Shillong lam hranghlui te kan pho chhuak tawh bawk a tun tum chu Mizoram lam hranghlui te lam ve thung aw ni ang.
Pu Jeremy Zobiakvela leh a thiante chu February 1974 chuan Mizorama beat contest hmasa ber, Chinar company buatsaih ah, Young Generation hmingin an tel ve a, hetah hian pakhatna lawmman an dawng a ni. Heta an lineup chu Engzuala (fam), P.B. Liantluanga (fam), JB-a (fam) leh Saichhunga te an ni.
He Mizoram beat contest hmasa berah hian Pu Rothangpuia Sailo pawl din, Don Bosco Tailoring band pawh Saithangpuia hoin an tel a, tin, C.Lalrinmawia te band, Selection Five nen band pathum he beat contest ah hian an chhuak a, a thiamlo ber pawh pathumna an ni ta tho tho a nih chu.
Kum 1975 chuan Mizoram sawrkar (DIPR) Pu Zawntea pawl ten a vawikhat na’n beat contest an buatsaih veleh ta. Hetah hian Mizorama musical band thangchhuak ni turin JB-a te chuan Creation Flames an din ta a. Hetah erawh hi chuan Engzuala chu Dingluia’n a thlak ta a, Saichhunga pawh Luma’n Creation Flames tawp lam chuan a thlak ve leh ta bawk a ni. (Rimawi hmanrua te tunlai angin nei thalo mahse, an rimawi khan a hunlai chuan mipui te a awi hneh hle thin. Ka pa kha an manager anih ve thin avangin kan in hi zirnan an hmang fo mai a, thiam nei ve lemlo mah ila nasa takin rimawi min ngainat tir phahin ka hre nghe nghe. An band an keh darh hnu fe te khan kan ceiling ah hian an drum set hlui te leh amplifier te kha a la awm rui thin ania, 2009 ka hawn kha chuan an lo fai duak tawh mai a, ka ui rilru viau nghe nghe a ni.)
Kum leh ni te a liam zel a, 1977-1978 bawr vel alo nih chuan Creation Flames chu an kehdarh tawh a mahse, Jb-a te thianho chuan rimawi an la tum ho renga. Saithangpuia’n khuang vaw tain, Rohmingthanga’n tingtang a perh ta bawk a, Lianzama bass perh turin a sawm ve ta bawk. Mipui hmaa an inlan ho hmasak ber ka hriat lammual ah pawh hemi tum hian JB-a chuan powder sendang a vawrh darh chuai mai a, chu chu Crimson Dust an intih tanna a ni nghe nghe awm e. Hemi hnu hian Saithangpuia chu Makuka’n a thlak veleh a ni. A lunglen thlak hle mai
An pic ka neih te hi a fiah lo viau nangin ka neih ang ang ka han tar chhuak ve e:
JB-a, Dingluaia leh Saichhunga (lead guitar)
JB-a
NB: Saithangpuia’n ka hriat chian lovah min puia ka lawm hle.
Similar Posts:
- Jeremi Zobiakvela JB-a
- Mizoram Beat Contest hmasa ber : Chinar Beat Contest
- Drop Doubt -Invictus
- ZONET Lamah Beat Contest
- The Great Society
October 6th, 2010 at 10:16 am
A hmasa berin a va rei tawh hmel ve aw… lungleng fe fe chu an awm dawn hi a..
Post dahthat tlak a nih hi le.. save keuh teh ang
October 6th, 2010 at 10:19 am
Pu HV hi thil nei tha(hlui) thei hle mai… bengvarthlak thin e
October 6th, 2010 at 10:22 am
An concert chu chhim ve ka va châk mai mai e. Pu Hv-a chu i rawn thawh tha hle mai.
October 6th, 2010 at 10:22 am
A bengvarthlak hle mai, mahse zep lohah chuan ka lung a len phalo deuh hlek ani. Rual u ten rambuai lai chanchin an sawi a ngaihnawm ti taka kan ngaithla thin angin lo ngaithla teh ang..
October 6th, 2010 at 10:28 am
Khatih lai khan, Athanga Group-te pawh an awm ve kha le … Zotinkhuma (s/o Hrangaia) leh a pawlte … The Vans te pawh … Aizawl Sipai Lammual thlang lama DICE an dawhsanah an beih nasat ve thin kha! A en pawlah ka tang ve thin. Crimson Dust an intih tawh hnua JB-a’n a kutpha atanga crimsom powder a’n theh vei chhak chhak te kha hmuhnawm leh inchawih kan ti thei raaaappppps!
