Kristian tam tak ten; nitin hian indona field-ah kan awm tih hi kan theihnghilh fo thin. Nitinin kan hmelma pa Setana hian, kan chhia leh tha hriatna hmang leh kan duhzawng ngei te hmangin min thlema, min hneh tumin theihtawp a chhuah reng thin. Kan chhungkaw inlungrualna te, thiantha inlungrualnate, kohhranho inpumkhatnate, nupa kar nun duhawm takte chu tihchhiat tumin a hmanhlel reng a.
Achang phei chuan min hneh a, chu chuan lungngaihna vawrtawp ah te min hnuk lut a; min siamtu Pathian hialte dem phah nan leh A hming thianghlim takte pawh kan sawichhiat phah hial thin. Hei hi kan hmelmapa Setan-a thiltum leh duhthusam chu ani reng ani.
Kan ramah ngei pawh, mahni nunna hial la te kan pung zel a, nupa tang thenna a hluar tual tual a, fahrah kan pung tual tual bawk a. Heng zawng zawng hi mimaltinte leh khawtlang te Setan a’n a hmaraw chi hrang hrang hmanga min beihna ani tih hi kan hriat avan huntak em.
Raldo tur chuan kan raldo tur kan hriat chian hmasak hi tihmakmawh ani.
I mimal nunah, inin chhungkhurah, innupa inkarah, nitin eizawnna hmunah, in fate ah; thiamtakin Setana hian hneh tum che in nitinin tan ala mek a.Tharuma beih a hneh chi ani lova, mihring finna leh thiamna hmanga hneh chi ani hek lo.
Kan hmelma pa hi chak viau mahse, ani aia CHAK zawk Pathian engkim siamtu kan nei hi kan vannei ni. Nitinin Lalpa rawn chung leh Thlarau indonna ralthuam, Baibul chhiar leh tawngtai a Amah kan pawl reng fo chuan, engmahin min hneh lovang. Kan lama tang hi, kan lama tanglo ai hian thil atithei zawk si a !
Amen
