Mi hawi zau leh anih phung hrechiang zawk ten an nghahhlel leh beiseina sang tak nen a an lo thlir thin Aizawl Municipality chu a thu mai a din ni tawh lovin, Election te nei a councillors sawmpakua thlan an han ni ta rup mai hi a va lawmawm em! Inthlan a lo nih tak avang a lawmna hian lawm nasa zawk thlen ngei tur ah ngai ila.
City Bus a chuang ve vung thin ni si in Veng tin ah Village Council in min awp tlat thin kha, tun ah chuan Councillor khaihruaina hnuai ah Local Council ten min kaihruai tawh zawk anga, Harsatna te nau te te kan MLA te hnen a kan thlen thin; an nin hman leh hman lova bial chhung te ni si a.min ngaihtuah loh theih loh thin kha eng emaw chen chu a bo tawh anga,Hna thawh leh eng ilo fahran ah pawh thil a awlsam tawh ngei beisei theih tur ah ngai ila.
State Budget sum tam tak Aizawl khawpui cheina a tan a hman thin kha tam zawk chu Thingtlang a unau ten an chang thei tawh anga,Hei aia chuan Rural Development ah pawh kan Ram zoram hian hma a sawn theih ngei a beisei awm dawn ani.
A chhan chu Local Body (Municipal Council) hmang hian Central ah he khawpui cheina tur sum (JNNURM) tam tak ruah hman tawh ani a,Cheng vaibelchhe sang chuang hmin sa diam awm tawh, Dawt hmang a lak chhuah tuma kan beih hrep mahse ring lotu zawk ten thil dik lo lang chiang em em tih hriat avang nge ni 2nd installment pawh min pek duh tawh lo chu hai chhuah a han ni dawn ani.
He sum hi ka hriat sual loh chuan 2012 thleng a lakchhuah theih a ruahman niin ka hria a,ka ti sual anih chuan a hre zawk ten min tihdik (Correct) sak mai se,hetiang anih chuan Municipal in form rual rual a Project siam nghal thuai thuai hi a finthlak dawn mang e aw tiin ka lo ngaihtuah ve mai mai a. Municipal te kha thu chauh mai ni lo khan a tak tak in din tawh chu nise tun a kan khawpui kawng chhe lutuk tlan hleih theih loh khawp a chhia te hi hmuh tur a awm lo mai thei ani.
Pu Duhsaka (CE PWD) ni ta ten SE Building Division a awm laia theih tawp tak meuh meuh va an lo buatsaih Aizawl City Development plan te pawh hei leh chen hi anih dan tur ni thei lovin a lo awm tawh a.Vision tha tak tak an neih te a thamral hman lek lek lo chauh anih tak hi, mahse tun ah Cowboy tan hun dik tak ah Municipal dik tak chu a lo in tan ta a, hmachhawp a tam dawn ngei mai, changtupa chet hun ani tawh takzet ani tih hria a theihpatawp chhuah tur in kan Zoram hmangaihtu kan Chief Minister, MLA, Minister te leh kan Councillors thlan chhuah tak te Aizawl khawpui a mi mai nilo Zoram mipui te hian kan ngen tak meuh meuh che u a ni.
He pawisa tam em em mai hi kan lak chhuah hun chuan Politician tu emaw tangkam tak in a MAK A MAk a tam a awm dawn a, hman sual leh theprelh awm vak ang tih hlauhawm tak ani. Mipui te hian kan hre reng tur ani, kan neih chhun kan ram Zoram hi kan vei tur ani a, hei bak ram dang vei tur chuan kan nei lo.Tin kan Politician chhuanawm tak tak te u han in ngaihtuah harh thar zel teh u, Pathian thu hmui a lam thla zen tu mai leh sawi chiam lova a tih a ti mi hi mipui hian kan hai lo tan hle a ni tih tun Municipal ah pawh a lang chiang hle mai.
Kan thusawi mek nen a inkungkaih teh chiam ni lo mahse ka thinlungah a lian si a, ka’n sawi chhuak hram teh ang.North East State hran hrang (Manipur) tih loh ah chuan 10 % Lumpsum Grant Urban Development and Poverty Alleviation Ministry atang hian dawn thin ani a, Keini Mizoram pawh hian NBCC Ltd.(Gov,t Of India Undertaking) executing agency a hmang in Sub-Division leh Districts headquater cheina eng emaw zat chu kan hmu ve thin a, sorkar hmasa (MNF) ah khan he work hi zalen tak a tih thin a ni a, Local Contractor ten an chhang thin a, MNF ani emaw Congress a ni emaw, MPC, ZNP ani emaw fair taka chhan thin anih avang khan a lowest khan an hmu mai thin ani, tun a ADCC President pawh hian pahnih thum vel chu a thawk ngeiin ka hria.M
Mahse tun sorkar lai hian a politicalize vak mai a, hnam dang vai duhsak in a hnampui te kawng a kar sak hmak mai te hi Zoram Mipui ka hmangaih tihna nen chuan in persan tak ani.Tun ah pawh Champhai Town Development vaibel chhe 20 vel khawih mek ani a,he work pawh hi Mizo mipui te tender tur a ruah hmansa vek kha Guwahati vaipa pek ani ta a,tun ah pawh Saitual town development Rs.12 Crores leh Serchhip town Development Works Crore eng emaw zah chu vai pek vek an ni.