October 6th, 2010 at 10:30 am
Young Generation hmingin an tel ve a, hetah hian pakhatna lawmman an dawng a ni. Heta an lineup chu Engzuala (fam), P.B. Lianthanga (fam), JB-a (fam) leh Saichhunga te an ni.
P. B. Liantluanga ni zawkin ka hria!
October 6th, 2010 at 10:32 am
chawnghilh, JB-a telna band chauh chhui bik ania, The Vans, Ku Zo-a te ka chhuilo hrim2. P.B. Liantluanga ni e, typo. apology.
October 6th, 2010 at 10:41 am
Post tha tak a ni ka bengvar leh hawk mai
October 6th, 2010 at 10:46 am
Thlalak rotling tak tak i rawn chhawpchhuah avangin ka lawm tak zet e. Hmun danga chhawpchhuah chhawn tur nilo keima kawl ve hrim hrim atan ka save hmiah hmiah mai, pawi em lo ang chu maw?
October 6th, 2010 at 10:47 am
Hetiang thu hlui tak2 hi ngaihnawm ka tih zawng a ni. Pu Hv, i ti lawmawm ltk e. A dang pawh han ti jel teh . .
October 6th, 2010 at 10:47 am
Pic ho chuh! Thrang2 mai a.
October 6th, 2010 at 10:51 am
An zai ka van hre chak…HV nge nge…i kum phuloh in in rawn vawrh leh ta.I titha reuh hle mai.
October 6th, 2010 at 10:55 am
Similar post-a ‘Jeremi Zobiakvela JBa’ tiha pu chawnghilha comment#5 leh a link dah mawlh khi en ve teh u.
October 6th, 2010 at 10:57 am
Khublei, HV. I post hi a hlu riau mai, abikin thlalak ho khi. Keipaw’n ka’n lo save ve keuh teh ang.
October 6th, 2010 at 11:08 am
hahaha, kan hre ve hman lo vai vai hle mai!
October 6th, 2010 at 11:19 am
he band hi pu CFL an a hre khawp ng chu…..
October 6th, 2010 at 11:19 am
ainawn, enge kum phulo chu, kumin phu leh phulo a lo nei a ni maw? A thu hrimah Creation Flame te chu kan hre pha ve nasa alawm, naupang chhia ka nilo asin, tar ka ni velo nangin :lol:
October 6th, 2010 at 11:20 am
Sap hla han ti deuh bik teh ang, mizo zingah chuan Jb-a tluk a sa thiam ka la hrelo..
October 6th, 2010 at 11:23 am
#18, a phuah thiam bawk.
October 6th, 2010 at 11:46 am
pics chu va 70s ruih ruih ve!!!
October 6th, 2010 at 11:48 am
mi lungleng chi ini mo??
October 6th, 2010 at 11:52 am
he post chu a va hlu ve… JBa powder vawrh tum kha chuan ka en ve, mahse an hla vel hre chiang tur chuan ka la nau deuh. Luma hi Shillong a ka lehkha zir laiin kan thenawmah an awm thin a, in a a awm phawt chuan, an kawta thu chunga guiter zut vel kha a hna ber a ni thin
October 6th, 2010 at 11:54 am
Jb chu a hming ka hre ve ringawt.
October 6th, 2010 at 11:57 am
2nd pic angin sam zuah ve teh ang…chuan christmas leh new year chu ooooooo
October 6th, 2010 at 11:57 am
very retro
October 6th, 2010 at 11:59 am
JBa cassette ‘Salvation For Everyone’ (?) tih ka neih ve tat kha ala play theih ang em aw?
(Jewel lungleng lai hi ka hmu chaaaaak… :lol: )
October 6th, 2010 at 12:00 pm
@zualbonez i sam zar dan nen a in ang eee… :lol:
@shailendra hei minlo en la
October 6th, 2010 at 12:08 pm
vn post thra ve aww..beng a var leh sawt lawm, maipawl put ai chuan zia tak a ni..lolx
October 6th, 2010 at 12:12 pm
Pu Shai keipawh salvation for everyone kha ka nei..Thiam ka ti ve thlawt..ka ngaithla ve nasa thin khawp mai,
October 6th, 2010 at 12:23 pm
Crimson Dust kha State Central Library, Shillong-a concert an rawn neih khan ka en, an thiam ve khawp mai. Lunglenthlak khawp mai. An band hming hi mawi ka ti bawk.
