Thawk a phita a ka kaw nazawngin ‘Zo nun mawi kan kalsan ta’ kan ti chhen mai hi in ngaihtuah ve ngai em? Nguntaka ngaihtuah lem lova, kan kalsan ta ni-a ngai hi an awm nawkin ka ring. Kalsan a mual mual zawng kan nei ngei a, chhawm nun pawh kan nei bawk.
Kan sawi lar ber ‘tlawmngaihna’ hi kan lanchhuahtirna hun leh hmun a dan tak avangin a thi ta hial niawma sawi thawm kan hre fova. Ram hmangaihtu inti te aurawl pawh kan hre cham chi a. A thi tak tak em maw ni le?
City Bus-a kan chuana, hmeichhe chak lo zawk leh kan aia upa zawkte thutna kan kian hram hram thinte hi eng nge ni ta ngai? Tlawmngaihna a nih si loh chuan. Nuamsam lo chung chung pawha khawhar ina riak tura kan inpulut hram hram te, mut chhuak ngawih ngawih chung pawha, mutchhuak lo ang hrima khawhar ina khawhar hla kan han sa tlaivar zak zak mai te hi tlawmngaihna a ni lovem ni?
Khawpui liana khawsaka, kan mizo puite college leh university admission buaipui te, vairama harsatna tawkte inpuibawma kan inthlamuan thinte hi tlawmngaihna chu a ni lovem ni? A thi, a thi ti-a iak iak ho hian hengte hi kan ngaihtuah ngai em?
Rinawmna te pawh chuti bawk. Exam hall-a kan thuta, entawn thei dinhmuna kan din lai pawha kan entawn duh hauh lohna thinlung te, kan thil leina ten pawisa min kir sual thu kan hrilh zel duhna thinlung te, mi thenkhat anga eiru tun tun thei dinhmuna kan din lai pawha kan eiruk duh miah lohna thinlungte hi rinawmna chu a ni lovem ni?
Thil reng reng hi, a chhe lam ngawt thlira iak iak lo hian, a tha lam thlir ve te hi ching ila, hma kan sawn chak zawkin ka ring. Hei vang hian, eiruk hmang leh rinawmna chhe te pawh nunpui harsa ti mi te hi i sawisel tawh lovang u ka ti hauh lova, tlawmngaih nachang pawh hre lo, khauphar thawvena thawveng, nu leh pa thawh chhuahsa-a parchhuang satliah, in vaivung ve satliah te hi i ngaisang ang u lah ka ti hauh hek lo. Mahse, a chang hi chuan a tha lam te hi i thlir ve zauh zauh ang u ka ti zawk a ni e.
Similar Posts:
- I din thar leh ang u
- Tlawmngaihna
- I ngaihtuah ngai em?
- Rinawmna
- Transitional Period leh Thlirna Thar
November 1st, 2010 at 9:36 am
Ka ti ve lo..
A dik chiah ani, thil tha lam hi kan sawi uar tawk lo va, a chhe lai chauh hi kan sawi uar avang hian kan ngai chhe ve mai mai bawk a ni. Kan sawi ang em em hi chuan kan ram hi a la chhe lo ve.. Mi tha leh fel tak takte pawh an la tam e. Zonunmawi vawng nung duhtu leh nitina nunpuitute pawh an la kat ve nuk asin…
Engpawhnise, hmasawn zel 1 tum ang u.
Report this comment
November 1st, 2010 at 9:41 am
keuh phots ang e
Report this comment
November 1st, 2010 at 9:49 am
A dik khawp mai
Report this comment
November 1st, 2010 at 9:50 am
Kei pawh ka 3i ve lo.
Report this comment
November 1st, 2010 at 9:59 am
I rawn sawi zawng zawngte khi tlawmngaihna nilovin mihringin kan mamawh (duty) a ni a; hnam dang paw’n hetiang hi chu (khawhar in riah tiam lovin, hei pawh hi hrehawm tak chuan an riak ngai tawh lo) an ching ve vek.
Report this comment
November 1st, 2010 at 9:59 am
Ka vei zawng tak ani, tlawngaih hi a bo ta vek kan tilo a, nasa tak in a tlahniam a, hetiang zela a kan kal chuan alo BO thei hial ang kan ti zawk ani.
