Thalai kan nih hun lai hi mihring nuna hun pawimawh lai ber a ni kan ti thei ang. A chhan chu mi puitling leh hmantlak ni tura inbuatsaihna leh inchherchhuahna hun a nih vang a ni. A hmang thiam lo tan erawh kumkhaw chawr loh phah nana hman theih a ni thung. Vanglai hun tih takah mihring nun pawh a nawm lai ber a ni a. Nu leh pa khuahkhirhna ata tlemin kan lo zalen tan a, mahni inring tawk tak chungin thil ti thei leh hre ve tawkah kan inngai a, kan hawi sang ve thin hle bawk.
Tleirawl chhuah chiah hian khawvel boruak thar kan hip tan a. Thil nuam leh awhawm tinreng kan ban phak maiah khawvel chuan a rawn pho chhuak a, thalaite tan chuan a itawm thin reng a ni. Mahse a tam zawk chu sual lama hnuk liamtu leh an nun chhu chhe vek thei thil an ni lawi si.
Chung thil chu khawvel hmasawnnain a rawn ken telte an nih avang chuan an tel lovin hringnun a hman theih bawk si loh. Chuvang chuan he hun hmang thiam tur leh zalenna fimkhur taka hmanga mi puitling ni tura taima taka inbuatsaiha kan inenkawl ngun a tul hle a ni. Heng thalai nun chawkbuaitu thil thalo, an nih tur ang ni thei lova mi hmantlak loha siamtu thil chi hrang hrangte hi kan ram leh hnam hmelma an ni a, kan do chhunzawm zel tur a ni.
1) Ruihtheih thil :- Tunlai thalaite nun khawih buaitu lian ber an nih tur ang ni thei lova siamtu chu ruihtheih thil hi a ni a. Hei hian a huam zau hle a, zu leh drugs mai bakah zuk leh hmuam chi hrang hrangte pawh a huam tel vek a ni. Chungte chu a mal te tein \halai nun a khawih danglam dan kan tarlang dawn a ni.
a) Zu :- Zu hi thalaite kawng dik lova hruaitu leh suala hnuk luttu ber pakhat a ni. Amah mai hi chuan sual a ni hranpa hauh lova, mahse dik lo taka hman a nih thin avangin sualah mi tam tak a hruai lut a, thalaite tan hmelma lian ber pakhat a ni.Tam takin tleirawl tan tirh atangin intihhlim nan leh thian pawl nan an in tan a. Naupang kum 13/14 atang pawn mi tam takin an tem tan. Intih tunlai nan hmeichhe tleirawlte pawn an in tan a, abikin khawpuia chengte zingah a hluar zual a, a pawi hle a ni. Rawlthar thenkhatten thiante zingah leh hmeichhe zingah intih huai leh intih pa nan an hmang bawk.
Zu kan in hian harhfim kan tih ngam hauh loh leh kan tih duh hauh lohte kan tih phah a. Sualna chi hrang hrang hrang, thinurna, insualna, rukrukna, hurna, retheihna, mualphona mai bakah chhhungkaw buaina chawkchhuaktu leh lehkhazir chhunzawm theih lohna thlentu a ni. Zu hian kan chhungkua leh kohhran a chawk buai mai ni lovin khawtlang leh ram a ti ralmuang lova, a ti buai thin. In dan thiam pawh inziritr a tul hle laiin in loh tawp hi a tha ber. |halai nun vawchhetu, an nih tur ang nih tir theihlohtu, rilru buaina leh natna thlentu hlauhawm tak a ni.
b) Drugs :- Tunlai Mizo thalaite hmelma lian lian ber chu drugs hi a ni kan ti thei ang. Khawpui mai nilo thingtlang lam thlengin kan thalaite a bik takin rawltharho nun a khawih chhe nasa hle a ni. Hemi a nih avang hian hriau intawm avanga natna hlauhawm tak AIDS thehdarhna hmun pui (epicenter) Mizoram hi a la ni thuai dawn nia chhut a ni bawk.