October 6th, 2010 at 12:34 pm
Va hriat loh theih tiah2 ve le…Hlui deuh tawh niang..heheh
Ka vawikhat hriatna leh hmuhna te an ni hlawm e..Music lam tui lutuk loh bawk nen..heeh
Bengvarthlak hle mai…Tiang hian Mizo thil hlu deuh te hi rawn chhawpchhuak zel teh un…
October 6th, 2010 at 12:49 pm
Anmahni phei chu ka hre ve hman vak lo..an rual u deuh a..Mahse mizo zingah pioneer annih avangin ka ngaisang khawp mai. Gibson Les Paul te an lo nei daih tawh ani maw? an lo va changkang ve. Ka thianpa hian Les Paul a tuk chawp ka hrechhuak,a ang ve viau, Vanapa Hall concert ah pawh a lek lam ve na sa. A bridge tur workshop a chher tir tur a a kal tlauh tlauh ka la hre reng..lol A head a logo hi motor number ziahna chi reflector a cut a, a bel ve va.
October 6th, 2010 at 1:11 pm
Thangthar ten an thiam zia appriciate na chang pawh an hre lo rual u zawk thenkhat te hian in han ti thla zen a(h). kan pianhma a thil thleng a nia, thangthar ten ngai sang ve turin an music te rual u zawk ten hlut tak tak na chang hria in lo dahtha thlip thlep in copy/dl maitheih in awm ta se, thangthar music tak tak pawh hre lo tih kan hlawh lo ni mai tur!
October 6th, 2010 at 1:19 pm
ava lawmawm thn m, inti tha khawp mai, an concert chhim ve pawh a chhakawm………
October 6th, 2010 at 1:25 pm
Ka thiltih lai theihnghilh thak a ka han chhiar tak chu…Pu Hv chu phawrh ngaihnawm in ava han hlu thin ve aw.
Pu JB
kha, hre ve thin mah ila, a pianthar hnu khan kan in chul nel ve tan chauh a…‘Salvation For Everyone’ chu tun thlemng hian Car ah ka la ngaihthla zauh zauh thin. American thiante zingah a chanchin hi zahpuilo takin ka sawi ve thin.
Pu Hv, thlak ho hi a hlu khawp mai, ka save hmaks.
October 6th, 2010 at 1:25 pm
kim kollias teh luam chu a, kotla a ngai aniang
October 6th, 2010 at 1:37 pm
An music ngaihthlak a chakawm hle mai
October 6th, 2010 at 2:19 pm
lung hlui a leng hle mai. Saithangpuia chu tunge maw ni le?
October 6th, 2010 at 2:32 pm
PIC 1 a boot a kekawr bilhluh khi thlasik hunah kan hmeichhe hoin an ching leh ngawt ang chu
October 6th, 2010 at 3:09 pm
Pu HV, lunglen i kaitho thin hle mai! Naupang mai kan la ni na a, JB-a te ho leh an Band hming te kha chu kan hre lar ve hle thin! Wonderful post!!
October 6th, 2010 at 4:05 pm
keimah & Shai, naupang, kuhva leia tirh rual kha kan ni ve mai a. Mahse khanglaia kan hmuh phak te kha tunah chuan mumang an ang zo tawh. Creation Flame ten kan ina an rawn practice thin lai kha, Kulikawn Salvation biakin sir chiah Ngaizel kawng an, ka pu dawr chungah khan kan awm lai a ni a, ka la mitthla thei. Hippies ang deuh hian lu an han hreng tat hlawm a, hmeichhe hoin Maxi skirt an uar lai a ni tih ka la hre thei.
Crimson Dust tih au paha an vawrh sen darh uai mai kha ka mitthla ah ala lang thei mahse, keimah sawi ang deuhin, eng hla te nge an sak kha ka ngaituah chhuak zo ta biklo. Khing thu, an line up te khi Saithangpuia min hrilh chian ka ni, nilo sela chuan Creation Flames leh Crimson Dust lineup khi ka pawlh sawp diklo ngei ang.
Kan ceiling chhunga an bungraw hlui ho kha ka ui ngawt mai, dah tha reng ila antique tha deuh an la chang thei mai dawn asin mawle.
