuan Aizawlah chhungte an neilo anih pheichuan Aizawla lehkha zir ringawt pawh a harsa.
BTW: Pu Zoramthanga fapa chu a thiam theiin a smart khawpmai anti thin.
Report this comment
September 28th, 2010 at 11:50 am
Tin, Hetiang thil, competitive exam ang chi te hna tha lak ang chi ah tehian, Atmosphere tha hnuaia zir thei leh Aizawl lam ina an hui vek thin lohnan, India rama ST quota a awm ang deuh hian thingtlang rethei ten hna tha an thawh ve theihnan leh opportunity an neih ve theihnan engemaw quota ang ni chiahlo pawhin (quota anga a kal chuan class division a thleng ang tihte a hlauhawm bawksi) engtin emaw ngaihhnathiamna te awm thei sela a tha khawp bawkin ka ring.
“chhas quota” tihte “returnee quota” tihvel ang nilo “Mirethei quota” ang deuh anih ber chu
India ramah pawh hian ST quota chu awmlo sela chuan Zirna tha a zir te, IAS te kan nei bar lovang. Hetiang ang deuh hian Mizoram chhungah ro ro pawh Mi rethei te tan chance kan siam sak a tul na chen a awm tawhin ka hria. Thiltithei fate chance neih ang tal hi mirethei ten fair takin nei ve thei sela a tha in ka hria.
Report this comment
September 28th, 2010 at 12:03 pm
comment #66, 69, 76, 77, 78…..clap clap clap :lol:
fonz-a pawh hi scho hmu thei chu ni se US a pole dancing zir tur ani sin mawle…. sigh!
Report this comment
September 28th, 2010 at 12:24 pm
First degree (bachelor) vel beih tura overseas (foreign) scholarship han pek hi chu a phu lo. Ram dangte tih dan angin, PhD, MD, etc, research scholarship te nih thei se, a hlawk zawk ang.
Report this comment
September 28th, 2010 at 12:27 pm
MaraHisbicus chu mizotawng ila type thiam chiahlo nge ni, va type sual nasa ve. Ka hrethiam e
Report this comment
September 28th, 2010 at 12:32 pm
# 80 Vs # 81….ten ten…let the games begin
Report this comment
September 28th, 2010 at 12:34 pm
@ CyberThug, engte khi nge ka type sual a, min rawn edit sak teh. Let me learn perfect Mizo. Thanks for your understanding.
Report this comment
September 28th, 2010 at 12:42 pm
Ziah dikloh lam pawh nilovin a hman hunlo lam zawk ania. beih leh nih tih khian a thu a tiulh tlat, ka tive mai mai.. Engpawh nise sanction chu atam reng reng e tiraw?
Report this comment
September 28th, 2010 at 1:19 pm
CyberThug, first degree an va “beih” dawn alawm, LOLz! First degree vel beih tura foreign ah han kal te chu, ka zahpui hlawm e! Nie, sanction chu a tam a, mahse, this will be out of reach for you and for me; it seems this is for those who have connection in the “high places.”
Report this comment
September 28th, 2010 at 1:30 pm
this in mizoram… lolzzzzz..
Report this comment
September 28th, 2010 at 2:05 pm
:lol:
Report this comment
September 28th, 2010 at 10:03 pm
Hmmm..a khel a khel tham a ni tlat, hemi scho dawngtute hming hi engtia hriat theih chi nge niang?!hriat a va chakawm ve mawle
Report this comment
February 25th, 2012 at 4:45 pm
playstation…
[…]India páwna Mizo zirlai 20-te Overseas Scho’ nuai 77 chuang pe | mi(sual).com[…]…
Report this comment