Prism leh an thawhpui pawl 6 – SOSA, FOMTU, Y4M (Lunglei), SDYC (Serchhip), LDDVF (Lawngtlai) leh SDDVC (Saiha) te bultumin October 28, 2010 (Ningani) khian Babutlang-a Archives Hall-ah ‘sorkarin an party election manifesto an bawhzui dan thlirhona hun’ – Mizoram Watch programme hman a ni dawn.
He hunah hian Congress kaihhruai sorkarin eng ang chiahin nge an election manifesto an bawhzui tih chu thupui ber anih dawn rualin sorkar kalphung leh hmalakna fak emaw sawisel duh nei, a duh apiang tan thu sawi theih a ni dawn a. Programme hi video-a cover tur niin local cable TV hrang hrangah thehdarh tur a ni.
Mizoram Watch hi April, October leh December 2009 leh April 2010 khan hman tawh a ni a. A ngaihven mi tan chuan a bengvar thlak thei hle a ni. Tuna programme neih tur hi chhun dar 12:30 atanga tlai dar 4 thleng hun hman tur a ni a. Hemi ni puala Prism in an buatsaih booklet – LURH chu a duh apiang tan www.myprism.org atangin download theih a ni.
Ram vei tu, ram kalphunga lungawi zawh loh avanga au au thin misual ho tan tel theuh chi a ni lo maw?
