Pathian rawngbawl kan tih hian kawng hrang hrang in a sawi theih awm e. Thenkhat chu hla tak tak thlengin rawngbawlna zau zawk nei tur in kan kal chhuak thin. Tamtak rilru ah erawh awm hmun sawn loh chuan rawngbawl lo ah kan ngai deuh lek lek mai. Kal chhuak kher lo in kan vel ah leh kan in chhungkhur ngei ah pawh rawngbawl na tur tamtak a awm. Chung zing ah chuan “ruihhlo ngaite” hnen a rawngbawl hi a ni in thil pawimawh tak pawh ani.
Ruihhlongaite hi chhungkua, khawtlang leh kohhran pawhin a buaipui em em, chhungkua a kan mawhphurhna a lian leh zual. Hmangaih leh duat taka enkawl an ngai.Mitin,chhungkua atanga rawng kan bawl chuan kan hlawk pui em em dawn ani. Chhungkua a ruihhlo ngai kawl te chuan chhungkua a tihbuai zia leh a tih hrehawmzia kan hre theuh awm e. Amaherawhchu, an mahni enkawlna kawng ah beidawng lo a, tawngtaina nen a beih hram hram atha.
Kohhran pawhin ruihhlo ngaite hi a vei em em,abik takin thalaite ah heng ruihhlo ngaite chhanchhuahhna hi a innghat thui hle. Ruih hlo ti thin te hi an thil tih in a bual at hneh em avangin awlsam te a ngaiawh tir theih ani ni lo. Thalai hruaitu tamtak ti beidawng em em tu chu tawngkam dawn nuam lo deuh deuh te a an lo tih let chang te a awm thin vang te pawh aniang,heng kawng ah hian beidawng lo a,thuhnuai rawlh taka tungdin leh hram hram I tum ang u. Inkhawm tur te, kohhran leh thalai thil tihna na a tel tam tur te a sawm leh fuih thin atha hle ang.
Heng ruihhlo do kawng ah, kohhran huang leh khawtlang huap pawh a thalai te tan kan lak angai in, taimak I chhuahtlang ang u.
“Misual akawng bo na ata hawikirtir tu chuan thihna ata a thlarau a chhandam anga, sual tam tak a khuhsak bawk ang” tih in hre rawh se. Jakoba-5:20
Similar Posts:
- Thalai kumthar Project atan enge?
- YMA Camping
- Thalai rawngbawlna enfiah a ngai e
- Synod-in CYMA nuai khat pe
- Jail ah Pastor?? (Lectern?)
July 7th, 2012 at 5:06 pm
Ruihhlo ngai ho te hi vaw hrep zel ila ..a tha mai thei
Report this comment
July 7th, 2012 at 6:29 pm
Hemi chungchang hi misual.com-ah ngei hian ka post ve tawh a, “Kan rûm e” tih a ni ta-in ka hria. Ka vei ruk ve êm êm thin a ni…ka theihna erawh a tam si lo.
Report this comment
July 7th, 2012 at 6:38 pm
#lrp, vuaka tha thei ni se chuan avaw tur kan tam sia an tha tawh ngawt ang..
#lr hlonchhing, kei pawh ka vei ve viau thin mai, tih theih erawh atlem si…
Report this comment
July 7th, 2012 at 6:49 pm
Fuihna leh thahnemngaihna thu tha tak a ni
Report this comment
July 7th, 2012 at 9:26 pm
Report this comment
July 7th, 2012 at 9:59 pm
Post tupa thu leh hla hi a dikin a zahawm viau naa mahni chhung leh laina hnaia damdawi ti mi an lo awm ve chuan thinlung a na ngawih ngawih a, zahthlak bawk sia… Anmahni duhsakin hmangaih hle mah ila lo duat em em chu a practical chuan a harsa khawpin ka hria. Beidawn tawpah chuan, ”an pianthar that lai tak hian thi daih mai se” tih mai pawh a awl ta ve ang… Chatuana an boral ai chuan an thlarau chhandama a awm kha a hlu zawka ka hriatpui changte pawh a awm!
Report this comment
July 7th, 2012 at 10:15 pm
Nu leh pa te tan hian fa Drugs addict neih aia thil hrehawm leh rapthlak hi a tam vak ka ring lo mang e. ‘Damlai hremhmun’ ani ringawt hian ka ring thin. Hetiang mi te, hmangaih tak leh beidawng lova enkawl tang tang thin tute lakah hian ka lukhum ka phawk (hats off) a ni.
Report this comment
July 7th, 2012 at 10:16 pm
Meizial mai mai pawh nghei harti ka ni tih ka inhriatchhuah chang hi chuan insit a awl ka ti thin.
Report this comment
July 7th, 2012 at 10:19 pm
#mama_B, ni e.. I sawi ang deuh hian awm mai se la aw…tih vung vung chang ka nei thin. An mahni an beidawn tluk hian kei ni pawh kan lo beidawng ve bawk si a.
Report this comment
July 7th, 2012 at 10:24 pm
Ruihlo nghei hartur zia hi aw tiin ka ngaihtuah mai2 thin. Meizial leh kuhva pawh awlsam taka nghei a har tehlul nen a aia addict awl zawk ruihhlo nghei hi thil hartak tur a ni. Ruihhlo ngaite hi duat an ngai khawp mai, an khawngaihthlak bawk si a.
Report this comment
July 7th, 2012 at 10:27 pm
laldoma #10 nghei tumna neih chuan har love a. A thlakna tur duhna nei chungte emaw, an nghei tur sawi sawi ho te ang hian emaw an nghei duhlo niin ka hria. Gospel camping tih vel hi zawng, in tih tuahna, va intih hrisel zawkna, inhremna mai mai niin ka hria (NOI)
Gospel camping tih vel hi chu fuihna atan chuan thatna chen a nei turah ngai ta ila(ka lut ngun a, a thatna ka hre em em lo tlat), mahse ruihhlo ngai tawh chin tak takte khan an ngaithla tha tak tak turah ngaih reng reng loh tur. An rilruah khatiang lam kha a langlo reng reng ringawt…
Report this comment
July 7th, 2012 at 10:32 pm
#Tz, a ni asin!! Zu ngawl vei, drugs ngawl vei te ka hmuh hian ka nun ah hian an ni nen enge ka danglamna tih ka inzawt fo thin.
Report this comment
July 7th, 2012 at 10:38 pm
#Hv, A ni khawp mai, Home/Center tih pawh hi athat rual rual in mahni ah tumna a awm tel loh chuan a chak tawk lek in an awm mai mai chu ani e…
Report this comment
July 8th, 2012 at 1:13 am
Ruihhlo ngaite hi kan khawngaih ve chiam chiam a, an hlim phian awm asin.
Report this comment
July 8th, 2012 at 4:00 am
Pu HVa sawi khi a dik reng. Nghei tumna an neih loh chuan an nghei ngai lo ang. Anmahni leh anmahni liau liau a in nghat ani. Ka thianpa Naga pa in ‘kan tlirawl laiin drug kan ti ve deuh a, hel pawl in khaw pawn ah min hruai a, min vaw nek a, kan tih leh chuan min kah tur thu an sawi a’ ka ngam tawh lo a ti.
Tleirawl sual ve zuai chu kan nei vek ang! addict a, thil dang zawng zawng aia drug ti zawm ta te hi chuti tak a mi uihawm an awm mang lo ang! YMA hian hlap hrep zel ila, an chhungte rilru an tih hah vang tal pawh in!
Report this comment