Kan naupan zual deuh lai (80’s chho vel) khan ka nu hian an naupan lai chanchin a sawi thin a. “Hmanlai chuan” tiin thawnthu sawiin a sawi thin. Chung hunlai chu 1950 – 1960 vel a ni a, a la rei lo viau na-in kan tan chuan ‘hmanlai chanchin’ a ni.
Hmanni mai khan ka fate’n Audio Cassette an hmu a, ‘A pa, hei hi engtihna nge?’ tiin min zawt a. Ka fate hian CD/ DVD lo chu an lo hre tawh hauh lo mai a lo ni a. Audio Cassette chu an tan chuan ‘hmanlai’ thil a lo ni ve reng tawh mai. Hei hian kan hun hman mek chungchangah ka ngaihtuahna a ti thui khawp mai a. Misual a ka article hmasa ber turin ka’n rawn chhawp chhuak ve ang e.
Tun hnai leh zual, kum 20 mai kal ta chhung a khawvel than chak dan leh keini Zofa-te ngei pawh min sawi danglam dan hi kan nun kawng tin rengah kan hmu theuhin ka ring.
He Transitional Period kan hman chhoh mek hian kan value system a rawn su her sawk sawk a. Kan chhuan em em ‘Tlawmngaihna’ kan lan chhuahtir dan-te, kan ngaihsan em em “pasal tha’ concept te leh mipa tih tur leh hmeichhe tih tur kan thliar hranna rilru te thleng hian min rawn thiah sak mek zel a. Kan hmeichhiate inthuamna design danglam chak dante hian kan hun hman mek awmzia hi a tarlang chiang ngawt mai.
Engatinge Gender issue te hi kan neih len tak em em? Hmanlai value system hmangin mipa-te hian kan tun hun hi hman kan la tum a ni mai lo maw! Engatinge KTP/TKP leh Kohhran Committee inkarah-te hian duhdan inmil tawk lo a awm ruk fo thin?
Kan upa-te hian tun ‘period’ teh nana hmang lovin ‘tun hma’ value system hmangin Kohhran hi min hruai mah mah a ni thei ang em? Pastor te Two Wheeler nei leh zan riak kher lova bial an fang kan ngaimawh thinte pawh hi tun hma Pastor-te kha kan ‘Model’ ah kan lo la hmang reng a ni lo maw?
Kan Mizo Tlawmngaihna dal ta riau a kan sawi thinte pawh hi hmanlai Mizo khawtlang nun-a an lan chhuahtir dan ang kha tun hunah chuan a remchang tawh lo a ni tih kan ngaihtuah phak loh vang mai mai a ni zawk lo maw!
He Transitional Period chak tak maiin min nawr kal zawt zawt lai hian “Model” thar tur kan ngaihtuah chhuah thiam a tul hle mai. Tunlai hun hian “Pasaltha Model Thar” a zawng a, Tlawmngaihna lan chhuahtir dan Model thar a mamawh a, Mizo Mipa Model Thar-te, Pastor Model thar te leh Kohhran Model thar-te thlengin a phut ta a nih hi.
Tun hma lam thil kan hnualsuat ta vek tihna lam a ni lo a. Tun hma pawhin heng kan han tarlan tak ho hian ‘principle’ an nei vek a. Tlawmngaihna ‘principle’ chu – midangte tan a inpekna a ni. Chu principle chu vawng nung reng chungin tunlai hunah hian engtin nge kan par chhuahtir ang tih hi kan ngaihtuah tur pawimawh tak chu a ni awm e.
Chuti a nih loh chuan, sawt hauh si lova insawisel leh inhnial vak vakna-te, indawm tawn tur leh thawkho tur karah pawh inhmuhmawhna-te a awm palh thei a.Tin, kan zo nun ngei pawh chhe ta vek ang hial ngaihna pawh min neihtir thei hial awm e. Chuvangin, kan hun tawn mek hi thiam tak a thlir leh dawnsawn dan I zir tlang ang u.
