Vanduaithlâk takin fanu pahnih kan neih hnu-ah kan nu nên kan inṭhen hlauh mai a. Kan fate lah an nu lamah an awm daih bawk si. Mipa mah ni ila lung zawng a lêng ve teh meuh mai. Nuber ngaih chu thuhran, fate ngaih hi a lo na êm a nih hi a! An dam lohin mut a tui thei lo va, harsatna an tawh lahin chaw lem a nuam hek lo. Nupui te kan hmangaih êm êm laiin fate hmangaih hi chu a na vawng vawng ni berin ka hria.
Kan fate tluka hmêl ṭha an piang thei tawh lo va, kan fate tluka duhawm leh fel khawvêl hmeichhiate hian an hring tawh bawk hek lo ang. An sualna hmu reng chung siin kan hmu lo a, an thiam lohna hre reng chung siin kan hre lo tlat ṭhin. Fa enkawl hi zira thiam chi ni pawhin ka hre lo. Vàn malsawmna dawng a, fanau maltluan kan chawi hi kan thiamna zawng zawng pawhin enkawl mah ila, a sual tùr chi hi chu an sual tho nia! Chuvangin min petu hnêna kawltîr a, a hnêna enkawl dàn kan zir fo hi a ṭha ber.
Khawhar vang ni tho mah se, ka fate ka ngaih êm avangin ka tlawh fo a, chutih rualin an nu pawh ka ngai êm êm tho, tih tak êmah chuan ka ngai ber zâwk maithei asin! Ka fate ka hmuh tawh hi chuan ka hlim êm êm a, khawvêlah hian lungngaihna a awm hi ka ringhlel hial ṭhin. Ka khawvêl chu ka fanute pahnihah a awm tlat a, ka kalsan thei ngai lo. Mahse, ui tak chungin khawvêl dang, lungngaihna leh ṭahna, buaina leh hrehawmna hmunah ka kalsan a ṭùl leh ṭhin.
Ṭum khat chu an nu-fain harsatna an tâwk a, min hrilh hreh tih ka hria, mahse ka hre tho si a. Chhan chhuak tùrin ka pên chhuak a. Eng dang vâng a ni lo, ka fate hi ka hmangaih tlat a ni. Chu harsatna hmunah chuan ka fate mittui tla ka zuk hmu a, an nu pawh a bang chuang bawk hek lo. Ka nghilh dup a, ka mûr sung sung a, ka ke lêr aṭanga ka lu chhîp thlengin ka vâwt chho sung sung nia! “Ngawi tak rawh, hmangaihna avang chuan ka chhan chhuak mawlh ang che u” tiin ka rilru chuan hachang a ṭhial rap rap a.
23rd September, 2012 Sunday zîng dâr 6:00 a lo nih chuan ka alarm set chu a rawn ri ral ral a. Chiang fe hian ka harh hlawl mai a, ka hawi vêl a, duh ai chuan a la hma hret zawng a ni. A pawi ta ber zâwk chu alarm kha dar 6:30-ah tal lo set tùr a nia le! Duh lo chung leh ui chung chungin ka mumang mak leh nung tak aṭang chuan ka harh chhuak ta hlawl mai a ni. A va pawi tak êm! Ka chhan chhuak hman ta lo. Eng tin awm zêl ang maw? Tùn thleng hian ka mitthlaah ka fanute pahnih hmêl ka la hmu nia! Mahse, tùn thlengin bawp li ni lovin bawp hnih chauhin ka la mû! 
Similar Posts:
- “Operation Global Blackout” ! Internet a buai dawn em?
- Hmangaihna – Naupang ah
- Ka hmangaih che
- Un-conditional love
- Love Theory!
(Y)
September 23rd, 2012 at 11:06 pm
A tawpna chu leh….. hehe
Report this comment
September 23rd, 2012 at 11:08 pm
Chhiar ang aw.
Report this comment
September 23rd, 2012 at 11:18 pm
E lungngai suh, i la bawp li mut em em ang
Report this comment
September 23rd, 2012 at 11:32 pm
A tak tak emaw ni dawn ka tia
I bei sitail angreng khups 
Report this comment
September 24th, 2012 at 2:42 am
rawlthar nih tan lai vel a…a ruk a kan star deuh te mumang a kan han hmu ve tat thin kha chu a nuam ngawt mei..pathlawi lunglen..huhu
Report this comment
September 24th, 2012 at 7:59 am
hehe… bawp li mut ve hun chuan a dang zar tawh ang
Report this comment
September 24th, 2012 at 9:46 am
A tak tak a ni dawn lo tih hre mah ila, awihawm takin ka chhiar chhuak ve tho..
Bus tawtah i chuang zing bawkah, i mumang pawh a advance hle mai…
Report this comment
September 24th, 2012 at 10:12 am
Fa ka la nei lo. Mahse, ka nu leh pa’n min hmangaih em mai, fate hmangaih a na a ni ang.
Report this comment
September 24th, 2012 at 11:33 am
@Mahminga thil advanced deuh deuh hi a tha
@Tuaisial kei pawh min hmangaih teh mai asin
Report this comment
September 24th, 2012 at 1:24 pm
@Dr Mahminga leh @awmtea hi sawi rem sak mai chi inni, a nu inhmu thei lo em mai
Report this comment
September 24th, 2012 at 1:47 pm
hehe… chutiang em ema ngaihtuahawm chu kan ni bik dawn nge mawn le
Report this comment
September 24th, 2012 at 2:13 pm
@ drake… Kan duhin min duh lo, min duhtu kan duh lo te pawh a ni mai thei a…
Report this comment
September 24th, 2012 at 3:49 pm
@Dr Mahminga LIKE tawp
Report this comment
September 25th, 2012 at 11:35 am
Kan U Sangzela hian hla tiang hian a lo phuah tawh a, mahni in ngaihbel chungin i lo ngaithla ve dawn nia
“A mi hraite’n chun leh zua belin,
Hlimte’n zan mu an chhing;
Mahse ka hrai dawntuaite khan,
A zua an nem a dawng ve lo.
Chorus:
Ka ngai ngam lo a sin,
A riang i chan tur hi;
Min dem lo la i zua hi zawng,
Ka Zoremsiam, ka hrai duh lai.
Mim ang piangin hmangaihna nen,
Hlimte’n kan chawi lian chia;
Mahse i chung lungmawl vang maw,
Rairah riang chan i lo chan le.
Tunah i chun bel rih mah la,
Hun leh kum her zela’n ;
Ka hmangaihna par zu iangin,
Rawn tlan nang che ka phengpheleng.
Ka ngen che aw malsawm khuanu,
Ka parmawite hi e;
Duahte’n thanga rual ban ve an,
Vengin rawn hualhim zel ang che.”
Report this comment
September 26th, 2012 at 3:44 pm
Report this comment