Khitiang thil tenawm tak hi chu he Municipal chhung ah chuan a awm ve kan duh lo tak zet a, tin tun a councillor thlan chhuah ah te hian ka mi rin tak te pawh an tel ve a, Politics chhia va in a la chiah zawr loh te, Beisei na sang tak nen kan lo thlir reng a che u. Thu dik leh thil tha chauh duh a, huaisen tak thil tha leh Pathian lawm tlaka hna thawk turin kan ngen tak meuh meuh che u a. In sawi ah ni lovin in thil tih ah hian Pathian hming in lam thin tih hmuh leh hriat kan duh tak meuh meuh ani.
Similar Posts:
- Aizawl Municipal Council lo awm tur hi…..
- Aizawl Development Authority hi…..
- ADA chungchang hi
- Mizoram Sorkar in Municipality din a remti
- Kum 2003 atangin Mizoram PSU 5 te hloh hlirin la kal
November 7th, 2010 at 11:30 am
A lo ni maw, city bus kan neih na kha a rei tawh nen! Hma i sawn zel ang u auh.
Report this comment
November 7th, 2010 at 11:33 am
City ‘tak tak’ kan ni reng amo ka lo ti mai asi!
*Aizawl City, Home of the flyest -M.sailo*
Report this comment
November 7th, 2010 at 11:36 am
Nia, dik khups mai.
Report this comment
November 7th, 2010 at 11:49 am
politicalize … mawi reuh, he saptawng hi! Dictionary-ah a vang thung.
Aizawl Citicalize hep hep tawh em? :oops:
Report this comment
November 7th, 2010 at 12:14 pm
@4 Pu Chawnghilh Minglish a nih hi, mizo politiciante zingah tawngkam thar a ni lo
Development work vai hnena pek chung changah hian ka rilruah thil pakhat lo lut chu: vai pek hian hna a tha zawk nge, enge maw zat lo fanghma no ei ve a rem zawk avanga vai pe an nih? Local contractorte hna nge tha vaiho? A tha zawk lo chung pawh a vaiho pe an nih chuan phoro tumte hi phoro khalh chi an ni ang.
(hraw tak tak hian ka han comment ve a, ka thu lo ropui si a ka nuih a za, ka nui huk mai).
Report this comment
November 7th, 2010 at 12:17 pm
Hma kan sawn pui ngei chu i ring phawt teh ang.
Report this comment
November 7th, 2010 at 12:24 pm
Local council an inthlan dan tur hi ka hrethiam lo tlat. Tukin chanchinbu, mzvision-a rawn post-ah khan kan CM zahawm takin local council member te chu tuna VC dinglaite ni tur angin a sawi a.
Aizawl VC chu Congress an ni deuh vek awm e. Mahse Council member 19 ah 5 chauh an nei bawk si a. Congress council member ni ve lo 14 te hian congress VC te hi council member ah an pawm ve mai dawn tihna em ni?
Report this comment
November 7th, 2010 at 12:59 pm
AMC a kan hotu turte chu
Chariman : CT Zakhuma INC Nursery Veng
Vice: Zarzoliana ZNP Zemabawk veng
Excutive 3 te :
1) Lalzirliana INC Chawnpui veng
2) F.Lalhuthangi INC Republic veng
3) Hmingthanzami ZNP Chaltlang
SOURCE
Report this comment
November 7th, 2010 at 1:15 pm
Chutia VC atanga AMC a chuangkai ta rau rau chu, Aizawl pawh hi a hming thlak daih ula mawle :lol:
Report this comment
November 7th, 2010 at 1:20 pm
mzvision #8, ZNP lungawina hi 50-50 chu a ni lo tawp mai. Pawnfen hnuai thil a awm thei em?