August 24th, 2011 at 11:03 am
Chhiar ang
August 24th, 2011 at 11:06 am
No Comment.
August 24th, 2011 at 11:15 am
A tha zawng chauh hi chuan in her rem thiam ila tha tur, a tha ai mah hian a chhe zawng a inthlakna hi a tam zawk a ni thin hi a pawi teh tak zawng a nih hi.
August 24th, 2011 at 11:43 am
Hmanlai a thiltha kha tunah chuan A THA TLUANTLING TAWH LOVA,hmanlai a tlawmngaihna nun tehna CRITERIA pawh kha tunah chuan a outdate tawh a,stage thar kan chuangkai tawh a, kan rilru leh ngaihdan pawh a inthlakthleng nasa tawh a chuvangin
rilru zau taka kan ngaihtuah chian chu a tha hle a ni.
August 24th, 2011 at 11:47 am
I sawi dik lutuk, amen pek thuai thuai tlak a ni. Hmanlai angin tunlaiah a apply theih loh na lai a awm ve fo avangin i sawi dik ka ti thlawt.
August 24th, 2011 at 11:54 am
a dik chiah! tunlai thalai te an sual tawh tih ringawt pawh hi a dik lo
August 24th, 2011 at 12:20 pm
A tha hle mai… Inhriatthiam tawnna hi a pawimawh ber mai, kan duhzawng chu engtikahmah a inang thei kherlo ang, diklo mahse a tam zawk ngaihdan pawm mai hi a ngaih chang a awm a ni.
August 24th, 2011 at 12:27 pm
(Y)
August 24th, 2011 at 12:33 pm
Dik khawp mai,hmanlaia Mizo nun kan bansan tak te pawh chhawm zel tullo te pawh an ni thei a,chutih lai chuan vawn nun tlat ngai tam tak an awm thung tih hre tel i la!!!
August 24th, 2011 at 12:37 pm
Fergie chu i Post hmasa ber pawh a ril tan hle mai. Inthlahrung lovin han chhunzawm char char teh. Transitional Period hi hriatthiam loh chuan intihchhiat phah theihna a ni a, Inzirtir hi kan ngai viau a nia. Good Post.
August 24th, 2011 at 12:58 pm
PK, missionary ho pawh hi hmanlai missionary ang deuh a hmel pawr chip chep, rethei deuh leh in chhe deuh a khawsa tura ngai tlat hi kan la tam hmel khawp a sin. Missionary quarters a TV, computer leh fridge lo inhung ngaithiam tlat lo te pawh an awm a nia.
Min rawn pui tliar tliar hlawm a, ka lawm e.
August 24th, 2011 at 1:02 pm
Model rau2 ah chuan super model hi hmuh an nuam…te ka tia
August 24th, 2011 at 1:03 pm
Post vawikhatna pawh heti hi a nih chuan…….
A aia ril pawh ila pai teuh ang, han ti zel teh. (Y)
August 24th, 2011 at 1:16 pm
Banzai pha ho khan thlan laihnaa luh inchuh kha ropui an ti a, an hnung amite chuan mumal taka inluhchhâwk, khawnvartui fim lai hre phak lo tan chuan hlawhfaa thlanlaih..chutiang zelin kan hun lai chuan á¹ha tak ani deuh vek mai.
Tunlai mi sex-a sâng viaua sawite hi ka pawm thei mang lo. Kan nu leh pa, pi leh pute kha kum 4/5 bâk an nula tlangval mang lo a. Tunlai á¹halai – sex video leh khawthlang nunin a chiahpiahna khawvela kum 30 vela nupui pasal thianghlim taka nei ho hi an ngaihsanawm ka ti á¹hin.
