Mi fing finna chu ka tiboral ang a,
Remhre remhriatna chu ka paih thla ang
He thu hi tirhkhoh Paula’n Korinth khuaa mi te hnena a lekhathawn pakhatna a mi a ni a. Amah tirkoh Paula chanchin hi keini Mizo Bible ngaina hnam chuan lehkhathiam leh zir sang a nih kan pawm tlang hlawm awm e. He 1Korinth 1: 18 – 31 chhungah hian mifing in Pathian a hmuh hmaih dan chu hnam pahnih te hmanga tehkhinna siamin Paula hian a rawn sawi lang a ni.
1) Juda-te: ‘Juda-te chuan chhinchhiahna thil mak an phut kher a (1Kor 1:22).’ Amah (Paula) hi Juda/Benjamina thlah a mi a nih angin leh Pharisai, Dan hre mi a nihna atang pawhin an hnam nun leh ziarang chu a hre hle ta ve ang. Aigupta atanga Mosia hmanga hruaichhuaha an awm laia Pathian kut chak ropui tak chu Juda ho hian an hre reng a, Pathian an beiseina pawh helam hawi zawnga hnathawka a awmloh chuan an ring mai mai duhlo. Lal Isua hnenah pawh Mosia hun laia Pathian thiltih anga van atanga chhihchhiahna an phut a, Amah ngei pawh Kross ata chhuka a intihdam hma chu Pathian fapa ah an pawm thei lo a ni.
Kan tunlai khawvel nun lo thlir ila, ringtu intite zingah leh inti lemlo ah pawh Pathian hi kan dah Superior em em a, a chetna tur awm leh awmlo ramri kan kham saka. Kan zinga awma min pawla mihring ang taka leng ve turah kan ngai theiloa, Miracle hlangah kan ngaia harstana kan tawh chauha che turah kan beisei thin. A chhe lam zawnga hnathawk turah kan ngailoa, misual zinga awm theiah kan chhiar tello thin,inti Pathian thu hrelo awm takin “He lam chu ka subject a ni lo” kan ti a, kan hnenah a awm tho si (Sam 139). Hindu sakhua lahin adversity anih hrim hrim chuan Pathian tih ah an pawm thei lo. Helam chu kalsan phawt mai ang.
2) Grik-te: ‘Grik-te lahin finna ngawt an zawng a(1Kor 1:22).’ Paula hi Grik rama zin thin leh an tawng pawh thiam anih mai bakah an zirna lam pawh thui tak a hria a ni (Paul of Tarsus Free Encyclopedia) . Grik hohi Science, Mathematics leh Astronomy lamah an sang em em maia (Israel an awp lai pawhin hnam in duh ve tak Juda ho pawhin an thiamna duhvangin Hebrai tawng an theighilh phah hial a ni). A chunga mi kan sawi tak te anglo taka in ti fingin ‘ Miracles’ pawm lo leh tlat anni.
Pathian hi telve lo leh awm ve lo ah anngai hmiah maia, Pathiana innghah leh rinna chu thil atthlak leh ngaihruatna ang lek chauh a ni. An zir sangin an lo fing deuh deuha Pathian awmlohzia hmu deuh deuh in an inhre taa. Atheist , Sciencetology, etc. tiin an nihna pawh an puang ngam ta hial a ni. ‘Lalpa tih hi finna bul a ni’ ti mah ila, hemi avanga mihringin Pathian a hlat thin avangin Pathian chuan finna te, thil awmsa te, thil chak te chu tihmualpho nan an hnenah a cheng duh ta hauhlo a ni.
Solomona finna petu kha Pathian a ni a, Pathian tlarau in a kalbo san khan a finna chu ala ngai reng (Thuhriltu 2:9). A fin avang khan Pathian a hmu mai tawh bik silo, a nun a ruaka hrehawm a ti em em a ‘Thuhriltu’ a ziah phah ta hial a ni ( Finna hmanga Pathian hi zawnchhuah theih a ni lo tihna nih chu).
