via https://buannel.com/2010/10/press-release-of-college-veng-ngo/
MZU Sports neih laia nitin buaina chhuak leh a tawp ni a buaina lian tak zirlai ten an siam chung changah College Veng VC leh YMA ten Joint Press Release kan siam anih kha. Hrangbana College Alumni President Pu Lalhmachhuana Zofa in MZU Sports neih apianga buaina awm thin tha a tih loh thu a sawi leh an zirlai ten College Veng nu leh pa te rilru tina khawpa an chet pawi a tih thu a sawi khan College Veng mipui rilru a thawi dam a.
Thu a tawp mai dawn emaw kan tih laiin October ni 20.2010-a Hrangbana College Student Union hruaitu ten Aizawl Press Club-a thu thar lakhawmtute hmaah leh Daily News Paper hrang hrang leh Electronic Media hmanga dawt tam tak an puangzar ta mai kha a lungchhiatthlak kan ti. Hei hian Zoram mipuite rilru a hruai sual dawn a, zirlaite thinlungah dawt pawisak lohna te, pawi khawih chakna te leh thisen chhuah duhnate a tuh tan mek niin a lang a. Hemi ven nan hian Press Statement hi siam kan ni a.
Hrangbana College Vice Principal, Lecturer leh Student Union hruaitu ten an zirlaite pawi khawihna avanga College Veng VC leh YMA te hnena an thupha chawina aw ri thangkhawk pawh a reh hmaa, a lehlinga vuttui thlawrbel an tih ang maia thu an theh darh ta chiam mai hi a pawi khawp mai.
Kan Press Release a kan sawi tak ang khan PUC College Campus chhung atangin an buai tan a, HBC leh Govt. Aizawl College Football Final an khelh lai atangin buaina hi a chhuak der tawh a. Buaina siamtu zirlai zurui Police in an man tawh pawh HBC zirtirtu ten an ngen avangin chhuah leh a ni a. Thlavang hauh tlak loh zirlai zurui buaina siam pawh an chhan zel avangin zirlaite hi an pawngpawrh zual ni te pawhin a lang. PUC Campus chhung atangin Main Gate-ah a rawn buai chhuak a, VC leh YMA hruaitu ten zirlaite chu vengchhungah buaina siam lo tur leh veng chhung atanga inthiarfihlim tura kan ngenna te chu “VC mai mai, YMA ve mai mai a nep em mai” tiin min nuihsawh a. Dawh thei takin, thahnemngai taka ngen chungin kan nawr chho hret hret thei chauh anih kha.
HBC naupangte leh PU College naupangte hi an inthathen hauh lova, PU College naupangte hi Gate chhungah an hotu ten an khar hnan tlat chung pawhin HBC naupangte hian Gate chhungah an luhchilh leh hram a, Police, VC leh YMA ten kan thelh hnu pawhin luhchilh an la tum tang tang reng bawk a, PU College zirlai te Bus pathumin an in phurh haw tawh avangin buaina pawh hi a ziaawm zawk niin a lang. HBC zirlai pawisawi lo kan veng chhung mi ina tlanlut te pawh kan YMA leh MHIP hruaitu ten Taxi koh sakin an thawn haw teuh nghe nghe a, Campus chhunga naupang za bawr vel kan ngenna ngaipawimawha awm te chu khaw thim hnuah Police venhimna hnuaiah hruai hawn an ni chauh a ni.
Hlim taka kawng kan zawh tan mek an tih pawh hi buaina siam chung zelin an chhova, an tlan kir leh a, Bus an pet, an vawm, a vua a, darthlalang an tikeh a. YMA Kuang siam leh in sa a hnatlangte Scooty pahnih an nam thlu a, an tlawh a, hnatlangte bike an sawisa a, kawng bula car lungin an vawm bawk a, lung an chhar a, police an tawng a, KTP Sports nei lai lungin an vawm zui zel a. Kan VC member kut an thlak a, YMA President an cho bawk a. Mike-a vawi engngemawzat buaina siam lo tur leh veng chhung chhuahsan tura kan ngennate an pawisa duh chuang lova. Mike-a kan auna-ah hian khawi College mah a hming hmerhin kan puang lo, zirlaite buaina siamte tiin kan au zawk a ni. Tihngaihna a awm ngang loh avangin darkar hnih hnuah mipui kan ko khawm ta chauh a ni. Ni e, buaina chhuah atanga darkar hnih hnuah a ni mipui kan kohkhawm ni.