August 24th, 2011 at 1:42 pm
Class-x a kan classmate thin 2008 khan Kolkata airport-ah ka hmu nawlh a, a mah ngei chu a la ni a, mahse Hmeichhe inthuam vekin a lo inthuam tawh a, a thiante ho nen an ni a, an vai chuan an la ‘TUAI’ zui lehnghal a. An zak tawh bawk si lova, kan changkan dan te hi a tha ziktluak lo deuh a ni. Post tupa hian ka rilru a hria a ni chek ang chu!! (Y) (Y)
August 24th, 2011 at 2:01 pm
Ziak ngaihnom hle mai……. han ti zel teh (Y) (Y)
Kan belh ve hlek teh ang, Radio generation leh tape recorder rilru put hmang a in ang thei lova, tv leh vcr/vcp a thang chho rilru a in ang thei bok silo, 4th estate(media chi hrang) leh internet khawvel a thang chho rilru a in ang thei bok silo, buai nuaih poh lo ni ta ila a awm ve viau tho mai lo ti ve ngot teh ang…………..Mahni zawn theuh a kan model a te kan lakluh thiam a ngaih duh hmel khop mai.
August 24th, 2011 at 2:11 pm
Mitthi relbawl dan hian tlawmngaihna an tih mai a hril thui hle. Tah chiah hian ania tihdan a danglam dawn ni. Jahauhruaia sawi hian hlawhfa in thlan an lai ang a. Tunah mai pawh zualko nan TV, phone, e-mail kan hmang a. Nakinah chuan e-mial pawh a hlui dawn. Tweeter leh facebook hmanga zualko hun kan thleng tep.
Funeral Home a la awm ang a. Professional in bazara kuang zawrh (hausa ten designer kuang, harsa deuh tan discount) ah mitthi an zalh ang a. Vuina inkhawm YMA Hall emaw vuitu ngah phei chu Football stadium ah te kan nei tawh ang.
Chu mai pawh ani lo. Kei phei chuan power a awm chuan in halral (cremation) ania ka duh. Tlangval h otan a hadam thlak dawn em mai.
August 24th, 2011 at 2:33 pm
I ziak chhuak tha in i ziakthiam hle mai. Ka pawm zawng tak a ni. Good post (Y)
August 24th, 2011 at 2:45 pm
Enge hmanlai chu, enge tunlai chu tih hi sawifiah a har dawn a nih hi. Engtik hun atangin nge transition period hi kan teh ? keinina tunlai kan tih hi khawvel hmun danga mite tan chuan hmanlai emaw anih lohleh hmundang leh vek a mite tan chuan an future tur a la ni maithei a ni. Mizoram chhung ngei2 pawh kanla inthlau em mai kati.
August 24th, 2011 at 2:57 pm
Transitional Period atan chuan Zawlbuk atanga Zirna In inpakai hunlai te leh Lal ban atanga Lushai Autonomous District Council kha a ni ber zawk thei ang em? Mizo Union leh Zalen Pawl te kha? Emaw Kristianna Mizorama a lo luh hun kha? Tunah tak hi chuan Generation Gap pangai hi kan tawng ve mai mai a ni zawk lo maw?
KOHHRAN pawh a inbuatsaih a, a intuaithar ve zel a tul ka ti e!
Specific tak ni lo, ngaihdan ziakna pangai ni maiah ka ngai. I message erawh a tha ka ti!
Tun hma leh Tun hun chauh ngaihtuah chunga ngaihdan ka siam thin lai- ka Conservative BULUK lai kha ka ngaihtuah chhuak ve mai mai!
Zoho hi a ngaihdan a tha ang mawle. A lo comment duh tawh miah lo mai a. A reh vang vang chuan ka PUAN dawn. 🙂
August 24th, 2011 at 3:05 pm
@11. I rilru a zauvin, thil i thlir thiam hle mai. Nirjuli(Itanagar daifem deuh) a kan chhungkuaa kan awm tirh hian, A ram a zau leh lutuk a, kan thenawm hnai ber pawh in auh phak ani mang lova. Ka Pa a rawn zin a,a lum bawk si a, Min khawngaih lutuk a, Refregirator min lei sak tawp a. Ka Thiannu nau Sawrkar hna thawk thar hian, Television min leisak ringawt bawk a. Tunah, kan hnaah a tul tlat avangin Computer kan kawl bawk si a. Mizoram atanga lokal te hi an meng phawk deuh thinin ka hria. Kan awmna lah chu RCC building ani rup mai bawk si a.