Kan tunlai nun i thlir leh ila ka subject a nilo, ka tuina/line a ni ve lo ti an awm a. Lehkhathiam leh officer ka nih vanga ka lo fing tak hnuah chuan Pathian faka lam chu inhmeh tawhlo kut benga zai pawh kan thiamna nen chuan zahthlak tan tawh riau a ni. Hetiang thlirna chiah hian Mikali khan a pasal Israel lal ropui Davida’n saruaka Pathian faka a lam kha alo zahpui tawh a ni (2Samuela 6:16). A thih thlengin fa a nei ta lo a ni (2Samuela 6:23).
“LALPAN i fin leh thiam avangin a hman che beisei lola, LALPA chu a tlachham lo tih hre reng angche. Khawngaihna ngaihna tur leh thuhnuairawlh taka awma dik taka ti thin turin min duh zawk a ni.”
Similar Posts:
- I Tawngtai Dan Kha
- Engvang nge Isua KA PA ti a a tawngtai thin?!!
- THIL TAK LEH TAK LO
- Bible Hi …
- Isua Pathian a ni lo
October 6th, 2010 at 8:15 am
A HMASA berah chuan ka misual pui zawng zawng te MIFING siamtu PATHIAN hmingin ka good morning theuh a che u. A DAWT lehah chuan, ‘have a good day’ u le. Tin a PATHUMNA ah chuan rinawm taka mahni hna theuh vawiin atana thawk theuh turin duhsakna sangber ka hlan theuh a che u.
Report this comment
October 6th, 2010 at 8:23 am
Asteric : a chhe lam zawnga hnathawk turah kan ngai lova A dik ka ti a. I sawi tum ber erawh ‘Pathian hian a chhe lam zawng pawn hna a thawk tho’ tih niin a lang a. A chhe lam zawngin hna a thawk ni lovin, zalenna min pek kan hmangsual thin a ni lekfang zawk lo maw?
Report this comment
October 6th, 2010 at 8:56 am
2 Sam 6:16
And as the ark of the LORD came into the city of David, Michal Saul’s daughter looked through a window, and saw king David leaping and dancing before the LORD; and she despised him in her heart.
KJV
Davida kha SARUAK-in a lam thu a va lang lo ve … FINNA (philosophy) leh CHHINCHHIAHNA leh THILMAK (signs and Wonders) lam atanga Pathian hi zawn hmuh a ni lo. A Fapa Yahshua Messiah hmanga min rawn zawnchhuahna zawk kha rinna (faith and belief) lama lo dawnsawn a ni zawk!
Report this comment
October 6th, 2010 at 9:23 am
Khawvel pum thlirin mifing/hausa apiang an bo mai zawng a nih hi. Hmanni paw’n scientist pakhat kan khel chiam tawh kha. A chhanchu Pathian mamawh lovin an inhre tlat. Mi mawla min siamtu Lalpa chu fakin awm rawh se.
I ziak tha khawp mai.
Report this comment
October 6th, 2010 at 9:34 am
AMEN HALLELUIAH
Report this comment
October 6th, 2010 at 9:48 am
Tlawmna nen loh chuan Lalpa a dawr chi loh.
Report this comment
October 6th, 2010 at 10:09 am
sawi zui tur ka va hrelo e.. O_o
Report this comment
October 6th, 2010 at 10:14 am
Post tha lutuk. Last para khi tha ka ti lehzual.
Report this comment
October 6th, 2010 at 10:19 am
‘Rinna hi thiltih tel lo chuan a thi ani’ tih te leh ‘ka thiltihtheihna chu chaklohnaah hian asin tihfamkimin a awm’ tihte hi a tawk leka chawhpawlh thiamloh chuan a buaithlak riau hian ka hre ve thin. Pakhat kan lak vawng lutuk hian Pathian hnathawh nghak lek lova mahniin tihvek tum a tha silo. Pakhat zawk lak vawng lutuk lahin mihring lamin tihve tumna reng reng neihloh a thuthluang theology lama luh a hlauhawm bawk si. Aw a har ka ti mange… Ka OT em aw..
Report this comment
October 6th, 2010 at 10:20 am
Q: Finna bul enge ni?
A: LALPA tih hi finna bul a ni – Thufingte 1:7
Mifing nih duh chuan LALPA tih mai tur.