October 6th, 2010 at 4:13 pm
pibuhdeng, #38, Saithangpui chu Mizoram a drummer lo ni tawh zawng2 ah chuan chanchin ngah ber a ni hial ang. Lt. Governor tan! show an neih te khan suit hnuaiah pheikhawk a lo bun miah lo. Kelawng a kal theuh2 a chin avang te khan, Saithangpui, kezungpuilian-a, kephahhlaia tih te nick name a neih phah thin. Mumbai, Goa velah te pawh rimawi lam atangin hippies zawm tawh a ni. Chanchin a ngah lutuk tawp, a thlalak tharlam ber hi kan khilai ang che. https://img32.imageshack.us/img32/9826/hmarcha3.jpg
October 6th, 2010 at 4:30 pm
saithangpuia khi an nu chu Candy of dawrpui ami kha ni in ka hria.ka hre dik em ang chu?
October 6th, 2010 at 4:32 pm
HV chu thlalak i nei hlui thra kher mai, kan save keuh hlom ange. An hla zir te kha hmuhnawm ti takin kan thlir thrin, fiamthu te kha an thiam khawp mai mole, Luma kha an sawisak bur deuh a nia.
Dawn ve ang maw a D ve khan
Chhuihthangvala ar ang a vaih hi
Hnem thiam awm ang maw, damlai khawvelah
Awm hian ka ring lo, a na em lungleng zawng
Hei hi JB a phuah niin ka hria (ka hre sual mai thei). Sap hla te kha engzat tak phuah ang maw, Lianzama hova an ina kan len trumin a hla phuah thar ‘Transparent sea’ an han zir dun vel kha… disco music a ti nghe2 in ka hria.
October 6th, 2010 at 4:40 pm
@zeus candy nen chuan fa an nei
October 6th, 2010 at 4:43 pm
zeus, Candy pasal hmasa a ni e
As_Khiangte, JB-a kha Sap ramah piang ta sela, a hunlai ang khan hla phuah tui ta bawk se, a millionaire loh hi ka ringlo hrim2. I hla thu rawn kheuh chhuah khi ka rilruin ka sa veng2 mai, avan lunglen thlak vele, nalh ka ti tak2 ania.
October 6th, 2010 at 5:57 pm
HV, a dik alom, JB-a talent kha a ropui em, sap rama piang chu nise khi-ah a ni ringawt ang.
October 6th, 2010 at 6:43 pm
HV a chu dek lunglenthlak khawp mai! JB-a kha hla a phuah thiam ka ti! A pathian hla phuah te kha tha tak ani! Pathian hnena nun hlan tlat ani a, thlamuang takin Pathian hnenah a kal ani! Kan ui ngawih ngawih ani!
October 6th, 2010 at 6:54 pm
HV, Chhuihthangvala here
https://www.oonly.com/video/kCk.....hthangvala
October 6th, 2010 at 7:38 pm
Shillong-a Crimson Dust-in concert an rawn neih khan an drummer chu Makuka tih ka chianga JB-a kha ka hre chiang leh em em a. Khami kum khan Ṭhalfavang Kuta singing competition-ah endiktu an ni nghal bawk. Lalneihthangi pakhatna ani nghe nghe. Intihsiakna hmun pawh Mizo Modern School, Nongrim Hills ngei maiah khan. :LUNGLENG:
October 6th, 2010 at 8:04 pm
Sawi tur teh vak ka hre lo. Phek thar ka’n hawng ve reng2 ang e. HV chu phawrh ùn tiah2 ve!
October 6th, 2010 at 9:10 pm
‘JB-a leh a band te’ tih ka chhiar hmasak ber khan ‘JUSTIN BIEBER-a leh a band te’ tihna tur emaw ka tia
October 6th, 2010 at 9:12 pm
meester, :lol:
October 6th, 2010 at 9:14 pm
he post hi ka tan a bengvar thlak a.a tlei thlak bawk.
JB-a leh hming dang ho hi ka lo hre ve nual hlawm mai.mahse tutenge an nih phei chu ka hre hauh lo.
an zai ngaihthlak theih dan awm se ka ti ngawt mai.
