Ruahsur leh lei min nasa avanga Mamit khuaa chhiat tawk, in leh lo chana lungngai taka awm mekte tanpuina leh chhawmdawl nan ‘MISSION FOR MAMIT’ programme chu Mizo Gospel Singers Fellowship, Mizoram leh ZONET tang kawpin 14.10.2010 zan dar 8:00 atanga tanin hman tum a ni a, hetah hian a duh apiang, (sum leh pai)-a tanpuina pe duh tan live-phone-in (helpline) a awm bawk ang. A hmun tur pawh Ignite Studio-in an thawh a, sound system pawh Delta Sound in an rawn thawhchhuahpui dawn bawk.
Gospel Band hrang hrangte leh Gospel Top Artist te an zai bawk ang. He programme hi LIVE-a tih chhuah a ni ang. Kan ram chhungah ngei, in leh lo pawh chana chhiatna rapthlak tak, kan Mizopui ten an tawh mek lai hian an tana malsawmna kan ni thei a. Ramdanga chhiatna tawkte tana kan neih sum kan thehchhuak phal thin ang khan tunah pawh kan Mizopuite tanpuina tur hian kan theih tawp chhuah leh turin Mizoram mipuite kan ngen nawn leh a ni.
A tlem leh tam lamah buai lovin, kan remchan ang leh kan phal ang tawkin tanpui mamawh em em kan unaute tan hian ke i pen chhuak teh ang u khai. He Mission for Mamit programme hlawhtlinna hi i kutah a awm a, a hlawhtlinna tura i inphal a nih chuan tun atangin ZONET Office-ah Office hun chhungin a thehluh theih reng a ni. Tin, he mission atan hian Gospel Singer te pawhin khawlaiah leh inah carol an tum bawk. Carol tura sawm duh tan pawh sawm theih an ni. I tanpuina, kan Mizo unauten an mamawh e.
Hrechiang duh tan Ph No. 9862247264 /2346000-ah zawh fiah theih a ni. He Mission tih hlawhtlin nana Gospel Singer, che chhuak thei tur apiangte chu heng no. 9862247264 / 9862368012-ah te hian inhriattir turin Mizo Gospel Singers Fellowship, Mizoram chuan a ngen a ni.