Drugs ngawl veite hi college leh HS school zirlai naupang duhawm tak takte an ni tlangpui a. College kalin an zalen tan a, thenrual tam tak pawl-in khawlai an leng a thil sual tam tak an tih tan phah thin. Heng drugs-te hi awlsam takin bazar, school leh college campus vel atangten awlsam taka lei mai theih a ni.
Mizoram hian Bangladesh leh Myanmar ramri 710 km laia thui a nei a. Heroin siamna hmunpui Golden Triangle (Myanmar, Thailand leh Laos kar cheh) atanga lo chhukin Mizoram hi an sumdawnna kawng pawimawh tak nia hriat a ni. Manipur University-a History professor leh drugs dona lama thawk lar tak Dr. Salam Irene sawi danin Mizoram paltlang hian he sumdawnna hian kawng hnih a nei a. Chu chu Mandalay, Tiddim, Singhat, Churrachandpur, Aizawl leh Mandalay, Tiddim, Champhai, Aizawl, Imphal paltlang ten a ni.
Sumdawnna hlawk tak mai a ni a, Narcotic drugs (heroin, marijuana, etc) ang chi Kg khat hi India leh Bangladesh-ah cheng nuai 2/3 ten a hralh theih a, mi tam takin nunna thapin he sumdawnna hi an bei a ni.
Drugs tih chhan nia hriatte chu :- |hiante tih vang (peer group pressure), experiment chhin duh vang, nuna beidawn vang, tihtur hriat loh vang, chhungkua-a buaina leh harsatna vang, nawmchen duh vang hrim hrim, intih tunlai duh vang, etc. te a ni.
A that lohna thenkhatte :- i) Mipat hmeichhiatna lama dawng dahna :- Drugs hian thalaite rilru a chawk buai a, eng sual pawh pawi tih lohna leh dawng dah taka mipat hmeichhiatna lama nawmsip bawlna sualah mi tam tak a hruai lut thin. (Society for Promition of Youth and Masses, Shillong-in kum 1993-a survey a siamin a tarlan danin drugs hmangtute zinga 42.82% chu dawngdah taka nulat tlangvalna lama inhmang an ni a, mi 70 zinga 30 chuang chuan mipat hmeichhiatna lamah kawppui pakhat aia tam an nei bawk).
iv) Rock Band leh Ruihtheih thil: Thalaiten kan ngaihsan em em zai thiam (Rock Music) tam takte hian dawng dah takin an nun an hmang a. Pathian awm ring hauh lova Setana betu leh a rawngbawltute pawh an awm a; baw raw tak taka nun hmangin ruihtheih thil drugs pawh an khawih nasa hle.
Kum 1990 chho-a rock band lar tak Guns N Roses chu nula, drugs leh zu avangin reiloteah an keh darh a, an album pakhat hming Lies an tih te kha a awmzia tak chu the Sex, the Drugs, the Violence, the Shocking Truth tih a ni mauh mai. Led Zeppelin group-a mi Jimmy Page chu heroine addict a ni a, amah avangin an concert tam tak an thulh a, an mualpho nasa thei hle bawk. Sex Pistols group-a mi pakhat pawn drugs vangin a bialnu a that a, amah a intihlum bawk.
Andy Gibb kum 30 mi lek Bee Gees supergroup member pawh kum 10 chuang cocaine drug addict-in a awm a, overdose-in March ni 8, 1988 khan a thi a, drugs a tih vanga pawisa ba pound maktaduai 1 chuang a nei a nih chu!.
v) Heng bakah hian thalaite tan Mass Media hi rual awhna sual leh rukrukna te, ho mai maia hun leh sum khawhralna, leh chhungkua-a innghirnghona thlentu a ni thei bawk.Tun laia Internet (khawvel tukverh) kan tih hmang hian computer atangin duh zawng zawng thil a hriat theihin a thlir theih ta a. Zirlai tam takten Cyber Cafe-ah an hun tam tak an khawhral a, tangkai pui aiin an zirna a ti bahlah thei bawk.