October 6th, 2010 at 9:15 pm
As_Khiangte, #49, avan lunglen thlak vang vang vele, ka lawm lutuk. Tun hma, Venghlui lama kan nula rim ve laia kan ngaihthlak deuh reng te zing a mi a ni ve. Tun hma kan tih ve hi “ainawn” tan chuan nimin lawk a ni tho maithei hairehai
October 6th, 2010 at 9:35 pm
Aw! A van nuam, kan in hriat hlui siak leh dawn ani maw. An perform lai ka hmu ve zeuh zeuh. Don Bosca band kha Don’s Waving Beat ani in ka hria, Bee Gees hla vel an sa thin. Hmanni lawka Delhi car accident a thi kha Rothangpui Sailo fapa hi ani.
Fakna a tam tawh bawka ,kan critique ve ange. JBa te khan hla an thlang thiam vak lo, heavy deuh Led Zeppelin Black Dog, Rock and Roll te an sa a, a dawt ah Black Superman( Muhammed Ali hla) te an sa leh daiha a in mil vak thin lo. Tin, kan early drummers, Engzuala, Dingluaia etc te khan beat an keep thei vak lo.Saithangpuia leh Makuka atang khan kan zia awm. Hetih hun lai hian Blood and Thunder Shillong atangin an lo zin a, drums ah chuan tluk lo tak kan ni. Ka ngaih ve dan mai ania, tu huat ka sawi lovang chu maw.
October 6th, 2010 at 10:03 pm
dr_feelgood, Don Bosco band hming ilo hria a ni maw, Don Bosco band tih mai bak kalo hre reng2 hleinem, kan la naupang em bawk a ni.
I sawi taka zarah chuan JB-a hla sak fuhlo ber te zingah chuan, a pianthar hma lawka a sak, Twisted Sister hla, The Price a sa kha a ni. A hla phuah ngei mai a man a thinlung atanga a sak (timai ang) moody tak maia an sa kha erawh chu a ngaihnawm thlawt a ni.
October 6th, 2010 at 10:21 pm
Post dang comment tur ka hre lo em mai, chhunzawm leh mai teh ang. Nia Don Bosco ho zing ah hian Saithangpuia khan a vaw thina, tin Saitluanga (Tawnmang Lasi phuah tu) kha a tel bawk thin. Hetih hun lai hian C Sanga pa Zuia pawh kha an zing ah a tap ve fovin ka hria.
Thawk khat lai chu JBa te hi Vala ( Val kebaia)te nen tih ho an tum a, mahse an music taste kha a in ang vak lovin ka hria, perform pawh an perform ho ta lovin ka hria.
October 6th, 2010 at 10:37 pm
dr_feelgood, Vala (Valkebaia) i rawn sawi chhuak chu a, lung hlui avan tileng ve mawle, kan inzui ve nasa thin teh asin. A hnu phei kha chuan kan kawmchhak ah Pu Denghnuna te in kha a u Sente-i (L.Tochhawng) khan quarter ang khan a luah lehnghal a, kan inkawm char2 a ni ber mai.
Ka nuih a tihzat em em pakhat chu Shillong ah Tae-Kwon-Do zir turin Luthre-a hnenah a in ziak lut ve a, zirtir ngaihna a hrelo khawp mai. An unau kianga awm kha a hahdam ve hrim2 a ni, nuihna tur lah a tam, fin lah an fing.
October 6th, 2010 at 10:39 pm
Val kebai-a in tih khan class 8 ah english min zirtir thin. A aw a CK lutuk. lol
October 6th, 2010 at 10:44 pm
BMW, Azl college ah leh JL ah khan a thawk kawp thin a, JL ka kal phah fo mai
October 6th, 2010 at 10:46 pm
HV. Vala chu ka kawm nasa vak lo, mahse ka thian kawm te thian ania. An thil sawi ka hriat reng chu, naupan laiin Shillong ah thirchhia an hralha, Vala hian a patla mawng kha a en saka, a buk tirit tur in ser lung awmna lam ah vai pa khan magnet a lo dah an hmu an ti thin. Vai phakar zia pawh a man hmel khawp mai.
October 6th, 2010 at 10:52 pm
dr_feelgood, hetah hian sawi ngam nise, sawi chakawm tak2 a tam khawp mai. Mi fing, zaithiam, tingtang perh thiam, Table tennis thiam, Carrom board thiam etc etc a nih kha.