Report this comment
October 6th, 2010 at 10:37 am
Pathian thu post te hi i uar tlâng teh ang u.
Report this comment
October 6th, 2010 at 10:40 am
#2 coolsoul09: I rawn point out tha khawp mai. Ka lo hmanhmawh deuha, ‘mihring ngaiha a chhe lam zawng’ tih tur a ni.
#3 chawnghilh: A Bible chang thu ka rawn dahlo a,a hmusit thu tifiah turin kan zawn hmuh theihna lai tur ka lo tar lang zawk a ni. Saruaka lam anga sawi anihna lai chu 2Sam 6:20 ah khan a awm e. Theology zirl ka ni lo a, eng saruak a sawi na nge phei chu ka hre lo, ka tar lan tum ber a chu Mikali’n a ngaihnepna lai khi a ni e.
Report this comment
October 6th, 2010 at 10:40 am
#2 ka thlawp khawp mai. Khamrang pawh sawi dik fu ni.
Report this comment
October 6th, 2010 at 10:45 am
Kan Pathian hi Pathian thik thu chhe tak ani tih pawh kan hriat angai..
Report this comment
October 6th, 2010 at 12:01 pm
kan Pathian hi Thinrimna Pathian leh mitin thiltih ang zela thungrul thintu Pathian a ni. I ziak tha hle mai.
Report this comment
October 6th, 2010 at 12:09 pm
Tha hle mai. Mihring finna hi engmah lo a ni reng a ni.
Ka sawi sual ang em aw. Tunlai ang ah chuan khawvel taka mawl viau pawh a fuh lo mai thei. Fing ve deuh outlook zau ve deuh nih a ngai ringtu pawh hi.
Pu Pawla pawh kha mi fing tak a nih kha.
Report this comment
October 6th, 2010 at 12:23 pm
Mihring finna atanga Pathian ropuina hi chhuichhuah theih chia nilo…..
Mifing siamtu finna petu Pathian kha ani miau a…
Report this comment
October 6th, 2010 at 12:24 pm
Mihring mihrinna hianin
A ngaihtuah chhuak zo lo a che,
Ka chhandamtu i thuruk hi.
Report this comment
October 6th, 2010 at 12:31 pm
CFL a avatar chu min ti nui char2 nia male..a chhan poh ka hrelaw..
Finna a san viau tawh rualin Pathian thil siam ngaihtuah hian tehkhin hi chuan ka hmu ho sawt thin. Ti te hian ka ngaihtuah vel a ” Man never really invent,he discovers”
Report this comment
October 6th, 2010 at 12:42 pm
ahemsss….
Report this comment
October 6th, 2010 at 3:21 pm
‘Lalpa tih hi finna bul a ni’ ti mah ila, hemi avanga mihringin Pathian a hlat thin avangin Pathian chuan finna te, thil awmsa te, thil chak te chu tihmualpho nan an hnenah a cheng duh ta hauhlo a ni.
“LALPA tih hi finna bul a ni” tiha FINNA hian khawvel thila finna ai mahin Pathian ngaiha finna lam a kawk zawk lo maw? LALPA tih avanga fingte hian chu an finna chu Amah LALPA bosan nan an hmang anga i sawi khi kei chuan ka pawm lo tlat mai! Khawvel finna hmanga fingte zawk hian Pathian an bosan thin a ni zawk e!
Post tha khawp mai.
Report this comment
October 6th, 2010 at 4:35 pm
Pathian hian min siam a..min chhuahzalen deuh tawp mai niin i hre ve zawk lo maw?
Asteric, i thuziak ka rawn quote lai khi ka pawm loh thu ka sawina a ni. Pathian hi kei chuan a chhe lam zawnga hnathawk turah ka ngai lo hrim hrim.
Kan chunga harsatna leh manganna lo thleng thin te hi he khawvelin a kalpui, mihring kan nih chuan kan tawn ve tur reng ni maiah ka ngai a. Pathianin a rawn thlen niin ka hre lem lo. Harsatna leh natna tam zawk phei hi chu keimahni chungah keimahni ngeiin kan nun kan thlahdah vang te, kan fimkhur tawk loh vang te, nawmsakna kan um luat vang tein kan leihbua ni maiah ka ngai. Chuvanga, ‘mihring zalenna’ chungchang rawn tarlang ka nia..i hrethiam em aw..ka thlir dan hi?
