Kei misual hi chumi kha mi chu kan post leh teh ang ka tih pawn ka hlen lo fo ta mai. Tun tum chu ka rilru in mi tur et et avangin thiam lo tak chungin ka rawn in thai leh ta. A ngaihthlak dan dan in lo thiam leh mai a niang chu.
Ni 18th oct, 2010 zing kar lama kan thu dawn kan la hre theuh awm e, Aizawl dung leh vang nghawr nghing lawih khawpa pawikhawihna thleng leh ta khan min va barakhaih kher em! Naupang pawisawilo chuan mi hur herh vang in a nun a chan maw ka ti vawng vawng a, chumi thu ka hriat lai vek chuan Venghlui lamah hmeichhe ruang chhar a ni tih kan hre zawm leh ta zat mai.
Ruang tawih chhe tawh tak a nih thu te leh tu a nih an hriat theih mai loh thu kan hriat in ka ngaihven ta riau mai a. Vanneihthlak takin New Life Home Society (NGO Aizawl a mi K.S ho enkawl tute) nen kan in hmu a, an ni chuan mitthi dahna hmun ah kalin a kar hmasa lama an nau enkawl bo ta,ka hnenah ngei pawh ka lo hmuh mial takin tia a thlalak te min hmuhtir chu mi ngei chu a ni tih min han hrilh chuan ka lainat khawp mai.
Heng thil thlenga ka sawi duh tak chu hei hi a ni. Kar lo ah pawisawilo naupang ti hlum tu chu kan Police chak tak te leh mipui thawhho na azarah a ti tu dik tak manin a awm a, a lawmawm ka ti. Heta ka rilru a lo awm ta chu nula ruang an char kha ani,hun a kal zel a, a chhung te tan a ti tu zawnchhuah duh mahse an fanu nun in zirlo nia an hriat avangin thu neitute pan an hreh anga, thil ti sual tu chu hrem loh in ala awm ngei si ang.
A bo tih an hriat atangin FIR tehlut dawn se a nun dan in zirin an hre si lo,mi kan ti buai anga khawimaw laiah dampial in kan hmu leh si ang tih rilru an pu tur te.Tin, nula dang ang chu nise khawtlangin zawn a hun tawh a sin le tih rilru a chhungten an pu ngei awm sia. Heng zawng zawng ka ngaihtuah hian mihring chu sual thei,bawhchhe thei vek kan ni, he nula pawh hian tihsual leh tihdik loh khawtlangin a pawmloh thil tih pawh a ngah ang.
A chhungte tan thil ti sualtu zawng chhuak tura thunei tute tur chu an fanu nungchang avangin an tih loh tur tawp ah an ngaihna chin a awm ngeiang le. Amaherawhchu keizawng he thil hi ngawihbo pui mai chi a niin ka hrelo, thil diklo ti tute chungah dan in rorel ve ngai se ka van ti em.
Thiante u enge in ngaih dan ni ve le?.
Similar Posts:
- Pafa inbarakhaih
- The song which i can listen to all day long
- Mizo hmeichhe ruang chhar!
- Fate hmangaih natzia hi!
- Ka rilru tinatu thil 3 te
October 30th, 2010 at 9:01 pm
He post hi a pawimawh khawp mai.
Random occurrences nge ni a, patterned incidents nge ni a, normal crime trend a ni tih hi a zirchiang thei tur ten hma la in han zir sela a tha hle ang.
Chutih karah chuan thuneitu leh law and order lamin an mahni hmazawnah hma la bawk sela.
Mitin ten keimahni personal, social leh official capacity ah theuh heng thil thleng duhawm lo tak te hi a rem theihna turin hma la ila a duhawm hle mai.
Report this comment
October 30th, 2010 at 9:09 pm
Sualna hi a hri a leng ni berin ka hria a mangan thlak khawp mai
Report this comment
October 30th, 2010 at 9:22 pm
Tunlai chu hmeichhe ho tan fimkhur a ngaiin mipa ho kan in enfiah a tul khawp mai. Lusun chhungte leh pawngsual tawk chhungte Lalpa’n vengin hualhim zel rawh se.
Report this comment
October 30th, 2010 at 9:34 pm
He thil hi hman atangin kei pawh ka lo vei rilruk ve thin a ni a ni a. Ruang chhar tam tak hi ruih vanga chesual a lum hlum, O.D.,etc. ah kan puh deuh vek mai, hetiang vek hi a ni thei dawn em ni?!
Misual tan chetna remchang kan pe zel mai lo’ng maw? Chhui chian nise tam tak hi chu ti tu an awm ka ring tlat thin. Sa emaw tih avanga ramvahna a in kap hlum ta mai tam tak Mizoramah an awm ta, thuneitu te hian engemaw chu an tih a ngai a ni lo maw?
Report this comment
October 30th, 2010 at 9:44 pm
Sar-thli kan tih thin kha Buai hma kha chuan kan ngai hrang viau, tunah chuan sar-thli pawhin tleh ngaihna a hre tawh lo. :evil:
Report this comment
October 30th, 2010 at 9:46 pm
Misual chu hrem lovin awm suh se!