Report this comment
November 1st, 2010 at 10:02 am
zephenath pawhin a lalna a rawn humhim chho leh ta! Kan la tha reng! Mahse, kan hriat ka duh chu- mi tuemawin kan hnam leh khawtlangnun tha lo, dik lo, fel lo laite an sawi hian, he hnam hi a hmu chhiain a hmu hniam hle tihna a ni lo. Kan thatna lai sawi pawl te, kan fel lohna lai vei pawl te an awm a ni mai. Damna kan neih nan kan na laite zawn chhuah a ngai ang hian… kan thatna ringawt kan sawi kur dup hian ngaihthlak chu a nuam ngei a, mahse, selna tel lo chuan kan thatpui meuh ang em? Tlangkawm nan- kan la tha thawkhat viau e.
Report this comment
November 1st, 2010 at 10:05 am
Ngawi ula…
Report this comment
November 1st, 2010 at 10:06 am
Let leh beisei lo tlawmngaihna dik tak hi chu a hlu a ni. Kan ram chhe vek tawh ang a sawi tute hi chu an mahni an chhia a, awm khawlo leh ei ruk ching tlawmngaihna nei lo an ni duh viau
Report this comment
November 1st, 2010 at 10:11 am
Zo nun mawi hi kan khawvel tawn a mil zelin kan her danglam ve zel a. A hunte ah he zonun mawi hi a rawn lang chhuak thin.
Report this comment
November 1st, 2010 at 10:15 am
#9, Mizo tlawmngaihna hero Taitesena pawh khan beisei let a nei ve tlat.
Report this comment
November 1st, 2010 at 10:17 am
Zonunmawi kalsanho chu :- tunlai thalai awm tha peihlo, awm awl, ei tui satliah leh, sap leh korean style ringawt buaipui, theirawl hawklak, tei mai mai, a hminga zirlai ve mai mai ang chi te hi an ni ber ang chu..
Report this comment
November 1st, 2010 at 10:20 am
#11, Dik khawp mai, City bus a thutna in ken chungchang ah pawh hian kian tha duhlo ber chu Tunlai kan zirlai naupangte an ni tlat, an ni vek ka tih na phei chu ani lo.
Report this comment
November 1st, 2010 at 11:42 am
Zonunmawi sawi ta zel ila, ka ngaihpawimawh pakhat chu Aia upate zah nachhang kan hre ta lo lutuk hi a ni, hei hian kan tlawmngaihna pawh a khawih tel niin ka hre ve mai mai.
Ka lawm e.
Report this comment
November 1st, 2010 at 12:57 pm
Tlawmngaihna chu chhungril thatna pawn lama midangte hnena kan lan tir a ni a, kan khawsa zia a danglam ang zel in kan lanchhuah tir dan a danglam mai a ni.
Naga pakhat min hrilhfiah dan erawh hi chuan rilru a luah fo, Mizo tlawmngaihna chu mizo tanpui ngaite tanpui hi a ni a ti.
Report this comment
November 1st, 2010 at 1:05 pm
@dawihzep..haha..hnamdangin an neih ve vang maiin tlawmngaihna a nih loh phah em ni? I thlirdan a dang a ni maiin ka hria e..ka han in defend a nih chu..
dawihzep
Report this comment
November 1st, 2010 at 2:28 pm
Post tha tak a ni,a tha lam a ziak pawl leh a tha lo lam a ziak pawl hi awm se a tha ve ve, neutral in kan lo chhiar thung ang….
:lol:
Report this comment
November 1st, 2010 at 8:42 pm
Zonunmawi hi chu vawn nun chin zawng kan nei ngei mai, mahse kalsan pawh kan nei. kan khawvel tawn leh hawiher atang hian remchanglo chu a awm zel dawn.
Mahse thangthar zingah hian thalai engemaw zat zingah hian a tla na ta lo niin ka hria. Engpawh nise Zonunmawi kan tih hi khawvel ramtin mite hian nundan tha an chher chhoh nunpui zel avang hian paih then nei mah ila lakluh thar kan neih zel pawh a pawimawh ang chu.
Post thatak ani e
Report this comment
November 1st, 2010 at 9:31 pm
coolsoul09, i rawn ziak tha thlawt e! kei ka ngaihdan chiah ani! a chhelai chu kan sawi lo tur tihna ni lovin, kan thatna lai hi sawi tam hian mi a siamtha zawkin ka ring! infak reng tur ka tihna erawh chu ani lo! Amaherawh chu, kan chhiatna lai kan sawi pawhin, insiam that kan mamawhna lai hi sawi tel thin ila, tan lak tulna kan neih te hi sawi thin ila, kan tum chuan kan thei ani tih hi sawi tel thin bawk ila, kan hlawk tlan chu ka ring zawk ani!
Report this comment