Report this comment
October 6th, 2010 at 5:38 pm
#21 keimah: Detail taka helai thu hi ka sawi fiah dawn chuan a sei dawn lutuk a ka rawn kai tawi ta mai a ni. He thu hi Solomona sawi kha a ni a(Bible thu awmsa leh diksa a ni), finna nei chung khan a mangang a hrehawm tak tur a ni. Paula’n “Nimahsela, Pathian chuan khawvel mite ngaiha thil ate chu mi fingte tihmualpho nan a thlang a(1Kor 1:27)” a tih angin “Lalpa tih hi finna bul a ni” ti thin mah ila khawvel mite ngaiha atna a ni a, kan hriat finna ang (Solomona pawhin alo experience tawh) ahte hian a cheng ngai lo a ni. Amah (Solomona) pawhin a theihpatawpin a nun hlui kohkir leh tumin nawmsip bawlna nia a hriat tinrenga a tha a sen hnuah “Ka hahthlawn mai a ni” a ti ang khan ‘Lalpa tih hi finna bul a ni’ ti thin mah ila he a malsawm finna min pek ahhian Amah tihna a awm tawhloh chuan a cheng ngai ta lo a ni.
He khawvelah Lalpan malsawm che in dihmun sang takah (IAS i ti mai teh ang) a dah che a, i phatsan hnu pawhin i nihna abo chuangloa “Lalpa tih hi ka IAS nihna a ni ti mah ila ka IAS nihnaah hian a chenglo a ni, ka la ni tho si a ka thlaphang e mai” tiin sawi ta ila k sawi tum chu a phawk zo angem aw?
Thu ka lo duh deuh anih pawhin ka sawi tum ber chu a Bible thu diklo tihna nilo in Pathian tih finna a ni a Amah tihna a telo lai tak finnaa a chenlohzia ka sawi tumah milo pawmsak mai dawnia.
Report this comment
October 6th, 2010 at 5:50 pm
#22 coolsoul09 : Mihring ngaiha a chhe lam zawng hian indirect takin a thawk ve fo a sin, setana a hnuai chhiah zia lanna pawh niin ka hria. Farawa thinlung tikhauh tu leh Joba hremna pe tur a thunei tu leh Israel fate luhlul avanga sala tantir tu kha kan Pathian hi a ni. I nunah harsatna alo thlenin Pathian tihah ngai hmiah rawh, setana hian Pathian phalna lo in mihring chungah harsatna a thlen thei tawhlo. Amah ringtu kan nihchuan engkim kan chunga thleng hi Ama remruatna veka thleng a ni. Pathian thlen tira i pawmloh chuan tu hnenah nge ngaihdam dil a i kal ang. Kan samzai pakhat pawh chhiara kan nunna a mitnote anga vawnga kan taksa Pathian in a ni titu hian min chhuah zalen mai ka ringlo a sin.
Report this comment
October 6th, 2010 at 8:34 pm
@ Asterik and Coolsoul:
Kan chungah Pathian hriatpuina in thil engkim a thleng a,duhthlanna nei tur erawh chuan min chhuah zalen a; Nie, kan sualrah tawng baw tur paw’n.
In dik tlang viau nilawmi
Report this comment
October 7th, 2010 at 12:12 am
Ka at bik vang em ni, post tupa sawi tum ber ka man mai lo tlat. Mifing vrs Pathian?? ka duh duh dan in kan sapatal ve mai mai:
# Finna hi source hnih a awm, Pathian atang leh Setana vis-a-vis khawvel finna. Finna ti a generalise pawp pawp loh tur(request). Sakhaw diklo zawng zawng khan Finna Pathiannu an nei vek – Egyptian Seshat, Greek Athena, Roman Minerva, Hindu Saraswati, adt. Post rawn refer a Greek ho finna Pathian in a duhloh hi Greek paganism finna leh philosophy Gnosticism ani. Heng Gnostic ho rindan hi ania Johana 1:1 a a rawn challenge a, ‘A tir in THU a awm..’ a rawn tih ni. Chutih laiin miin finna a tlakchham chuan ui lova petu Pathian hnen ah dil turin Jak 1:5 ah min hrilh thung.