Tual thah tumah College Veng mipui min puh a, Police VC leh YMA te nena theihtawp kan chhuah chung pawhin mipui kan ko khawm lo thei lo anih kha. An buaina kha lo uipui tuilian thlir ta mai mai ila, khua in min thim hnan tep tawh si a, thisen a luang ngei ngei ang. Kan thiltih khan HBC te pawi khawih tur a dang a, ruang a chhuak lo chauh zawng a ni. Tual thah tum kan ni lova, tual that tur kan veng zawk a ni e. Vawiin ni thlenga Phone leh SMS a vauna College Veng mipuiin kan dawnte hi a tam tawk ta.
Hrangbana College Student Union ten zirlai pawisawi lo sawisatute leh kutthlak tute sorkar thuneitute zawng chhuak a an phu tawk hremna pe tura an phutna hi kan tawmpui a, chutih rualin zirlai zurui chunga buaina siamtute, pawisawi lo kut thlak tute, College Veng mipui nunau, hmeichhia te thlabara siamtute phei chu dim hauh lo se kan duh. Zu rui buaina siam, hmeichhiat mipatna a LIVE ngata rawn show thintute hi kan kham khawp mai. Chutih rual rualin zirlai nun dik leh zahawm tak tak leh zirlai hruaitu, buaina chhuak duh lo leh pawi ti tam takte hi kan fak a ni. A bik takin HBC Student Union Leader pakhat, “he buaina ah hian kan thiam lo a ni “ tih sawitu, a nihna pawh tlak nghal huamtu kha a fakawm khawp mai.
Khawvel ram hrang hranga buaina tam bera a lehlama Muslim firfiak an tel fo zel ang maia MZU Sports buaina chhuak apianga a lehlamah HBC zirlai an ni ziah an tih thin hi inenfiah nan hmang se a duhawm hle.
Tual thahna leh thisen chhuak thei tur ven nana College zirlaite hnawt darh tura mipui kan ko khawm kha khua leh tui dik tak kan nihna leh, khawtlang roreltu kan nih avangin kan tih tur dik tak kan ti a ni. Zirlai buaina siamtute College Veng chhung atanga kan hnawh darh hian kan Jurisdiction kan pel lova, khawi veng dang huang chhung mah kan dai lo. Veng dang hruaitute dan kir ngaiin kan thuneihna pawnah engmah kan ti lova, veng dang hruaitute dan turin kan awm lo hrim hrim a ni.
MZU Sports a zirlaite chezia hmutu veng thenawm engngemaw zatin kan tlangau an lo hria a, tam tak min pui turin an rawn tlankhawm a, an hruaitu ten “Kan lo tlangau ve nghal dawn em ni?” an rawn ti hial a. Kan harsatna a min tanpui huam veng thenawm kan nei hian min tithlamuangin kan lawm tak zet a ni.
Hetianga zirlai naupangte khingtu nih hi kan duh bik hauh lova, amaherawhchu an thil tihin a zir loh em avang leh dawt hiala College Veng mipui min puh chhia hi veng mipui lung a dam thei ngang lova, kan tih a lo tul ta hi pawi kan ti em em a ni. Tun hnuah pawh a tul anih chuan hetiang thil bawlhhlawh leh tenawm do leh veng tur hi chuan kan inhuam reng thung.
Source: Buannel.com
Similar Posts:
- MZU Sports-ah buaina chhuak leh ta!
- MZU Sports vawi 11-na tan a ni dawn ta!
- Pune Mizo zirlai jail atangin an chhuak ta
- MSU FIR thehluh chhan kimchang
- MZU thilthleng chungchanga Ex-Students Thuchhuah
October 29th, 2010 at 5:33 pm
Ngaihdan siam thiam a har duh hle,hetiangah chuan,chanchinbu leh TV velah an in sawithiam ve ve si…
Zirlai nih hi chuan tha a la za deuh thin a,zirtur hi kawng engkimah kan la ngah deuh thin a ni.In hriat thiam erawh a tul viauin ka hria.
Report this comment
October 29th, 2010 at 5:36 pm
Thiamthu bawk maw, ani awm ta lek lek mai.
Report this comment
October 29th, 2010 at 5:51 pm
Tu tak dik ang maw…
Report this comment
October 29th, 2010 at 5:54 pm
ka gym zo chiah e! Khonge gym bones kha?
heng thu hi a ninawm! Suihlung mu hnu a kaitho!