Report this comment
October 30th, 2010 at 10:06 pm
Lunglohtui chu i reh rei vang vang hle mai :cry:
Chu nu chu an post mortem em? Engnge a thih chhan hriat a ni em? Kut tuara thi a nih chuan thuneitu lam pawhin a titu an man chhuah ngei a tul ang. Eng mi pawh nise nunna hi Pathian min pek a ni, mi pangngai nunna nen a hlut zawng a inang reng.
Report this comment
October 30th, 2010 at 10:22 pm
He nu leh a chhungte hi ka lainat reuh tawp.
#3 Chhana, va rawn thlawh nalh ve, ka thlawp tawps.
Spurs ho kan han sawp lawk a nge..
Report this comment
October 30th, 2010 at 10:32 pm
Edited
Report this comment
October 30th, 2010 at 10:51 pm
SPURS HO KA ṬAN E :lol:
Report this comment
October 30th, 2010 at 10:53 pm
Ka mut a chhuak,naktukah chhiar mai ang.Mangtha vek uuu.
Report this comment
October 30th, 2010 at 10:57 pm
He post ka chhiar chu ka harh huaiin ka hria. Thangkhiu thangkhiu @lunglohtui :idea:
Report this comment
October 30th, 2010 at 11:10 pm
An lo la man na’nge?? Va chi loh ve.
K.S pawh ni sawmsarih rawh se, tawhsual a tawk a nih chuan misual chu man a ni ngei tur a ni. Mifel thattu leh mi awmthaduhlo thattu chu danah chuan a chungthu a ngai reng tur a ni.
Mi khawngaih a hlawh lo turte chu, ama zirloh mah nise, a va lainatawm em.
Report this comment
October 30th, 2010 at 11:36 pm
Kan rama thihna thleng tam tak chhui chhuah lohva a awm hi a pawi a ni. Kan police uisathiam te hian tan la deuh teh se. Eng ang mihring pawh ni se, eng ang mize pu pawh nise, khawtlang tana mi hnawksak pawh ni rawh se, tualthi anih ngat chuan, thilsual titu chu mana hrem ngei ngei tur a ni.
Report this comment
October 31st, 2010 at 1:11 am
Awm tha duh lo kan tih leh awm tha ang a lang ho kan in ang reng tawh nih hi maw.tha ang a lang ho hlei hlei kan hlauhawm tawh zawk tlat.ks pawh nise a ti tu chungah dan in ro a rel tur a ni nunna hi a hlu lutuk tlat.
Report this comment
October 31st, 2010 at 1:41 am
Eng ang pawn K.S in nawhchi lo zuar mahse Pathian siam duhtaka a siam ve tho a ni,keini aiin a dang lam bik viau na ka hre lo.
Eng fakhauh nge a tih sual bik a achhan leh vang pawh hriat loh leh hriat ngai lo tur khawp a sual lian ti a a thih bik na chhan tur??.
Post tupa(tunu)kei ka ngaih dan chuan a thihna chhui chhuak thei tu an awm chuan chu chu a thlarau pawhin a duh ka ring.
Report this comment
October 31st, 2010 at 2:26 am
Dan in milian leh mite, mitha leh mithalo, Naupang leh tar tumah hmaih a nei tur a niin ka ringlo.
Report this comment
October 31st, 2010 at 6:31 am
Post tha hle mai.Mithi chu engang mi pawh nise,kan police te hian theitawpin athih chhan chu zawng sela atha hle mai.Mipuite pawh hian kan ngaihtuahchian deuh hi chu angai ani.Tualthah lonitase an awmdanin azirloh avanga kan palzutmai chuan,misual kan tihuangtau lek anidawna,nakin lawkah tualthah pawisaklohna,ngaihzamna te alo awm mai dawn ani.
Report this comment
October 31st, 2010 at 6:31 am
Chhui chhuak mawlh teh se, ka lainat tlat.
Report this comment
October 31st, 2010 at 8:09 am
Hei hi a pawimawh khawp mai. FIR hi thehluh hreh tur a ni lo asin mawle. Tin a bo tirh pawh khan a enkawltute khan report na chang hria se a tha tur. Engvangpawhnise, bo a nih miau chuan zawn a ngai a ni mai te ka ti ve mai mai. Heti te chuan tualthattute hi an zalen lutuk mah mah dawn a lawm.. :evil:
Report this comment
October 31st, 2010 at 9:26 am
#7@muante, nia tunlai chu hna lam kan buai deuh hleka, rawn zin a ngai thut maithei ni.Postmortem a ni e.A thihchhan hi rin dan bak an nei chiahlo a nih hmel, amah a ruang a chhe hneh tawh deuh a.
Report this comment
October 31st, 2010 at 9:28 am
#12@pimpom, ka lawm e,keini thu ziak thiamlo tak ziah te in lo chhiar ve duh na ah.Tin, i harh huai na chhan erawh a lawmawm lamah ngai ila.
Report this comment
October 31st, 2010 at 9:32 am
#20 @Noddy, a chhungte nilo New Life Home Society ho chuan an theh lut a a bo tirh in, a ruang hmuh a nih takah khan a lehpek chu a chhungte kutah an dah ta ni tur a ni, a chhungte tih dan dan in case an ti tawp dawn nge nia, an kal tir zel dawn ka lo ngaihven dawn nia.
Report this comment
November 1st, 2010 at 12:57 am
thiamloh chantirte hremna hi mipuite lungdam zok deuhna tura roreltuten hma an lak zual sauh2 ava tul tak em…
Report this comment