Report this comment
November 7th, 2010 at 1:23 pm
Kristian Ram rorelna thar kan hmang don chu a nia,lo thlir phot mai ila…’rorelna dik chu Luipui ang in luang se…’
Report this comment
November 7th, 2010 at 1:26 pm
nia hmasawn tur chuan corruption phoro a ngai phawt a nia
Report this comment
November 7th, 2010 at 1:57 pm
Aizawl pawhi Aijal tiin thlak law law ila…a citicalize dawm em a sin (phiamthu.. :lol: )
Report this comment
November 7th, 2010 at 1:58 pm
Contract chungchang i rawn sawi dan chu ka lo hriat ve dan nen a va danglam ve….ka hriat dan ah chuan MNF hunlai khan an duhsak zawng an pe mai zel a 1st class contractor ang thawm pawh ka hre ve nual a,tun Congress hunah hian a nih dan dik an hmang e an tia…eng pawh chu nise diklo tam tak hi chu a awm tak zet tih hi a chiang a ni e :twisted:
Report this comment
November 7th, 2010 at 2:04 pm
ngatinge maw anlo politicalize reng reng chule
typo hi a tam duh ania keipawh hmanni k post tekha “d” hit turah “d” bul chiah “s” kalo hit avanga third person, singular, present indefinite tense anga a verb awm ta daih a awm nawk mai.
Report this comment
November 7th, 2010 at 2:35 pm
Tling tharte ka lawmpui viau rualin, MLA emaw an in ti ang tih ka lo hlau deuhva. Ngaihtha takin han ringngam phawt mai ila :lol:
Report this comment
November 7th, 2010 at 2:51 pm
#12-Vawklubul khi ka support :lol: :lol: :lol:
i nick chu le,…. :lol: :lol:
Report this comment
November 7th, 2010 at 3:31 pm
Heng tling thar te hian an motor hmaah COUNCILLOR tih ziak an tar ve angem le?
Report this comment
November 7th, 2010 at 4:24 pm
An zar ka zo ve lehloh tur bawk.. :lol: Zoram tana tha taka an thawh hun tur tlumtea thlir takin kan lo thlir e…
Report this comment
November 7th, 2010 at 6:19 pm
Nia kan ram hi kan vei a ngai a ni. I sawi khi a dik a nih chuan i post tha ka ti khawp mai. A hrim hrimin Pu Hawla hi chu vai lam hi a duhsak riau zel hian ka hre ve mai mai…
Report this comment
November 7th, 2010 at 8:28 pm
Ti hian V/C kha a awm dawn tawh lo tihna emni?
Report this comment
November 7th, 2010 at 8:46 pm
Hmasawn belh lo hian Pho ro tur kan ngah belh ringawt mai anga(h)!!? Post tupa sawi anga kum 2012 thleng fund lak chhuah theih a nih chuan a hnu lamah engtin nge? State sum (Budget) hi an citilize mai dawn em niang??
Report this comment
November 7th, 2010 at 9:13 pm
City chuan a hranpa in citu police te kha an nei thin in ka hria a. e.g mumbai city police , NYPD etc… khasi ho tih dan thika “mihring kan tam ve tawh..” tih vanga city a in puang ve deuh ngawt kha kan ni lawm mawni kha le
Report this comment
November 7th, 2010 at 9:14 pm
Nui vur vur kan awm hrim2 :mrgreen:
City ah village council a awm thei dawn em ni? Mizoram tan a Hindustan sawrkar in pawisa min rawn pek (thawhchhuah nei hek lovi) te enkawl tu te hian an mahni tanghma hi ngai viau lo hlawm sela chuan TOWN ni chung pawn kan changkang tawh ngawt ang le!
Report this comment
November 7th, 2010 at 9:25 pm
@lalpeace > an motor hma ah chuan engemaw tak zawng an tar leh pek ngei ang le.mizote tluka designation plate lawm hi hnam dang awm ve maw. P&E Dept a S.B.O ( SwithBoard Operator ) pakhat pawn a motor ah S.B.O tih a tar pawh ka hmu tawh… hihihi
Report this comment
November 8th, 2010 at 11:14 am
AMC hi The Mizoram Municipality Act 2009 ang khan a power n function kha nise a that lohna tur a awm lo. mahse JNMURM dawn thleng atan chauh a kan Saipui ho hian hman an tum anih vaih chuan Uitang 9 chauh ni lo Aizawl chei duh Uitang rual thlan loh kan la tam a nia.. LOVE AIZAWL ….
Report this comment
November 8th, 2010 at 12:48 pm
Hmasawnna chikhat ev chu a nia lawm…kudos to all Councillors
Report this comment
November 12th, 2010 at 3:10 pm
2010 World Cup: Oh Sang Eun-Vladimir Samsonov…
I found your entry interesting thus I’ve added a Trackback to it on my weblog :)…
Report this comment