Report this comment
October 29th, 2010 at 5:56 pm
Buaina ngaihthlak hi ninawm
Report this comment
October 29th, 2010 at 5:59 pm
Intihbuai velah hi chuan a hmatawng ho fuihpawrh tawkvel hian hnung lam atang hian lo pawr ve deuh ila ka duhtawk lek
Report this comment
October 29th, 2010 at 6:03 pm
testing
Report this comment
October 29th, 2010 at 6:03 pm
#5 vitamin C i comment i edit hma in ka chhiar hman! Tumah ka silh dawn lo
Report this comment
October 29th, 2010 at 6:09 pm
man utd lh leeds utd rivalry te chu english civil war tang khn a chhui theih a,war of roses an tih thn k lancaster lh yorkshire in hel vang kha a nia,cuan liverpool lh man utd ph england a club chungnung ber nih na an inchuh bakah manchester sea port lh liverpool sea port an in hel vang te pawh a nia…hetah ve history vak ph awm lo lo in hel ve mai2 a thing!
Report this comment
October 29th, 2010 at 6:10 pm
Avan that hmel.
Report this comment
October 29th, 2010 at 6:30 pm
In sawifiah a ngaih chinah hi chuan thiamlohna tlem hi a awm thin.
Thiam zawk chu an awm ngei ang.
Report this comment
October 29th, 2010 at 6:45 pm
Zirlai leh tualchhung mi ah hian rui pawr deuh an awm ve ve ka ring a, chumi te zar zo chuan midang hi an buai ni ngei turah ka ngai. ZU HI A LO THA A NI – Buai siam nan chuan.
Report this comment
October 29th, 2010 at 6:45 pm
He thil thlengah hian PUC leh Hrangbana College lam chu ka hre lova, kei chu ka fihlim e.
Report this comment
October 29th, 2010 at 6:50 pm
@11 saw hi dik khawp mai… Eng emaw thu hla ah kan hming a hliau emaw mi in minlo puh ve deuh chuan KIMLO awmm ni mai. Insawi fiah ngai hi chu dik vak tawh lo thin.
Chuan hemi thu hla ah hi chuan Colege veng hi thu hrang hrang han ngaihthlak hnu hian an Foul ka ring ve deuh tlat bawk a. (Misual colege veng in awm chuan inlo sa viau mai ang a). Colege rappha chin tawh hi chu hetia en tawp pawh hian zia turah ka ngai a. Mahse khawtlang ang deuh a chet na ah hi chuan mi chi hrang hrang anlo tam tawh a. An thiamna a hniam ka tihna pawh ni chiah lo in….. Chuvang chuan Zirlai leh Mipui nawlpui ang tawp hi chuan HBC hi an dik deuh hmel ka ti.
Dik zawk han teh theih miau si lo a le. Ka ngaih dan ni eeee…..
Report this comment
October 29th, 2010 at 6:59 pm
Kan ti ve chhin,A tha em aw. A tha leh lo, A tha leh si e. :lol:
Report this comment
October 29th, 2010 at 7:01 pm
Kum nga vel MZU Sport hi suspend teh se. College Veng hian an lo vaw silawng tlem deuh ka ti.
Report this comment
October 29th, 2010 at 7:32 pm
A tharKan lawm ve reng reng teh ang
Hmingchhiat pawh huam a college naupang pawngpawrh lo tudai tu college veng mipuite: 100% full support.
Report this comment
October 29th, 2010 at 7:42 pm
Kan hmang ve teh ang a thar chu..hei a rawn awn vel ani.
Tu zawk tak thiam ang maw..
Report this comment
October 29th, 2010 at 7:46 pm
an inhmu sakhi kumkhua duh mai ang a, an ni hi.. HBC vs College veng…
Report this comment
October 29th, 2010 at 8:28 pm
Fel inti + Fel inti = Intentawnna :lol:
Report this comment
October 29th, 2010 at 8:50 pm
PUC Boys Hostel-ah kum 3 ka lo awm tawh a. College Veng mizia hi hre ve viauin ka inhre thin. A hunlai phei kha chuan min ngaihsan loh ang bawkin ka ngaisang hran bik lo hle thin. Mahse, tun hnu-ah hian ka thlir dan tam tak kha a lo dik lo awm mange, tih ka nei ta nual mai.