Chin tawk hre lova hmang thin tan taksa hrisel lohna pawh a thlen thei a, recreation hun tam tak computer an thut chilh thin avangin taksain a tuar thei bawk a ni. Heng TV, Cinema, magazine leh computerte hi thil tha tak vek an ni a, kan nitin khawsakna atana thil tul leh pawimawh tak an ni. Kan hriatna ti zautu, zirtirna tha tak tak min petu, min ti changkangtu leh zirna lamah pawh min puitu tha tak tak vek an ni. Amaherawhchu kan hman dik loh thin avangin a ni lo zawngin thlaite nun a kai her ta thin a ni.
Chuvangin heng thil kan sawi tak thalaite nun khawihbuai thei thil tun lai khawvel hmasawnnain a ken tel tlat si te hi hmang thiam thei turin infuih tawn zel ila thalaite nun tichhe thei thilte erawh hi chu hi i do chhunzawm zel ang u.
Similar Posts:
- Tunlai Thalaite Nun
- Technology leh Mizo thalaite
- TUNLAI TECHNOLOGY LEH THALAITE
- Rawngbawlna- ruihhlo ngaite ah
- Ngaih ang ngawt ni lo – Condom
November 5th, 2010 at 3:46 pm
Hetiang lam hi constructive taka sawi chuan kan tangkaipui viau tur a ni. A tha e, ngaihdan ka sawizau viau ang lem.
Report this comment
November 5th, 2010 at 3:47 pm
Kan chhiar phot..
Report this comment
November 5th, 2010 at 3:49 pm
Ka ngaihdan ka hman leh ka la sawi ve ang :mrgreen:
Report this comment
November 5th, 2010 at 3:50 pm
sei phian lehnghal ah!
Report this comment
November 5th, 2010 at 3:50 pm
Ziaktu fakawm khawp mai
Report this comment
November 5th, 2010 at 4:07 pm
“Thalai nun vawchhetu, an nih tur ang nih tir theihlohtu, rilru buaina leh natna thlentu hlauhawm tak a ni”. A hmangtu a zir anih ka va ring em, a in zawng2 ah chuan anih ka ring lem lo.Tin Internet pawh a hmangtu zir in atha ina athalo thei a, thil re re hia pawng hnualsuat ngawt hi a dik ber enm aw?
Report this comment
November 5th, 2010 at 4:16 pm
Tunlai thalaite tibuaitu maw? E le hun awl an ngah lutuk hi! :roll:
Report this comment
November 5th, 2010 at 4:29 pm
Thalaite nun tibuaitu ber chu ‘hurna’ hi alawm ! A dang hi chu a behbawm vek !Kan tleirawl lai pawn hurna hian min ti buai ber
:mrgreen: Hemi, tisa chakna lo so sang ta viau mai lo counter tur hian sports, aim in life mumal..competitive exam, pathian thu lama in hmante, sum tuak chiamte etc..prog tha tak2 a awm ang !
Report this comment
November 5th, 2010 at 4:33 pm
Real Role models anneih loh vang.
Roles models as follows anneih chhung chuan an changkang lovang:
1) Local idol/icon zaithiam
2) Officer (IAS/MCS/Er.Dr.) social service/public servants anni tih hre lova sum ringawt um
hui hammm
Report this comment
November 5th, 2010 at 4:48 pm
Lehkhabu hi kan ngaina hle tur a ni.
