Mei lo zu thin tawh te leh zu lai mek te tunlai khawvel hmanraw changkang, CT Scan hmanga an zirchianna (scan) chuan rah tha a rah a, Chuap cancer a thi tur a chhanchhuak teuh ta mai tih thu US Federal lam zirmi te chuan tun Nilaithawhtan khan an puang.
Kum valai leh upa lam tawh mi 53,000 aia tam mah, mei lo zu nasa tawh thin leh zu lai mek te an han enchhinna ah chuan, za zela sawmhnih velin an dam chhuah phah tih an hmu ta a ni. He an en dan hi ‘low-dose helical computed tomography’ tiin, Awm X-ray (chest X-ray) pangai te nen chuan a hriatlawk theih dan a dang ta zar mai a nih chu.
NCI (National Cancer Institute) Director, Harrold Varmus chuan, “hetia za zela mi sawmhnih an dam chhuak thei tawh dawn a nih chuan, ram puma han chhut phei chuan damchhuah pui an tam dan tur zia chu…” tiin phur takin a sawi.
America ah ngawt pawh hian, mei lo zu nasa thin leh zu mek 91.5 million vel awm niin chhut a ni a, an vai hian Chuap cancer vei hlauhawm vek an ni. Kum tin, mi 196,000 aia tam Chuap cancer vei thar USA ah hian an awm a, chung zingah chuan 159,000 te chuan an thihpui thin, tiin Express chanchinbu leh Tv lam te chuan an sawi.
Mizo te zinga mei zu mi/zu thin te tan, CT Scan a lo in check-up tir zeuh zeuh hi kan tangkai pui viau thei ve tho law’ng maw?!
http://www.wftv.com/health/25632608/detail.html