Vanapa hall hnuai, excise office kianga zu zawrh lai khan, lenpui ah min sawm a. Pawisa pakhat mah ka nei lova, a ni pawh chuan a lo nei bik chuang hlei law. Carrom board penin an lo inchawi a, chu2 kan innghahna a ni ta. A chakber kha Rs.100 inchawi puiah a sawm a, an pen dun ta alawm mawle. Vala chuan a zawhna tur a pen rualin a thokang a, chibai turin a kut an phar chhuak a, chumi chhung chuan a striker pen bounce kual kikawi chuan a dice kha a chhu lut chhak, nalh ve tak a ni.
Hetiang kher nilo, danglam mak tak2 a tam mai 
October 6th, 2010 at 10:56 pm
HV, Sir Vala carrom pen luh dan vel chu a van vai film changtupa vel ve! a Rajnikanth tawps
October 6th, 2010 at 11:05 pm
Lunghlui a leng thin, … tih mai a va awl ve. J.b a sam sei hnuang mai, mini bullet a’n karkalak a, a’n tlan thum vut2 te kha nimin lawk ang mai khan ka’n hmuh chu!
Rock wizzard etc te pawh rawn ti leh teh a H.V ?
October 6th, 2010 at 11:07 pm
Vala chanchin ka thian te sawi leh chu, a ke bai nachhan a sawi dan chuan naupan laiin bunghnute hi a pui hnute (udder) atang hian kan fawp thin a, chuta tang chuan polio ka kai a ti thin. Tak Tak nge a in sawi mak ve niang, ka hre bik lo.
October 6th, 2010 at 11:08 pm
bmw, a thiam lutuk alawm, tih fuh chuan vawikhat chance ah a zo vek thei.
Benny, midangin han chhunzawm ve sela mawle
October 6th, 2010 at 11:08 pm
Naga band pakhat lo zin kha… an band hming ka hre ta lo, an guitarist erawh chu Dirang Lungalung tih emaw ni ta, kha pa kha pui ka va ti cher cher tak e aw… Highway star te kha chu zut hneh tak a ni.
Ronie(fam) pawh kha drummer ah chuan a tran ve kha maw te.
Black dog hi mp3 in a awm ka ring a ka dap chiam a, a tawp a tawpah ka hmu ta hlauh. Kan la naupang deuh bawka an hla sak ho kha chu ka hre pha ve vak lo.
October 6th, 2010 at 11:12 pm
ka la tui tlat. @ Benny. Rock Wizzard i tih khi Three Men Wizzard i tihna ani thei em? James B Ralte gutar&vocals,leh Rohmingthanga guitar, Fakhlena Bass leh Nhilhlova drums.
October 6th, 2010 at 11:14 pm
dr_feelgood #66 i hre dik maithei, ka zawt duh ngai lem lova, mahse “khawsikpui vang” an tih thin chu ka hria. Ka tawng tun lo hawlo sela, kan inzui dun nasa ve angreng si a, ke a kan kal dun hian hriat loh karah kalo kal bai ve reng thin, mak ve deuh a ni
min nghawk tawlh zel, ka uan khum emaw a ti thin a.
October 6th, 2010 at 11:16 pm
@dr_feelgood, Rohmingthanga kha The Flame ah khan guitarist ni em kha, Dinga (Dinthar) kha bassist a nia.
October 6th, 2010 at 11:22 pm
@As_K. Ka va hre mai lo ve. Rohmingthanga mimal takin kan in hre lo, mahse a chanchin an sawi dan chuan, guitar tuk chawp, fret hmeh sak lutuk pawh hi no deuhvin a zut thei an ti thi. Balck Magic Woman ( pliz dont mind BMW) kha a repertoir te zinga ami ani. Dingaa leh a U Tawa kha chu ka chiang, Broken Down Angel, etc te kha an hla te chu a ni thin.
October 6th, 2010 at 11:27 pm
Rohmingthanga of Chaltlang a ni maw in sawi, a thiam an ti thin khawp mai tih bak sawi tur kei chuan ka hre vak lo
October 6th, 2010 at 11:30 pm
Ni e, khang lai huna guitarist thra ber pawl kha a nia.
October 6th, 2010 at 11:41 pm
JB-a hla duh chuan hetah hian DL tur a awm ang, tiin a neice in link min rawn pe e.
https://jeremizobiaka.info/
Amazing Grace: JB-a
https://www.youtube.com/watch?v=tEDOKShVVQM
October 7th, 2010 at 12:22 am
@ 69, dr-fg, an ni thei ang. James b.ralte hi a reh ta vang2 hle mai.
Rawa kha a turu thin a sin.
