Tun tum kan CM zahawm takin USA Mizote min rawn tlawh chu eng enge emaw sawi tur a tih tam phah hle mai. Mizo website lar zawng zawng ah chuan a chhunzawmna a awm chur chur anih hi mawle. Engpawhnise, America Mizo Mipui tam zawk te ngaihdan hi a ruh lang deuh thrawt in ka rawn report law law teh ang.
A hmasa berin chhiartute tan thil pahnih hriattir phawt ka duh a, chungte chu ka rawn tarlang a nge.
1) America mizo mipui te hi kan tlem ang ang hian kan in ngaihlo ve em em ringawt mai ani. Chuvang ania in chhiar peih tawh loh thleng thlengin kan kohhran Upa ten article an rawn post thin.
2) USA ah hian mizo tlem te chiah kan awm a, chuvangin thu hi a thup tak tak theih loh. Mi tute in emaw rawn in faksel vak thin mahse, a tak2 ani em tih in hriat duh chuan USA a in chhungte kha han phone mai ula chutichuan an lo hrilhfiah mai dawn che u ani. Ka thu ziah tur pawh hi in awihlo anih chuan, USA-a in thiante kha han phone mai ula an lo hrilh chiang mai ang che u. Hrethiam mai em?
MSA Hruaitute insawifiahna hi a dik zawkin ka lo explain sak ang che u. An insawifiahna hi MSA website ah an dah bawk.
1) Pu Hawla te nupa hmuaktute hi kohhrana mi inhmang tak tak leh zu leh ruih theih thila fihlim mi vek kan ni. Limousine car chhunga chuanpuitu te phei chu Kohhran upa vek kan ni a, zu inpui duh tur chi kan awm lo.
– Limousine car chhungah chuan ka chuang ve lo tlat mai a ka hriatpui lo. Nimahsela, USA Mizo Kohhran upa leh MSA (Mizo Society of America) hruaitute zingah hian zu in thrin chu an awm nual mai tih chu kan hre chiang khawp mai. A bak chu in duh duh dan khan lo ring kual vel tawh mai rawh u.
2) Car chhungah hian non-alcoholic drinks Apple Cider etc. dahvawh chu hlim takin kan in ho.
– Pu. Chawnghilh a comment dan ang deuhin, Limousine hawh ve ta rau rau a, apple cider chiah dah te chu a ho eee.
3) Kan CM zahawm tak hi nuam tawl zawnga a khawsakna kan hmu lova. Ram leh hnam tana hna thawk chungin keini America-a Mizo te kan ni pawimawha min rawn telpui thei hi amah leh Zoram sorkar bakah Zoram mipuite chungah kan lawm em em zawk a ni.
– Apple Cider tak chi bak bak a nuam tawl dan a awm ami?
4) MSA hi non-political organization a ni a, politics thilah inhnamhnawihna a nei lo tih Mizo mipuiten min lo hriatsak kan duh bawk e. Kan ni pawimawh ram hruaituin min rawn hmanpui hi politics thila insawi chhiatnaah hman a nih chuan chu chu MSA duh dan a ni lo hulhual a ni.
– MSA (Mizo society of America) hi political organization nilo mahse politics chu kan ngah ve hle. 2008 leh 2009 kum ah phei kha chuan MSA election day dawn in an campaign nasa hle tih mipui ten kan la hre reng.
5) Chief Minister din hmunah hian tu pawh lo ding se, eng party mi leh sa pawhin lo chelh se kan ram, Zoram hruaituah tute pawhin I ngai hram hram ang u. Mizo mipui te kan inzir a ngai hle mai. Kan khuallian hi Pu Hawla a nih vang emaw, a party nihna vang emawa sawm kan ni lova. Kan ram hruaitu lu ber a nihna anga sawm kan ni zawk e.
– Nih te pawh ani mahna.
25th USA MSA DAY HMANG ZO HMAN LO NASA:
1) Program pawh kan hmang zo hman lo. Hun an vawn thiam loh avangin mipui zawng zawng kha hall neituten a um in min um chhuak ani ber mai. Ram hla taktak atanga rawn kal te an hmaizahawm khawp mai. Vawiinni thleng hian kan hruaituten ngaihdamna thu pakhat mah an chhuah pawh ka la hrelo.
2) Program a tel tura inpuahchah ho zawng zawng ten a thlawn in hun an seng bawk. Chanvo/Item nei te zingah a thlawn a hun leh gas seng an awm phah teuh. Item dang chu ka hriatpui lova mahse Fashion show ti tur te hi chuan rei tak an zir ani tih ka hriatpui. Fashion show mai bakah item dang zai, lam, thusawi a la awm teuh zui. Hemi chungchang ah pawh hian ngaihdam dilna thu pakhat mah program siamtuten an la chhuahlo.
3) Kan Chief Minister zahawm tak chu darkar khat dawn laiin a rawn tlai bawk. A chhan ka hre biklo. APPLE JUICE an in tui deuh te pawh ani mahna.
4) Program a awm miah lo ho in thu an sawi teuh bawk. A phur phur thu an sawi tir ani ber mai.
AMERICA MIZO MIPUI TE HRIATTUR:
1) Heti zela kan kal dawn anih chuan a beidawn thlak hle ang. Hun vawn dik i zir ang u khai. Dar 9 ah tan tur tih anih chuan dar 9 ah tan i tum thin ang u. Hruaitute an pawimawh leh zual. Hruaitute kan thlang leh anih chuan heng quality te hi i en tawh ang u:
a)Â Â Â Hun vawng dik thei hruaitu kan mamawh. MSA day a hun taka min zawh fel pui thei tu tur hruaitu kan mamawh. Kan demand sang lo hle mai, mahse a pawimawh hle.
b)Â Â Â Mahni chhungkua enkawl zo ni thei se. Heihi ramdang a mizo awm te tan chuan a pawimawh em em ani. Mahni fapa te ruihtheih thil khawih reng pawh veng zo lo chuan engtin nge kan society chu min hruai theih ang? Mahni Fanu ten Midum/Negro leh hnamdang an fawr pui reng mai chuan engtin nge kan ram, kan hnam, leh kan culture kan humhalh theih ang?
c)Â Â Â Ruihtheih thil khawih lo. A ruk pawhin. A theih phei chuan hun kal tawh ah pawh ruihtheih thil a fihlim ni thei se.
Khati zawng kha ni hrih mai teh se. Han in hnial teh u lem.
Ka lawm e.