August 24th, 2011 at 3:09 pm
Post tu pa chu khawvel thlir dan thiam hle mai (Y) . Transitional period han tih em dawn chuan a finishing line lam kan hriat miau loh avangin ‘change’ ti mai ila a pawmawm zawk awm e.
Hman ni chu ka U thianpa in ‘ka fapa lumet kawlh lutuk ka hau vak mai’ a ati a, kei pek chuan ‘lumeh dante, inchei dante hi insawisel tur ani hlei nem, thalai an nia, duh duhin inchei ang hmiang, mahse an mawhphurhna hlen tur a inzirtir zawng a in hauh erawh a pawi lo e’ kan tih ve ngial kha.
August 24th, 2011 at 3:23 pm
@Post tupa: I thil rawn sawi hi ka lo ngaihtuah ve tawh thin a..! Ka ngaihdan chuan “transition Period” i tih khi engtik lai pawh a awm reng ni in ka hria a. Kum engemaw zah i lo hman liam hnu ah “difference” I hmuh hi a takin i hrethiam tihna ani. I naupanlai chuan hemi “difference” hi a awm tih hre mahla, a takin i hmu thiam lo tihna ani.
Khawvel kalhmang a ni a, Population te, technology te ina a ken tel a ni a. Vawiin ni ah chuan ILP te kan nei a, Mizoram mite hi tuma chawhpawlh lovin mahni hnam culture te hi dilute miah lovin kan la awm reng thei a. population a tam chuan differences leh ngaihdan a tam a. KTP/TKP leh Kohhran Committee inkarah inmil-tawk-lohna a lo awm nachhan te khi population tam vang(ngaihdan tam vang) te pawh ani thei ang chu.
Mizoram business leh Trade kalhmang te pawh hi lo en ila..! Ka tet lai chuan MRP in engmah ka lei ngai lo. Good Day Biscuit te kha MRP Rs 5 ani a, Rs 7 in ka lei thin. Tunah chuan Mizoram chhungah ngei pawh MRP lova an zuar an awm mang lo asin… Change hi thil lo thleng tur ani a.. Change ah hian kan lo adapt ve zel a. Kan adapt dan azirin ka hmalam( future ) a tha in a tha lo dawn tihna ani..!!
Change is yet to come. It is important how we adapt to this change.
Post tha tak ani..!! Superlike (Y)
August 24th, 2011 at 3:56 pm
I ziak tha ka ti hle mai; (Y) (Y) Posttu hi mi- ngaihtuahna seng tak i nih ka ring e. (Y)
August 24th, 2011 at 4:25 pm
A tha hle mai.. duh aiin a tawi lua deuh chu a ni e.
August 24th, 2011 at 4:25 pm
A tha hle mai.. duh aiin a tawi lua deuh chu a ni e.
August 24th, 2011 at 4:48 pm
(Y) (Y) (Y)
No Comment (kan tih khalh daih tengs)
August 24th, 2011 at 5:28 pm
Comment dang pawh ka chhiar kim hman lo, kan pal ve nawk nawk ange.
Zawlbuk kha kan institution tha tak anih lai khan a bo daih !
Chaw no khat ei theuh theuhte kan tih kha a reh daih tawh.
VNT te hian an vei bawk a, Thlanmual Hlawhfa ruaia lai kan awm tan ta mek bawk. Zarkawtah phei chuan Khawhar riahpui an ching ta lo!
THLAM AGE atangin COMPUTER AGE kan thlawk kai daih hian rilru leh suangtuahna a la nasa khawp mai. Thirdeng leh Pum khawtina pawimawh ber zinga mi kha an tel lovin khawtin kan survive thei tlat mai.