October 7th, 2010 at 3:06 am
HV hi mi chahphur thiam khawp mai le.
U Zobiaka kha mi dangin an tluk lohna ni a ka hriat chu, a stage movement.
1976 nge 77 zawk kha ni U Zobiaka hian group dang lam tak kha Beat Contest-ah a rawn chhuah pui tlat mai a, hmeichhe tlei rawl pahnih nen, Swing Low Sweet Chariot an thlawh kha an thiam full. Kha mi kum kha’n Theatre Hall-ah tlar hma berah kan thu ve van mai a, The Vans an han che tan chiah kha, a chhung a leng lo mipui kha’n pawn lam atangin an Hall bang an rawn chhu keh-ah an rawn lut huk mai. Hall a rawn chhu chhe vek, Stage-ah Vanalruati/Vanhlupuii te ho nen kan tawm khawm. Kha incident a vang khan tuna Vanapa Hall hi a lo piang chhuak ta ni in ka hria.
Creation Flame khan 1976/77 Vanlalruati ne’n Nagaland an tour a, an lo duh rap.
@32 Unsung, An guitar khi Les Paul ni lovin Aria a nih khi. A neitu pa pawh ka hria in ka hria. Kha’ng hun lai kha chuan an in hawh sak vel mai mai thin.
U Zobiaka kha’n U ZSLa Lunglei lam mi kha, ‘Murray-a saw a thiam ber’ a ti thin.
Crimson Dust kha Shillong-ah MSU sum tuak nan kan chah thla a, kan hlawkpui lo khawp mai. An fee pawh sangthum emaw chauh kan pe ta in ka hria. U Me-an a Town bus-in a rawn hruai ngei kha.
Hmingthanfala Khiangte (Vala) kha a sial bawn tawp. A music taste a class a sang, The Boxer (Simon & Garfenkel) a nau Natea nen an han sa dun chiah chu thiam tak an ni. Natea (Hmingthanchhunga Khiangte) kha, bakthak ho chuan a u ai in thiam an ti zawk. U Me-a (of Zoa & Mea fame) inah an han jam thin kha chu ngaih thlak man hla tak a ni. Valkebaia tih kha chu a duh bik lo tawp mai a, Valte/Vala ti in an ko thin, Valkea te an ti bawk ! College Week an tih nawm thei thin zia te kha.
October 7th, 2010 at 3:48 am
Lemonvale, #77, hman kum lawk kalo hawn khan u Me-a te nen chuan a in (Shillong) ah shailendra te veng Zau-i te ho nen kan zai ho nasa mai mawle. In a lo nei tha em em mai a, a hnuai kha BTS-a (LPS!) nau ten an lo luah bawk a, nuam kan ti tlang khawp mai.
October 7th, 2010 at 3:55 am
u Vala chu angaihawm thin khawp mai.
October 7th, 2010 at 8:12 am
Pu Saithangpuia hi Sailo ani sia, A hnam hi a hmingah a dah tel ziah in ka hria.Candy kha chuan kum 20 hnu a Mizoram a lo haw leh hmasak ber khan a lo awm chilh a.A fa pai ang a insawiin a nei a.A hawthlak hnu reilo te ah Shillong lam mi-Garo thisen kai Pasal a neihsan ta a nih kha.2007 vel khan an Divorse tawh e.Candy pasal a nihloh chu.
Ka Sailo pui a nih bakah kan inhlat vak lova, ka hrechiangin ka lainat tawp.Ka U anga ka ngaih a ni bawk.
October 7th, 2010 at 9:53 am
JB a leh athiante kan sawi rualin Pu Sawma of Peter Street – an manager kha fak tlak niin ka hria.kan high school kal lai a nia.kha tih hun lai ngaihtuah chuan Zofate Western music lama sulsutu an ni.fak aiin chawimawi an phu
October 7th, 2010 at 11:45 am
73
H.V # Rohmingthanga (Raw-a) of Chaltlang chu a hunlai kha chuan Mizoram Best Guiterist a nih thin kha maw, thiam tak a ni. James B. Ralte (Vala ve tho) khan pakhatna a rawn huah ve leh a, ti chuan ‘Rock Wizard’,alo piang ve leh ta a nih kha maw le…lunglen thlak thin ma nge !!!!
October 8th, 2010 at 8:49 pm
Belh leh lawks… Dahne London singing JBa’s Transparent Sea
https://www.youtube.com/watch?v=Js7I0313xTg