Kros thu chu boral mekte tan chuan atna..tih te hi kan la sual a, at chhalh(lamtual ah) te hi rau te kan tia, men kar te hi rau lo kan tia..at zawk hi boralmek te zia anih thu a sawi ani reng zawk si a… :lol:
Report this comment
October 7th, 2010 at 12:39 pm
Asteric#23, i sawi tum dan chu ka hrethiam tho ve.
@zoho#26, Amen!
Report this comment
October 7th, 2010 at 1:16 pm
Min siamtu a ni a, finna leh remhriatna pawh chu a duh hun hun-ah a la bo thei a lawm. A la lak bo hma erawh hi chuan “Ka ngaihdan chuan…..” ka la ti ve thei hi a hlu ka ti!
Report this comment
December 12th, 2010 at 5:29 am
I Korinth 7:18-20, “Serh tan tawh hnu koh an awm em? Serh tan loh mi lo ni suh se. Serh tan lohva awm koh an awm em? Serh tan tir suh se. Pathian thupekte pawm chauh lo chu serh tan hi engmah a ni lova, serh tan loh pawh engmah a ni hek lo. Mi tin kovah an awm laia an chan pangngaiah chuan awm reng theuh rawh se”. Galatia mite hnena lehkhathawn bung 5:3 ah pawh heti hian a sawi a, “A ni, dan thu zawng zawng zawm tura batu an ni tih serh tantir apiang hnenah ka hriattir nawn leh e,” tiin. Heng thute hi kan thurin thianghlim thlahthlam a an sakhaw dan la lut ve tura min beitu Kristiante hian chatlak lova vawn that tur a nihzia hi hre reng teh sela aw.
Report this comment
December 12th, 2010 at 5:30 am
I Korinth 10:8, “An zinga thenkhatin nula an ngai a, ni khatah singhnih leh sang thumin an tlukhlum phah ang khan i inngai hek suh ang u.”
He chang tawiteah hian tihdik loh a awm leh hman pek a. Thlarau thawkkhum hiala ngaih, lehkhabu ni se chu sawi bik/hmerh bik neihna tin rengah a dik chiah zel tur a ni a. Number 25:9-ah chuan hripui avangin mi sing hnih leh sangli, singhnih leh sangthum ni lovin an thi a ni.
Report this comment
December 12th, 2010 at 5:31 am
I Korinth 6:3, Paula chuan heti hian a sawi a. “Vantirhkohte lam pawh ro kan relsak dawn tih in hre lo vem ni?”. Tisa mi chu taksa nei lo, thlarau mite rorelsak (judge) la ni tura a rin chuan Apostol ngaihruatna hi a va ropui dawn em! Israel zawlnei ropui ber ber te lah chuan vantirhkohte chu kan hriatna tawp chin neite piah lam daiha awm an nihzia an lo hriatpui tawh si a. Hmuh theih rorel thukhawm ho hnenah engtinnge hmuh theih loh mite chu kan koh khawm theih ang le?
Report this comment
December 12th, 2010 at 5:33 am
I Korinth 5:1, Paulan amah zuitute a pan a hetiangin, “in zingah inngaih a awm tih thu a thang vel chiam a ni; chutiang inngaih chu Jentailte zingah pawh awm ngai hlei lo, in zinga mi pakhatin a pa nupui a neih kha.”
Paula hian ama ziah zawng zawngin an kawh angin, Kristiante chuan Mosia dan zawmna atanga in enkawlah a ngai a nih chuan, an sakhaw rawngbawlna emaw bawhchhiatna emaw ramri chin chu khawilai nge ni ta ang, Isua khan dan leh dun thar a puang zar lo tih hriat a ni si a? A zuitute khan Mosia dan thenkhat zawm a a then hnawl bo tur hian Christianity dintu khan eng phalna mah an pe chhuak lo a ni tih a chiang hle a ni.
Report this comment