Val hi!!! (^_~)

October 29th, 2010 5:55 am by kawlhawk

Val Luck lo Invaupung Hla (Sandman-a pual) :lol:

Lal Sibuta’n Darpuii Sial ang a chhun an ti. En teh, nang vanga ka tawrh hi, Darpuii tawrh ai a nep chuang bik em ni le?!

I zuapa’n chhiahhlawh iang min hrawk,
I chûnnu’n khual Ar iang min hnawt,
I laizawnin hmelma iang min tàwng,
I Nutapa’n Uicho iang min ùm–

Tuar zel mai na’ng e, Val hi!!!

I Pu-in Rân sual iang min hêm,
I Pi-in Khuaivah iang min ûr,
I laichin te’n ruk hmang iang min melh,
I rual duh te’n ùm-uih iang min bawl–

Beidawng dawn lo rengs, Val hi!!!

Ka zuapa’n àt khat i chèng ta min ti.
Ka chûnnu’n enkawl i ngai a ni min ti.
Thenrual te’n phû lo i chhai sual an ti.
Kawtlangin beidawn a hun viau an ti.

A ni. Hmangaihna-in a bual àt, Val hi!!!

Ka tiam a che… Tha par, ka tiam a che.
Min thlan chuan, nun hlimin ka siam ang che.
Min nei rawh, nuamsain ka dah ang che.
Min pawm la, lei Eden ka thlen ang che.
Min zàlpui teh, nuam vawrtawp ka tem tir ang che.

Min han nei rawi(h) mai teh la–
Hlim sâng ka lo ni mai tur!
Hmangaih phawt a tul em ni?
A piang chawp thei an tia lawm.
I tan engkim mai ka huam,
Keipui hliam pawh ka chhawn huam!

Mahse..
Nang vanga mi nuih sawh leh,
Kâmchhia hial dawng thin mah i’;
Hreawm tinreng phur ngamin,
Ka theih bak inhuam mah i’;
Ka thâi i chan nà chuan e–

Min va ‘bàwi’ dawn lo rua e, Val hi!!!

Mipa ka nih ang ngeiin,
I chungah ka chûang ang a;
Ka hnuaiah i tlu ang a;
Ka hmaah i kun ang a;
I lû-ah ka thu ang a;
I tan ro ka rel tawh ang.

Aw… a va nuam dawn em, Val hi!!!

34 Responses to “Val hi!!! (^_~)”

1
Ultraviolet Says:
October 29th, 2010 at 5:57 am
Good morning in za vaiin!
2
ainawn Says:
October 29th, 2010 at 6:09 am
Commen2 phawt.
3
ainawn Says:
October 29th, 2010 at 6:14 am
Sandman chu vannei bik hle mai.Mahmi pual liau liau a khitiang hla thu tha neih hi harsa deuh ania.Congrats.

Ngaihnawm tham a lawm le.
4
Benny Says:
October 29th, 2010 at 6:37 am
Zing thang thangah hla ruahthamloh han dawn bik chuh! Thik awm mai dawn a lawm le.
5
chawnghilh Says:
October 29th, 2010 at 6:44 am
An chunga kan that chuan, anni pawhin an dawhthei chawk, an ti! :wink:
6
Maisek Says:
October 29th, 2010 at 6:52 am
Kawlhawk, Val hi, i lo nep lo hle mai! i invaupung nasa lutuk a, a tawpah phei chuan kan hlau che anih hi! (Sandman-a chu i pual liau liau in hla a phuah sak bik che ania!) :thik:
7
paeia Says:
October 29th, 2010 at 7:07 am
Val ho khan han sawi pui teh u!
8
littlerascal Says:
October 29th, 2010 at 7:41 am
han comment mup mup teh un
9
shailendra Says:
October 29th, 2010 at 8:05 am
hahaha… a lem nen ni thei se la… :lol:
10
khamrang Says:
October 29th, 2010 at 8:06 am
Aizawl tlangval jean jacket ha, simco hair fixer hmanga sam kan han khuih pial zeih mai hi chuan e, Darlalpui mi tuar zo lovang :lol: :lol:
11
As_Khiangte Says:
October 29th, 2010 at 9:07 am
duh ber te neih chuan thaiboi deuh mah ila a pawi vak dawn mi :lol:
12
Rempuii Says:
October 29th, 2010 at 9:18 am
Va sexy em em ve ou.. Dedicate fuh hle maiii..! :mrgreen:
13
dawihzep Says:
October 29th, 2010 at 9:50 am
A va ho tehlul em!
14
H.Vangchhia Says:
October 29th, 2010 at 9:53 am
Hla thlankhawm min tih hriat chhuah zawk chu a hairehai
15
loneeagle26016 Says:
October 29th, 2010 at 9:59 am
Tunlaiah chuan ‘hmangaihna’ tih chiam ai mahin ‘sum’ lama intodelhte hi a ngai toh anih hi aaaa lolzzz
16
H.Vangchhia Says:
October 29th, 2010 at 10:06 am
#15 eiru lova taimakna atanga intodelh.
17
kawlhawk Says:
October 29th, 2010 at 10:23 am
POST HO BER OF THE WEEK! :lol:
18
loneeagle26016 Says:
October 29th, 2010 at 10:28 am
#16, dik khop mai, Eiruk chu ‘moral’ hi a nget pek a, tih loh2 tur hi kan ti fo mai ani kan thianpa in ati !
19
malsta27 Says:
October 29th, 2010 at 10:39 am
Van tha thin em lolzzzzzzzz
20
XaiA Says:
October 29th, 2010 at 10:42 am
Nang erawh chuan hmawngang min pawm si…Valhi :lol:

Thuk leh raih mai…kawlhawk nge nge.
21
Makima Says:
October 29th, 2010 at 10:48 am
Mipa ka nih ang ngeiin,
I chungah ka chûang
ang a;
Ka hnuaiah i tlu ang a;
A va tha em,ka tan tawp
22
Vlremruat Says:
October 29th, 2010 at 10:57 am
I tawn ang tawng hi an tam viau ang..ka hlimpui zek..
23
^-||RaLtE||-^ Says:
October 29th, 2010 at 11:16 am
Sir kawlhawka chu aw… U Pu Sandman-a tih nuih ver ver dan thiam hle mai a…
24
hmingtea Says:
October 29th, 2010 at 11:17 am
Kawlhawk i duailo hle mai tha thak thak ve le.Ngalfimin dam seng vul reng rawh.
25
Hrephrupa Says:
October 29th, 2010 at 11:20 am
A that hmel khawp mai…! kan zaithiam tam vanglai kha chu ni se chuan an sa leh daih tawh maithei ani (Demand channel velah)..
26
kawlhawk Says:
October 29th, 2010 at 11:35 am
hmingte, ka lawm e. ni e, ka dam reng ang pathian zarah.
||RaLtE|| a nui vur vur mai an ti.
27
Ku Muanga Says:
October 29th, 2010 at 11:37 am
Val hi, khawih tha leh khawp mai. Kawlhawka ngaihtuahna ang hi chu kan pha ngang lo chu a ni e.
28
Kawnga Says:
October 29th, 2010 at 12:14 pm
Hla pui tak a ni! Pui tak!
29
thlanrawkpa Says:
October 29th, 2010 at 1:06 pm
“Min han nei rawi(h) mai teh la–
Hlim sâng ka lo ni mai tur!” fuh riau lawm…hehe!!
30
Ozima Says:
October 29th, 2010 at 1:21 pm
Min han nei rawi(h) mai teh la– a nuam awm veiiiii

rated *****
31
Fellington Says:
October 29th, 2010 at 3:00 pm
thlùkna dahna thenkhat khi ka ngaimawh ve mai mai…a thu chu thra phian leh nghal a.
32
Jacka Pi Says:
October 29th, 2010 at 3:40 pm
‘Min zalpui teh,nuam vawrtawp….’ tih lai tak khi chu ka tim deuh !:-)
33
muantea Says:
October 29th, 2010 at 10:24 pm
Khai aw!! A va tha leh pek em! Prose a ziak nise thui tak ziak ngai tur kha, heti hian tha zetin poem i rawn hmang zaih mai hi a va zei thlak ve!
Amaherawhchu, keini ang duang hi chuan nupui hi ngam atana kan neih a ni lova, ‘Val hi!’ han tih mai hi kan harsat teh a nia :lol:
34
Lersia Says:
January 28th, 2011 at 11:49 am
@kawlhawk, Thaibawih ho zilhna hla ni awmtak ani.