Report this comment
November 5th, 2010 at 4:58 pm
@CFL, lehkhabu tha lo a nih chuan a tha chuang miah lo. :lol:
Report this comment
November 5th, 2010 at 5:11 pm
Sawi ve tur ka hrelo zu hi amahchauh chuan a suallo a thianpa vangin a sual em ni?Tu nen nge an sual mahni chauh a suallo thiante nen a sual hi an awm tak tak ang em? :?: :?: :?: :?: :?: :?:
Report this comment
November 5th, 2010 at 5:21 pm
@zualbonez
I thaw dik leh ta. totaly agreed.
Thalaite hian HERO kan nei tlat lo.
Report this comment
November 5th, 2010 at 5:22 pm
a 20 century trep
Report this comment
November 5th, 2010 at 5:44 pm
hunawl ngah hi a pawi a ni…thltha lam tia nitin mai hunawl nei mang loa kan awm chuan sual kawng ngaihtuah a tlem deuh nge nge in ka hria
Report this comment
November 5th, 2010 at 6:23 pm
Post relevant tak a ni a, mahse a remedy lam tlem tal rawn chhawp chhuak la tha tur, nge sawiho atan i zuah zawk?
Personality development lam hi uar a ngai. Thalaite tibuaitu kan han sawi takte khi chu khawvelah hian an awm reng dawn a, a response dan lam hi chhungkua, kohhran leh thalaite zingah kan inzirtir a ngai khawp mai.
Personality development tih hian a kawh tum chu mihring pangai ni tura inchher a ni ber mai a. Kan ngaihhlut tur (value system) dik inkawh hmuhte, suangtuahna thamral chi a inhmang lo tur leh a tak ram (realistic) thliar thiam tura inzirtirte, sakhuana dik inzirtir (a zai lam leh rau mak lam ngawta kal ral lo chiin), awm dan mawi leh tha inkawh hmuh te, hnathawh lama pumpelh zawnga fate duat bansante, a tam mai. Christian education, media education leh sex education ang chite hi thil tul tak niin ka hria.
Report this comment
November 5th, 2010 at 6:44 pm
remedy sawi takah chuan kan soundtrack lawk: :lol:
https://www.youtube.com/watch?v=5qD72NCJSkk
Report this comment
November 5th, 2010 at 6:49 pm
Drugs tih hian sex alang lo viauin kalo hria asin :?
Report this comment
November 5th, 2010 at 6:53 pm
@ 18 HV ..ka sawi duh loh i lo sawi chhuak :lol:
Report this comment
November 5th, 2010 at 7:01 pm
drug addict sex drive a sang thei lo…lol
Report this comment
November 5th, 2010 at 7:03 pm
zu in lo,drugs ti lo,awm awl,ei tui, fit bawk si ho hi lawm hur duh..(inkhawm te hi an peih phian nia):p
Report this comment
November 5th, 2010 at 7:04 pm
@ 21 8O :lol: :lol: :lol: :oops: :mrgreen:
Report this comment
November 5th, 2010 at 7:07 pm
:lol:
Report this comment
November 5th, 2010 at 7:07 pm
zualbonez @ 9. mizoram synod civil service i hmaih!
Report this comment
November 5th, 2010 at 7:09 pm
@ 24 nasty…100% chuan ka sawi dik duh bik lo :mrgreen:
Report this comment
November 5th, 2010 at 7:12 pm
Thatlai hun techu chen ve bawk tur alawm, “It’s time to make mistake and gain experience”
Report this comment
November 5th, 2010 at 7:15 pm
i thil ziah hi tual leng research base a MA sociology/social work term paper submit mizo tawnga translate a va ang ve….
:roll: NOI
generic lutuk…
Report this comment
November 5th, 2010 at 7:52 pm
zu leh drugs khawlohpui khawp chu misual zingah kan awm em lo ang chu maw?.
Report this comment
November 5th, 2010 at 7:54 pm
Hunawl an ngah lutuk, role model an entawntur tha awm lo te… A va dik hlawm ve.
Kawng engkimah western culture lakluh ve phet tumna te hi a bulpui ber a ni bawk.
