Zingtianah khuavarin bawhar lo pau a,
sikni eng lenkawlah lo nem duai e,
Fam hnu ngaihlai thar tur an maw !
Tawnmangah zuapa lam ang lo let.
A rei lua e,thal tui ang ka nghah zuapa,
Hun leh ni tam thar hnu pawhin,
Kir zai a rel lo ,rihsang mual liam chu
Belh ka nuam si lo zua lo run hi.
Ka chhunu chhingkhual a chan hlana,
Fam changa mual i liam ni khan,
Ka chinlai u leh nau zawngte nen,
Lung kan phang,luaithli kan nul e.
Thlafam khua chu lem ang der ta la,
Khuai iang lo lawi leh rawh kan runah
Zuapa, nang ngaih chhingmitui far hi,
A hul dawn lo hring chan chhung hian.
Similar Posts:
- Chungmuvanlai iang leng ila
- Kan ram thlifim
- A liam ta si
- Ka nunna tawp thlengin
- Pasaltha-te Ni Hnuhnung
(Y)
December 6th, 2011 at 3:05 pm
Ka 1st ve teh khiah a… mittui aparawl mai dawn lawm le….
December 6th, 2011 at 3:23 pm
Krismass a hnai ta bawka tute tan pawh fam zun ngaih a na tan ta khawp mai! 3rs para”Ka chhunu chhingkhual a chan hlana,” tih lai taka ‘chunnu’ tih tur ‘chhunu’ i rawn tisual hian rilru a pawt peng pek a lawm le.
Tichuan hla thu a niha para 1 ah tlar li awm a nih chuan a tawpna puntuation zel hi tiang hian ni thei se en a nuam.. eg..
abcd,
efgh;
ijkl,
mnop. awm awl comment
post tha e
December 6th, 2011 at 3:29 pm
ka va duh em
December 6th, 2011 at 3:40 pm
“Ka chhunu chhingkhual a chan hlana”
Ka chun-nu tih tur ni awm tak a ni.
I phuah mar tha khawp mai. Mahse chang hnihna leh thumna khi a in luh thelh lek lek mai.
December 6th, 2011 at 4:20 pm
Hlaphuah lamah chuan kei chu ka ‘nil’. A thu khian rilru a khawih khawp mai. I phuah thiam e(Y)
Mahse…Tlar hnihnna ‘Sikni…’ ah khian ‘s’ te i hmang a, a then chu comment #2 & 3 ah khian an sawi tawh a. Thu pawh hla pawh, coma/fullstop/exclamatory mark, adt ang chi i hman in a karah space pe suh, a lang nalh thei ngailo, bakah Mizotawng ziahdan dik a nilo bawk a. I thuziah kha khawl dangah te han dah ila, kan page setup a zirin tlar tawpa ‘comma’ i dah te kha second line ah a awm vu thei.
Anyway, i phuah thiam, ka tluklo che(Y)
December 6th, 2011 at 4:30 pm
Thlafam khua chu lem ang der ta la,
Khuai iang lo lawi leh rawh kan runah
Zuapa, nang ngaih chhingmitui far hi,
A hul dawn lo hring chan chhung hian.
A van mawi kher em! Thinlung chhungril tak atanga rawn chhuak a ni tih hai rual a ni lo…
December 6th, 2011 at 5:34 pm
” a sawt lo ve, tahlai bang la,
)
lei hringnun zawng a tawi lua e,
chatuan rama lengdun turin,
kan chhandamtu chu zui zel la,
A lo nghak ang che, pialral kawngkharah ” (tih a moni..
rilru khoih reuh khop mai i poem te chu.
December 6th, 2011 at 5:38 pm
Yes ReMpY a rawn lang leh e..
December 6th, 2011 at 5:56 pm
Chang khatna leh hnihna a ulh deuh hlek a, chang thumna velah chuan kan inchhuih tlu rem rum tawh ang chu ka tia..a mam leh vei fu sia..
Chang khatna leh hnihna khi han bihchiang leh deuh la, khi aia a flow tha zawk leh chhiar nuam zawkin i chhuah theih ka ring e.
December 6th, 2011 at 6:02 pm
#9, hnuk ulh deuh chunga phuah pawh a ni mai thei a, a awm tho mai
December 6th, 2011 at 6:11 pm
Post tupa Zuapa hi a ngaihawm a ni ti raw…
December 6th, 2011 at 6:11 pm
Tha khawp mai.
Thlafam khua chu lem ang der ta la,
Khuai iang lo lawi leh rawh kan runah
Zuapa, nang ngaih chhingmitui far hi,
A hul dawn lo hring chan chhung hian.
‘Khuai iang’ tih hi khuai ang ni ta zawk se, a thluk a nuam deuh zawk ang ka lo ti ve ngawt. ‘I’ a tawp, ‘i’ bawka chhunzawm hi a fiah duh lo phian. ‘Chhingmitui’ hi chhingmittui tih zawk awm tak bawk a ni. Chhingmittui tih hrim hrim hi tun hnaia piang a ni em aw? Thangtharin luaithli/mittui kan tihvena ni awm tak a ni. Hmehchhuah chanelah pawh hla thua an telh ka ngaihtla tawh.
December 6th, 2011 at 6:22 pm
#10 chuvang tak chu nia
Lo sel chiam ka inthlahrung deuh a, ka han ti leh hram a nih khi 
Kal zaih sela chuan hnuk a tiulh ve thei hialin ka ring a. A phuahtu rilru (or a phuahtirtu rilru) tur emaw chu a hmuhpui theih thova..hmuh phei chu
December 6th, 2011 at 7:22 pm
A tha khawp mai.
December 6th, 2011 at 10:07 pm
He post h k thian pakhat nen kan inhauh phah