Kan Officer lian te fa ho lah chuan Mizotawng aiin Alternative English an intihhmuh tulh tulh nen, Cassette chauh lo, FDD, HDD, CDROM, CD RW, DVD, Blue-Ray, etc….Kan Mizotawng pawn a daih seng ta lo!
Hetiang Speeeda kan than zel chuan HINGLISH an uar ang deuh hian ZOLISH tawng a piang thuai ang. Chung hunah chuan misual.com hi a la hlu tulh tulh ang…(Admin-ho hian an peih reng chuan)
August 24th, 2011 at 5:40 pm
Transitional Period, value system etc. te khi Mizo tawngin dah la ka chiang zual tur. Mahse i sawi tum chu ka hre thiak thuak tho mai. Tin, “Transitional Period” han tih hi a dik thei ang em, hunlai (period) awmlo vin, kan inthlak kual reng (transition) anih vangin period bik awmin ka hrelo deuh…
I ngaihtuah chhuah hi thil awm ang tak niin ka hria. Ka tawng i huatthu suhah, “MAHSE” kan ti ngawt teh ang. Tlawmngaihna hi hmanlai leh tunlai hian a ngai reng. Pathian thu a hmanlai ngailo ang deuh hian “Tlawmngaihna” hi a danglam ngailo, ka ti ve tlat. Hmanlai chuan an nunphung milin an tlawmngaihna an pho chhuak a, tunlai pawhin tunlai khawvel mil zelin hmanlai tlawmngaihna ang chiah kha a tihlan theih a ni.
Tlawmngaihna a dalna ka hmuh pakhat chu, hnatlang turin aurinna (mike) in inauh chhuah kan ngai tawh. Entirnan: “Tlangval tlawmngai te kha hnatlan a hun tawh e. Tlawmngaiin lo chhuak tawh ru khai…” . Tlangval tlawmngaiin koh chhuah chawp a mamawh lo tawp ang, tih hi ka tlawmngaihna hmuh ve dan a ni mauh mai.
August 24th, 2011 at 7:06 pm
eng transitional period ah tak awm ang maw…. (Y) 😛
August 24th, 2011 at 7:40 pm
In comment hlu takte avangin lawmthu ka sawi nawn leh e. Misual a ka first post a ni a, thil tam tak ka zir chhuakin ka hria.
Article pakhat post tura ka stuggle nasat dan ka ngaihtuahin Regu taka thu tha tak tak, thiam tak a thawh thinte hi in ngaihsanawm hle in ka hria. Tin, a post-tu tan a Comment petu-te hlutna pawh ka hrethiam thar hle bawk. Chutih rualin
Post neih ve ka duhna chhan ber pakhat chu mi dangte post a lo in hnang fak ringawt hi zahthlak ka tih deuh vang a ni pakhat a. Chu chuan insit tak chung pawhin min nawr lui a ni ber e. English term eng eng emaw te ka’n hmang ve a, a lo dik tawk lo a nih pawhin in mi selna zawng zawng khi lawm takin ka pawm vek e.
August 24th, 2011 at 7:56 pm
mahse kan ti teh ang 1951-1991 kha trasitional period of population in india tih ani ve tlat mai. kha kum inkarah khan transfomation avang a population change te pawh a am anih kha. chuvang chuan transitional period vang hian india planning system uluk leh zual a duan ani. fergie hmeichhia i nih ngei ka ring a ka rawn tan che anih chu 😀 😛 (U)
August 24th, 2011 at 8:40 pm
#32 Thanks.
But Sorry, Hmeichhia erawh ka ni lo hlauh mai. 2nd para khi han chhiar leh teh. Tin, ka college kal tawhna hming chawiin Nick ah ‘Fergie’ tih hi ka hmang ve mai a ni e. Hmeichhe hming a lo nih hlauh chuan … chi loh ve le!
August 25th, 2011 at 9:58 am
a post tuhi hmeichhia ania.. ka like e einch