Report this comment
November 5th, 2010 at 7:59 pm
Report this comment
November 5th, 2010 at 8:03 pm
29..tun ah chuan korean tuai te pawh!lol
Report this comment
November 5th, 2010 at 8:06 pm
KTP,TKP, leh NGO a in hman nasat lutuk pawh hi thalai zirlai tan chuan herion ang tho in a hlauhawm!! music hrim hrim hi chu eng genre pawh ni se do a tul na ka hre lem lo! MAHNI IN THUNUN HI PAWIMAWH BER!
Report this comment
November 5th, 2010 at 8:16 pm
“drug addict sex drive a sang thei lo” dik, mahse a drive sangho lakah an him lo
. A sang lo chung chung pawh hian an inthlahdah viau chuan a sangho :oops: nazawng ai mahin an inhmang nasa thei.
Report this comment
November 5th, 2010 at 8:47 pm
Education system hi a that chuan khawtlang nun hi thui tak a siam that theih kan ring ve ngawt a. Lehkha zir sang (sang lemlo pawh) educated lo deuh hi kan tam ta viau niin a lang. Mihring thatna lai ber ber chaw chhuak a, a theih ang chin tawka tha thei ang bera nung tura chher hi education in a tum pawimawh tak a ni si a :wink:
Report this comment
November 5th, 2010 at 10:04 pm
@ lalmi5ualpa,Thatchhiatna, leh nalh ber ni tumna te pawh a dang leh ??????
Report this comment
November 5th, 2010 at 10:11 pm
Kan nu leh pa/Kan pi leh pu te khawloh leh kawhmawm bawl kan tuar tlang anih hi!
Report this comment
November 6th, 2010 at 3:01 am
#36 metro..ni vek biklo e..hetiang ngaihna kan neih ten engtinnge niang….
zu chu sawi lo mai ang,,,,Drug addiction hi chu a pawi a pawi takzet..kan khuaah la hian chhan hriatloh a hausa thut thut an tam ang viau lehnghal…FOUR tih te hi a chhan mi rin ber a ni thin :lol:
Report this comment
November 6th, 2010 at 3:08 am
@36 mahni hi ani zawk!! Midang puh hi a thing ru riau..
Report this comment
November 6th, 2010 at 11:41 am
Thil thalo zawng2 hi paih fai thei ta vek ila chuan vanram tlafual ani ngot don a lom le :lol: :roll:
:lol: …………… :lol::lol: khawvela mi hlauhom ber te chu perfectionist ho hi an ti mithiamte’n, personality development ah chuan akekekekekeke……:lol: :lol:
Ziak Tha khop mai………..mahse a thlakna tur(solution) han zawng teh khai.
Report this comment
November 6th, 2010 at 11:07 pm
#18, Drugs addict sex drive sang thei lo tih khi chu a dikhlel deuh mai thei ! Drugs hi chi hnih..upper leh downer an awm a, downer hi a moody zawnga thok ani thung a, ka hriatsual loh chuan heroin te, cannabis, marijuana/kanja etc te hi downer lanah an tel. Upper lamah chuan LSD, Brown sugar, coke etc Upper lam khi chuan an sex drive a san phah thung a, downer lam hi chu sang lo tura ngaih an ni a tlangpuiin. Mahse marijuana/kanja/hashis te hian a kaitho thin an ti ! Addict nghet tlat toh hi chuan sex hi engahmah an ngai toh lo zok , in zorh an poisa miah lo. Aizawlah hian heroin NO4 hi duh tawka rui turin nikhatah sangthum vel angai a! Hei hi tun hlawhthar anga chhut pawh hian nikhata hlawh pha an vang khop mai ! Chuvangin hetiang bawia lut toh ho chuan an ‘englo hralh’ kha an pawisa miah lo ! Tin, zu hian sex lam a ti harh leh bawk a ! Kei chuan a bul ber chu ‘hur’ hi ani ka ti tlat ani.
:mrgreen:
Report this comment