Kan hunlai khan Boys Hostel chiah a la awm thin a, Hostel Seat chan a har em em a, kan Full thap hian mi 80 kan leng a. Ka han ngaihtuah let leh hian College Veng tan khan kan lo ninawm duh ngawtin ka ring thin. Mizoram khaw hrang hrang atangin ze inang lo tak tak, a then inla chapo ve tak te, thing ve tak tak te kan ni nuai thin si a, puitling taka dawh reng kha kan lo har ngawtin ka ring ta!
Hostel nena kan buai ruk neuh neuh thin avanga ka dem rilruk thinna kha tunah chuan a sut leh e.
Tlai tawh viau mahse….
Tin, college kan kal lai kha kan intih thengthawng ve lai a nia, hlauh kan nei lem lova. Han zah em em tur lah kan nei hek lo. Khatih hunlai ka ngaihtuah let khan tuna Zirlai buaina siam tlat ho hian eng an la nih rih loh zia hria se. Upa zawkte thu hi awihin tlawm zawkah tang thei mai se, ka tihpui hle mai. Kan hunlai ka ngaihtuahin ka hrethiam viau tho thung.
Report this comment
October 29th, 2010 at 8:56 pm
@11, insawifel a ngaih chinah hian thiam lohna tlem a awm kher lem lo..thiam lohna engmah nei lo pawh hian a chang chuan an thiam thu an sawi a ngai fo a ni.
He buaina chungchang ka hriattirha a mak ka tih chu. Thelh hleihtheih lohva an khawsa kha a ni. Intihbuai chang hi chu a awm, mahse, aia upa leh khawtlang hruaitute an inrawlh chinah chuan kan inbengdai a ni ngai a.
Sim hmak tur hi kan ngah. Hetianga pawr fe fe ho hi, Silchar-ah phur thla vek sela(hmun dang chu sawi loh)..mahni inhaikaw thei an awm emaw chu le..
Sap nunin kan nung a..a felho nun entawn lovin a sual sual nunphung kan entawn a. Kan ngaihsan em em English mi te hi..hmaichhanah han tawng hlawm se, titi vawrh sarh sarh ngam pawh an awm ngut lo emaw a ni ang a..kan nep vei vei nen hian leh!!
Report this comment
October 29th, 2010 at 10:53 pm
.. thiam zawk hriatthiam har duh khawp mai, a hmuna awm ve lo tan chuan. Kei ka ngaihdan chuan College zirlai tawhina, College dangte nena inpawh zawk nana sport neih nina naa buaina kan siam thin hi chu puitlin loh thlak ka ti… Tunlaiah kan ramah pawngsual leh ruang chhar thu kan hriat thar reng laia sualna do tlang tur ho kan inrem theih tlat loh chuan kan ram hi a tlu chhe mai lo’ng maw ka ti….
Hetianga thuchhuah siam siam lo hian HBC lama hruaitute leh college veng hruaitute han in be leh se, an thu tluk baka lo kal filawr an awm chuan anmahni lam ve ve chu thu lek kawh dan an thiam turah ka ngai…
Report this comment
October 29th, 2010 at 11:17 pm
Report this comment
October 29th, 2010 at 11:57 pm
In sawithiam ve ve, tumah tan zawk ka nei lo Isua zirtirna a pawimawh, i hmelma te hmangaih la a hawtute chu tawngtai sak rawh, zawm mai teh se, Mosia hun lai ang a “mit aiah mit, ha aiah ha” thil a buai zo vek ang thiamthu sawi thei kan ni tawh lo…Ruotmawii
Report this comment
October 30th, 2010 at 3:58 pm
HBC….BANG RAWH SE..,
Report this comment
October 31st, 2010 at 12:36 pm
COLLEGE VENG hian thiamthu an sawi hmasa a,hei an rawn sawi leh teuh mai a,thui tha viau e,a sawi tam tam,a sawi sei2 hi thiam zawk awm tak….HBC students leh lecturers te ER tham SEL tham ni thei COLLEGE in ni hi lawm zawk ula,tha deuh in lehkha han zir zawm zel zawk teh u….mi pangngai chin chuan ngaihdan tawk an siam thiam zel ania… :wink:
Report this comment
October 31st, 2010 at 12:48 pm
Thiamthu sawi zuah zuah a tul chuan eng emaw dik lo a awm tihna ni mai. :?:
Report this comment